കേരള കെട്ടിട നിര്‍മാണ തൊഴിലാളി ക്ഷേമ ബോര്‍ഡ് ഓഫീസ് സിവില്‍ സ്റ്റേഷന് സമീപമുള്ള വോള്‍ഗ ബില്‍ഡിങിലേക്ക് മാറ്റുന്നതിനാല്‍ ജൂണ്‍ 25 മുതല്‍ 30 വരെ ഓഫീസ് പ്രവര്‍ത്തനത്തില്‍ ഭാഗിക തടസം നേരിടും. ജൂലൈ ഒന്നു മുതല്‍ പുതിയ കെട്ടിടത്തില്‍ പ്രവര്‍ത്തനം ആരംഭിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1696/2020)

സുഭിക്ഷ കേരളം പദ്ധതിയുടെ ഭാഗമായി തീറ്റപ്പുല്‍ കൃഷി നടപ്പിലാക്കുന്നതിന് താത്പര്യമുള്ള കര്‍ഷക ഗ്രൂപ്പുകളില്‍ നിന്നും അപേക്ഷ ക്ഷണിച്ചു. സ്വന്തമായി സ്ഥലമുള്ളവര്‍, പാട്ടത്തിനെടുത്ത് കൃഷി ചെയ്യാന്‍ താത്പര്യമുള്ളവര്‍, ഡയറി ഫാം നടത്തുന്ന ഗ്രൂപ്പുകള്‍, ക്ഷീരസഹകരണ സംഘങ്ങള്‍, എസ് എച്ച് ജി, ജെ എല്‍ ജി തുടങ്ങി അഞ്ചുപേരില്‍ കുറയാതെ അംഗങ്ങളുള്ള ഗ്രൂപ്പുകള്‍ക്ക് അപേക്ഷിക്കാം. അപേക്ഷ ഗ്രൂപ്പുകളുടെ വിശദാംശങ്ങള്‍ സഹിതം അതത് ബ്ലോക്കുകളിലെ ക്ഷീരവികസന ഓഫീസുകളില്‍ ജൂലൈ 10 നകം സമര്‍പ്പിക്കണം.
(പി.ആര്‍.കെ നമ്പര്‍ 1695/2020)

ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി പുത്തന്‍സങ്കേതം 14-ാം വാര്‍ഡില്‍  പുളിയറത്താഴത്ത് നിര്‍മിച്ച കുളത്തിന് കയര്‍ ഭൂവസ്ത്രത്തിന്റെ അഴകൊരുക്കി തേവലക്കര ഗ്രാമപഞ്ചായത്ത്. 2019-20 വാര്‍ഷിക പദ്ധതിയില്‍ ഉള്‍പ്പെടുത്തി 1,98000 രൂപയാണ് പദ്ധതിക്കായി ചെലവഴിച്ചത്.

മത്സ്യഫെഡ് സംഘങ്ങളുടെ സെക്രട്ടറിമാര്‍ക്കുള്ള സാമ്പത്തിക സഹായ പദ്ധതിക്ക് തുടക്കമായി. മത്സ്യത്തൊഴിലാളി പ്രാഥമിക സഹകരണ സംഘങ്ങളുടെ ശാക്തീകരണത്തിന്റെ ഭാഗമായി സംഘങ്ങളില്‍ യോഗ്യതയുള്ള സെക്രട്ടറിമാരെ നിയമിക്കേണ്ടതിന്റെ ആവശ്യകത കണക്കിലെടുത്താണ് പദ്ധതിക്ക് രൂപം നല്‍കിയിട്ടുള്ളത്. പദ്ധതിയുടെ സംസ്ഥാനതല ഉദ്ഘാടനം ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ നിര്‍വഹിച്ചു.

പുസ്തകങ്ങളെ പരിചയപ്പെടുത്തുന്നതിലൂടെ കേരളത്തിന്റെ  സാമൂഹ്യ പുരോഗതിയിലും ജീവിതബോധത്തിലും സാമൂഹികബന്ധങ്ങളിലും ഗ്രന്ഥശാല സംഘങ്ങള്‍ നിര്‍ണായക പങ്കുവഹിച്ചതായി മുല്ലക്കര രത്‌നാകരന്‍ എം എല്‍ എ. വായനമാസാചരണത്തിന്റെ ഭാഗമായുള്ള സന്ദേശം പങ്കുവയ്ക്കുകയായിരുന്നു അദ്ദേഹം. വായനയ്ക്ക് പരിശീലനം ആവശ്യമാണെന്നും കേരളത്തില്‍ ഗ്രന്ഥശാലകള്‍ വഴി ഇത്തരം പരിശീലനമാണ് നല്‍കപ്പെടുന്നതെന്നും  എം എല്‍  എ  പറഞ്ഞു.

