ജില്ലയില്‍ രണ്ട് പേര്‍ക്ക് കൂടി കോവിഡ് സ്ഥിരീകരിച്ചു. ചെന്നൈയില്‍ നിന്നും ജൂണ്‍ 16 ന് ജില്ലയിലെത്തിയ ചുളളിയോട് സ്വദേശി 23 കാരിയും അബുദാബിയില്‍ നിന്നും കോഴിക്കോട് വിമാനത്താവളം വഴി ജൂണ്‍ 18 ന് ജില്ലയിലെത്തിയ പടിഞ്ഞാറത്തറ സ്വദേശി 23 കാരനുമാണ് വ്യാഴാഴ്ച്ച രോഗം സ്ഥിരീകരിച്ചത്. ഇരുവരും കോവിഡ് കെയര്‍ സെന്ററില്‍ നിരീക്ഷണത്തിലായിരുന്നു. നിലവില്‍ രോഗം സ്ഥിരീകരിച്ച് 31 പേര്‍ ജില്ലാ ആശുപത്രിയിലും  ഒരാള്‍ കോഴിക്കോട് മെഡിക്കല്‍ കോളേജിലും ചികിത്സയിലുണ്ട്.

ജില്ലയില്‍ നിലവിലുളളതും പ്രതീക്ഷിക്കുന്നതുമായ ഒഴിവുകളിലേക്ക്  ഹോം ഗാര്‍ഡുമാരെ നിയമിക്കുന്നതിനായി എസ്.എസ്. എല്‍. സി പാസ്സായ 35 നും 58 നും ഇടയില്‍ പ്രായമുളള, നല്ല ശാരീരികക്ഷമതയുളള, സൈനിക- അര്‍ദ്ധ സൈനിക വിഭാഗങ്ങളില്‍ നിന്നും പോലീസ്, ഫയര്‍ സര്‍വ്വീസ്, എക്‌സൈസ്, ഫോറസ്റ്റ്, ജയില്‍ എന്നീ സര്‍വ്വീസുകളില്‍ നിന്നും  വിരമിച്ചവരില്‍ നിന്നും അപേക്ഷ ക്ഷണിച്ചു. അപേക്ഷ കാസര്‍കോട് ജില്ലാ ഫയര്‍ ഓഫീസില്‍ ജുലായ് 30 നകം അപേക്ഷിക്കണം. അപേക്ഷ ഫോറത്തിന്റെ മാതൃക ജില്ലയിലെ എല്ലാ ഫയര്‍ സ്റ്റേഷനുകളില്‍  നിന്നും ലഭിക്കും. ഫോണ്‍ 04994231101 

കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍(കില) കിഫ്ബി ധനസഹായത്തോടെ നടപ്പാക്കുന്ന പ്രൊജക്ടിലേക്ക് പ്രൊജക്ട് എഞ്ചിനീയര്‍ ( സിവില്‍-3, ഐ ടി) ഒഴിവുണ്ട്. ജൂലൈ 10 നകം അപേക്ഷിക്കണം. കൂടുതല്‍ വിവരങ്ങള്‍ക്ക് www.kila.ac.in/careers. 

കേന്ദ്രസര്‍ക്കാരിന്റെ കോവിഡ് 19 സപ്പോര്‍ട്ടിങ് പ്രോഗ്രാം എന്ന പേരില്‍ 10000 രൂപ ലഭിക്കുന്ന സ്‌കോര്‍ഷിപ്പുണ്ടെന്ന രീതിയിലും ബിരുദ വിദ്യാര്‍ഥികള്‍ക്ക് സര്‍ദ്ദാര്‍ പട്ടേല്‍ സ്‌കോളര്‍ഷിപ്പ് എന്ന പേരിലും  സാമൂഹ്യമാധ്യമങ്ങളിലൂടെ നടക്കുന്ന പ്രചരണം തെറ്റാണെന്ന് ജില്ലാ വിദ്യഭ്യാസ ഉപഡയറക്ടര്‍ കെ വി പുഷ്പ അറിയിച്ചു. ഇങ്ങനെ ഒരു അറിയിപ്പ് ഇതുവരെ സര്‍ക്കാരില്‍ നിന്ന് ലഭിച്ചിട്ടില്ല.

