ആലപ്പുഴ : കൊറോണ വ്യാപനം തടയുന്നതിനായുള്ള സർക്കാർ നിർദ്ദേശം ലംഘിച്ചു കൊണ്ട് വിവാഹം വിപുലമായി  നടത്തിയതിന് പോലീസ് കേസെടുത്തു.  ആലപ്പുഴ ടൗൺ ഹാളിൽ കഴിഞ്ഞ 15 ന് നടന്ന ആലപ്പുഴ പവർഹൗസ് വാർഡിൽ ആറാട്ടുവഴി തുണ്ടുപറമ്പിൽ ഷമീർ അഹമ്മദിന്റെ മകളുടെ വിവാഹമാണ് സർക്കാരിന്റെ ജാഗ്രതാ നിർദ്ദേശങ്ങൾ അവഗണിച്ചുകൊണ്ട് വിപുലമായ രീതിയിൽ നടത്തിയത്. 

ആലപ്പുഴ : കൊറോണ വ്യാപനം തടയുന്നതിനായുള്ള സർക്കാർ നിർദ്ദേശം ലംഘിച്ചു കൊണ്ട് വിവാഹം വിപുലമായി  നടത്തിയതിന് പോലീസ് കേസെടുത്തു.  ആലപ്പുഴ ടൗൺ ഹാളിൽ കഴിഞ്ഞ 15 ന് നടന്ന ആലപ്പുഴ പവർഹൗസ് വാർഡിൽ ആറാട്ടുവഴി തുണ്ടുപറമ്പിൽ ഷമീർ അഹമ്മദിന്റെ മകളുടെ വിവാഹമാണ് സർക്കാരിന്റെ ജാഗ്രതാ നിർദ്ദേശങ്ങൾ അവഗണിച്ചുകൊണ്ട് വിപുലമായ രീതിയിൽ നടത്തിയത്. 

ആലപ്പുഴ: കല്യാണം, യോഗങ്ങള്‍, പരിശീലനം, സെമിനാര്‍, പ്രാര്‍ത്ഥന തുടങ്ങിയുള്ള മറ്റ് ചടങ്ങുകള്‍ എന്നിവയ്ക്ക് 10 പേരില്‍ക്കൂടുതല്‍ ചേരുന്നത് നിരോധിച്ചതായി ജില്ല കളക്ടര്‍ അറിയിച്ചു. കൊറോണ വ്യാപനം തടയുന്നതിനുള്ള നടപടികളുടെ ഭാഗമായാണിത്. സര്‍ക്കാരിന്‍റെ‍ നിര്‍ദ്ദേശത്തിന് വിരുദ്ധമായി പ്രവര്‍ത്തിക്കുന്നവര്‍ക്കെതിരെ ക്രിമിനല്‍ നടപടികള്‍ ഉള്‍പ്പടെ സ്വീകരിക്കുമെന്ന് ജില്ല കളക്ടര്‍ അറിയിച്ചു.

കൊറോണ ഭീഷണിയുടെ പശ്ചാത്തലത്തിൽ തൂവാല വിപ്ലവത്തിന് ആഹ്വാനംചെയ്ത്   ജില്ലാഭരണകൂടം.
കൊറോണ പ്രതിരോധ പ്രവര്‍ത്തനങ്ങളുടെ ഭാഗമായി തൂവാലയുടെ ഉപയോഗം വ്യാപകമാക്കുന്നതിനുള്ള പ്രചാരണ പരിപാടിക്ക്  തുടക്കമായി. കളക്ടറേറ്റിൽ മന്ത്രി ജി സുധാകരനും ധനമന്ത്രി തോമസ് ഐസക്കും ചേർന്നാണ് പ്രചാരണ പരിപാടിക്ക് തുടക്കം കുറിച്ചത്. മന്ത്രി ജി സുധാകരൻ ജില്ലാ കലക്ടർ എം അഞ്ജനയ്ക്കും  ധനമന്ത്രി തോമസ് ഐസക് മന്ത്രി ജി സുധാകരനും തൂവാലകൾ കൈമാറി.   

