പത്തനംതിട്ട ജില്ലയിലെ റമ്പൂട്ടാന്‍ കൃഷിചെയ്യുന്ന കര്‍ഷകരുടെ സൗകര്യാര്‍ത്ഥം ഹോര്‍ട്ടികോര്‍പ്പ് റമ്പൂട്ടാന്‍ സംഭരിക്കുന്നു. ലോക്കല്‍ ഇനത്തിന് കിലോയ്ക്ക് 30 രൂപ പ്രകാരവും വിദേശ ഇനത്തിന് കിലോയ്ക്ക് 60 രൂപ പ്രകാരവും നിരക്ക് നിശ്ചയിച്ചിട്ടുണ്ട്. 

ജില്ലയില്‍ മൂന്നു സംഭരണ കേന്ദ്രങ്ങളില്‍ ഹോര്‍ട്ടികോര്‍പ്പിന്റെ നേതൃത്വത്തില്‍ സംഭരണം നടത്തുമെന്ന് കൃഷി ഡെപ്യൂട്ടി ഡയറക്ടര്‍ അറിയിച്ചു. 

സംസ്ഥാന കൃഷി വകുപ്പിന്റെ ഈ വര്‍ഷത്തെ പച്ചക്കറി കൃഷി വികസന പദ്ധതിക്ക് പത്തനംതിട്ട ജില്ലയില്‍ തുടക്കമായി. 2020-21 സാമ്പത്തിക വര്‍ഷം ഈ പദ്ധതിയില്‍ 251.71 ലക്ഷം രൂപയാണ് ജില്ലയ്ക്ക് അനുവദിച്ചിട്ടുള്ളത്. സ്‌കൂളുകള്‍, വിദ്യാര്‍ത്ഥികള്‍, വീട്ടമ്മമാര്‍, സന്നദ്ധ സംഘടനകള്‍, റസിഡന്റസ് അസോസിയേഷന്‍ അംഗങ്ങള്‍, കര്‍ഷകര്‍ എന്നിവര്‍ ഈ വര്‍ഷവും പദ്ധതിയില്‍ പങ്കാളികളാകും.  

പത്തനംതിട്ട ജില്ലയില്‍ ഇന്ന്(ജൂണ്‍ 26) നാലുപേര്‍ക്ക് കോവിഡ്-19 സ്ഥിരീകരിച്ചു

1) 12.06.2020ന് കുവൈറ്റില്‍ നിന്നും എത്തിയ തിരുവല്ല, പൊടിയാടി സ്വദേശിയായ 28 വയസുകാരന്‍, 2) 15.06.2020ന് സൗദിയില്‍ നിന്നും എത്തിയ അരുവാപുലം, ഐരവണ്‍ സ്വദേശിയായ 61 വയസുകാരന്‍, 3) 12.06.2020ന് സൗദിയില്‍ നിന്നും എത്തിയ എഴുമറ്റൂര്‍ സ്വദേശിയായ 45 വയസുകാരന്‍, 4) 15.06.2020ന് ഡല്‍ഹിയില്‍ നിന്നും എത്തിയ കൊറ്റനാട് സ്വദേശിയായ 51 വയസുകാരന്‍ എന്നിവര്‍ക്കാണ് ജില്ലയില്‍ ഇന്ന് രോഗം സ്ഥിരീകരിച്ചത്. 

   കോവിഡ് 19-രോഗ വ്യാപനം തടയുന്നതിനുള്ള പ്രതിരോധ പ്രവര്‍ത്തനങ്ങളുടെ പശ്ചാത്തലത്തില്‍ ജനങ്ങള്‍ പൊതുസ്ഥലങ്ങളില്‍ മാസ്‌ക്ക് ശരിയായ രീതിയില്‍ കര്‍ശനമായി ധരിക്കണമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എ.എല്‍ ഷീജ അറിയിച്ചു. മൂക്ക്, വായ് എന്നിവയിലൂടെ രോഗാണുക്കള്‍ ശരീരത്തിനുളളില്‍ പ്രവേശിക്കുന്നതും പുറത്തേക്ക് വ്യാപിക്കാതിരിക്കുന്നതിനുമുള്ള മുന്‍കരുതലുകളുടെ ഭാഗമായാണ് മാസ്‌ക്ക് ധരിക്കുന്നത്.