കാസര്‍കോട് വികസന പാക്കേജില്‍ ഉള്‍പ്പെടുത്തി ജില്ലയിലെ വിവിധ ആരേഗ്യകേന്ദ്രങ്ങള്‍ ആര്‍ദ്രം നിലവാരത്തിലേക്ക് ഉയര്‍ത്തുന്നതിന്റെ ഭാഗമായി ചെങ്കള ഫാമിലി ഹെല്‍ത്ത് സെന്റര്‍ പുതിയ ബ്ലോക്ക് നിര്‍മ്മാണത്തിന് ഭരണാനുമതിയായി. 1.95  കോടി രൂപയാണ് പദ്ധതിയ്ക്കായി വകയിരുത്തിയത്.  എന്‍.എ നെല്ലിക്കുന്ന് എം എല്‍ എയുടെ ആസ്തി വികസന ഫണ്ടില്‍ നിന്ന് 35 ലക്ഷം രൂപയും ചെങ്കള ഗ്രാമപഞ്ചായത്ത് വിഹിതമായി 25 ലക്ഷം രൂപയും  ബാക്കി 135 ലക്ഷം രൂപ കാസര്‍കോട്  വികസന പാക്കേജില്‍ നിന്നുമാണ് അനുവദിക്കുന്നത് .

സാമൂഹ്യനീതി വകുപ്പ് പ്രൊബേഷന്‍ ആന്റ്  ആഫ്റ്റര്‍ കെയര്‍ പ്രോഗ്രാം സംവിധാനം വഴി മുന്‍ കുറ്റവാളികള്‍, പ്രൊബേഷണര്‍ എസ്‌ക്പ്യൂപ്പിള്‍ കുറ്റവാളികളുടെ ആശ്രിതര്‍ എന്നിവര്‍ക്കുള്ള സ്വയംതൊഴില്‍  സംരംഭങ്ങള്‍ ആരംഭിക്കുന്നതിനായി ഒറ്റതവണ 15000 രൂപ  വീതം ധനസഹായവും അക്രമത്തിനിരയായവരുടെ മക്കള്‍ക്കുള്ള വിദ്യാഭ്യാസ ധനസഹായവും അനുവദിക്കുന്നു.  2020-21 സാമ്പത്തിക വര്‍ഷത്തിലേക്കുള്ള ധനസഹായത്തിനായി കാസര്‍കോട് ജില്ലക്കാരായവര്‍ക്ക് അപേക്ഷിക്കാം.  മുന്‍ വര്‍ഷങ്ങളില്‍ പദ്ധതിയുടെ  ധനസഹായം ലഭ്യമായവര്‍ വീണ്ടും അപേക്ഷിക്കേണ്ടതില്ല.  അപേക്ഷകള്‍ ജൂലൈ 15 നകം  കളക്ടറേറ്റില്‍ പ്രവര്‍ത്തിക്കുന്ന ജില്ലാ പ്രൊബേഷന്‍ ഓഫീസില്‍ ല

കോവിഡ്കാലത്ത് അതീവശ്രദ്ധ വേണ്ട വയോജനങ്ങള്‍ക്ക് ആരോഗ്യപരിരക്ഷ ഉറപ്പു വരുത്താന്‍ ലക്ഷ്യമിടുന്ന കുടുംബശ്രീയുടെ ഗ്രാന്റ് കെയര്‍' പദ്ധതിക്ക് ജില്ലയില്‍ സ്വീകാര്യതയേറുന്നു. രോഗവ്യാപന സാധ്യത തടയുന്നതിനായി വയോജനങ്ങള്‍  വീടിനുള്ളില്‍ തന്നെ കഴിയണമെന്ന അവബോധം പൊതുജനങ്ങളില്‍ സൃഷ്ടിക്കുകയാണ് പദ്ധതിയുടെ ഉദ്ദേശം. വയോജനങ്ങളുടെ മാനസിക -ശാരീരിക പ്രശ്‌നങ്ങള്‍ മനസിലാക്കി അവ പരിഹരിക്കുന്നതിനും ഗ്രാന്റ് കെയര്‍ പദ്ധതി ലക്ഷ്യം വയ്ക്കുന്നു. ഇതുവഴി കോവിഡ് രോഗ ലക്ഷണമുള്ളവരായ വയോജനങ്ങളെ വളരെ നേരത്തെ കണ്ടുപിടിച്ച് ചികിത്സിക്കാനായാല്‍ ജീവന്‍ രക്ഷിക്കാനാകും.

