കൊറോണ ഭീഷണിയുടെ പശ്ചാത്തലത്തിൽ തൂവാല വിപ്ലവത്തിന് ആഹ്വാനംചെയ്ത്   ജില്ലാഭരണകൂടം.
കൊറോണ പ്രതിരോധ പ്രവര്‍ത്തനങ്ങളുടെ ഭാഗമായി തൂവാലയുടെ ഉപയോഗം വ്യാപകമാക്കുന്നതിനുള്ള പ്രചാരണ പരിപാടിക്ക്  തുടക്കമായി. കളക്ടറേറ്റിൽ മന്ത്രി ജി സുധാകരനും ധനമന്ത്രി തോമസ് ഐസക്കും ചേർന്നാണ് പ്രചാരണ പരിപാടിക്ക് തുടക്കം കുറിച്ചത്. മന്ത്രി ജി സുധാകരൻ ജില്ലാ കലക്ടർ എം അഞ്ജനയ്ക്കും  ധനമന്ത്രി തോമസ് ഐസക് മന്ത്രി ജി സുധാകരനും തൂവാലകൾ കൈമാറി.   

ബ്രേക്ക് ദ ചെയിൻ ക്യാമ്പയിനിൻറെ ഭാഗമായി തൂവാലകൾ ജില്ലാ കലക്ടറുടെ നേതൃത്വത്തിൽ വിതരണം ചെയ്യുമെന്ന് മന്ത്രി ജി സുധാകരൻ പറഞ്ഞു.

ആലപ്പുഴ: 2018ലെ പ്രളയാനന്തര വായ്പയ്ക്കുള്ള സബ്സിഡിയായി സംസ്ഥാന സര്‍ക്കാര്‍ ജില്ലയ്ക്ക് 28.41 കോടി രൂപ അനുവദിച്ചു. സംസ്ഥാനതലത്തില്‍ വിവിധ ജില്ലകള്‍ക്കായി 131.17 കോടി രൂപയാണ് സര്‍ക്കാര്‍ അനുവദിച്ചത്. ജില്ലയിലെ 55 പഞ്ചായത്തുകളിലെ 5055 അയല്‍ക്കൂട്ടങ്ങളിലെ 55420 അംഗങ്ങള്‍ക്കായി 453 കോടി രൂപയാണ് വിവിധ ബാങ്കുകളില്‍ നിന്നായി വായ്പ നല്‍കിയത്. സംസ്ഥാന സര്‍ക്കാരിന്റെ സബ്‌സിഡി തുകയുടെ പ്രയോജനം ഏറെ ലഭിച്ചത് പ്രളയം തകര്‍ത്തെറിഞ്ഞ കുട്ടനാടിനാണ്. 28.41 കോടിയില്‍ 15 കോടിയിലധികം രൂപ കുട്ടനാട്ടിലെ 12 സിഡിഎസുകള്‍ക്കാണ്.

ആലപ്പുഴ: കൊറോണ പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലാകെ 4497 പേര്‍ നിരീക്ഷണത്തിലാണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. പുതുതായി 713 പേരെ നിരീക്ഷണത്തിലുള്‍പ്പെടുത്തി. മെഡിക്കല്‍ കോളേജ്, ജനറല്‍ ആശുപത്രി എന്നിവിടങ്ങളിലായി 6 പേരുണ്ട്. പരിശോധനയ്ക്കയച്ച 142 സാമ്പിളുകളില്‍ പരിശോധനാഫലം ലഭിച്ച 132 എണ്ണം നെഗറ്റീവ് ആണ്. 10 സാമ്പിള്‍ ഇന്ന് പരിശോധനയ്ക്ക് അയച്ചു.

വിവിധ സ്ഥലങ്ങളിലായി 265 ബോധവത്കരണ ക്ലാസുകള്‍ സംഘടിപ്പിച്ചു. ചെറു സംഘങ്ങള്‍ക്കായി 1136 ബോധവല്‍ക്കരണ ക്ലാസ്സുകളും നല്‍കി.

