കോഴിക്കോട് ജില്ലയില്‍ ഇന്ന് (20.06.20) പുതുതായി വന്ന 1790 പേര്‍ ഉള്‍പ്പെടെ 13,698 പേര്‍ നിരീക്ഷണത്തില്‍്്. ഇതുവരെ 41284 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 42 പേര്‍ ഉള്‍പ്പെടെ 209 പേരാണ് ആശുപത്രികളില്‍ നിരീക്ഷണത്തിലുള്ളത്. ഇവരില്‍ 132 പേര്‍ മെഡിക്കല്‍ കോളേജിലും 77 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 40 പേര്‍ ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (20.06.20) 12 പേര്‍ക്ക് കൂടി കോവിഡ് സ്ഥിരീകരിച്ചതായും 11 പേര്‍ രോഗമുക്തരായതായും ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസിറ്റീവായവരില്‍ ആറ് പേര്‍ കുവൈത്തില്‍ നിന്നും മൂന്ന് പേര്‍ ഖത്തറില്‍ നിന്നും മൂന്ന് പേര്‍ ഡല്‍ഹിയില്‍ നിന്നും വന്നവരാണ്. പനങ്ങാട് സ്വദേശികളായ ദമ്പതികള്‍ക്കും അത്തോളി സ്വദേശികളായ അമ്മയ്ക്കും മൂന്ന് മക്കള്‍ക്കും ഇന്ന് കോവിഡ് സ്ഥിരീകരിച്ചിട്ടുണ്ട്.

പോസിറ്റീവായവര്‍:

 സംസ്ഥാനം നേരിട്ട എല്ലാ മഹാമാരികളെയും മറികടന്നുകൊണ്ട് നവകേരളം സൃഷ്ടിക്കാനുള്ള ദൗത്യത്തിലാണ് സർക്കാരെന്ന് ഗതാഗത മന്ത്രി എ കെ ശശീന്ദ്രൻ. കുമ്മങ്ങോട്ട്താഴം-പെരുവട്ടിപ്പാറ റോഡ്  പ്രവൃത്തി ഉദ്ഘാടനം ചെയ്യുകയായിരുന്നു മന്ത്രി.  2.33 കോടി രൂപ ചെലവഴിച്ച് ബിഎം ബിസി നിലവാരത്തിലാണ് രണ്ടര കിലോമീറ്റർ റോഡ് നിർമ്മാണം നടത്തുക.

കുരുവട്ടൂർ ഗ്രാമപഞ്ചായത്ത് പ്രസിഡണ്ട് പി.അപ്പുകുട്ടൻ അധ്യക്ഷത വഹിച്ചു. വൈസ് പ്രസിഡണ്ട് ടി.കെ നീന, ബ്ലോക്ക്‌ പഞ്ചായത്ത് അംഗം  സി.പി ബിനോയി, ഗ്രാമപഞ്ചായത്ത് അംഗങ്ങൾ തുടങ്ങിയവർ സംസാരിച്ചു.

ഓണ്‍ലൈന്‍ വിദ്യാഭ്യാസത്തിന്റെ ഭാഗമായി വിക്‌റ്റേഴ്‌സ് ചാനല്‍ വഴി പ്രക്ഷേപണം ചെയ്യുന്ന ക്ലാസുകള്‍ അതേ അളവില്‍ പിന്തുടരാനാവാത്ത ഭിന്നശേഷി കുട്ടികള്‍ക്കായി തയാറാക്കുന്ന പ്രത്യേക വീഡിയോകള്‍ തിങ്കളാഴ്ച മുതല്‍. 'വൈറ്റ് ബോര്‍ഡ്' എന്ന് പേരിട്ട സവിശേഷ പദ്ധതിയുടെ ഭാഗമായാണ് 168 പഠന വീഡിയോകള്‍ സമഗ്ര ശിക്ഷയുടെ നേതൃത്വത്തില്‍ അനുരൂപീകരിച്ച് തയാറാക്കുന്നത്. ഒന്നു മുതല്‍ ഏഴുവരെ ക്ലാസുകളിലെ ഓരോ വിഷയത്തിനും പഠനസാമഗ്രികളുണ്ടാവും.

അംശകച്ചേരി - ചെറുകുളം റോഡ് നവീകരണ പ്രവൃത്തി ഉദ്ഘാടനം ഗതാഗത മന്ത്രി എ കെ ശശീന്ദ്രന്‍ നിര്‍വഹിച്ചു. 650 ലക്ഷം രൂപ ചെലവിലാണ് റോഡ് പ്രവൃത്തി നടത്തുന്നത്. 5.2 കി മി നീളത്തില്‍ എല്ലാ സുരക്ഷാ സംവിധാനങ്ങളോടെയും ആധുനിക രീതിയിലുള്ള ബി എം ബി.സി നിലവാരത്തിലുള്ള റോഡാണ് വിഭാവനം ചെയ്തിരിക്കുന്നത്.

