അമ്മയും മകളും ഉള്‍പ്പടെ ജില്ലയില്‍ ഇന്നലെ(ജൂണ്‍ 26) 16 പേര്‍ക്ക് കോവിഡ് സ്ഥിരീകരിച്ചു. മസ്‌കറ്റില്‍ നിന്നും എത്തി ജൂണ്‍ 19 ന് കോവിഡ് പോസിറ്റീവായ തേവലക്കര അരിനല്ലൂര്‍ സ്വദേശിയുടെ അമ്മയും സഹോദരിയുമാണ്. 11 പേര്‍ വിദേശത്തു നിന്നും മൂന്നുപേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്.

കേരള പ്രവാസി കേരളീയ ക്ഷേമ ബോർഡിന്റെ പ്രവാസി ക്ഷേമ നിധിയിലേക്കുള്ള രജിസ്‌ട്രേഷൻ, അംശാദായ അടവ് തുടങ്ങിയ ഓൺലൈൻ സേവനങ്ങൾ www.pravasikerala.org യിൽ നടത്താം.
പി.എൻ.എക്സ്. 2306/2020

കേരള സംസ്ഥാന തിരഞ്ഞെടുപ്പ് കമ്മീഷനിൽ നിലവിലുള്ള കോൺഫിഡൻഷ്യൽ അസിസ്റ്റന്റിന്റെ ഒരു ഒഴിവിൽ സർക്കാർ വകുപ്പുകളിൽ ജോലി ചെയ്യുന്നവരെ ഡെപ്യൂട്ടേഷനിൽ നിയമിക്കുന്നു. വിവിധ സർക്കാർ വകുപ്പുകളിൽ കോൺഫിഡൻഷ്യൽ അസിസ്റ്റന്റ്/ടൈപ്പിസ്റ്റ് തസ്തികയിൽ ജോലിചെയ്യുന്നവർ വകുപ്പ് മുഖേന  ജൂലൈ ഏഴിനകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ്‌സമുച്ചയം, എൽ.എം.എസ് ജംഗ്ഷൻ, തിരുവനന്തപുരം-695033 എന്ന വിലാസത്തിൽ അപേക്ഷിക്കണം.
പി.എൻ.എക്സ്. 2304/2020

മാനസിക വെല്ലുവിളി നേരിടുന്നവർ, ഓട്ടിസം ബാധിച്ചവർ, രോഗം കാരണം അക്ഷയ കേന്ദ്രങ്ങളിൽ എത്താൻ സാധിക്കാത്തവർ തുടങ്ങി വിവിധ കാരണങ്ങളാൽ ആധാർ എടുക്കാൻ കഴിയാത്തവരും സാമൂഹ്യ സുരക്ഷാ പെൻഷൻ ലഭിക്കാൻ അർഹതയുള്ളവരുമായ പുതിയ അപേക്ഷകരുടെ എൻട്രിക്ക് അനുമതിയായി.
ആധാർ എടുക്കാൻ കഴിഞ്ഞിട്ടില്ല എന്ന് ആധാർ എൻറോൾമെന്റ് ഏജൻസിയിൽ (അക്ഷയ) നിന്നും ഒരു മാസത്തിനുള്ളിൽ ലഭിച്ച രേഖ, അപേക്ഷകൻ മറ്റു പെൻഷനുകൾ വാങ്ങുന്നില്ല എന്ന് സ്വയം സാക്ഷ്യപ്പെടുത്തിയ സർട്ടിഫിക്കറ്റ്, റേഷൻ കാർഡിന്റെ പകർപ്പ് എന്നിവ സഹിതം തദ്ദേശസ്ഥാപനങ്ങളിൽ അപേക്ഷ സമർപ്പിക്കണം.

