റദ്ദായ ഭാഗ്യക്കുറി ക്ഷേമനിധി അംഗത്വം ജൂലൈ 10 വരെ പുതുക്കാമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു. ജൂലൈ 10വരെ പുതുതായി അംഗത്വം എടുക്കുന്നവര്‍ക്കും പുനഃസ്ഥാപിക്കുന്നവര്‍ക്കും ഭാഗ്യക്കുറി കൂപ്പണ്‍ ലഭിക്കും. ജൂലൈ 20വരെ ജില്ലാ ഭാഗ്യക്കുറി ക്ഷേമനിധി ഓഫീസില്‍നിന്നും കൂപ്പണ്‍ വാങ്ങാം.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 122 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി  പേര്‍ 32 നിരീക്ഷണത്തിലുമുണ്ട്. ഇന്ന് (ജൂണ്‍ 19) ജില്ലയില്‍ 10 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 21 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 15139 സാമ്പിളുകള്‍ പരിശോധനയ്ക്കായി അയച്ചതില്‍ 14148 പരിശോധനാ ഫലങ്ങളാണ് ലഭ്യമായത്. 315 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 190 പേർ രോഗമുക്തി നേടി. ഇന്ന് 311 പരിശോധനാ ഫലങ്ങളാണ് ലഭിച്ചത്. പുതുതായി 509 സാമ്പിളുകളും അയച്ചു. ഇനി 991 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 19)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 13 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 43 പ്രതികളിൽ 14  പേരെ അറസ്റ്റ് ചെയ്തു.  നിർദ്ദേശങ്ങൾ പാലിക്കാതെ സമര പരിപാടികളിൽ പങ്കെടുത്തതിനും ക്വാറന്റൈൻ  നിർദ്ദേശങ്ങൾ പാലിക്കാത്തതിനുമാണ് കേസ്.

 മാസ്ക് ധരിക്കാത്ത 75 പേർക്കെതിരെ കേസ് 

ജില്ലയിൽ ഇന്ന്(ജൂൺ19)14 പേർ രോഗമുക്തരായതായി ആരോഗ്യ വകുപ്പ് അധികൃതർ അറിയിച്ചു.
പെരിങ്ങോട് സ്വദേശി (58 സ്ത്രീ), എലവഞ്ചേരി സ്വദേശി (52 പുരുഷൻ), മലപ്പുറം സ്വദേശി (44 പുരുഷൻ), പട്ടാമ്പി സ്വദേശികൾ (26,64 പുരുഷന്മാർ), ചെർപ്പുളശ്ശേരി (45 സ്ത്രീ), അമ്പലപ്പാറ സ്വദേശി (34 സ്ത്രീ), കടമ്പഴിപ്പുറം സ്വദേശി (33,38 പുരുഷന്മാർ), കുഴൽമന്ദം സ്വദേശി (25 പുരുഷൻ), കൊപ്പം സ്വദേശി (35 പുരുഷൻ), തൃക്കടീരി സ്വദേശി (50 പുരുഷൻ), തൃശൂർ സ്വദേശി (31 പുരുഷൻ), കരിമ്പ സ്വദേശി (24 പുരുഷൻ) എന്നിവരാണ് രോഗമുക്തി നേടിയത്. നിലവിൽ 122 പേരാണ് ജില്ലയിൽ ചികിത്സയിലുള്ളത്.
 

പാലക്കാട് ജില്ലയിൽ ഇന്ന്(ജൂൺ 19) 10 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ ഒരാൾ കോഴിക്കോട് മെഡിക്കൽ കോളേജിൽ ചികിത്സയിലാണ്. ഇന്ന് ജില്ലയിൽ 14  പേർ രോഗ മുക്തരായിട്ടുണ്ടെന്നും ആരോഗ്യവകുപ്പ് അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

അബുദാബി-2
തെങ്കര സ്വദേശി (31 പുരുഷൻ), ചൂലന്നൂർ സ്വദേശി (34 പുരുഷൻ)

