ജില്ലയിലെ കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി മുഖത്തല അഡീഷണല്‍  ഐ സി ഡി എസിന്റെ നേതൃത്വത്തില്‍ മാസ്‌ക് വിതരണം നടത്തി. സി ഡി പി ഒ സിന്ധുവിന്റെ നേതൃത്വത്തില്‍  പെരുമ്പുഴ ഇലക്ട്രിസിറ്റി ഓഫീസ്, കുണ്ടറ പൊലീസ് സ്റ്റേഷന്‍, സബ് ട്രഷറി, ഇളമ്പള്ളൂര്‍ സാമൂഹിക ആരോഗ്യ കേന്ദ്രം എന്നിവിടങ്ങളിലായാണ് വിതരണം ചെയ്തത്. ഐ സി ഡി എസ് സൂപ്പര്‍വൈസര്‍മാര്‍, അങ്കണവാടി പ്രവര്‍ത്തകര്‍, സ്‌കൂള്‍ കൗണ്‍സിലര്‍മാര്‍ എന്നിവര്‍ ചേര്‍ന്ന് നിര്‍മിച്ച 600 കോട്ടണ്‍  മാസ്‌കുകളാണ്  വിതരണം ചെയ്തത്. സ്‌കൂള്‍ കൗണ്‍സിലര്‍മാരായ സ്മിത, അഞ്ജലി ദാസ്, അയിഷ, അങ്കണവാടി വര്‍ക്കര്‍ ഷൈലജ തുടങ്ങിയവര്‍ പങ്കെടുത്തു.

നിഷ്‌ക്രിയ ആസ്തി വികസനവുമായി ബന്ധപ്പെട്ട് സൂക്ഷ്മ ചെറുകിട ഇടത്തരം വ്യവസായ സംരംഭങ്ങള്‍ക്കായി പ്രഖ്യാപിച്ചിട്ടുളള ഇരുപതിനായിരം കോടി രൂപയുടെ വായ്പാ ആനുകൂല്യം കശുവണ്ടി വ്യവസായ മേഖലയ്ക്കായി പ്രയോജനപ്പെടുത്താന്‍ നടപടി സ്വീകരിക്കണമെന്ന് എന്‍ കെ പ്രേമചന്ദ്രന്‍ എം പി ആവശ്യപ്പെട്ടു. കോവിഡ് പാക്കേജിന്റെ ഭാഗമായി കേന്ദ്ര സര്‍ക്കാര്‍ നടപ്പാക്കുന്ന ആത്മനിര്‍ഭര്‍ ഭാരത് പദ്ധതി അവലോകനം സംബന്ധിച്ച് വിളിച്ചു ചേര്‍ത്ത           സ്പെഷ്യല്‍ ഡിസ്ട്രിക്ട് ക്രെഡിറ്റ് കമ്മിറ്റിയുടെ വീഡിയോ കോണ്‍ഫറന്‍സിലാണ് എം പി ഇക്കാര്യം ഉന്നയിച്ചത്.

നിലവില്‍ കണ്ടയിന്‍മെന്റ് സോണുകളായി പ്രഖ്യാപിച്ചിട്ടുള്ള മയ്യനാട് ഗ്രാമപഞ്ചായത്തിലെ 15, 16 വാര്‍ഡുകള്‍ക്ക് പുറമേ ഒന്‍പതാം വാര്‍ഡ് കൂടി കണ്ടയിന്‍മെന്റ് സോണായി നിശ്ചയിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
(പി.ആര്‍.കെ നമ്പര്‍ 1714/2020)

രണ്ടു വയസുള്ള ആണ്‍കുട്ടിയും ആറു വയസുള്ള പെണ്‍കുട്ടിയും ഉള്‍പ്പടെ ജില്ലയില്‍ ഇന്നലെ(ജൂണ്‍ 25) 13 പേര്‍ക്ക് കോവിഡ് സ്ഥിരീകരിച്ചു. ആറു പേര്‍ സൗദിയില്‍ നിന്നും നാലുപേര്‍ കുവൈറ്റില്‍ നിന്നും ഒരാള്‍ ദുബായില്‍ നിന്നും ഒരാള്‍ നൈജീരിയയില്‍ നിന്നും ഒരാള്‍ ചെന്നൈയില്‍ നിന്നും എത്തിയവരാണ്.

