കഴക്കൂട്ടം-അടൂർ സുരക്ഷാവീഥി മുഖ്യമന്ത്രി പിണറായി വിജയൻ വീഡിയോ കോൺഫറൻസ് വഴി ഉദ്ഘാടനം ചെയ്തു. ലോകബാങ്ക് ധനസഹായത്തോടെ നടപ്പാക്കുന്ന കെ.എസ്.ടി.പി രണ്ടാംഘട്ട പദ്ധതിയിൽ ഉൾപ്പെടുന്ന പ്രവൃത്തിയാണിത്. തിരുവനന്തപുരം, കൊല്ലം, പത്തനംതിട്ട എന്നീ മൂന്നു ജില്ലകളിലൂടെ കടന്നുപോകുന്ന റോഡിന് 78.65 കി.മീറ്റർ നീളമുണ്ട്. മൊത്തം ചെലവ് 146.67 കോടി രൂപ.

കെല്‍ട്രോണില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (യോഗ്യത: പ്ലസ്ടു), വേഡ് പ്രോസസിംഗ് ആന്റ് ഡേറ്റാ എന്‍ട്രി കോഴ്‌സുകളിലേക്ക് അപേക്ഷിക്കാം.
ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ് വിത്ത് ഇ-ഗാഡ്ജറ്റ് ടെക്‌നോളജീസ്(യോഗ്യത: പ്ലസ്ടു). നെറ്റ്‌വര്‍ക്ക് അഡ്മിനിസ്‌ട്രേഷന്‍ ആന്റ് ലിനക്‌സ്, പി എച്ച് പി ആന്റ് എം വൈ എസ് ക്യൂ എല്‍, സി, സി++, വെബ് ഡിസൈന്‍ ആന്റ് ഡെവലപ്പ്‌മെന്റ് എന്നീ അഡ്വാന്‍സ്ഡ്  കോഴ്‌സുകളിലേക്കും അപേക്ഷിക്കാം.  

ലോക്ക് ഡൗണിന്റെ പശ്ചാത്തലത്തില്‍ ജില്ലയിലെ ഹോട്ടല്‍, ബേക്കറി, ബോര്‍മ, തട്ടുകടകള്‍ എന്നിവിടങ്ങളില്‍ ഭക്ഷ്യസുരക്ഷാ വകുപ്പ് പരിശോധന നടത്തി29 സ്ഥാപനങ്ങളില്‍ നിന്നും പിഴ ഈടാക്കി.

കോവിഡ് 19 രോഗപ്രതിരോധ പ്രവര്‍ത്തനങ്ങളുടെ ഭാഗമായി തങ്കശ്ശേരി, വാടി, മുതാക്കര, ജോനകപ്പുറം, പോര്‍ട്ട് കൊല്ലം ലേലഹാളുകളില്‍ ഗാര്‍ഹികാവശ്യത്തിനുള്ള മത്സ്യ കച്ചവടം കര്‍ശനമായി നിരോധിച്ചു. ഹാര്‍ബറുകളിലും ലേലഹാളുകളിലും ആള്‍ക്കൂട്ടം ഒഴിവാക്കി സാമൂഹിക അകലം ഉറപ്പുവരുത്തി മത്സ്യ വിപണനം നടത്തുന്നതിനാണ് നടപടി. കോവിഡ് മാനദണ്ഡങ്ങള്‍ ലംഘിച്ച് ഗാര്‍ഹികാവശ്യത്തിനായി ഹാര്‍ബറുകളിലും ലേല ഹാളുകളിലും മത്സ്യം വാങ്ങാന്‍ എത്തുന്നവര്‍ക്കെതിരെ നടപടി സ്വീകരിക്കും.

