ആശ പ്രവര്‍ത്തകരെ ജില്ലാ തലത്തില്‍ ഏകോപിപ്പിക്കുന്നതിനും  പ്രവര്‍ത്തനങ്ങളിലെ മാറ്റങ്ങളും ഉത്തരവുകള്‍ അറിയിക്കുന്നതിലെ കാലതാമസവും ഒഴിവാക്കുന്നതിനുമായി ആശപ്രവര്‍ത്തകരുടെ ജില്ലാതല അവലോകന യോഗം സംഘടിപ്പിച്ചു.  ജില്ലാ ആര്‍ സി എച്ച് ഓഫീസര്‍ ഡോ. പി എം ജോതിയുടെ നേതൃത്വത്തില്‍ നടന്ന യോഗം ജില്ലാ ഡെപ്യൂട്ടി ഡി എംഒ ഡോ. കെ ടി രേഖ ഉദ്ഘാടനം ചെയ്തു.

മലയാളി വായനക്കാരുടെ ഹൃദയത്തില്‍ ഇടംപിടിച്ച എം മുകുന്ദന്റെ കഥാപാത്രങ്ങളെ തേടി കഥാകാരനൊപ്പം മയ്യഴിയുടെ മണ്ണിലൂടെയുള്ള സര്‍ഗയാത്ര ജൂണ്‍ 29. സാഹിത്യ രചനയില്‍ തല്‍പ്പരരായ വിദ്യാര്‍ഥികള്‍ക്കായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പാണ് 'കഥ തേടി പോകാം' എന്ന പേരില്‍ സര്‍ഗയാത്ര ഒരുക്കുന്നത്. 

കേരളത്തിലെ ആദ്യത്തെ ഒളിമ്പിക്‌സ് മെഡല്‍ ജേതാവ് മാനുവല്‍ ഫ്രെഡറിക്കിന് സര്‍ക്കാര്‍ നിര്‍മ്മിച്ച് നല്‍കിയ വീടിന്റെ താക്കോല്‍ദാനം നാളെ 29 ന്  വൈകിട്ട് 4.30ന് കായിക വകുപ്പ് മന്ത്രി ഇ പി ജയരാജന്‍ നിര്‍വഹിക്കും. പയ്യാമ്പലത്തിനടുത്ത് പള്ളിയാംമൂലയില്‍ സര്‍ക്കാര്‍ പതിച്ചു നല്‍കിയ അഞ്ച് സെന്റ് ഭൂമിയില്‍ 38 ലക്ഷം രൂപ ചെലവിലാണ് വീട് നിര്‍മ്മിച്ചിരിക്കുന്നത്. 

ഏറെ കാലത്തെ ഉമ്മയുടെ ആഗ്രഹമായിരുന്നു അടച്ചുറപ്പുള്ളൊരു വീട്, ഈ സ്വപ്‌നം സാക്ഷാത്കരിച്ചതിന് ശേഷമാണ് ഉമ്മ പോയതെന്ന് പറയുമ്പോള്‍ സൈനബയുടെ തൊണ്ടയിടറിയിരുന്നു. മഹാ പ്രളയത്തില്‍ ശക്തമായ കാറ്റിലും മഴയിലും വീട് തകര്‍ന്ന റുഖിയയ്ക്കും മകള്‍ സൈനബയ്ക്കും കെയര്‍ ഹോം പദ്ധതി പ്രകാരം മൗവ്വഞ്ചേരി സര്‍വീസ് സഹകരണ ബാങ്കിന്റെ നേതൃത്വത്തിലാണ് സര്‍ക്കാര്‍ വീടുവെച്ചു നല്‍കിയത്. സര്‍ക്കാര്‍ ധനസഹായമായ 5.95 ലക്ഷം രൂപയും വ്യക്തികളില്‍ നിന്നും സംഘടനകളില്‍ നിന്നും സംഭാവനയായി ലഭിച്ച 1.19 ലക്ഷം രൂപയും ചേര്‍ത്തായിരുന്നു വീട് നിര്‍മ്മാണം.

കറിവേപ്പില, ആര്യവേപ്പ് തുടങ്ങി നമുക്കാവശ്യമുള്ള കാര്‍ഷിക ഉല്‍പ്പന്നങ്ങള്‍ വീട്ടില്‍ തന്നെ ഉല്‍പ്പാദിപ്പിക്കണമെന്നും എന്തിനും ഏതിനും വിപണിയെ ആശ്രയിക്കുന്ന മനോഭാവത്തിന് മാറ്റം വരണമെന്നും ജില്ലാ പഞ്ചായത്ത് പ്രസിഡന്റ് കെ വി സുമേഷ് പറഞ്ഞു. ഗൃഹചൈതന്യം  പദ്ധതി ജില്ലാതല ശില്‍പശാല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

പോണ്ടിച്ചേരി യൂണിവേഴ്‌സിറ്റിയുടെ  മാഹിയില്‍ പ്രവര്‍ത്തിക്കുന്ന കമ്യൂണിറ്റി കോളജില്‍ തൊഴിലധിഷ്ഠിത കോഴ്‌സുകളായ ഫാഷന്‍ ടെക്‌നോളജി, ജേര്‍ണലിസം ആന്‍ഡ് മാസ് കമ്യൂണിക്കേഷന്‍ എന്നീ മൂന്ന് വര്‍ഷ ബിരുദ കോഴ്‌സുകളിലേക്കും ഒരു വര്‍ഷ ഡിപ്ലോമ കോഴ്‌സുകളായ ടൂറിസം ആന്‍ഡ് സര്‍വീസ് ഇന്‍ഡസ്ട്രി, റേഡിയോഗ്രാഫി ആന്‍ഡ് ഇമേജിംഗ് ടെക്‌നോളജി എന്നിവയിലേക്കും ഏതാനും സീറ്റുകള്‍ ഒഴിവുണ്ട്. താത്പര്യമുള്ള     വിദ്യാര്‍ഥികള്‍ അസല്‍ സര്‍ട്ടിഫിക്കറ്റ് സഹിതം ജൂലൈ 10നകം കോളജില്‍ എത്തണം. ഫോണ്‍: 9207982622, 0490 2332622.                   (പിഎന്‍പി 1574/19)