ബ്രേക്ക് ദ ചെയിൻ ക്യാമ്പയിനിൻറെ ഭാഗമായി തൂവാലകൾ ജില്ലാ കലക്ടറുടെ നേതൃത്വത്തിൽ വിതരണം ചെയ്യുമെന്ന് മന്ത്രി ജി സുധാകരൻ പറഞ്ഞു.

ആലപ്പുഴ: 2018ലെ പ്രളയാനന്തര വായ്പയ്ക്കുള്ള സബ്സിഡിയായി സംസ്ഥാന സര്‍ക്കാര്‍ ജില്ലയ്ക്ക് 28.41 കോടി രൂപ അനുവദിച്ചു. സംസ്ഥാനതലത്തില്‍ വിവിധ ജില്ലകള്‍ക്കായി 131.17 കോടി രൂപയാണ് സര്‍ക്കാര്‍ അനുവദിച്ചത്. ജില്ലയിലെ 55 പഞ്ചായത്തുകളിലെ 5055 അയല്‍ക്കൂട്ടങ്ങളിലെ 55420 അംഗങ്ങള്‍ക്കായി 453 കോടി രൂപയാണ് വിവിധ ബാങ്കുകളില്‍ നിന്നായി വായ്പ നല്‍കിയത്. സംസ്ഥാന സര്‍ക്കാരിന്റെ സബ്‌സിഡി തുകയുടെ പ്രയോജനം ഏറെ ലഭിച്ചത് പ്രളയം തകര്‍ത്തെറിഞ്ഞ കുട്ടനാടിനാണ്. 28.41 കോടിയില്‍ 15 കോടിയിലധികം രൂപ കുട്ടനാട്ടിലെ 12 സിഡിഎസുകള്‍ക്കാണ്.

ആലപ്പുഴ: കൊറോണ പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലാകെ 4497 പേര്‍ നിരീക്ഷണത്തിലാണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. പുതുതായി 713 പേരെ നിരീക്ഷണത്തിലുള്‍പ്പെടുത്തി. മെഡിക്കല്‍ കോളേജ്, ജനറല്‍ ആശുപത്രി എന്നിവിടങ്ങളിലായി 6 പേരുണ്ട്. പരിശോധനയ്ക്കയച്ച 142 സാമ്പിളുകളില്‍ പരിശോധനാഫലം ലഭിച്ച 132 എണ്ണം നെഗറ്റീവ് ആണ്. 10 സാമ്പിള്‍ ഇന്ന് പരിശോധനയ്ക്ക് അയച്ചു.

വിവിധ സ്ഥലങ്ങളിലായി 265 ബോധവത്കരണ ക്ലാസുകള്‍ സംഘടിപ്പിച്ചു. ചെറു സംഘങ്ങള്‍ക്കായി 1136 ബോധവല്‍ക്കരണ ക്ലാസ്സുകളും നല്‍കി.

* നറുക്കെടുപ്പുകൾ റദ്ദാക്കുകയും മാറ്റിവെക്കുകയും ചെയ്തു
കോവിഡ്19 വ്യാപനം തടയുന്നതിന്റെ ഭാഗമായി മാർച്ച് 31 വരെ സംസ്ഥാന ഭാഗ്യക്കുറി വകുപ്പിന്റെ ഭാഗ്യക്കുറി ടിക്കറ്റുകളുടെ വിൽപനയും നറുക്കെടുപ്പും പൂർണമായും നിർത്തിവെക്കുമെന്ന് ഡയറക്ടർ അറിയിച്ചു. ഇതിന്റെ ഭാഗമായി ഏതാനും നറുക്കെടുപ്പുകൾ മാറ്റിവെക്കുകയും റദ്ദാക്കുകയും ചെയ്തു.