ഐ.റ്റി.ഡി.പി.യുടെ കീഴിലുള്ള പട്ടിക വര്‍ഗ കുടുംബങ്ങളുടെ വീടുകളുടെ മഴക്കാലത്തെ ചോര്‍ച്ച പരിഹരിക്കുന്നതിന് ഗുണനിലവാരമുള്ള സീല്‍പോളീന്‍ ഷീറ്റുകള്‍ വിതരണം ചെയ്യുന്നതിന് അംഗീകൃത ഏജന്‍സികള്‍, ഡീലര്‍മാര്‍, സ്ഥാപനങ്ങള്‍ എന്നിവരില്‍ നിന്നും മത്സരസ്വഭാവമുള്ള ക്വട്ടേഷന്‍ ക്ഷണിച്ചു.  ക്വട്ടേഷന്‍ ജൂണ്‍ 24 ന് ഉച്ചയ്ക്ക് 1 വരെ സ്വീകരിക്കും.  ഫോണ്‍. 04936 202232.

ആലപ്പുഴ :കോവിഡ് വന്നാലും വെള്ളപൊക്കമുണ്ടായാലും വെള്ളത്താൽ ചുറ്റപ്പെട്ടു കിടക്കുന്ന കൈനകരിക്കാർ ഭക്ഷണ സാധനകളില്ലാതെ ബുദ്ധിമുട്ടില്ല. കൈനകരിയിലെ എല്ലാ വാർഡുകളിലും അരിയും പലവ്യഞ്ജനങ്ങളും, പച്ചക്കറിയും എത്തിച്ചു കുടുംബശ്രീയുടെ ഒഴുകുന്ന സൂപ്പർമാർക്കറ്റ് മാതൃകയാകുന്നു. കോവിഡ് ലോക്ക് ഡൗൺ മൂലം ബുദ്ധിമുട്ടിയ ജനങ്ങൾക്ക് അവശ്യ സാധനങ്ങൾ എത്തിക്കുക എന്ന ലക്ഷ്യത്തോടെ തുടങ്ങിയ ഒഴുകുന്ന സൂപ്പർമാർക്കറ്റ് വെള്ളപ്പൊക്കമുണ്ടായാലും ഭക്ഷണ സാധനങ്ങൾ എത്തിച്ചു   ആളുകളെ സഹായിക്കാൻ സജ്ജമായിരിക്കുന്നത്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് (ജൂൺ 22)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 9 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 7 പേരെ അറസ്റ്റ് ചെയ്തു.    

 മാസ്ക് ധരിക്കാത്ത 268 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 268 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.
 

കേരള ചുമട്ട് തൊഴിലാളി ജില്ലാ കമ്മിറ്റിയില്‍ രജിസ്റ്റര്‍ ചെയ്ത സ്‌കാറ്റേര്‍ഡ് വിഭാഗം തൊഴിലാളികള്‍ക്ക് ലോക്ക് ഡൗണ്‍ മൂലം തൊഴില്‍ നഷ്ടപ്പെട്ട സാഹചര്യത്തില്‍ ബോര്‍ഡ് അനുവദിക്കുന്ന ധനഹായത്തിന് അപേക്ഷിക്കാനുള്ള തീയതി ജൂണ്‍ 30 വരെ നീട്ടി.  ഇതുവരെ അപേക്ഷിക്കാത്തവര്‍ അനുബന്ധ രേഖകള്‍ സഹിതം തപാല്‍ മാര്‍ഗമോ http://www.boardswelfafeassistance.lc.kerala.gov.in ലിങ്ക് വഴി ഓണ്‍ലൈനായോ അപേക്ഷിക്കണം.  ഫോണ്‍ 04936 204344.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 154 പേരാണ് ചികിത്സയിലുള്ളത്. ഇന്ന് (ജൂണ്‍ 22) ജില്ലയില്‍ 16 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 18 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 15871 സാമ്പിളുകള്‍ പരിശോധനയ്ക്കായി അയച്ചതില്‍ 15180 പരിശോധനാ ഫലങ്ങളാണ് ലഭ്യമായത്. 368 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 182 പരിശോധനാ ഫലങ്ങളാണ് ലഭിച്ചത്.  പുതുതായി 174 സാമ്പിളുകളും അയച്ചു. ഇനി 691 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

 ദമാം,  ഷാർജ,  ദുബായ്,  റാസൽഖൈമ,  ജിദ്ദ,  അബുദാബി,  കുവൈറ്റ്,  മസ്കറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ,  കണ്ണൂർ,  തിരുവനന്തപുരം അന്താരാഷ്ട്ര വിമാനത്താവളങ്ങളിലായി  ഇന്നലെ (ജൂണ്‍ 21) ജില്ലയിലെത്തിയത് 177 പാലക്കാട് സ്വദേശികള്‍.  ഇവരിൽ 15 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  രോഗലക്ഷണങ്ങൾ കണ്ടതിനെ തുടർന്ന് ഒരാളെ കളമശ്ശേരി മെഡിക്കൽ കോളേജിൽ പ്രവേശിപ്പിച്ചിട്ടുണ്ട്.161 പേർ വീടുകളിൽ നിരീക്ഷണത്തിലാണ്.

പാലക്കാട് ജില്ലയിൽ ഇന്ന്(ജൂൺ 22)ആറ്, പത്ത് വയസ്സുള്ള ആൺകുട്ടികൾക്ക്‌ ഉൾപ്പെടെ 16 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 11 പേർക്ക് രോഗമുക്തി ഉള്ളതായും അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഖത്തർ-3
വാളയാർ പാമ്പുപാറ സ്വദേശി (26 പുരുഷൻ),

പുതുപ്പരിയാരം സ്വദേശി (41 പുരുഷൻ),

മൂത്താന്തറ സ്വദേശി (31 പുരുഷൻ)

കരണിയില്‍ പ്രവര്‍ത്തിക്കുന്ന വയനാട് സഹകരണ പരിശീലന കേന്ദ്രത്തില്‍ ജെ.ഡി.സി. പട്ടികജാതി പട്ടിക വര്‍ഗ ബാച്ചിലേക്ക് പ്രവേശനം ആരംഭിച്ചു.  വയനാട്, പാലക്കാട്, തൃശൂര്‍, മലപ്പുറം ജില്ലകളിലുള്ളവര്‍ക്ക് അപേക്ഷിക്കാം.  പത്ത് മാസം ദൈര്‍ഘ്യമുള്ള കോഴ്‌സിന് പത്താംതരമാണ് അടിസ്ഥാന യോഗ്യത.  പ്രവേശന ഫോറം കരണി പരിശീലന കേന്ദ്രത്തില്‍ ലഭിക്കും.  അവസാന തീയതി ജൂണ്‍ 30. പട്ടികജാതി പട്ടിക വര്‍ഗ വിദ്യാര്‍ത്ഥികള്‍ക്ക് ഹോസ്റ്റല്‍ സൗകര്യം ലഭ്യമാണ്. ഫോണ്‍ 8281167513.