കോഴിക്കോട് ജില്ലയില്‍ ഇന്ന് (19.06.20) പുതുതായി വന്ന 1390 പേര്‍ ഉള്‍പ്പെടെ 12713 പേര്‍ നിരീക്ഷണത്തില്‍. ഇതുവരെ 40479 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 22 പേര്‍ ഉള്‍പ്പെടെ 207 പേരാണ് ആശുപത്രികളില്‍ നിരീക്ഷണത്തിലുള്ളത്. ഇവരില്‍ 134 പേര്‍ മെഡിക്കല്‍ കോളേജിലും 73 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്. 39 പേര്‍ ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (19.06.20) ആറ് കോവിഡ്  പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. നാല് പേര്‍ രോഗമുക്തരായി. പോസിറ്റീവായവരില്‍ മൂന്ന് പേര്‍ വിദേശത്ത് നിന്നും (കുവൈത്ത്-2, സൗദി-1) മൂന്ന് പേര്‍ ഇതര സംസ്ഥാനങ്ങളില്‍ നിന്നും (ബാംഗ്ലൂര്‍-2, മുംബൈ-1) വന്നവരാണ്.

പോസിറ്റീവായവര്‍:

ബാലുശ്ശേരിയിലെ ഇ കെ നായനാർ ബസ് ടെർമിനൽ ഉദ്ഘാടനം ജൂൺ 22 ന് വൈകിട്ട്  4 .30ന്   തൊഴിൽ  എക്സൈസ് വകുപ്പ് മന്ത്രി ടി പി രാമകൃഷ്ണൻ നിർവഹിക്കും.  പുരുഷൻ കടലുണ്ടി  എംഎൽഎ അധ്യക്ഷത വഹിക്കും.

എം.എൽ എ പുരുഷൻ കടലുണ്ടി എം. എൽ.എയുടെ ആസ്തി വികസന ഫണ്ടിൽ നിന്നും 3.54 കോടി രൂപയും ഗ്രാമപഞ്ചായത്തിന്റെ 19 ലക്ഷം രൂപയും ചെലവഴിച്ചാണ് ബാലുശ്ശേരി ബസ്റ്റാന്റ് നിർമ്മാണം പൂർത്തിയാക്കിയത്.  

വയനാട് കരണിയിൽ പ്രവർത്തിക്കുന്ന സഹകരണ പരിശീലന കേന്ദ്രത്തിൽ ജൂനിയർ ഡിപ്ലോമ ഇൻ കോ-ഓപ്പറേഷൻ കോഴ്‌സിന്റെ പട്ടികജാതി പട്ടിക വർഗ ബാച്ചിലേക്ക് പ്രവേശനം ആരംഭിച്ചു. വയനാട്, പാലക്കാട്, തൃശൂർ, മലപ്പുറം ജില്ലകളിലുള്ളവർക്ക് അപേക്ഷിക്കാം. പത്ത് മാസം ദൈർഘ്യമുള്ള കോഴ്സിന് പത്താംതരമാണ് അടിസ്ഥാന യോഗ്യത. പ്രവേശന ഫോറം കരണി പരിശീലന കേന്ദ്രത്തിൽ ലഭിക്കും. അവസാന തീയതി ജൂൺ 30. പട്ടികജാതി പട്ടിക വർഗ വിദ്യാർത്ഥികൾക്ക് ഹോസ്റ്റൽ സൗകര്യം ലഭ്യമാണ്. ഫോൺ 8281167513.

പി ആർ എസ് വായ്പ പദ്ധതി പ്രകാരം നെല്ല് സംഭരണം കഴിഞ്ഞ കർഷകർക്ക് ബാങ്ക് മാറാൻ സൗകര്യമൊരുക്കി സപ്ലൈകോ. ജില്ലാ സഹകരണ ബാങ്കിൽ നിന്ന് വായ്പ ലഭിക്കാൻ ബുദ്ധിമുട്ട് നേരിടുന്ന കർഷകർക്കാണ് ഈ സൗകര്യം. ജില്ലാ സഹകരണ ബാങ്കിന്റെ വായ്പാ പരിധി കഴിഞ്ഞത് മൂലമാണ് ബാങ്കിൽ നിന്ന് പി ആർ എസ് പ്രകാരം വായ്പ ലഭിക്കാൻ ബുദ്ധിമുട്ട് നേരിട്ടത്. ഈ സാഹചര്യത്തിലാണ് സപ്ലൈകോ കർഷകർക്ക് ഈ പുതിയ സൗകര്യം ഒരുക്കിയിരിക്കുന്നത്. അതേ സമയം, ജില്ലാ ബാങ്കിൽ തന്നെ തുടരുന്ന കർഷകരുടെ വായ്പകൾ വലിയ കാലതാമസം കൂടാതെ ലഭ്യമാക്കാനുള്ള നടപടികളും സർക്കാർ ആരംഭിച്ചിട്ടുണ്ട്.

ഞാറ്റുവേല ചന്തയുടെ ജില്ലാതല ഉദ്ഘാടനം പൊതു വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് നിർവ്വഹിച്ചു. കൊടകര ബ്ലോക്ക് പഞ്ചായത്ത് ഹാളിൽ നടന്ന ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് കലാപ്രിയ സുരേഷ് അധ്യക്ഷത വഹിച്ചു. ഞാറ്റുവേല ചന്തയുടെ ഭാഗമായി വിവിധയിനം പച്ചക്കറി, ഫലവൃക്ഷ തൈകളുടെ വിൽപ്പനയും പ്രദർശനവും സംഘടിപ്പിച്ചു. ജില്ലാ പഞ്ചായത്തംഗങ്ങളായ കെ.ജെ.ഡിക്സൻ, അഡ്വ.ജയന്തി സുരേന്ദ്രൻ, പഞ്ചായത്ത് പ്രസിഡന്റുമാരായ അമ്പിളി ശിവരാജൻ, ജയശ്രീ കൊച്ചുഗോവിന്ദൻ, ആത്മ പ്രൊജക്ട് ഡയറക്ടർ പി.ശ്രീലത തുടങ്ങിയവർ പങ്കെടുത്തു.