എന്‍മകജെ ഗ്രാമപഞ്ചായത്തിലെ വിവിധ അതിര്‍ത്തി റോഡുകള്‍ തുറക്കുന്നതിനുള്ള ഗ്രാമപഞ്ചായത്ത് ഭരണസമിതിയുടെ അപേക്ഷയും, വൊര്‍ക്കാടി ഗ്രാമപഞ്ചായത്തിലെ വിവിധ അതിര്‍ത്തി റോഡുകള്‍ തുറക്കുന്നതിനായി ഗ്രാമപഞ്ചായത്ത് പ്രസിഡണ്ട്  സമര്‍പ്പിച്ച അപേക്ഷയും നിലവിലെ സാഹചര്യത്തില്‍ പരിഗണിക്കാന്‍ നിര്‍വ്വാഹമില്ലയെന്ന് ജില്ലാതല കോറോണ കോര്‍ കമ്മിറ്റി യോഗ#ം വിലയിരുത്തി. സര്‍ക്കാര്‍ തീരുമാന പ്രകാരം തലപ്പാടി അതിര്‍ത്തി വഴി മാത്രമേ ജില്ലയിലേക്ക് യാത്രാനുമതിയുള്ളൂ.

സുഭിക്ഷ കേരളം പദ്ധതിയിലൂടെ ജില്ലയിലെ  കാര്‍ഷിക മേഖലയെ ശക്തിപ്പെടുത്തുന്നതിന് ബാങ്കുകള്‍ക്ക് നിര്‍ണ്ണായ പങ്കു വഹിക്കാനുണ്ടെന്നും ഇതിന് ആവശ്യമായ സഹായങ്ങള്‍ നല്‍കണമെന്നും ജില്ലാ കളക്ടര്‍ ഡോ  ഡി സജിത് ബാബു പറഞ്ഞു. ജില്ലാതല ബാങ്കിങ് അവലോകന യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു ജില്ലാ കളക്ടര്‍. സുഭിക്ഷ കേരളം പദ്ധതിയില്‍ പുതുതായി 2400 ഏക്കര്‍ ഭൂമി കൃഷിയോഗ്യമാണെന്ന് കണ്ടെത്തിയിട്ടുണ്ട്.പുതു ഭൂമി പുതു സമൂഹം എന്ന ലക്ഷ്യത്തോടുകൂടി 1600 ഏക്കറില്‍ ഇതിനകം തന്നെ കൃഷി ആരംഭിച്ചു.

  ജില്ലയില്‍ ഇന്ന് വന്ന 1227 പേര്‍ ഉള്‍പ്പെടെ ആകെ 9351 പ്രവാസികളാണ് നിരീക്ഷണത്തിലുള്ളത്.  ഇതില്‍  524 പേര്‍ ജില്ലാ ഭരണകൂടത്തിന്റെ കോവിഡ് കെയര്‍ സെന്ററിലും 8770   പേര്‍ വീടുകളിലും 57 പേര്‍ ആശുപത്രിയിലും നിരീക്ഷണത്തിലാണ്. വീടുകളില്‍ നിരീക്ഷണത്തിലുള്ളവരില്‍ 164 പേര്‍ ഗര്‍ഭിണികളാണ്.  ഇതുവരെ 4034 പ്രവാസികള്‍ നിരീക്ഷണം പൂര്‍ത്തിയാക്കി.