ഓണ്‍ലൈന്‍ പഠന സൗകര്യമില്ലാതെ പ്രയാസത്തിലായിരുന്ന വേങ്ങര ആശാരിപ്പടിയിലെ പത്താം ക്ലാസുകാരിക്ക്  കൈത്താങ്ങായി വേങ്ങര ജനമൈത്രി പൊലീസ്. നിത്യവൃത്തിക്ക് പോലും പ്രയാസപ്പെടുന്ന ഫാത്തിമയുടെ കുടുംബത്തിന്റെ അവസ്ഥയറിഞ്ഞ പൊലീസ്  പഠനത്തിനായി ടി.വി എത്തിച്ചു നല്‍കുയായിരുന്നു. എസ്.ഐ  മുഹമ്മദ് റഫീഖിന്റെ നേതൃത്വത്തില്‍ ഫാത്തിമയ്ക്ക് ടിവി കൈമാറി. 

ജില്ലാപഞ്ചായത്തിന്റെ യോഗം ജൂണ്‍ 30ന് രാവിലെ 11ന് പഞ്ചായത്ത് കമ്മിറ്റി ഹാളില്‍ ചേരും.
(എം.പി.എം 2357/2020)
 

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ വരുന്ന കാച്ചിനിക്കാട്, വെള്ളില, വറ്റലൂര്‍, പനങ്ങാങ്ങര ഫീഡറുകളില്‍ നവീകരണ പ്രവൃത്തികള്‍ നടക്കുന്നതിനാല്‍ ജൂണ്‍ 25ന് രാവിലെ 8.30 മുതല്‍ വൈകീട്ട് 4.30വരെ വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
(എം.പി.എം 2356/2020

കോട്ടക്കല്‍ ഗവ: വനിതാ പോളിടെക്‌നിക്ക് കോളജില്‍ ഇലക്‌ട്രോണിക്‌സ് ആന്‍ഡ്  കമ്മ്യൂനിക്കേഷന്‍ വിഭാഗത്തില്‍ അതിഥി അധ്യാപകനെ നിയമിക്കുന്നു. ഇലക്‌ട്രോണിക്‌സ് ആന്‍ഡ് കമ്മ്യൂനിക്കേഷന്‍ എഞ്ചിനീയറിങില്‍ ബി.ടെക് ഫസ്റ്റ് ക്ലാസ് യോഗ്യതയുള്ളവര്‍ക്ക് അപേക്ഷിക്കാം. താത്പര്യമുള്ളവര്‍  ജൂണ്‍ 29ന് വൈകീട്ട് നാലിനകം principal@gwptck.ac.in എന്ന ഇ-മെയില്‍ വിലാസത്തില്‍ ബയോഡാറ്റ നല്‍കണം. ഫോണ്‍:0483 -2750790.
(എം.പി.എം 2354/2020)
 

തൃശൂര്‍ കിലയില്‍ (കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍ )കിഫ്ബി ധനസഹായത്തോടെ നടപ്പാക്കുന്ന പദ്ധതിയിലേക്ക് പ്രൊജക്ട് എഞ്ചിനീയര്‍മാരെ താത്ക്കാലികമായി നിയമിക്കുന്നു. പ്രൊജ്ക്ട് എഞ്ചിനീയര്‍ സിവില്‍, ഐ.ടി വിഭാഗങ്ങളിലേക്കാണ് അപേക്ഷ ക്ഷണിച്ചത്. അപേക്ഷ സ്വീകരിക്കുന്ന അവസാന തീയതി: ജൂലൈ 10. കൂടുതല്‍ വിവരങ്ങള്‍ക്ക്  www.kila.ac.in/careers എന്ന വെബ്‌സൈറ്റ് സന്ദര്‍ശിക്കണമെന്ന് ഡയറക്ടര്‍ ജനറല്‍ അറിയിച്ചു.
(എം.പി.എം 2353/2020)
 

പുളിക്കല്‍ കുടുംബാരോഗ്യ കേന്ദ്രത്തില്‍ ദിവസ വേതനാടിസ്ഥാനത്തില്‍ ഡാറ്റ എന്‍ട്രി ഓപ്പറേറ്റര്‍ തസ്തികയില്‍ നിയമനം നടത്തുന്നു. ഗവ. അംഗീകൃത ഡി.സി.എ, മലയാളത്തിലും ഇംഗ്ലീഷിലും നന്നായി ടൈപ്പ് ചെയ്യുന്നതിനുള്ള പ്രാവീണ്യം എന്നിവയാണ് യോഗ്യതകള്‍. താത്പര്യമുള്ളവര്‍ ജൂണ്‍ 29ന് രാവിലെ 11.30ന് ആശുപത്രി ഓഫീസില്‍ നടക്കുന്ന ഇന്റര്‍വ്യൂയില്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണമെന്ന് മെഡിക്കല്‍ ഓഫീസര്‍ അറിയിച്ചു.
(എം.പി.എം 2352/2020)
 

 ജില്ലയില്‍  ഇന്ന്  6 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ കളക്ടര്‍ അറിയിച്ചു.