ചെറുകിട തോട്ടം തൊഴിലാളി ക്ഷേമനിധിയില്‍ അംഗങ്ങളായ എല്ലാ തൊഴിലാളികളും അവരുടെ ബാങ്ക്, ബാങ്ക് അക്കൗണ്ട് നമ്പര്‍, ഐ.എഫ്.എസ്.സി കോഡ്, ആധാര്‍ നമ്പര്‍, മൊബൈല്‍ നമ്പര്‍ എന്നിവ 8281 092840 എന്ന നമ്പറില്‍ അടിയന്തരമായി നല്‍കണമെന്ന് ജില്ലാ ക്ഷേമനിധി എക്‌സി.ഓഫീസര്‍ അറിയിച്ചു.

കുന്ദമംഗലം കുടുംബാരോഗ്യ കേന്ദ്രം പുതിയ ബ്ലോക്ക് നിര്‍മ്മാണ പ്രവൃത്തി ഉദ്ഘാടനം പി.ടി.എ റഹീം എം.എല്‍.എ നിര്‍വഹിച്ചു. എം.എല്‍.എയുടെ ആസ്തി വികസന പദ്ധതിയില്‍ നിന്ന് അനുവദിച്ച ഒരു കോടി രൂപ ചെലവിലാണ് പുതിയ കെട്ടിടം നിര്‍മ്മിക്കുന്നത്.

ആശുപത്രിയില്‍ സൗകര്യങ്ങല്‍ വര്‍ധിപ്പിക്കുന്നതിന്റെ ഭാഗമായി എം.എല്‍.എ ഫണ്ടില്‍ നിന്ന് 16 ലക്ഷം രൂപ ചെലവഴിച്ച് ഒരു കാത്തിരിപ്പ് കേന്ദ്രം നിര്‍മ്മിച്ച് രോഗികള്‍ക്കായി തുറന്നു നല്‍കിയിട്ടുണ്ട്.

കൊയിലാണ്ടി നഗരസഭയിലെ നവീകരിച്ച കുറുവങ്ങാട് സെൻട്രൽ യു.പി.സ്കൂൾ കനാൽ റോഡ് കെ ദാസൻ എംഎൽഎ ഉദ്ഘാടനം ചെയ്തു. നഗരസഭാ ചെയർമാൻ അഡ്വ. കെ സത്യൻ അധ്യക്ഷത വഹിച്ചു.

എം.എൽ.എ ആസ്തി വികസന നിധിയിൽ നിന്നും 10 ലക്ഷം രൂപ വിനിയോഗിച്ചാണ് റോഡ് നിർമ്മാണം പൂർത്തീകരിച്ചത്. മഴക്കാലത്ത് സ്കൂൾ കുട്ടികൾ നടന്നു പോകാൻ പ്രയാസമനുഭവിച്ച റോഡായിരുന്നു.  ഇപ്പോൾ രണ്ടു ഭാഗത്തും ഐറിഷ് ചെയ്താണ്  പ്രവൃത്തി പൂർത്തീകരിച്ചത് ഇതോടെ വിദ്യാർഥികളുടെ യാത്രാ പ്രശ്നത്തിനും  പരിഹാരമായി. ചടങ്ങിൽ വാർഡ് കൗൺസിലർ ശ്രീജ റാണി പങ്കെടുത്തു

ജില്ലയില്‍ കോവിഡ്-19 പരിശോധനയ്ക്കായുള്ള ട്രൂനാറ്റ് മെഷിന്‍ ഗവ. ജനറല്‍ ആശുപത്രി റീജിയണല്‍ പബ്ലിക് ഹെല്‍ത്ത് ലാബില്‍ എ.പ്രദീപ് കുമാര്‍ എം.എല്‍.എ ഉദ്ഘാടനം ചെയ്തു. എട്ട് മണിക്കൂര്‍ കൊണ്ട് 20 കോവിഡ് ടെസ്റ്റുകള്‍ ചെയ്യാം എന്നതാണ് ട്രൂനാറ്റ് മെഷിനിന്റെ സവിശേഷത.

വിപണിയില്‍ കോഴിയിറച്ചിയുടെ വില 140 രൂപയായി കുറഞ്ഞതിനാല്‍ താലൂക്കിലെ മുഴുവന്‍ വ്യാപാരികളും കോഴിയിറച്ചി (ബ്രോയിലര്‍) കിലോയ്ക്ക് 140 രൂപയ്ക്ക്  വില്പന നടത്തണമെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.