സംസ്ഥാനത്ത് ഇതുവരെ റൂട്ടീൻ സാമ്പിൾ, ഓഖ്മെൻറഡ്, സെൻറിനൽ, പൂൾഡ് സെൻറിനൽ, സി ബി നാറ്റ്, ട്രൂനാറ്റ് എന്നീ വിഭാഗങ്ങളിലായി ആകെ 1.92 ലക്ഷം സാമ്പിളുകൾ പരിശോധിച്ചിട്ടുണ്ടെന്ന് മുഖ്യമന്ത്രി പിണറായി വിജയൻ പറഞ്ഞു. പരിശോധനാ തോത് വർധിപ്പിക്കണമെന്നാണ് ആലോചിക്കുന്നത്. പരിശോധനാ കേന്ദ്രങ്ങളുടെ എണ്ണം വർധിപ്പിക്കും. രോഗലക്ഷണമില്ലാത്തവരെ അടക്കം പരിശോധിച്ച് വൈറസ് വ്യാപനം തടയുകയാണ് ലക്ഷ്യം.
കൂടുതൽ വിമാനങ്ങൾ എത്തുമ്പോൾ വിമാനത്താവളങ്ങളിൽ പരിശോധനയ്ക്ക് കൂടുതൽ ആളുകളെ നിയോഗിക്കും. സീനിയറായ ഐഎഎസ്-ഐപിഎസ് ഉദ്യോഗസ്ഥർക്ക് വിമാനത്താവളങ്ങളിൽ ഈ ക്രമീകരണത്തിന്റെ ഏകോപന ചുമതല നൽകും.

ഉറവിടം കണ്ടെത്താനാകാത്ത കേസുകൾ കേരളത്തിൽ രണ്ടു ശതമാനത്തിലും താഴെയാണെന്ന് മുഖ്യമന്ത്രി പിണറായി വിജയൻ പറഞ്ഞു. ഇന്ത്യ മൊത്തമായെടുത്താൽ ഉറവിടം കണ്ടെത്താനാകാത്ത കേസുകൾ 40 ശതമാനത്തിൽ അധികമാണ്.

നൂറിൽ കൂടുതൽ കോവിഡ് രോഗികൾ നിലവിൽ ചികിത്സയിലുള്ളത് ഒൻപതു ജില്ലകളിലാണെന്ന് മുഖ്യമന്ത്രി പിണറായി വിജയൻ പറഞ്ഞു. മലപ്പുറം (201), പാലക്കാട് (154), കൊല്ലം (150), എറണാകുളം (127), പത്തനംതിട്ട (126), കണ്ണൂർ (120), തൃശൂർ (113), കോഴിക്കോട് (107), കാസർകോട് (102) എന്നിങ്ങനെയാണ് കണക്ക്. മെയ് നാലിനുശേഷം റിപ്പോർട്ട് ചെയ്ത 2811 കേസുകളിൽ 2545 പേർ മറ്റു രാജ്യങ്ങളിൽനിന്നോ സംസ്ഥാനങ്ങളിൽനിന്നോ വന്നവരാണ്. ജൂൺ 15 മുതൽ 22 വരെയുള്ള വിവരങ്ങൾ വിശകലനം ചെയ്താൽ ആകെ രോഗികളിൽ 95 ശതമാനവും പുറത്തുനിന്ന് കേരളത്തിൽ വന്നവരാണ്.

*60 പേർ രോഗമുക്തി നേടി; ചികിത്സയിലുള്ളത് 1620 പേർ
    കേരളത്തിൽ ചൊവ്വാഴ്ച 141 പേർക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. പത്തനംതിട്ട, പാലക്കാട് ജില്ലകളിൽ നിന്നുള്ള 27 പേർക്ക് വീതവും, ആലപ്പുഴയിൽ നിന്നുള്ള 19 പേർക്കും, തൃശ്ശൂരിൽ നിന്നുള്ള 14 പേർക്കും, എറണാകുളത്ത് 13 പേർക്കും, മലപ്പുറത്തെ 11 പേർക്കും, കോട്ടയത്ത് 8 പേർക്കും, കോഴിക്കോട്, കണ്ണൂർ ജില്ലകളിൽ നിന്നുള്ള ആറ് പേർക്ക് വീതവും, തിരുവനന്തപുരം, കൊല്ലം ജില്ലകളിൽ നിന്നുള്ള നാല് പേർക്ക് വീതവും വയനാട് നിന്നുള്ള രണ്ട് പേർക്കുമാണ് രോഗം സ്ഥിരീകരിച്ചത്.

കോവിഡ്  രോഗവ്യാപന പ്രതിരോധത്തിന്റെ ഭാഗമായി വിവിധ ആവശ്യങ്ങള്‍ക്കായി തൊഴിലന്വേഷകര്‍ എംപ്ലോയ്‌മെന്റ്                             എക്‌സ്‌ചേഞ്ചുകളിലെത്തുന്നത് പരിമിതപ്പെടുത്തുന്നതിനായി ഓണ്‍ലൈന്‍ സേവനങ്ങള്‍ ഏര്‍പ്പെടുത്തി. എംപ്ലോയ്‌മെന്റ് എക്‌സ്‌ചേഞ്ചുകളില്‍ നിന്നും നല്‍കുന്ന രജിസ്‌ട്രേഷന്‍, പുതുക്കല്‍, സര്‍ട്ടിഫിക്കറ്റ് കൂട്ടിച്ചേര്‍ക്കല്‍ തുടങ്ങിയ എല്ലാ സേവനങ്ങളും www.eemployment.kerala.gov.in  വെബ്‌സൈറ്റി  ലഭ്യമാണ്.

