വിദേശത്ത് നിന്നും ഇതര സംസ്ഥാനങ്ങളില്‍ നിന്നും മലയാളികള്‍ ജില്ലയിലേക്ക് എത്തുന്ന സാഹചര്യത്തില്‍ വീടുകളില്‍ ക്വാറന്റയിന്‍ സൗകര്യമില്ലാത്ത സാമ്പത്തികമായി പിന്നാക്കം നില്‍ക്കുന്നവരെ ഇന്‍സ്റ്റിറ്റിയൂഷണല്‍ ക്വാറന്റയിന്‍ ചെയ്യുന്നതിന് എല്ലാ ഗ്രാമപഞ്ചായത്തുകളും അടിയന്തരമായി പുതിയ കെട്ടിടങ്ങള്‍ കണ്ടെത്തി വിവരം തഹസീല്‍ദാര്‍മാക്ക് നല്‍കി പകര്‍പ്പ് ഹാജരാക്കണമെന്ന് പഞ്ചായത്ത് ഡെപ്യൂട്ടി ഡയറക്ടര്‍ ബിനുന്‍ വാഹിദ് അറിയിച്ചു.

കര്‍ഷക തൊഴിലാളി ക്ഷേമനിധി ബോര്‍ഡില്‍ നിന്നും കോവിഡ് 19 ധനസഹായം ഇതുവരെ ലഭിക്കാത്തവര്‍ ജൂണ്‍ 26 നകംwww.karshakathozhilali.org അല്ലെങ്കില്‍ http://boardswelfareassistance.lc.kerala.gov.in എന്നീ വെബ്‌സൈറ്റുകളില്‍ അപേക്ഷിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1685/2020)

ഡെങ്കിപ്പനി കേസുകള്‍ സംസ്ഥാനത്ത് റിപ്പോര്‍ട്ട് ചെയ്യുന്ന സാഹചര്യത്തില്‍ ആരോഗ്യ വകുപ്പ്  തദ്ദേശ സ്വയംഭരണ സ്ഥാപനങ്ങളിലൂടെ 'തോട്ടങ്ങളിലേക്ക് നീങ്ങാം' എന്ന പേരില്‍ ഉറവിട നശീകരണ ക്യാമ്പയിനുകള്‍ ജൂണ്‍ 25 മുതല്‍ സംഘടിപ്പിക്കും.  
റബ്ബര്‍, കമുക്, പൈനാപ്പിള്‍, കൊക്കോ തോട്ടങ്ങളില്‍ ഈഡിസ് കൊതുകിന്റെ വലിയ തോതിലുള്ള പ്രജനന ഉറവിടങ്ങളാണെന്ന കണ്ടെത്തലിനെ തുടര്‍ന്നാണ് ക്യാമ്പയിന്‍ സംഘടിപ്പിക്കുന്നത്. ഇതിന് മുന്നോടിയായി തദ്ദേശ സ്വയംഭരണ സ്ഥാപനങ്ങള്‍ വഴി നടത്തേണ്ട പ്രവര്‍ത്തനങ്ങളുടെ മാര്‍ഗ നിര്‍ദേശങ്ങള്‍ ആരോഗ്യവകുപ്പ് പുറത്തിറക്കി.

ബാലുശ്ശേരിയിലെ ഇ.കെ നായനാര്‍ ബസ് ടെര്‍മിനല്‍ ഉദ്ഘാടനം ഇന്ന് (ജൂണ്‍ 22) വൈകീട്ട് 4.30ന് തൊഴില്‍- എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും. പുരുഷന്‍ കടലുണ്ടി എംഎല്‍എ അധ്യക്ഷത വഹിക്കും.

പുരുഷന്‍ കടലുണ്ടി എം.എല്‍.എയുടെ ആസ്തി വികസന ഫണ്ടില്‍ നിന്നും 3.54 കോടി രൂപയും ഗ്രാമപഞ്ചായത്തിന്റെ 19 ലക്ഷം രൂപയും ചെലവഴിച്ചാണ് ബാലുശ്ശേരി ബസ്റ്റാന്റ് നിര്‍മ്മാണം പൂര്‍ത്തിയാക്കിയത്.

