നാഷണല്‍ ആയുഷ് മിഷന്‍ ഫണ്ടിന്റെ ഭാഗമായി ഭാരതീയ ചികിത്സാ വകുപ്പിന്റെ കന്യാജ്യോതി പദ്ധതിയില്‍ സിദ്ധ മെഡിക്കല്‍ ഓഫീസര്‍ തസ്തികയില്‍ കരാറടിസ്ഥാനത്തില്‍ നിയമിക്കുന്നു. സര്‍ക്കാര്‍ അംഗീകൃത ബി.എസ്.എം.എസ് യോഗ്യതയുള്ളവര്‍ ജൂലൈ മൂന്ന് രാവിലെ 10 ന് യോഗ്യത, വയസ്സ് തെളിയിക്കുന്ന് അസ്സല്‍ സര്‍ട്ടിഫിക്കറ്റുകളുമായി സുല്‍ത്താന്‍പേട്ടയിലെ ഭാരതീയ ചികിത്സ വകുപ്പ് ജില്ലാ ഓഫീസില്‍ കൂടിക്കാഴ്ചയ്ക്ക് എത്തണമെന്ന് ജില്ലാ മെഡിക്കല്‍ ഓഫീസര്‍ (ഭാരതീയ ചികിത്സാ വകുപ്പ്) അറിയിച്ചു.

മങ്കര ഗ്രാമപഞ്ചായത്തില്‍ മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓഫിസില്‍ മൂന്നാം ഗ്രേഡ് ഓവര്‍സീയര്‍ ഒഴിവ്. സിവില്‍ എന്‍ജിനീയറിങില്‍ ഐ.ടി.ഐ അല്ലെങ്കില്‍ ഡിപ്ലോമയാണ് യോഗ്യത. താല്‍പര്യമുള്ളവര്‍ ജൂലൈ അഞ്ചിന് രാവിലെ 11 ന് പഞ്ചായത്തോഫീസില്‍ കൂടിക്കാഴ്ച്ചയ്ക്ക് ബയോഡാറ്റയും അസ്സല്‍ സര്‍ട്ടിഫിക്കറ്റുകളുമായി എത്തണമെന്ന് സെക്രട്ടറി അറിയിച്ചു

ചിറ്റൂര്‍ ഗവ. കോളെജില്‍ കമ്പ്യൂട്ടര്‍ സയന്‍സില്‍ ഗസ്റ്റ് ലക്ചറര്‍ ഒഴിവ്. ബിരുന്താനന്തര ബിരുദത്തില്‍ 55 ശതമാനം മാര്‍ക്കും നെറ്റുമുള്ളവര്‍ക്ക് മുന്‍ഗണന. താല്‍പര്യമുള്ളവര്‍ ജൂലൈ രണ്ട് രാവിലെ 10.30 ന് ഓഫീസില്‍ എത്തണമെന്ന് പ്രിന്‍സിപ്പാള്‍ അറിയിച്ചു.  

പാലക്കാട് വ്യാവസായിക ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ജൂലൈ ഒന്ന്, രണ്ട്, എട്ട്, ഒമ്പത്, 15, 16, 22, 23, 29, 30 തീയതികളില്‍ പാലക്കാട് പി.ഡബ്്‌ള്യു.ഡി റസ്റ്റ് ഹൗസ് ഹാളില്‍ വിചാരണ നടത്തും. തൊഴില്‍ തര്‍ക്ക കേസുകളും ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

നൂറണിയിലെ പെണ്‍കുട്ടികളുടെ പോസ്റ്റ് മെട്രിക് ഹോസ്റ്റിലിന്റെ പടിഞ്ഞാറെ ഭാഗത്തെ കെട്ടിടം പൊളിച്ച് മാറ്റി കെട്ടിടാവാശിഷ്ടങ്ങള്‍ നീക്കം ചെയ്ത് നിലം ലെവല്‍ ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജില്ലാ പട്ടികവര്‍ഗ വികസന ഓഫീസില്‍ ജൂലൈ അഞ്ച് വൈകീട്ട് നാല് വരെ സ്വീകരിക്കും. ജൂലൈ ആറിന് വൈകീട്ട് 4.30 ന് ക്വട്ടേഷനുകള്‍ തുറക്കും. വിശദവിവരങ്ങള്‍ പ്രവൃത്തി ദിവസങ്ങളില്‍ ഈ കാര്യാലയത്തില്‍ നിന്നും ലഭിക്കും. ഫോണ്‍: 0491-2505383.