പൊതുവിദ്യാഭ്യാസ വകുപ്പിലെ 2020-2021 അദ്ധ്യയന വർഷത്തിൽ പൊതുസ്ഥലംമാറ്റത്തിന് അപേക്ഷ സമർപ്പിച്ചവരിൽ ഒന്നാം ഓപ്ഷൻ ലഭിച്ചവർ ഒഴികെ മറ്റുള്ളവർക്ക് ഹയർ ഓപ്ഷൻ അനുവദിക്കും. ഹയർ ഓപ്ഷൻ ലഭിക്കുന്നതിന് താൽപര്യമുള്ളവർ യൂസർ നെയിം, പാസ്‌വേഡ് എന്നിവ ഉപയോഗിച്ച്  tandp.kite.kerala.gov.in ൽ പ്രവേശിച്ച് യെസ് ബട്ടൺ അമർത്തണം. നിലവിലുള്ള ഒഴിവുകൾ വെബ്‌സൈറ്റിൽ പരിശോധിക്കാം. നിലവിൽ നൽകിയ ഓപ്ഷനുകളിൽ മാറ്റം അനുവദിക്കില്ല. ജൂലൈ ആറ് വൈകിട്ട് അഞ്ചു വരെ അപേക്ഷ സമർപ്പിക്കാം.
പി.എൻ.എക്സ്. 2302/2020

  സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണാർത്ഥം 500 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ജൂൺ 30ന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും.
ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്.-1/200/2020-ഫിൻ. തിയതി 26.06.2020) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്  (www.finance.kerala.gov.in) സന്ദർശിക്കുക.
പി.എൻ.എക്സ്. 2301/2020

കെട്ടിട നിർമ്മാണ തൊഴിലാളി ക്ഷേമബോർഡിലെ തിരുവനന്തപുരത്തെ ഗുണഭോക്താക്കൾക്ക് ജൂൺ 29 മുതൽ ജൂലായ് 15 വരെ അക്ഷയകേന്ദ്രങ്ങൾ വഴി മസ്റ്ററിംഗ് നടത്താം. ഇവ പരാജയപ്പെടുന്നവർക്ക് ജൂലായ് 16 മുതൽ 22 വരെ അക്ഷയയിൽ നിന്നുള്ള പരാജയസർട്ടിഫിക്കറ്റും ലൈഫ് സർട്ടിഫിക്കറ്റും ജില്ലാ ഓഫീസിൽ ഹാജരാക്കാം.
പി.എൻ.എക്സ്. 2300/2020

കേരള നിയമസഭയുടെ സെന്റർ ഫോർ പാർലമെന്ററി സ്റ്റഡീസ് ആന്റ് ട്രെയിനിംഗിന്റെ ആഭിമുഖ്യത്തിൽ 30ന് രാവിലെ 11 മണിക്ക് നിയമസഭാംഗങ്ങൾക്കായി 'കോവിഡ്: അനുഭവവും കരുതലും' എന്ന വിഷയത്തിൽ വെബിനാർ നടത്തും. ഡെപ്യൂട്ടി സ്പീക്കർ വി.ശശി സ്വാഗതം പറയും. സ്പീക്കർ പി.ശ്രീരാമകൃഷ്ണൻ ഉദ്ഘാടനം ചെയ്യും. ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പു മന്ത്രി കെ.കെ.ശൈലജ ടീച്ചർ മുഖ്യപ്രഭാഷണം നടത്തും. ആരോഗ്യ വകുപ്പ് പ്രിൻസിപ്പൽ സെക്രട്ടറി ഡോ.രാജൻ എൻ.ക്രോബ്രഗഡെ വിഷയം അവതരിപ്പിക്കും.
പി.എൻ.എക്സ്. 2299/2020

സര്‍ക്കാര്‍ എയ്ഡഡ് ആര്‍ട്സ് ആന്‍ഡ് സയന്‍സ് കോളേജുകളിലെ അതിഥി അധ്യാപകരുടെ പാനല്‍ കോളേജ് വിദ്യാഭ്യാസ വകുപ്പിന്റെ http://www.collegiateedu.kerala.gov.in വെബ്സൈറ്റില്‍ പ്രസിദ്ധീകരിച്ചു.  കോഴിക്കോട് കോളേജ് വിദ്യാഭ്യാസ ഉപ ഡയറക്ടറുടെ കാര്യാലയത്തില്‍ പുതിയ രജിസ്‌ട്രേഷന്‍ നടത്തേണ്ടെന്ന് പ്രിന്‍സിപ്പല്‍ ഇന്‍ ചാര്‍ജ്ജ് ഓഫ് ഡെപ്യൂട്ടി ഡയറക്ടര്‍ അറിയിച്ചു. മുമ്പ് രജിസ്റ്റര്‍ ചെയ്തവര്‍ വീണ്ടും ചെയ്യേണ്ടതില്ല. പുതിയവ കോളേജ് വിദ്യാഭ്യാസ വകുപ്പിന്റെ വെബ്സൈറ്റില്‍ ചെയ്യാം.