കേരള കര്‍ഷക തൊഴിലാളി ക്ഷേമനിധി ബോര്‍ഡിലെ അംഗങ്ങളുടെ അംശദായം അടയ്ക്കുന്നതില്‍ 24 മാസത്തില്‍ കൂടുതല്‍ കുടിശ്ശിക വരുത്തിയതിനാല്‍ അംഗത്വം നഷ്ടപ്പെട്ട തൊഴിലാളികള്‍ക്ക് അംശദായം അടച്ച് അംഗത്വം  പുനസ്ഥാപിക്കുന്നതിന് 2021 ഫെബ്രുവരി 28 വരെ അവസരമുണ്ട്. കുടിശ്ശികയുള്ള ഓരോ വര്‍ഷത്തിനും 10 രൂപ നിരക്കില്‍ പിഴ ഈടാക്കും. എന്നാല്‍ 60 വയസ്സ് പൂര്‍ത്തിയായ തൊഴിലാളികള്‍ക്ക് കുടിശ്ശിക അടയ്ക്കുന്നതിനും അംഗത്വം പുനസ്ഥാപിക്കുന്നതിനും അവസരം ഉണ്ടായിരിക്കില്ല. വിശദവിവരങ്ങള്‍ക്ക് ഫോണ്‍ 04862 235732.

കേരള സംസ്ഥാന യുവജനക്ഷേമ ബോര്‍ഡ് ഇടുക്കി ജില്ലാ യുവജന കേന്ദ്രത്തിന്റെ ആഭിമുഖ്യത്തില്‍  കേരള വോളണ്ടറി യൂത്ത് ആക്ഷന്‍ ഫോഴ്‌സ് അംഗങ്ങള്‍ തൊടുപുഴ പ്രൈവറ്റ് ബസ് സ്റ്റാന്‍ഡില്‍ ബസുകള്‍ അണുവിമുക്തമാക്കുകയും യാത്രക്കാര്‍ക്ക് കൊറോണ പ്രതിരോധത്തിന്റെ ഭാഗമായുള്ള ലഖുലേഖകള്‍ വിതരണം ചെയ്യുകയും ചെയ്തു. പരിപാടിയുടെ ഉദ്ഘാടനം ഇടുക്കി ജില്ലാ ലീഗല്‍ സര്‍വീസ് അതോറിറ്റി സെക്രട്ടറി   ദിനേശ്.  എം. പിള്ള നിര്‍വഹിച്ചു. ചടങ്ങില്‍ ജില്ലാ യൂത്ത് പ്രോഗ്രാം ഓഫീസര്‍ വി.എസ്. ബിന്ദു അധ്യക്ഷത വഹിച്ചു.

മാര്‍ച്ച് 25ന് രാവിലെ 11 ന് കലക്ടറേറ്റ് കോണ്‍ഫറന്‍സ് ഹാളില്‍ നടത്താന്‍ നിശ്ചയിച്ചിരുന്ന ജില്ലാ ഭക്ഷ്യോപദേശക സമിതി യോഗം മാറ്റി.
 

കോവിഡ് 19 (കൊറോണ) ലോകം ഒട്ടാകെ വ്യാപിച്ച് മഹാരോഗമായി മാറിക്കൊണ്ടിരിക്കുന്ന സാഹചര്യത്തില്‍ മുന്‍കരുതലെന്നവണ്ണം ജില്ലയിലെ മുഴുവന്‍ അക്ഷയകേന്ദ്രങ്ങളിലെയും ആധാര്‍ സേവനങ്ങള്‍ മാര്‍ച്ച് 31 വരെ താല്‍ക്കാലികമായി നിര്‍ത്തിവച്ചു.

ഇടുക്കി ജില്ലയില്‍ പോക്‌സോ നിയമത്തിന് കീഴില്‍ പൈനാവ്, കട്ടപ്പന പോക്‌സോ കോടതികളില്‍ സ്‌പെഷ്യല്‍ പ്രോസിക്യൂട്ടര്‍ തസ്തികയിലേക്ക് അപേക്ഷ സമര്‍പ്പിക്കുന്നതിനുള്ള അവസാന തീയതി മാര്‍ച്ച 25 വൈകിട്ട് അഞ്ച് വരെ നീട്ടി.

കൊറോണ രോഗ വ്യാപന പ്രതിരോധത്തിന്റെ ഭാഗമായി വിവിധ ആവശ്യങ്ങള്‍ക്കായി തൊഴിലന്വേഷകര്‍ എംപ്ലോയ്‌മെന്റ് എക്‌സ്‌ചേഞ്ചുകളില്‍ എത്തുന്നത് പരിമിതപ്പെടുത്തി. എന്നാല്‍ പകരം ക്രമീകരണം ഏര്‍പ്പെടുത്തിയിട്ടുണ്ട്.  എംപ്ലോയ്‌മെന്റ് എക്‌സ്‌ചേഞ്ചുകളില്‍ നിന്നും നല്‍കുന്ന രജിസ്ട്രഷന്‍, പുതുക്കല്‍, സര്‍ട്ടിഫിക്കറ്റ് അഡീഷന്‍ തുടങ്ങിയ എല്ലാ സേവനങ്ങളും നിലവില്‍ ഓണ്‍ലൈനായി ലഭ്യമാണ്. ഈ സേവനങ്ങലെല്ലാം www.eemployment.kerala.gov.in എന്ന വെബ്‌സൈറ്റ് വഴി ഓണ്‍ലൈനായി നടത്താം.

1. ജില്ലയില്‍ ഇന്നലെ ആശുപത്രി നിരീക്ഷണത്തില്‍ പ്രവേശിപ്പിക്കപ്പെട്ടവര്‍ - 0

2. ആശുപത്രി നിരീക്ഷണത്തില്‍നിന്ന് 

ഇന്നലെ ഒഴിവാക്കപ്പെട്ടവര്‍ - 0

3. ആശുപത്രി നിരീക്ഷണത്തില്‍ കഴിയുന്നവര്‍ ആകെ - 5
(എല്ലാവരും കോട്ടയം മെഡിക്കല്‍ കോളേജ് ആശുപത്രിയില്‍)

4. ഇന്നലെ ഹോം ക്വാറന്‍റയിന്‍ നിര്‍ദേശിക്കപ്പെട്ടവര്‍ - 267

5. ഹോം ക്വാറന്‍റയിനില്‍ കഴിയുന്നവര്‍ ആകെ - 2138

6. ജില്ലയില്‍ ഇതുവരെ പരിശോധിച്ച സാമ്പിളുകള്‍ - 168

7.   പോസിറ്റീവ്  - 2

8. നെഗറ്റീവ് -  126

9. ഫലം വരാനുള്ളവ - 37

10. നിരാകരിച്ചവ - 3