നെന്മാറ ബ്ലോക്ക് പഞ്ചായത്ത് 2018, 19 സാമ്പത്തിക വര്‍ഷത്തെ പ്ലാന്‍ ഫണ്ടിലുള്‍പ്പെടുത്തി പൂര്‍ത്തീകരിച്ച അയിലൂര്‍ ഇടപ്പാടം നീലംകോട് കുടിവെള്ള പദ്ധതി  കെ. ബാബു  എംഎല്‍എ ഉദ്ഘാടനം ചെയ്തു. അഞ്ച് ലക്ഷം രൂപയാണ് പദ്ധതിക്കായി ചെലവഴിച്ചത്. പ്രദേശത്തെ മൊത്തം 25 കുടുംബങ്ങള്‍ക്ക് പദ്ധതിയുടെ പ്രയോജനം ലഭിക്കും.

ജൂണ്‍ 21 ന് നടക്കുന്ന ത്രിവത്സര, പഞ്ചവത്സര എല്‍.എല്‍.ബി / കെ മാറ്റ്  പരീക്ഷകള്‍ക്കായി കെ.എസ്.ആര്‍.ടി.സി സര്‍വീസ് ആവശ്യമുള്ള വിദ്യാര്‍ഥികളും രക്ഷിതാക്കളും മുന്‍കൂട്ടി അറിയിക്കുന്ന പ്രകാരം സര്‍വീസ് നടത്തുമെന്ന് ജില്ലാ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. ഇതിനായി ഇന്ന് (ജൂണ്‍ 20) വൈകിട്ട് അഞ്ചിനകം വീടിന് സമീപമുള്ള കെ.എസ്.ആര്‍.ടി.സി ഡിപ്പോകളില്‍ സീറ്റ് റിസര്‍വ്വ് ചെയ്യണം. തുടര്‍ന്ന് സ്‌പെഷ്യല്‍ ടിക്കറ്റ് ചാര്‍ജ്ജ് ഈടാക്കി സര്‍വീസ് നടത്തും.

പാലക്കാട് താലൂക്ക് എലപ്പുളളി -1 വില്ലേജ് സ്വദേശി ശങ്കര നാരായണ അയ്യരില്‍ നിന്നും ഏറ്റെടുത്ത  90 സെന്റ് ഭൂമിയിലെ കായ്ഫലം എടുക്കാനുളള അവകാശം  ജൂലൈ രണ്ടിന് രാവിലെ 11 ന് എലപ്പുളളി - 1 വില്ലേജ് ഓഫീസില്‍ ലേലം ചെയ്യുമെന്ന് പാലക്കാട് താലൂക്ക് തഹസില്‍ദാര്‍ (ഭൂരേഖ) അറിയിച്ചു. സര്‍വ്വേ നം. 751/7, 8 ല്‍ ഉള്‍പ്പെട്ട 20 തെങ്ങ്, 755/2, 6 ല്‍ ഉള്‍പ്പെട്ട കടപ്ലാവ്, പന എന്നിവയില്‍ നിന്നും കായ്ഫലം എടുക്കാനുളള അനുമതിയാണ് നല്‍കുന്നത്.

കേന്ദ്ര ഫീല്‍ഡ് ഔട്ട്‌റീച്ച് ബ്യൂറോയുടെ ആഭിമുഖ്യത്തില്‍ വായനാ മാസാചരണത്തിന്റെ ഭാഗമായി സംഘടിപ്പിച്ച ഡിജിറ്റല്‍ വായന ശില്‍പശാല നെന്മാറ ഗംഗോത്രി ട്രസ്റ്റ് സെക്രട്ടറി ഡോ. പി യു രാമാനന്ദ് ഉദ്ഘാടനം ചെയ്തു. പാലക്കാട് ഫീല്‍ഡ് പബ്ലിസിറ്റി ഓഫിസര്‍ എം. സ്മിതി അധ്യക്ഷനായി. ഗംഗോത്രി സ്‌ക്കൂള്‍ പ്രിന്‍സിപ്പാള്‍ പി എസ് പ്രഭാകരന്‍, സി സായ്‌നാഥ് എന്നിവര്‍ സംസാരിച്ചു. അധ്യാപകര്‍, വിദ്യാര്‍ത്ഥികള്‍, രക്ഷകര്‍ത്താക്കള്‍ തുടങ്ങിയവര്‍ പങ്കെടുത്തു