കൊറോണ വൈറസ് പ്രതിരോധം വിലയിരുത്തുവാനും തുടര്‍ നടപടികള്‍ സ്വീകരിക്കുവാനും സര്‍ക്കാര്‍ നിര്‍ദ്ദേശപ്രകാരം  നീലേശ്വരം നഗരസഭയുടെ പ്രത്യേക അടിയന്തിര കൗണ്‍സില്‍ യോഗം ചേര്‍ന്നു. രോഗബാധിത രാജ്യങ്ങളില്‍ നിന്നും ഇവിടെ എത്തിച്ചേര്‍ന്ന് നിരീക്ഷണത്തില്‍ കഴിയുന്നവര്‍ക്ക് സ്‌നേഹ സൗകര്യങ്ങളും ആവശ്യമായ പരിചരണങ്ങളും നഗരസഭയുടെ ആഭിമുഖ്യത്തില്‍ ഒരുക്കും. ആവശ്യമായ വീടുകളില്‍ ഭക്ഷ്യവസ്തുക്കള്‍, ഏകാന്തത ഒഴിവാക്കുന്നതിന് പുസ്തകങ്ങള്‍ ലഭ്യമാക്കല്‍, കൗണ്‍സലിംഗ് എന്നീ സൗകര്യങ്ങള്‍ നീലേശ്വരം താലൂക്ക് ആശുപത്രിയുടെ സഹകരണത്തോടെ നഗരസഭ ഒരുക്കും.

കൊറോണ വ്യാപനത്തിന്റെ പശ്ചാത്തലത്തില്‍ ജനജാഗ്രതാ സമിതികള്‍ പുനരുജ്ജീവിപ്പിച്ച് പ്രവര്‍ത്തനം ശക്തമാക്കുമെന്ന് ജില്ലാ കളക്ടര്‍ ഡോ. ഡി.  സജിത് ബാബു അറിയിച്ചു. ജനജാഗ്രതാ സമിതിയുടെ നേതൃത്വത്തില്‍ പ്രവര്‍ത്തിക്കുന്ന പ്രത്യേക സ്‌ക്വാഡുകള്‍ വീടുകളില്‍ നിരീക്ഷണത്തില്‍ കഴിയുന്നവരെ സന്ദര്‍ശിച്ച്, ഇവരുടെ വിവരങ്ങള്‍ ജനജാഗ്രതാ സമിതിയെ അറിയിക്കണം. ജില്ലയില്‍ 777        സ്‌ക്വാഡുകളാണ്  രൂപീകരിച്ച് പ്രവര്‍ത്തനം ആരംഭിച്ചത്. ജാഗ്രതാ സമിതിയില്‍ ആരോഗ്യ പ്രവര്‍ത്തകര്‍, സന്നദ്ധ പ്രവര്‍ത്തകര്‍, ജനമൈത്രി പോലീസ് എന്നിവര്‍ ഉണ്ടായിരിക്കും.

കോവിഡ്19 രോഗബാധയുടെ പശ്ചാത്തലത്തിൽ സംസ്ഥാനത്താകെയുണ്ടായ സാമ്പത്തിക പ്രതിസന്ധി അതിജീവിക്കാൻ 20,000 കോടി രൂപയുടെ

സംസ്ഥാനത്ത് ഒരാൾക്ക് കൂടി കോവിഡ്19 രോഗബാധ സ്ഥിരീകരിച്ചതായി മുഖ്യമന്ത്രി പിണറായി വിജയൻ അറിയിച്ചു. ദുബായിൽനിന്നെത്തി കാസർകോട് ജില്ലയിൽ നിരീക്ഷണത്തിലായിരുന്ന വ്യക്തിക്കാണ് രോഗം കണ്ടെത്തിയത്. ഇതോടെ സംസ്ഥാനത്ത് രോഗം സ്ഥിരീകരിച്ച് ചികിത്സയിലുള്ളവരുടെ എണ്ണം 25 ആയി. സംസ്ഥാനത്താകെ നിരീക്ഷണത്തിലുള്ളത് 31,173 പേരാണ്. ഇതിൽ 30,936 പേർ വീടുകളിലും 237 പേർ ആശുപത്രികളിലുമാണ്. 64 പേരെ വ്യാഴാഴ്ച പുതുതായി ആശുപത്രികളിൽ നിരീക്ഷണത്തിലാക്കി. 6,103 പേർ വ്യാഴാഴ്ച പുതുതായി നിരീക്ഷണത്തിലുണ്ട്. 5,155 പേരെ രോഗബാധയില്ലെന്ന് കണ്ടെത്തി നിരീക്ഷണത്തിൽനിന്ന് ഒഴിവാക്കിയിട്ടുണ്ട്.