ജില്ലയില്‍ ഇന്നലെ(ജൂണ്‍ 23) നാലുപേര്‍ കോവിഡ് നെഗറ്റീവായി ആശുപത്രി വിട്ടു. ജൂണ്‍ ഒന്നിന് രോഗം സ്ഥിരീകരിച്ച അഞ്ചല്‍ അരീപ്ലാച്ചി സ്വദേശിനി(41 വയസ്), ജൂണ്‍ ആറിന് രോഗം സ്ഥിരീകരിച്ച താജിക്കിസ്ഥാനില്‍ നിന്നും എത്തിയ മെഡിക്കല്‍ വിദ്യാര്‍ഥികളായ അഞ്ചല്‍ സ്വദേശി(23 സ്വദേശി), പെരുമ്പുഴ സ്വദേശി(19 വയസ്) ചാത്തന്നൂര്‍ സ്വദേശിനി(21 വയസ്) എന്നിവരാണ് രോഗമുക്തി നേടി ആശുപത്രി വിട്ടത്. എല്ലാവരും പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ ചികിത്സയിലായിരുന്നു.
(പി.ആര്‍.കെ നമ്പര്‍ 1690/2020)

പുനലൂരില്‍ കോവിഡ് റിപ്പോര്‍ട്ട് ചെയ്ത സാഹചര്യത്തില്‍ പുനലൂര്‍ സര്‍ക്കാര്‍ ഹയര്‍ സെക്കണ്ടറി സ്‌കൂളിന് എതിര്‍വശം പുനലൂര്‍ പോസ്റ്റ് ഓഫീസിന് സമീപമുള്ള ഷെഫീക്ക് സ്റ്റോര്‍ എന്ന സ്ഥാപനത്തില്‍ ജൂണ്‍ എട്ടിനും 19നും ഇടയില്‍ സന്ദര്‍ശനം നടത്തിയിട്ടുള്ളവര്‍ പുനലൂര്‍ താലൂക്ക് ആശുപത്രി സൂപ്രണ്ടുമായി ബന്ധപ്പെടണം. ഫോണ്‍: 9447051097.
(പി.ആര്‍.കെ നമ്പര്‍ 1689/2020)

  ജില്ലയില്‍ ഇന്നലെ(ജൂണ്‍ 23) ഒരു കോവിഡ് രോഗി കൂടി ഇന്നലെ(ജൂണ്‍ 23) കൊല്ലം പാരിപ്പള്ളി സര്‍ക്കാര്‍ മെഡിക്കല്‍ കോളേജില്‍ അന്തരിച്ചു. മയ്യനാട് സ്വദേശിയായ വസന്തകുമാര്‍(68 വയസ്) ആണ് മരിച്ചത്. അദ്ദേഹം ജൂണ്‍ 10ന് ഡല്‍ഹിയില്‍ നിന്നും നിസാമുദ്ദീന്‍ എക്‌സ്പ്രസ് ട്രെയിനില്‍ എറണാകുളത്തും കെ എസ് ആര്‍ ടി സി സ്‌പെഷ്യല്‍ സര്‍വീസില്‍ കൊല്ലത്ത് എത്തി ഗൃഹനീരീക്ഷണത്തില്‍ തുടരുകയായിരുന്നു. രോഗലക്ഷണങ്ങള്‍ കണ്ടതിനെ തുടര്‍ന്ന് ജൂണ്‍ 17ന് പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ പ്രവേശിപ്പിച്ചു.

ജില്ലയില്‍ ഇന്നലെ(ജൂണ്‍ 23) റിമാന്‍ഡ് പ്രതി ഉള്‍പ്പടെ നാലു പേര്‍ക്ക് കോവിഡ് സ്ഥിരീകരിച്ചു. പെരിനാട് കുരീപ്പുഴ സ്വദേശി(53 വയസ്), ഇളമാട് ചെറിവയ്ക്കല്‍ സ്വദേശിനി(52 വയസ്), ഇളമാട് അമ്പലമുക്ക് സ്വദേശി(43 വയസ്), പുനലൂര്‍ സ്വദേശി(65 വയസ്) എന്നിവര്‍ക്കാണ് ഇന്നലെ(ജൂണ്‍ 23) കോവിഡ് സ്ഥിരീകരിച്ചത്.