യു.എ.ഇ. യിലെ പ്രമുഖ വിദ്യാഭ്യാസ സ്ഥാപനത്തിൽ കിന്റർ ഗാർട്ടൻ, സ്‌പെഷ്യൽ എഡ്യൂക്കേറ്റർ, അറബി, ഇസ്ലാമിക് സ്റ്റഡീസ്, ഖുറാൻ, തമിഴ്, എക്കണോമിക്‌സ്, ഫിസിക്കൽ എഡ്യൂക്കേഷൻ, കോമേഴ്‌സ്, ഹിന്ദി തുടങ്ങിയ വിഷയങ്ങളിൽ അദ്ധ്യാപകരാവാൻ ഒഡെപെക്ക് അപേക്ഷ ക്ഷണിച്ചു. ജൂലൈ ആദ്യ ആഴ്ചകളിൽ സ്‌കൂൾ അധികൃതർ നേരിട്ട് ഇന്റർവ്യൂ നടത്തും. ആകർഷകമായ ശമ്പളവും മറ്റു ആനുകൂല്യങ്ങളും. വിശദ വിവരങ്ങൾക്ക്  www.odepc.kerala.gov.in  
പി.എൻ.എക്സ്.2009/19

ദേശീയ പിന്നാക്ക വിഭാഗ വികസന കോർപ്പറേഷന്റെ കീഴിലുളള തിരുവനന്തപുരം മോഡൽ ഫിനിഷിങ് സ്‌കൂളിൽ സൗജന്യ തൊഴിലധിഷ്ഠിത ഡി.ടി.എച്ച് സെറ്റ്-ടോപ്പ് ബോക്‌സ് ഇൻസ്റ്റലേഷൻ സർവീസ് ടെക്‌നീഷൻ കോഴ്‌സിന് എസ്.എസ്.എൽ.സി യോഗ്യതയുളളവർക്ക് അപേക്ഷിക്കാം. മൂന്നു ലക്ഷത്തിൽ താഴെ വാർഷിക കുടുംബ വരുമാനമുളള ഒ.ബി.സി വിഭാഗത്തിൽപ്പെട്ടവരോ, ഒരു ലക്ഷത്തിൽ താഴെ വാർഷിക കുടുംബ വരുമാനമുളള സാമ്പത്തിക പിന്നാക്ക വിഭാഗക്കാരോ ആയിരിക്കണം. ഡീനോട്ടിഫൈഡ് സെമി നൊമാഡിക് & നൊമാഡിക് ട്രൈബ്‌സ് വിഭാഗത്തിലുളളവർ, അറുപതു വയസ്സോ അതിനു മുകളിലോ ഉളള മുതിർന്ന പൗരൻമാർ എന്നിവർക്കും അപേക്ഷിക്കാം. കൂടുതൽ വിവരങ്ങൾക്ക്: 0471 2307733, 9207133385.

*അന്താരാഷ്ട മയക്കുമരുന്ന് ലഹരിവിരുദ്ധ ദിനം സംസ്ഥാനതല ഉദ്ഘാടനം നിർവഹിച്ചു

മധൂര്‍ പട്‌ല ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ ഒഴിവുളള എച്ച്.എസ്.എസ്.ടി (സീനിയര്‍) കെമിസ്ട്രി വിഷയത്തില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നതിനുളള കൂടിക്കാഴ്ച ജൂലൈ ഒന്നിന് രാവിലെ  പത്തിന് സ്‌കൂള്‍ ഓഫീസില്‍ നടത്തും.  താല്‍പര്യമുളള ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ സഹിതം  കൂടിക്കാഴ്ചയ്ക്ക് ഹാജരാകണം.
               

സീതാംഗോളി ഗവണ്‍മെന്റ് ഐ.ടി.ഐ യില്‍ ഡ്രാഫ്റ്റ്മാന്‍ സിവില്‍ , വെല്‍ഡര്‍ (ഗ്യാസ് ആന്റ് ഇലക്ട്രിക്)  എന്നീ എന്‍.സി.വി.ടി  ട്രേഡുകളിലേക്ക് അപേക്ഷ ക്ഷണിച്ചു. അപേക്ഷകര്‍ www.itiadmissions.kerala.gov.in എന്ന വെബ്‌പോര്‍ട്ടല്‍ മുഖേനയോ ഐ.ടി.ഐ ഓഫീസിലെ ഹെല്‍പ്പ് ഡസ്‌ക്ക് മുഖേനയോ അപേക്ഷിക്കണം. ഈ മാസം 29 ആണ് അപേക്ഷ സമര്‍പ്പിക്കാനുള്ള അവസാന തീയ്യതി.
 

