കേരള സംസ്ഥാന പ്ലാനിംഗ് ആന്റ് എക്കണോമിക് അഫയേഴ്‌സ് (സി.പി.എം.യു) വകുപ്പിൽ റിസർച്ച് അസോസിയേറ്റുമാരെ താൽക്കാലികാടിസ്ഥാനത്തിൽ നിയമിക്കുന്നതിനുള്ള ഇന്റർവ്യൂ ജൂൺ 24, 25, ജൂലൈ രണ്ട്, മൂന്ന് തിയതികളിൽ തിരുവനന്തപുരത്ത് തൈക്കാടുള്ള സെന്റർ ഫോർ മാനേജ്‌മെന്റ് ഡെവലപ്പ്‌മെന്റിൽ നടത്തും. എഴുത്തുപരീക്ഷയുടെ അടിസ്ഥാനത്തിൽ തയ്യാറാക്കിയ ചുരുക്കപ്പട്ടികയിലെ എല്ലാ ഉദ്യോഗാർത്ഥികൾക്കും ഇ-മെയിൽ, സ്പീഡ് പോസ്റ്റ് വഴി അറിയിപ്പ് നൽകിയിട്ടുണ്ട്. ഇന്റർവ്യൂവിന്റെ വിശദാംശങ്ങൾ www.cmdkerala.net ൽ പ്രസിദ്ധീകരിച്ചു.
പി.എൻ.എക്സ്. 2249/2020

മലപ്പുറം ജില്ലയില്‍ 17 പേര്‍ക്ക് കൂടി ഇന്നലെ (ജൂണ്‍ 22) കോവിഡ് 19 സ്ഥിരീകരിച്ചു. ഇവരില്‍ ആറ് പേര്‍ ഇതര സംസ്ഥാനങ്ങളില്‍ നിന്നെത്തിയവരും 11 പേര്‍ വിവിധ വിദേശ രാജ്യങ്ങളില്‍ നിന്നെത്തിയവരുമാണ്. ജില്ലയില്‍ പുതുതായി ആര്‍ക്കും സമ്പര്‍ക്കത്തിലൂടെ രോഗബാധയുണ്‍ായിട്ടില്ലെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇന്നലെ രോഗബാധ സ്ഥിരീകരിച്ചവരെല്ലാം ജില്ലയിലെ കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ചികിത്സയിലാണ്.