* നറുക്കെടുപ്പുകൾ റദ്ദാക്കുകയും മാറ്റിവെക്കുകയും ചെയ്തു
കോവിഡ്19 വ്യാപനം തടയുന്നതിന്റെ ഭാഗമായി മാർച്ച് 31 വരെ സംസ്ഥാന ഭാഗ്യക്കുറി വകുപ്പിന്റെ ഭാഗ്യക്കുറി ടിക്കറ്റുകളുടെ വിൽപനയും നറുക്കെടുപ്പും പൂർണമായും നിർത്തിവെക്കുമെന്ന് ഡയറക്ടർ അറിയിച്ചു. ഇതിന്റെ ഭാഗമായി ഏതാനും നറുക്കെടുപ്പുകൾ മാറ്റിവെക്കുകയും റദ്ദാക്കുകയും ചെയ്തു.

കാസർഗോഡ് ഒഴികെയുളള മറ്റ് ജില്ലകളിലെ തദ്ദേശസ്വയംഭരണ സ്ഥാപനങ്ങളുടെ വോട്ടർ പട്ടിക ഈ മാസം 27ന് പ്രസിദ്ധീകരിക്കുമെന്ന് സംസ്ഥാന തെരഞ്ഞെടുപ്പ് കമ്മീഷണർ വി.ഭാസ്‌കരൻ അറിയിച്ചു.  പൊതു തെരഞ്ഞെടുപ്പിന് മുമ്പ് പേര് ചേർക്കുന്നതിന് രണ്ട് അവസരങ്ങൾ കൂടി നൽകും.

പട്ടികജാതി, പട്ടികവർഗ മേഖലകളിൽ കോവിഡ് 19 പ്രതിരോധത്തിനും അടിയന്തിര സഹായത്തിനും സർക്കാർ നടപടി ആരംഭിച്ചു. പട്ടികജാതി സങ്കേതങ്ങളിലും പട്ടികവർഗ ഊരുകളിലും പനി, ജലദോഷം തുടങ്ങിയ രോഗലക്ഷണങ്ങൾ ഉള്ളവരെ കണ്ടെത്തുന്നതിനും അവരെ ആരോഗ്യവകുപ്പിന്റെ നിരീക്ഷണത്തിൽ കൊണ്ടുവരുന്നതിനും രണ്ട് വകുപ്പുകളിലെയും പ്രമോട്ടർമാരെ ചുമതലപ്പെടുത്തി. മാർച്ച് 31ന് സേവന കാലാവധി അവസാനിക്കുന്ന പ്രമോട്ടർമാർക്ക് നിലവിലെ സാഹചര്യം കണക്കിലെടുത്ത് മേയ് 31വരെ സേവന കാലാവധി നീട്ടി നൽകാൻ സർക്കാർ തീരുമാനിച്ചു.

ജില്ലയില്‍ ആറു പേര്‍ക്ക് കൂടി കോവിഡ് 19 സ്ഥിരീകരിച്ചു. ഇതില്‍ മൂന്നു പേര്‍ 17 ന് കോ വിഡ് പോസിറ്റീവ് സ്ഥിരീകരിച്ച കളനാട് സ്വദേശിയുടെ അടുത്ത ബന്ധുക്കളാണ്. ഇവരില്‍ രണ്ട് സ്ത്രീകളും രണ്ട് വയസുള്ള കുട്ടിയും ഉള്‍പ്പെടുന്നു. ഇവരെ പരിയാരം ഗവ.മെഡിക്കല്‍ കോളേജ്  ആശുപത്രിയില്‍ ഐസോലേഷന്‍ വാര്‍ഡില്‍ പ്രവേശിപ്പിച്ചു. 17 ന് കോവിഡ് പോസിറ്റീവായ കളനാട് സ്വദേശിയോടൊപ്പം കാറില്‍ സഞ്ചരിച്ച വ്യക്തിയാണ് കോവിഡ് സ്ഥിരീകരിച്ച മറ്റൊരാള്‍. കോവിഡ് സ്ഥിരീകരിച്ച മറ്റ് രണ്ടു പേര്‍ ദുബൈയില്‍ നിന്നും വന്നരാണ്. ഒരാള്‍ക്ക് 52 വയസുണ്ട്.