ലോക്ക് ഡൗണ്‍ ഇളവുകള്‍ നിലവില്‍ വന്നതിനെ തുടര്‍ന്ന് തദ്ദേശ സ്വയംഭരണ സ്ഥാപനങ്ങളില്‍ വിവിധ ആവശ്യങ്ങള്‍ക്കായി എത്തുന്ന പൊതുജനങ്ങള്‍ നിര്‍ദേശങ്ങളും കോവിഡ് മാനദണ്ഡങ്ങളും പാലിക്കണം. തദ്ദേശ സ്വയംഭരണ സ്ഥാപനങ്ങള്‍ സന്ദര്‍ശകരുടെ വിവരങ്ങള്‍(പേര്, മേല്‍വിലാസം, സന്ദര്‍ശന സമയം, ഫോണ്‍ നമ്പര്‍, കാണേണ്ട ഉദ്യോഗസ്ഥന്റെ പേര്) പ്രത്യേക രജിസ്റ്ററില്‍ രേഖപ്പെടുത്തി സൂക്ഷിക്കണം. ഒരേ സമയം അഞ്ചുപേരില്‍ കൂടുതല്‍ സന്ദര്‍ശകര്‍ക്ക് ഓഫീസിനുള്ളില്‍ പ്രവേശനം അനുവദിക്കരുത്.

കോവിഡ് 19 ന്റെ പശ്ചാത്തലത്തില്‍ ഇക്കൊല്ലത്തെ വായനാദിന മാസാചരണം ഒരു മാസക്കാലം ഡിജിറ്റല്‍ പ്ലാറ്റ്ഫോമില്‍  നടത്തും. പരിപാടിയുടെ ജില്ലാതല ഉദ്ഘാടനം ഇന്ന് (ജൂണ്‍ 19) രാവിലെ 11 ന് മന്ത്രി ജെ മേഴ്സിക്കുട്ടിയമ്മ വീഡിയോ കോണ്‍ഫറന്‍സിലൂടെ നിര്‍വഹിക്കും. മന്ത്രിയുടെ വായനാദിന സന്ദേശം വിദ്യാഭ്യാസ വകുപ്പിന്റെ നേതൃത്വത്തില്‍ പ്രഥാന അധ്യാപകര്‍ക്കും വിദ്യാര്‍ഥികള്‍ക്കും ഓണ്‍ലൈനിലൂടെ കൈമാറും.

കല്ലുവാതുക്കല്‍ ഗ്രാമപഞ്ചായത്തിലെ 23-ാം വാര്‍ഡില്‍ കണ്ടെയിന്‍മെന്റ് സോണ്‍ നിയന്ത്രണങ്ങള്‍ നിലനിര്‍ത്തിയും മറ്റ് കണ്ടെയിന്‍മെന്റ് സോണുകളായിരുന്ന 20, 21, 22 വാര്‍ഡുകളെ നിയന്ത്രണങ്ങളില്‍ നിന്ന് ഒഴിവാക്കിയും ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.

ക്വാറന്റയിനില്‍ കഴിയാതെ കറങ്ങിനടന്ന മൂന്ന് ഡ്രൈവര്‍മാര്‍ക്കെതിരെ ആരോഗ്യ വകുപ്പ് ഉദ്യോഗസ്ഥര്‍ കേസെടുത്തു. മഹാരാഷ്ട്രയില്‍ നിന്നും ഇതര സംസ്ഥാനക്കാരെ കൊണ്ടുവിട്ട് നാട്ടിലെത്തിയ ഡ്രൈവര്‍മാരാണ് ക്വാറന്റയിന്‍ ലംഘനം നടത്തിയത്. വാര്‍ഡ് അംഗവും പൊലീസും ഇവരോട് നിരീക്ഷണത്തില്‍ കഴിയാന്‍ പറഞ്ഞെങ്കിലും തയ്യാറായില്ല. തുടര്‍ന്നാണ് ജില്ലാ മെഡിക്കല്‍ ഓഫീസ് ടെക്നിക്കല്‍ അസിസ്റ്റന്റ് എം നാരായണന്‍ നേരിട്ട് കേസെടുത്തത്.
(പി.ആര്‍.കെ നമ്പര്‍ 1648/2020)  

ജില്ലയില്‍ ഇന്നലെ(ജൂണ്‍ 18) എട്ടു പേര്‍ കോവിഡ് രോഗമുക്തരായി ആശുപത്രി വിട്ടു.