ഡെങ്കിപ്പനി കേസുകള്‍ സംസ്ഥാനത്ത് റിപ്പോര്‍ട്ട് ചെയ്യുന്ന സാഹചര്യത്തില്‍ ആരോഗ്യ വകുപ്പ്  തദ്ദേശ സ്വയംഭരണ സ്ഥാപനങ്ങളിലൂടെ 'തോട്ടങ്ങളിലേക്ക് നീങ്ങാം' എന്ന പേരില്‍ ഉറവിട നശീകരണ ക്യാമ്പയിനുകള്‍ ജൂണ്‍ 25 മുതല്‍ സംഘടിപ്പിക്കും.  
റബ്ബര്‍, കമുക്, പൈനാപ്പിള്‍, കൊക്കോ തോട്ടങ്ങളില്‍ ഈഡിസ് കൊതുകിന്റെ വലിയ തോതിലുള്ള പ്രജനന ഉറവിടങ്ങളാണെന്ന കണ്ടെത്തലിനെ തുടര്‍ന്നാണ് ക്യാമ്പയിന്‍ സംഘടിപ്പിക്കുന്നത്. ഇതിന് മുന്നോടിയായി തദ്ദേശ സ്വയംഭരണ സ്ഥാപനങ്ങള്‍ വഴി നടത്തേണ്ട പ്രവര്‍ത്തനങ്ങളുടെ മാര്‍ഗ നിര്‍ദേശങ്ങള്‍ ആരോഗ്യവകുപ്പ് പുറത്തിറക്കി.

ബാലുശ്ശേരിയിലെ ഇ.കെ നായനാര്‍ ബസ് ടെര്‍മിനല്‍ ഉദ്ഘാടനം ഇന്ന് (ജൂണ്‍ 22) വൈകീട്ട് 4.30ന് തൊഴില്‍- എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും. പുരുഷന്‍ കടലുണ്ടി എംഎല്‍എ അധ്യക്ഷത വഹിക്കും.

പുരുഷന്‍ കടലുണ്ടി എം.എല്‍.എയുടെ ആസ്തി വികസന ഫണ്ടില്‍ നിന്നും 3.54 കോടി രൂപയും ഗ്രാമപഞ്ചായത്തിന്റെ 19 ലക്ഷം രൂപയും ചെലവഴിച്ചാണ് ബാലുശ്ശേരി ബസ്റ്റാന്റ് നിര്‍മ്മാണം പൂര്‍ത്തിയാക്കിയത്.

മുംബൈയില്‍ നിന്നും എത്തിയ സ്റ്റാഫ് നഴ്‌സ് അടക്കം ജില്ലയില്‍ ഇന്നലെ(ജൂണ്‍ 22) 13 പേര്‍ക്ക് കോവിഡ് സ്ഥിരീകരിച്ചു. എട്ടു പേര്‍ കുവൈറ്റില്‍ നിന്നും രണ്ടുപേര്‍ സൗദിയില്‍ നിന്നും രണ്ടുപേര്‍ ചെന്നൈയില്‍ നിന്നും എത്തിയവരാണ്.

കോഴിക്കോട് ജില്ലയില്‍ ഇന്ന് (21.06.20) പുതുതായി 1314 പേര്‍ കൂടി നിരീക്ഷണത്തില്‍ വന്നതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. ഇപ്പോള്‍ ആകെ 14670 പേര്‍ നിരീക്ഷണത്തിലുണ്ട്. ഇതുവരെ 41626 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി 17 പേര്‍  മെഡിക്കല്‍ കോളേജ് ആശുപത്രിയിലും 14 പേര്‍ ഫസ്റ്റ് ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ് ഹൗസിലും നിരീക്ഷണത്തില്‍ വന്നു. ഇതോടെ മെഡിക്കല്‍ കോളേജില്‍  116 പേരും ലക്ഷദ്വീപ് ഗസ്റ്റ് ഹൗസില്‍ 80 പേരും ഉള്‍പ്പെടെ 196 പേര്‍ ആശുപത്രിയില്‍ നീരീക്ഷണത്തിലായി. 44 പേരെ ആശുപത്രികളില്‍ നിന്നും ഡിസ്ചാര്‍ജ് ചെയ്തു.  