മാസ്‌ക്ക് ധരിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

അക്ഷര നഗരിയായ കോട്ടയത്ത് കേരള ലളിതകലാ അക്കാദമിയുടെ നൂതന സംവിധാനങ്ങളോടുകൂടിയ ആര്‍ട്ട് ഗ്യാലറി ഒരുങ്ങുന്നു. നഗരത്തിന്റെ ഹൃദയ ഭാഗത്ത് ഡി.സി കിഴക്കെമുറിയിടം കെട്ടിടത്തിന്റെ ഒന്നാം നിലയിലാണ് ആര്‍ട്ട് ഗ്യലറി പ്രവര്‍ത്തനം ആരംഭിക്കുന്നത്. ഇന്ത്യയിലെ ശ്രദ്ധേയ ഗ്യാലറികളിലൊന്നായ എറണാകുളം ദര്‍ബാര്‍ഹാള്‍ കലാകേന്ദ്രത്തിന്റെ മാതൃകയില്‍ പ്രദര്‍ശനങ്ങള്‍ സംഘടിപ്പിക്കത്തക്ക രീതിയിലാണ് ഗ്യാലറി സജ്ജീകരിക്കുന്നത്. 

മൈലപ്ര പ്രാഥമിക ആരോഗ്യകേന്ദ്രത്തെ ആര്‍ദ്രം പദ്ധതിയുടെ ഭാഗമായി കുടുംബാരോഗ്യ കേന്ദ്രമായി ഉയര്‍ത്തുന്നതിന് അഡ്വ.കെ.യു ജനീഷ് കുമാര്‍ എംഎല്‍എയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. കുടുംബാരോഗ്യ കേന്ദ്രമായി ഉയര്‍ത്തുന്നതിന്റെ ഭാഗമായി 25.5 ലക്ഷം രൂപ മുടക്കി ആശുപത്രി നവീകരിക്കും. നാഷണല്‍ ഹെല്‍ത്ത് മിഷന്‍ ഫണ്ടില്‍ നിന്നും 15.5 ലക്ഷം രൂപയും, എംഎല്‍എ ഫണ്ടില്‍ നിന്ന് 10 ലക്ഷം രൂപയുമാണ് ഇതിനായി ചെലവഴിക്കുന്നത്.

കോഴഞ്ചേരി ജില്ലാ ആശുപത്രിയില്‍ ആധുനിക ബ്ലോക്ക് നിര്‍മിക്കാന്‍ പദ്ധതി തയാറാകുന്നു. ആരോഗ്യ മന്ത്രി കെ.കെ ശൈലജ ടീച്ചറിന് വീണാ ജോര്‍ജ് എംഎല്‍എ നിവേദനം നല്‍കിയതിനെ തുടര്‍ന്നാണ് വികസനത്തിനായി കോഴഞ്ചേരി ആശുപത്രി ആരോഗ്യ വകുപ്പ് തെരഞ്ഞെടുത്തത്. ഒപി, കാഷ്വാലിറ്റി, ഡയഗനോസ്റ്റിക് വിഭാഗങ്ങള്‍ ഉള്‍പ്പെടുത്തിയുള്ള ബ്ലോക്കിനാണ് സംസ്ഥാന സര്‍ക്കാര്‍ അനുമതി  നല്‍കിയിരിക്കുന്നതെന്ന് വീണാ ജോര്‍ജ് എംഎല്‍എ അറിയിച്ചു.

പത്തനംതിട്ട ജില്ലയില്‍ ഇന്ന് (25) 13 പേര്‍ക്ക് കോവിഡ്-19 സ്ഥിരീകരിച്ചു. 1) ജൂണ്‍ 13 ന് കുവൈറ്റില്‍ നിന്നും എത്തിയ തിരുവല്ല സ്വദേശിയായ 39 വയസുകാരന്‍. 2)ജൂണ്‍ 11 ന് കുവൈറ്റില്‍ നിന്നും എത്തിയ കടമ്പനാട് നോര്‍ത്ത് സ്വദേശിയായ 41 വയസുകാരന്‍. 3) ജൂണ്‍ 15 ന് ഡല്‍ഹിയില്‍ നിന്നും എത്തിയ പറന്തല്‍ സ്വദേശിയായ 51 വയസുകാരന്‍.