മരുന്ന്  വാങ്ങാന്‍ മുമ്പോക്കെ ആശുപത്രി വരെ പോണം. ഇപ്പോ ഇത്തിരി ദൂരം പോയാല്‍ നീലേശ്വരം ഹോമിയോ ആശുപത്രിക്കെതിരെയുള്ള വയോമിത്രം സെന്ററില്ലേ, അവിടെത്തിയാല്‍ അവര് പരിേശാധിച്ച് മരുന്ന് തരും. പിന്നെ മരുന്ന് വാങ്ങാന്‍ വരുന്ന പണ്ട് കൂടെ പഠിച്ച കൂട്ടുകാരെ കണ്ട് ഇത്തിരി വിശേഷോം പറയാം.  വയോജനങ്ങള്‍ക്കായുള്ള  വയോമിത്രം പദ്ധതിയെ ഏറ്റെടുത്ത 67 വയസുകാരന്‍  രാഘവേട്ടന്റെ വാക്കുകളാണിത്. കൊറോണക്കാലത്തും വയോമിത്രത്തിലൂടെ കൃത്യമായി മരുന്നുകള്‍ ലഭിക്കുന്ന സന്തോഷത്തിലാണ് നീലേശ്വരത്തെ എറുവാട്ട് രാഘവന്‍ നായര്‍.   ഇതേ അനുഭവമാണ് നീലേശ്വരം തെരുവിലെ ചെന്തമല വീട്ടില്‍ വസുമതി അമ്മയ്ക്കും പറയാനുള്ളത്.

ജൂണ്‍ 25 മുതല്‍ ജൂലൈ നാല് വരെ നടക്കുന്ന കര്‍ണ്ണാടക പത്താംതരം പരീക്ഷയെഴുതാന്‍ ജില്ലയില്‍ നിന്ന് 367 വിദ്യാര്‍ഥികള്‍. ജില്ലയില്‍ നിന്ന് പരീക്ഷയെഴുതുന്ന വിദ്യാര്‍ഥികള്‍ക്കാവശ്യമായ സജ്ജീകരണങ്ങള്‍ ദക്ഷിണ കന്നഡ ഭരണകൂടം ഒരുക്കിയിട്ടുണ്ട്. ജില്ലയുടെ വിവിധ അതിര്‍ത്തി കേന്ദ്രങ്ങളില്‍ നിന്ന് പരിക്ഷ എഴുതുന്ന വിദ്യാര്‍ഥികള്‍ക്ക് വാഹന സൗകര്യം ഒരുക്കിയിട്ടുണ്ട്. ഇതിനായി പ്രത്യേകം നോഡല്‍ ഓഫീസര്‍മാരെയും നിയോഗിച്ചു.

പരീക്ഷാ ദിവസങ്ങളില്‍ തലപ്പാടി വരെ കെ എസ് ആര്‍ടി 

സര്‍വ്വീസ്- ജില്ലാ കളക്ടര്‍

കേരള സൈഗാൾ എന്നറിയപ്പെടുന്ന  പാപ്പുക്കുട്ടി ഭാഗവതരുടെ നിര്യാണത്തിൽ അഗാധമായ ദുഃഖം രേഖപ്പെടുത്തുന്നതായി സാംസ്‌കാരികമന്ത്രി എ.കെ. ബാലൻ അനുശോചനസന്ദേശത്തിൽ അറിയിച്ചു. മലയാള നാടക, സിനിമ, സംഗീത മേഖലകളിലെ ഒരു നൂറ്റാണ്ടിന്റെ വികാസപരിണാമങ്ങൾക്ക് സാക്ഷിയായ അദ്ദേഹം 107-ാം വയസിലാണ് വിട പറഞ്ഞത്. പതിനയ്യായിരത്തോളം വേദികളിൽ അദ്ദേഹം നാടകം അവതരിപ്പിച്ചു. ഇരുപത്തഞ്ചോളം സിനിമകളിലും അഭിനയിച്ചു. മേരിക്കുണ്ടൊരു കുഞ്ഞാട്(2010) എന്ന സിനിമയിലാണ് അവസാനമായി അദ്ദേഹം പാടിയത്. മഹാനായ ഒരു കലാകാരനെയാണ് നമുക്ക് നഷ്ടമായതെന്നും കുടുംബാംഗങ്ങളുടെ ദുഃഖത്തിൽ പങ്കുചേരുന്നതായും മന്ത്രി പറഞ്ഞു.
പി.എൻ.എക്സ്. 2243/2020

പ്രശസ്ത നടനും ഗായകനുമായ പാപ്പുക്കുട്ടി ഭാഗവതരുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. ബാലനടനായി ചലച്ചിത്രരംഗത്ത് വന്ന അദ്ദേഹം നടനായും ഗായകനായും ഏഴു പതിറ്റാണ്ടിലേറെ നാടക-സിനിമാ മേഖലകളിൽ സജീവമായിരുന്നു. അദ്ദേഹത്തിന്റെ സംഭാവനകൾ കലാകേരളം എന്നും സ്മരിക്കുമെന്ന് മുഖ്യമന്ത്രി പറഞ്ഞു.
പി.എൻ.എക്സ്. 2242/2020