മുംബൈയില്‍ നിന്നും എത്തിയ സ്റ്റാഫ് നഴ്‌സ് അടക്കം ജില്ലയില്‍ ഇന്നലെ(ജൂണ്‍ 22) 13 പേര്‍ക്ക് കോവിഡ് സ്ഥിരീകരിച്ചു. എട്ടു പേര്‍ കുവൈറ്റില്‍ നിന്നും രണ്ടുപേര്‍ സൗദിയില്‍ നിന്നും രണ്ടുപേര്‍ ചെന്നൈയില്‍ നിന്നും എത്തിയവരാണ്.

കോഴിക്കോട് ജില്ലയില്‍ ഇന്ന് (21.06.20) പുതുതായി 1314 പേര്‍ കൂടി നിരീക്ഷണത്തില്‍ വന്നതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. ഇപ്പോള്‍ ആകെ 14670 പേര്‍ നിരീക്ഷണത്തിലുണ്ട്. ഇതുവരെ 41626 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി 17 പേര്‍  മെഡിക്കല്‍ കോളേജ് ആശുപത്രിയിലും 14 പേര്‍ ഫസ്റ്റ് ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ് ഹൗസിലും നിരീക്ഷണത്തില്‍ വന്നു. ഇതോടെ മെഡിക്കല്‍ കോളേജില്‍  116 പേരും ലക്ഷദ്വീപ് ഗസ്റ്റ് ഹൗസില്‍ 80 പേരും ഉള്‍പ്പെടെ 196 പേര്‍ ആശുപത്രിയില്‍ നീരീക്ഷണത്തിലായി. 44 പേരെ ആശുപത്രികളില്‍ നിന്നും ഡിസ്ചാര്‍ജ് ചെയ്തു.  

ഒരു കണ്ണൂര്‍ സ്വദേശി ഉള്‍പ്പെടെ അഞ്ച് പേര്‍ക്ക് രോഗമുക്തി

ആകെ രോഗികള്‍ 200 കടന്നു; ചികിത്സയില്‍ 110 പേര്‍

ജില്ലയില്‍ ഇന്ന് (21.06.20) 10 പേര്‍ക്ക് കൂടി കോവിഡ് സ്ഥിരീകരിച്ചതോടെ രോഗബാധിതരായ കോഴിക്കോട് സ്വദേശികളുടെ ആകെ എണ്ണം 206 ആയി. 110 പേരാണ് ഇപ്പോള്‍ ചികിത്സയിലുള്ളത്. ഒരു കണ്ണൂര്‍ സ്വദേശി അടക്കം അഞ്ച് പേര്‍ ഇന്ന് രോഗമുക്തരായി. ഇന്ന് പോസിറ്റീവായവരില്‍ എട്ടു പേര്‍ വിദേശത്ത് നിന്നും (കുവൈത്ത്- 5, യു.എ.ഇ., ഒമാന്‍, ബഹ്‌റൈന്‍- ഒന്ന് വീതം) ഒരാള്‍ മുംബൈ, ഒരാള്‍ ചെന്നൈ എന്നിവിടങ്ങളില്‍ നിന്നും വന്നവരാണ്.

പോസിറ്റീവായവര്‍:

താമരശ്ശേരിയുടെ ഗതാഗതക്കുരുക്കിന് പരിഹാരമാകുന്ന ബദൽ പാതകളിൽ ഏറെ പ്രാധാന്യമുള്ള ചുങ്കം ലിങ്ക് റോഡിൻ്റെ നിർമ്മാണവുമായി ബന്ധപ്പെട്ട് രൂപീകരിച്ച ജനകീയ കമ്മിറ്റിയുടെ യോഗം താമരശ്ശേരി പഞ്ചായത്ത് ഓഫീസിൽ ചേർന്നു. കാരാട്ട് റസാഖ് എംഎൽഎ ഉദ്ഘാടനം ചെയ്തു.

കോഴിക്കോട് ജില്ലയില്‍ ഇന്ന് (20.06.20) പുതുതായി വന്ന 1790 പേര്‍ ഉള്‍പ്പെടെ 13,698 പേര്‍ നിരീക്ഷണത്തില്‍്്. ഇതുവരെ 41284 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 42 പേര്‍ ഉള്‍പ്പെടെ 209 പേരാണ് ആശുപത്രികളില്‍ നിരീക്ഷണത്തിലുള്ളത്. ഇവരില്‍ 132 പേര്‍ മെഡിക്കല്‍ കോളേജിലും 77 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 40 പേര്‍ ഡിസ്ചാര്‍ജ്ജ് ആയി.