കൊച്ചി, കരിപ്പൂര്‍, തിരുവനന്തപുരം,  അന്താരാഷ്ട്ര വിമാനതാവളങ്ങളിലായി ഞായര്‍ (ജൂണ്‍ 21), തിങ്കള്‍ (ജൂണ്‍ 22) ദിവസങ്ങളിലായി 32 വിമാനങ്ങളില്‍ പത്തനംതിട്ട ജില്ലക്കാരായ 321 പ്രവാസികള്‍കൂടി എത്തി. ഇവരില്‍ 77 പേരെ വിവിധ കോവിഡ് കെയര്‍ സെന്ററുകളിലും 244 പേരെ വീടുകളിലും നിരീക്ഷണത്തിലാക്കി.

    കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ ആറ് കേസുകള്‍ കൂടി ഇന്നലെ (ജൂണ്‍ 23) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി ആറ് പേരെ ഇന്നലെ അറസ്റ്റു ചെയ്തു. രണ്‍് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,653 ആയി. 5,720 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,622 വാഹനങ്ങളും പിടിച്ചെടുത്തിട്ടുണ്‍്.

     സുഭിക്ഷ കേരളം പദ്ധതി, വിവിധ വകുപ്പുകളുടേയും സഹകരണ സംഘങ്ങളുടേയും പങ്കാളിത്തത്തോടെ പൊന്നാനി നഗരസഭയില്‍ വ്യാപിപ്പിക്കുന്നു. ഇതിന്റെ ഭാഗമായി വിവിധ പദ്ധതികള്‍ക്കായി നല്‍കേണ്‍ ഗുണഭോക്തൃ വിഹിതത്തിന് സഹകരണ ബാങ്കുകള്‍ വഴി വായ്പ അനുവദിക്കും. നഗരസഭയില്‍ ചേര്‍ന്ന സുഭിക്ഷ കേരളം നഗരസഭാതല ഏകോപന സമിതിയുടെ പ്രഥമ യോഗത്തിലാണ്  തീരുമാനം. മുഴുവന്‍ സഹകരണ സംഘങ്ങളും വിവിധ സര്‍ക്കാര്‍ വകുപ്പുകളും ചേര്‍ന്നതാണ് ഏകോപന സമിതി. ഹരിതകേരള മിഷന്‍, കുടുംബശ്രീ,  നഗരസഭ, കൃഷി, മൃഗസംരക്ഷണം, ക്ഷീരവികസനം, മത്സ്യം, ജലവിഭവം, സഹകരണം, വ്യവസായം, തൊഴിലുറപ്പ് പദ്ധതി എന്നിവ അടങ്ങിയതാണ് സമിതി. 

    കിഴിശ്ശേരി ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട ഒന്നാംമൈല്‍, തവനൂര്‍, പോത്തട്ടിപ്പാറ, മുക്കണ്ണന്‍ ചോല, പീടികക്കണ്‍ി എന്നീ ഭാഗങ്ങളില്‍  ഇന്ന് ( ജൂണ്‍ 24) രാവിലെ എട്ട് മുതല്‍ വൈകീട്ട് അഞ്ചു വരെ വൈദ്യുതി വിതരണം തടസപ്പെടും.
(എം.പി.എം 2343/2020)