കോഴിക്കോട് ജില്ലയില്‍ ഇന്ന് (22.06.20) പുതുതായി വന്ന 880 പേര്‍ ഉള്‍പ്പെടെ 14809 പേര്‍ നിരീക്ഷണത്തില്‍. 42367 പേര്‍ നിരീക്ഷണം പൂര്‍ത്തിയാക്കി.  ഇന്ന് വന്ന 20 പേര്‍ ഉള്‍പ്പെടെ 197 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 117 പേര്‍ മെഡിക്കല്‍ കോളേജിലും 80 പേര്‍ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്.  19 പേര്‍ ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (22.06.20) അഞ്ച് പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. നാല് പേര്‍ ഖത്തറില്‍ നിന്നും ഒരാള്‍ സൗദിയില്‍ നിന്നും വന്നവരാണ്. നാല് കുട്ടികള്‍ ഉള്‍പ്പെടെ എട്ടു പേര്‍ ഇന്ന് രോഗമുക്തരായി.

പോസിറ്റീവായവര്‍:

1. വില്യാപ്പള്ളി സ്വദേശിനിയായ ഗര്‍ഭിണി (30 വയസ്സ്)- ജൂണ്‍ 19 ന് ഖത്തറില്‍ നിന്നു വിമാനമാര്‍ഗ്ഗം കോഴിക്കോട്ടെത്തി. ടാക്‌സിയില്‍ വീട്ടിലെത്തിയ ശേഷം രോഗലക്ഷണങ്ങളെതുടര്‍ന്ന് കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. സ്രവപരിശോധനയില്‍ പോസിറ്റീവായി.

ബാലുശ്ശേരിയിലെ ഇ കെ നായനാർ ബസ് ടെർമിനൽ ഉദ്ഘാടനം തൊഴിൽ  എക്സൈസ് വകുപ്പ് മന്ത്രി ടി പി രാമകൃഷ്ണൻ നിർവഹിച്ചു. കോവിഡ് നിയന്ത്രണങ്ങൾ പൂർണമായും പാലിച്ചാണ് ഉദ്ഘാടന ചടങ്ങുകൾ നടന്നത്. പുരുഷൻ കടലുണ്ടി  എം.എൽ.എ ചടങ്ങിൽ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി മുഖ്യാതിഥിയായി.

എം.എൽ എ പുരുഷൻ കടലുണ്ടി എം. എൽ.എയുടെ ആസ്തി വികസന ഫണ്ടിൽ നിന്നും 3.54 കോടി രൂപയും ഗ്രാമപഞ്ചായത്തിന്റെ 19 ലക്ഷം രൂപയും ചെലവഴിച്ചാണ് ബാലുശ്ശേരി ബസ്റ്റാന്റ് നിർമ്മാണം പൂർത്തിയാക്കിയത്.  

കേരള ആഭരണ തൊഴിലാളി ക്ഷേമനിധി അംശദായം പ്രതിമാസം 20 രൂപയില്‍ നിന്ന് 50 രൂപയായി വര്‍ധിപ്പിച്ചു. 2020 മെയ് മുതല്‍ തൊഴിലാളികള്‍ അംശദായം അടയ്‌ക്കേണ്ടത് പ്രതിമാസം 50 രൂപ ആയിരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

സംസ്ഥാനമാകെ കൃഷി വിപുലപ്പെടുത്തുക 

ലക്ഷ്യം- മന്ത്രി ടി.പി രാമകൃഷ്ണന്‍

സംസ്ഥാനമാകെ കൃഷി വിപുലപ്പെടുത്തുകയാണ് സര്‍ക്കാര്‍ ലക്ഷ്യമെന്ന് തൊഴില്‍- എക്സൈസ് വകുപ്പ് മന്ത്രി ടി.പി രാമകൃഷ്ണന്‍ പറഞ്ഞു.

തിരുവാതിര ഞാറ്റുവേല ചന്തയുടെ ജില്ലാതല ഉദ്ഘാടനം വേങ്ങേരി മാര്‍ക്കറ്റ് പരിസരത്ത് നിര്‍വഹിച്ച് സംസാരിക്കുകയായിരുന്നു മന്ത്രി. കാര്‍ഷിക വികസന കര്‍ഷക ക്ഷേമ വകുപ്പാണ് തിരുവാതിര ഞാറ്റുവേല സംഘടിപ്പിച്ചത്.

ജില്ലാതലത്തില്‍ മികച്ച മത്സ്യകര്‍ഷകരെ തെരഞ്ഞെടുക്കുന്നതിന് ഫിഷറീസ് വകുപ്പ് അപേക്ഷ ക്ഷണിച്ചു. ശുദ്ധജല  കര്‍ഷകന്‍, അക്വാകള്‍ച്ചര്‍ പ്രൊമോട്ടര്‍, കൃഷിയില്‍ മികവ് പുലര്‍ത്തുന്ന തദ്ദേശസ്വയംഭരണ സ്ഥാപനം, നൂതന മത്സ്യകൃഷി എന്നീ വിഭാഗങ്ങളിലെ അവാര്‍ഡിന് ജൂണ്‍ 26 നകം അപേക്ഷിക്കണം. അപേക്ഷാഫോറം ഫിഷറീസ് വകുപ്പ് ജില്ലാ ഓഫീസില്‍ ലഭിക്കും. ഫോണ്‍: 0495 2381430.