സംസ്ഥാന കൃഷിവകുപ്പിന് കീഴിൽ കേരള ശ്രീ ഞാറ്റുവേല കിറ്റ് വിപണനം ആരംഭിച്ചു. കേരള അഗ്രോ ഇൻഡസ്ട്രീസ് കോർപ്പറേഷന്റെ ചെമ്പുക്കാവ് പ്രവർത്തിക്കുന്ന കേരളശ്രീ അഗ്രോ ഹൈപ്പർ ബസാറിൽ കിറ്റ് വില്പന ആരംഭിച്ചിരിക്കുന്നത്. കൃഷിക്ക് സ്ഥലപരിമിതിയുള്ള നഗരവാസികൾക്ക് ഉപയോഗ പ്രദമായ രീതിയിലാണ് കിറ്റുകൾ ഒരുക്കിയിരിക്കുന്നത്. 750 മുതൽ 850 രൂപ വരെയുള്ള കിറ്റുകളിൽ വിത്തുകൾ, ഗ്രോ ബാഗുകൾ, വളങ്ങൾ, ജൈവ കിടനാശിനികൾ തുടങ്ങിയവ ഉൾപ്പെടുത്തിയിട്ടുണ്ട്. വിപണനോദ്ഘാടനം ജില്ലാ പഞ്ചായത്ത് പ്രസിഡന്റ് മേരി തോമസ് നിർവ്വഹിച്ചു.

കയർ തൊഴിലാളി ക്ഷേമനിധി ബോർഡിൽ നിന്നും കയർ തൊഴിലാളി പെൻഷൻ ലഭിച്ചു വന്ന കയർ തൊഴിലാളികളിൽ മസ്റ്ററിംഗ് നടത്താത്ത കാരണത്താൽ വിഷു - ഈസ്റ്റർ പെൻഷൻ ലഭിക്കാത്തവരും മസ്റ്ററിംഗ് പൂർത്തീകരിക്കാൻ കഴിയാത്ത കാരണത്താൽ പെൻഷൻ ലഭിക്കാത്തവരുമായവർ ജൂൺ 29 മുതൽ ജൂലൈ 15 വരെയുളള കാലയളവിൽ ആധാർ കാർഡും, പെൻഷൻ രേഖകളുമായി അക്ഷയ കേന്ദ്രങ്ങളിൽ നേരിട്ടു ഹാജരായി മസ്റ്ററിംഗ് നടത്തണം.

ചാവക്കാട് തഹസിൽദാരുടെ ലേല നോട്ടീസ് പ്രകാരം ചാവക്കാട് താലൂക്ക് വാടാനപ്പള്ളി വില്ലേജിൽ കുടുംബകോടതി, തൃശൂർ കോടതി കുടിശ്ശിക ഈടാക്കുന്നതിന് ഭൂമി ലേലം ചെയ്യുന്നു. സർവേ നമ്പർ 254/5ബി 1 ലെ 0.0365 ഹെക്ടർ ഭൂമിയുടെ ലേലം ജൂലൈ 28ന് രാവിലെ 11ന് വാടാനപ്പള്ളി വില്ലേജിൽ നടത്തും.
വാടാനപ്പള്ളി വില്ലേജിൽ കുടുംബകോടതി, തൃശൂർ കോടതി കുടിശ്ശിക ഈടാക്കുന്നതിന് സർവേ നമ്പർ 206/8ൽ 4.01 ഹെക്ടർ ഭൂമിയുടെ ലേലം ജൂലൈ 28ന് രാവിലെ 11ന് വാടാനപ്പള്ളി വില്ലേജിൽ നടത്തും. കൂടുതൽ വിവരങ്ങൾ ചാവക്കാട് താലൂക്ക് ഓഫീസിലും വാടാനപ്പള്ളി വില്ലേജ് ഓഫീസിലും ലഭ്യമാണ്.

കോവിഡ് കാലത്തെ പ്രമേഹ നിയന്ത്രണത്തിനായി ഭാരതീയ ചികിത്സ വകുപ്പ് നാഷ്ണൽ ആയുഷ് മിഷന്റെ സഹകരണത്തോടെ ജില്ലയിൽ നടപ്പിലാക്കുന്ന 'ആയുഷ് മിഠായി'സീസൺ രണ്ടിന് തുടക്കം. ജീവിത ശൈലീ ക്രമീകരണത്തിലൂടെ പ്രമേഹ രോഗത്തെ നിയന്ത്രിക്കാനുള്ള ഓൺലൈൻ ട്രെയിനിങ്ങ് പരിപാടിയാണിത്. പ്രധാനമായും വാട്ട്സ്ആപ്പ് ഗ്രൂപ്പ് വഴിയാണ് പരിശീലനം. രാമവർമ്മ ജില്ലാ ആയുർവേദ ആശുപത്രിയും ആയുഷ് വെൽനെസ്സ് സെന്ററും ചേർന്നാണ് നടപ്പിലാക്കുന്നത്.