നാഷണല്‍ ലീഗല്‍ സര്‍വ്വീസസ് അതോറിറ്റി, കേരള സ്റ്റേറ്റ് ലീഗല്‍ സര്‍വ്വീസസ് അതോറിറ്റിയുടെയും ആഭിമുഖ്യത്തില്‍ ജൂലൈ 13 ന് അതത് കോടതികളില്‍ നാഷണല്‍ ലോക് അദാലത്ത് നടക്കും. നിലവില്‍ കോടതികളില്‍ തീര്‍പ്പാക്കാതെ കിടക്കുന്ന സിവില്‍ കേസുകളും നിയമപരമായി തീരാവുന്ന ക്രിമിനല്‍ കേസുകളുമാണ് അദാലത്തില്‍ പരിഗണിക്കുക. കേസുകള്‍ നിലവിലുള്ള കോടതികളില്‍ അപേക്ഷിക്കുന്ന പക്ഷം അദാലത്തില്‍ പങ്കെടുക്കുന്നതാണ്. അദാലത്തില്‍ കേസുകള്‍ തീര്‍പ്പാകുന്ന പക്ഷം മുഴുവന്‍ കോര്‍ട്ട് ഫീസും തിരികെ ലഭിക്കും. അദാലത്തിലെ അവാര്‍ഡുകള്‍ അന്തിമസ്വഭാവമുള്ളതും സിവില്‍ കോടതികളിലൂടെ നടത്തിയെടുക്കാനും കഴിയും.

സ്റ്റാറ്റിക്‌സ് ദിനാചരണത്തിന്റെ ഭാഗമായി ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്്‌സ് ജില്ലാ ഓഫീസില്‍ ഇന്ന് (ജൂണ്‍ 29) രാവിലെ 11 ന് 'സുസ്ഥിര വികസന ലക്ഷ്യങ്ങള്‍' വിഷയത്തില്‍ സെമിനാര്‍ നടക്കും. ജനകീയാസൂത്രണം ജില്ലാ കോഡിനേറ്റര്‍ സി.പി. ജോണ്‍ സെമിനാറിന് നേതൃത്വം നല്‍കും. 

ജില്ലയിലെ ഭാഷാ കോഴ്‌സുകളുടെ രജിസ്‌ട്രേഷന്‍ ഊര്‍ജിതപ്പെടുത്തുക, വിവിധ പദ്ധതികളുടെ ഭാഗമായി നടക്കുന്ന ക്ലാസുകള്‍ സജീവമാക്കുക, ജൂലൈയില്‍ നടക്കുന്ന പത്താംതരം ഹയര്‍ സെക്കന്‍ഡറി പുതിയ ബാച്ചിലേക്കുള്ള രജിസ്‌ട്രേഷന് വേണ്ടിയുള്ള മുന്നൊരുക്കം നടത്തുക തുടങ്ങിയ ലക്ഷ്യത്തോടെ നടത്തുന്ന പ്രേരക്മാരുടെ മൂന്നാമത് മേഖലാതല യോഗം ജില്ലാ പഞ്ചായത്ത് ഹാളില്‍ ഇന്ന് (ജൂണ്‍ 29) നടക്കും. പാലക്കാട്, മലമ്പുഴ, മണ്ണാര്‍ക്കാട്, അട്ടപ്പാടി ബ്ലോക്കുകളിലേയും മണ്ണാര്‍ക്കാട്, പാലക്കാട് നഗരസഭകളിലേയും പ്രേരക്മാര്‍ മേഖലാ യോഗത്തില്‍ പങ്കെടുക്കണമെന്ന് ജില്ലാ കോഡിനേറ്റര്‍ അറിയിച്ചു.