കൊല്ലം, പത്തനംതിട്ട ജില്ലകളിലെ ഇ എസ് ഐ ഡിസ്‌പെന്‍സറികളില്‍ ഉണ്ടാകാനിടയുള്ള അലോപ്പതി വിഭാഗം മെഡിക്കല്‍ ഓഫീസര്‍മാരുടെ ഒഴിവുകളിലേക്ക് താത്കാലിക നിയമനം നടത്തും. വാക്ക് ഇന്‍ ഇന്റര്‍വ്യൂവില്‍ പങ്കെടുക്കുന്ന എം ബി ബി എസ് ഡിഗ്രിയും ടി സി എം സി രജിസ്‌ട്രേഷനും ഉള്ളവര്‍ ജൂണ്‍ 30ന് വൈകുന്നേരം അഞ്ചിനകം rddsz.ims@kerala.gov.in  എന്ന ഇ-മെയില്‍ വിലാസത്തില്‍ രജിസ്‌ട്രേഷന്‍ ഫോം സമര്‍പ്പിക്കണം. ബയോഡാറ്റയുടെ മാതൃകയും വിശദ വിവരങ്ങളും www.ims.kerala.gov.in  വെബ്‌സൈറ്റില്‍ ലഭിക്കും. ഫോണ്‍ 0474-2742341.

കേരള ഷോപ്പ്‌സ് ആന്റ് കൊമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡില്‍ സജീവ അംഗമായി തുടരുന്ന കുടിശ്ശിക ഉളളവര്‍ക്കും കോവിഡ് ധനസഹായത്തിന് അപേക്ഷിക്കാം. അപേക്ഷ സമര്‍പ്പിക്കാത്തവര്‍ www.peedika.kerala.gov.in  വെബ്‌സൈറ്റില്‍ സമര്‍പ്പിക്കണം. വിശദ വിവരങ്ങള്‍ ആനന്ദവല്ലീശ്വരത്തുള്ള ജില്ലാ എക്‌സിക്യൂട്ടീവ് ഓഫീസറുടെ കാര്യാലയത്തില്‍ ലഭിക്കും.
(പി.ആര്‍.കെ നമ്പര്‍ 1700/2020)

നെടുങ്ങോലം രാമറാവു മെമ്മോറിയല്‍ താലൂക്ക് ആശുപത്രിയോട് ചേര്‍ന്ന് പ്രവര്‍ത്തിക്കുന്ന വിമുക്തി ഡി-അഡിഷന്‍ സെന്ററില്‍ മെഡിക്കല്‍ ഓഫീസര്‍ തസ്തികയില്‍ താത്കാലിക നിയമനം നടത്തുന്നതിനുള്ള വാക്ക് ഇന്‍ ഇന്റര്‍വ്യൂ ജൂണ്‍ 30 ന് രാവിലെ 11 ന് ജില്ലാ മെഡിക്കല്‍ ഓഫീസില്‍ നടക്കും. എം ബി ബി എസ് യോഗ്യതയുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം നേരിട്ട് ഹാജരാകണം. സൈക്യാട്രി പി ജി ഉള്ളവര്‍ക്ക് മുന്‍ഗണന ലഭിക്കും. പ്രതിമാസ വേതനം 51600 രൂപ.
(പി.ആര്‍.കെ നമ്പര്‍ 1690/2020)

കൊട്ടാരക്കര ജവഹര്‍ നവോദയ വിദ്യാലയത്തില്‍ ആറാം ക്ലാസ് പ്രവേശനത്തിന് വേണ്ടി 2020 ജനുവരി 11 നും ഒന്‍പതാം ക്ലാസ് പ്രവേശനത്തിനായി ഫെബ്രുവരി എട്ടിനും നടത്തിയ പരീക്ഷകളുടെ ഫലം                  www.navodaya.gov.in/nvs/nvs-school/KOLLAM/en/home  വെബ്‌സൈറ്റില്‍ പ്രസിദ്ധീകരിച്ചു.
(പി.ആര്‍.കെ നമ്പര്‍ 1698/2020)

കെ എസ് എഫ് ഇ യുടെ സഹായത്തോടെ മത്സ്യഫെഡും വാടി-തങ്കശ്ശേരി മത്സ്യത്തൊഴിലാളി വികസനക്ഷേമ സഹകരണ സംഘവും ചേര്‍ന്ന് തങ്കശ്ശേരി സി വൈ എം എസ് ലൈബ്രറി ഹാളില്‍ നടത്തിയ ഓണ്‍ലൈന്‍ പഠന കേന്ദ്രം മത്സ്യഫെഡ് ഭരണസമിതി അംഗം സബീന സ്റ്റാന്‍ലി ഉദ്ഘാടനം ചെയ്തു. മത്സ്യഫെഡ് ജില്ലാ മാനേജര്‍ കെ മണിരാജന്‍ പിള്ള അധ്യക്ഷനായി. കേരള മത്സ്യസര്‍വ്വകലാശാല ഗവേണിംഗ് കൗണ്‍സില്‍ അംഗം എച്ച് ബേസില്‍ ലാല്‍, വാടി-തങ്കശ്ശേരി സംഘം പ്രസിഡന്റ് ബിജു സെബാസ്റ്റ്യന്‍, ലൈബ്രറി ഭരവാഹികള്‍ എന്നിവര്‍ സംസാരിച്ചു.