ദേശീയ വായന മാസാചരണത്തിന്റെ ഭാഗമായി പി.എന്‍.പണിക്കര്‍ ഫൗണ്ടേഷന്‍, ആക്ട് നീലേശ്വരം , ജില്ലാതല വായന പക്ഷാചരണ സമിതി, കാന്‍ഫെഡ്  എന്നിവ സംയുക്തമായി പ്രകൃതി വായന നടത്തി. ജില്ലാ ടൂറിസം പ്രമോഷന്‍ കൗണ്‍സിലിന്റെ സഹകരണത്തോടെ റാണിപുരത്ത് നടത്തിയ പരിപാടി അഡ്വ.പി.കെ.ചന്ദ്രശേഖരന്‍ ഉദ്ഘാടനം ചെയ്തു. കെ.പി.ശശികുമാര്‍ അധ്യക്ഷത വഹിച്ചു .പി.എന്‍.പണിക്കര്‍ ഫൗണ്ടേഷന്‍ ജില്ലാ സെക്രട്ടറി സി.സുകുമാരന്‍, രാധാകൃഷ്ണന്‍ പി.വി., എന്‍.വി.ജനാര്‍ദ്ദനന്‍ മാസ്റ്റര്‍, രവീന്ദ്രന്‍.കെ, ഹരീഷ് കരുവാച്ചേരി, എ.വി.പ്രകാശന്‍, മനോജ് പട്ടേന, വിജയന്‍ പടന്നക്കാട്, ഉണ്ണികൃഷ്ണന്‍.കെ, സേതു ബങ്കളം എന്നിവര്‍ സംസാരിച്ചു.

സംസ്ഥാന സാക്ഷരത മിഷനും  പൊതു വിദ്യാഭ്യാസ വകുപ്പും  നടത്തുന്ന  പത്താംതരം ,ഹയര്‍ സെക്കന്ററി  തുല്യത  രജിസ്‌ട്രേഷന്‍ ആരംഭിച്ചു . പിഎസ് .സി , ഓപ്പണ്‍ യൂണിവേഴ്‌സിറ്റി എന്നിവ  അംഗീകരിച്ച കോഴ്‌സുകളാണ്  ഇത് . കൂടുതല്‍ വിവരങ്ങള്‍ക്ക്  സാക്ഷരതാ  മിഷന്റെ  കാസര്‍കോട്് ബ്ലോക്ക് വികസന വിദ്യാകേന്ദ്രവുമായി  ബന്ധപ്പെടുക.ഫോണ്‍- 9497234195
 

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി ലഭിച്ച 23.77 ഗ്രാം സ്വര്‍ണാഭരണങ്ങള്‍ കാസര്‍കോട് കളക്ടറേറ്റ് മിനികോണ്‍ഫറന്‍സ് ഹാളില്‍ നിന്നും  ഇന്ന്(27 )വൈകുന്നേരം മൂന്നിന് ലേലം ചെയ്യും. മാല, വള, മോതിരം എന്നീ ആഭരണങ്ങളാണ് ലേലം ചെയ്യുന്നത്.
 

കുടുംബശ്രീ ജില്ലയിലെ വിവിധ പഞ്ചായത്തുകളില്‍ നടപ്പിലാക്കുന്ന പട്ടികവര്‍ഗ്ഗ - സുസ്ഥിര വികസന പദ്ധതിയുടെ ഭാഗമായി ആനിമേറ്റര്‍മാരുടെ താല്‍ക്കാലിക ഒഴിവിലേക്കുള്ള നിയമനത്തിന്  അപേക്ഷ ക്ഷണിച്ചു. അപേക്ഷകര്‍ 10 ാം ക്ലാസ്സ് വിജയിച്ചവരായിരിക്കണം. കമ്മ്യൂണിറ്റി ഡെവലപ്പ്‌മെന്റ് , പദ്ധതി രൂപീകരണം എന്നിവയില്‍ മുന്‍പരിചയം അഭികാമ്യം. താല്‍പര്യമുള്ള പട്ടികവര്‍ഗ്ഗ ഉദ്യോഗാര്‍ത്ഥികള്‍ വിശദമായ ബയോഡാറ്റ,  ഫോണ്‍ നമ്പര്‍ എന്നിവ സഹിതം അപേക്ഷ ജൂലൈ രണ്ടിന്  വൈകീട്ട്  നാലിനകം ജില്ലാമിഷന്‍ കോഡിനേറ്റര്‍, കുടുംബശ്രീ, സിവില്‍ സ്റ്റേഷന്‍ , കാസര്‍കോട് എന്ന വിലാസത്തിലോ, നേരിട്ടോ എത്തിക്കണം.