ഒരു കണ്ണൂര്‍ സ്വദേശി ഉള്‍പ്പെടെ അഞ്ച് പേര്‍ക്ക് രോഗമുക്തി

ആകെ രോഗികള്‍ 200 കടന്നു; ചികിത്സയില്‍ 110 പേര്‍

ജില്ലയില്‍ ഇന്ന് (21.06.20) 10 പേര്‍ക്ക് കൂടി കോവിഡ് സ്ഥിരീകരിച്ചതോടെ രോഗബാധിതരായ കോഴിക്കോട് സ്വദേശികളുടെ ആകെ എണ്ണം 206 ആയി. 110 പേരാണ് ഇപ്പോള്‍ ചികിത്സയിലുള്ളത്. ഒരു കണ്ണൂര്‍ സ്വദേശി അടക്കം അഞ്ച് പേര്‍ ഇന്ന് രോഗമുക്തരായി. ഇന്ന് പോസിറ്റീവായവരില്‍ എട്ടു പേര്‍ വിദേശത്ത് നിന്നും (കുവൈത്ത്- 5, യു.എ.ഇ., ഒമാന്‍, ബഹ്‌റൈന്‍- ഒന്ന് വീതം) ഒരാള്‍ മുംബൈ, ഒരാള്‍ ചെന്നൈ എന്നിവിടങ്ങളില്‍ നിന്നും വന്നവരാണ്.

പോസിറ്റീവായവര്‍:

താമരശ്ശേരിയുടെ ഗതാഗതക്കുരുക്കിന് പരിഹാരമാകുന്ന ബദൽ പാതകളിൽ ഏറെ പ്രാധാന്യമുള്ള ചുങ്കം ലിങ്ക് റോഡിൻ്റെ നിർമ്മാണവുമായി ബന്ധപ്പെട്ട് രൂപീകരിച്ച ജനകീയ കമ്മിറ്റിയുടെ യോഗം താമരശ്ശേരി പഞ്ചായത്ത് ഓഫീസിൽ ചേർന്നു. കാരാട്ട് റസാഖ് എംഎൽഎ ഉദ്ഘാടനം ചെയ്തു.

കോഴിക്കോട് ജില്ലയില്‍ ഇന്ന് (20.06.20) പുതുതായി വന്ന 1790 പേര്‍ ഉള്‍പ്പെടെ 13,698 പേര്‍ നിരീക്ഷണത്തില്‍്്. ഇതുവരെ 41284 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 42 പേര്‍ ഉള്‍പ്പെടെ 209 പേരാണ് ആശുപത്രികളില്‍ നിരീക്ഷണത്തിലുള്ളത്. ഇവരില്‍ 132 പേര്‍ മെഡിക്കല്‍ കോളേജിലും 77 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 40 പേര്‍ ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (20.06.20) 12 പേര്‍ക്ക് കൂടി കോവിഡ് സ്ഥിരീകരിച്ചതായും 11 പേര്‍ രോഗമുക്തരായതായും ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസിറ്റീവായവരില്‍ ആറ് പേര്‍ കുവൈത്തില്‍ നിന്നും മൂന്ന് പേര്‍ ഖത്തറില്‍ നിന്നും മൂന്ന് പേര്‍ ഡല്‍ഹിയില്‍ നിന്നും വന്നവരാണ്. പനങ്ങാട് സ്വദേശികളായ ദമ്പതികള്‍ക്കും അത്തോളി സ്വദേശികളായ അമ്മയ്ക്കും മൂന്ന് മക്കള്‍ക്കും ഇന്ന് കോവിഡ് സ്ഥിരീകരിച്ചിട്ടുണ്ട്.

പോസിറ്റീവായവര്‍:

 സംസ്ഥാനം നേരിട്ട എല്ലാ മഹാമാരികളെയും മറികടന്നുകൊണ്ട് നവകേരളം സൃഷ്ടിക്കാനുള്ള ദൗത്യത്തിലാണ് സർക്കാരെന്ന് ഗതാഗത മന്ത്രി എ കെ ശശീന്ദ്രൻ. കുമ്മങ്ങോട്ട്താഴം-പെരുവട്ടിപ്പാറ റോഡ്  പ്രവൃത്തി ഉദ്ഘാടനം ചെയ്യുകയായിരുന്നു മന്ത്രി.  2.33 കോടി രൂപ ചെലവഴിച്ച് ബിഎം ബിസി നിലവാരത്തിലാണ് രണ്ടര കിലോമീറ്റർ റോഡ് നിർമ്മാണം നടത്തുക.

കുരുവട്ടൂർ ഗ്രാമപഞ്ചായത്ത് പ്രസിഡണ്ട് പി.അപ്പുകുട്ടൻ അധ്യക്ഷത വഹിച്ചു. വൈസ് പ്രസിഡണ്ട് ടി.കെ നീന, ബ്ലോക്ക്‌ പഞ്ചായത്ത് അംഗം  സി.പി ബിനോയി, ഗ്രാമപഞ്ചായത്ത് അംഗങ്ങൾ തുടങ്ങിയവർ സംസാരിച്ചു.