കോവിഡ് രോഗത്തിന്റെ അടിസ്ഥാനത്തിൽ ഇറാനിൽ കുടുങ്ങിയ 65 മലയാളികൾ ഉൾപ്പെടെ ആയിരക്കണക്കിന് ഇന്ത്യൻ മത്സ്യത്തൊഴിലാളികളെ തിരികെ എത്തിക്കാൻ കേന്ദ്ര വിദേശകാര്യ സഹമന്ത്രി വി. മുരളീധരനുമായി  ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടി അമ്മ ഫോണിൽ സംസാരിച്ചു.

സംസ്ഥാനത്തെ സഹകരണ ബാങ്കുകളിൽ നിന്നും വായ്പയെടുത്തവർക്ക് കൊറോണ ഭീഷണിയുടെ പശ്ചാത്തലത്തിൽ മൊറട്ടോറിയം പ്രഖ്യാപിച്ചു. 2020 ജനുവരി 31 വരെ കൃത്യമായി വായ്പ തിരിച്ചടവ് നടത്തി വന്ന വായ്പക്കാർക്കാണ് തിരിച്ചടവിന് മൊറട്ടോറിയം അനുവദിക്കുന്നത്. എന്നാൽ ദീർഘകാലമായി തിരിച്ചടവ് നടത്താതിരിക്കുന്ന വായ്പക്കാർക്ക് ഈ ആനുകൂല്യം ലഭിക്കുകയില്ല. ഇതോടൊപ്പം 5 സെന്റിന് താഴെ ഭൂമിയിലുള്ള കിടപ്പാടം ജപ്തി ചെയ്യരുതെന്ന സംസ്ഥാന സർക്കാരിന്റെ മുൻനിർദേശവും പാലിക്കണമെന്ന് സഹകരണ ബാങ്കുകൾക്ക് സർക്കാർ നിർദ്ദേശം നൽകിയിട്ടുണ്ട് എന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു.
പി.എൻ.എക്സ്.1138/2020

*മുഖ്യമന്ത്രി സേനാവിഭാഗങ്ങളുമായി ചർച്ച നടത്തി
കോവിഡ്-19 വ്യാപിക്കുന്ന സ്ഥിതിയുണ്ടായാൽ സംസ്ഥാന സർക്കാർ സ്വീകരിക്കാനുദ്ദേശിക്കുന്ന നടപടികൾക്ക് പ്രതിരോധ സേനാവിഭാഗങ്ങളും പാരാമിലിറ്ററി വിഭാഗങ്ങളും പൂർണ പിന്തുണയും സഹായവും നൽകും. സ്ഥിതിഗതികൾ മോശമാവുകയാണെങ്കിൽ എടുക്കേണ്ട നടപടികൾ സംബന്ധിച്ച് മുഖ്യമന്ത്രി പിണറായി വിജയൻ സേനാവിഭാഗങ്ങളുടെയും അർദ്ധസൈനിക വിഭാഗങ്ങളുടെയും സംസ്ഥാനത്തെ മേധാവികളുമായി ചർച്ച നടത്തി.

ട്രെയിന്‍ യാത്രക്കാരെ നേരില്‍ കണ്ട് കൊറോണ വൈറസിനെതിരെ ബോധവത്കരണം നടത്തി ജില്ലാ കലക്ടര്‍ ബി അബ്ദുല്‍ നാസറും സിറ്റി പൊലീസ് കമ്മീഷണര്‍ ടി നാരായണനും. ബ്രേക്ക് ദ ചെയിന്‍ ക്യാമ്പയിന്റെ ഭാഗമായി കൊല്ലം റെയില്‍വേ സ്റ്റേഷനില്‍ എത്തിയ കേരള എക്സ്പ്രസ് ട്രെയിന്‍ കമ്പാര്‍ട്ട്‌മെന്റില്‍ കയറിയാണ്  ഇവര്‍ യാത്രക്കാരുമായി സംവദിച്ചത്.

കോവിഡ് 19 നേരിടുന്നതിന് ജില്ല സുസജ്ജമാണെന്നും അടിയന്തര സാഹചര്യത്തില്‍ ഉപയോഗിക്കാനായി സ്വകാര്യ ആശുപത്രികളിലും                 സ്‌കൂളുകളിലും സൗകര്യങ്ങള്‍  ഒരുക്കുന്നതിന് ജില്ലാ ഭരണകൂടം തയ്യാറാക്കിയ ആക്ഷന്‍ പ്ലാന്‍ സി ആവശ്യമെങ്കില്‍ താലൂക്കുതലത്തിലേക്കും വ്യാപിപ്പിക്കും.

കോവിഡ് 19 മായി ബന്ധപ്പെട്ട് വിദേശികളോടും നിരീക്ഷണത്തിലുള്ളവരോടും സാമൂഹിക വിവേചനം പാടില്ലെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. അനുഭാവപൂര്‍വമായ സമീപനമാണ് വേണ്ടത്, ആശങ്ക പാടില്ലെന്നും എന്നാല്‍ ജാഗ്രത പുലര്‍ത്തുകയാണ് വേണ്ടതെന്നും കലക്ടര്‍ പറഞ്ഞു.