ചിറ്റൂർ -മൂലത്തറ വലതുകര കനാൽ നിർമ്മാണം ഉടൻ ആരംഭിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. നവീകരിച്ച മൂലത്തറ റെഗുലേറ്റർ ഉദ്ഘാടനം വീഡിയോ കോൺഫറൻസിലൂടെ നിർവഹിച്ച് സംസാരിക്കുകയായിരുന്നു മുഖ്യമന്ത്രി.

കിഴക്കൻ കാർഷിക മേഖലയ്ക്കും കുടിവെള്ള പ്രശ്നപരിഹാരത്തിനും  
കോരയാർ മുതൽ വേലന്താവളം വരെയുള്ള വലതുകര കനാൽ ഭാഗം കിഫ്ബിയുടെ സഹായത്താൽ 
നിർമ്മിക്കുന്നതിനുള്ള നടപടികൾ അന്തിമഘട്ടത്തിലാണെന്ന്
മുഖ്യമന്ത്രി പിണറായി വിജയൻ പറഞ്ഞു.  മൂലത്തറ റെഗുലേറ്ററിന് സമീപം പ്രത്യേകം സജ്ജീകരിച്ച വേദിയിൽ വീഡിയോ കോൺഫറൻസ് വഴിയാണ് ഉദ്ഘാടനം നടത്തിയത്.

ലോക്  ഡൗണിനെത്തുടര്‍ന്നുണ്ടായ പ്രതിസന്ധിയില്‍നിന്ന് കരകയറുന്നതിനുള്ള പരിശ്രമങ്ങളുടെ ഭാഗമായി ഖാദി ഗ്രാമവ്യസായ ബോര്‍ഡ് മാസ്‌കുകളുടെ നിര്‍മാണവും വില്‍പ്പനയും ഊര്‍ജ്ജിതമാക്കി. ബോര്‍ഡിന്റെ  ജില്ലയിലെ വിവിധ യൂണിറ്റുകളില്‍  ഒരു ലക്ഷം തുണി മാസ്‌കുകളാണ് തയ്യാറാക്കിയിട്ടുള്ളത്. കഴുകി വീണ്ടും ഉപയോഗിക്കാവുന്ന മാസ്‌കിന്റെ വില 15 രൂപയാണ്. 100 എണ്ണത്തില്‍ കൂടുതല്‍ വാങ്ങുന്നവര്‍ക്ക് 13 രൂപ  നിരക്കിലും ലഭിക്കും. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 20)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 19 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 27 പ്രതികളിൽ 20 പേരെ അറസ്റ്റ് ചെയ്തു. നാല് വാഹനങ്ങൾ പിടിച്ചെടുത്തു. നിർദ്ദേശങ്ങൾ പാലിക്കാതെ സമര പരിപാടികളിൽ പങ്കെടുത്തതിനും ക്വാറന്റൈൻ  നിർദ്ദേശങ്ങൾ പാലിക്കാത്തതിനുമാണ് കേസ്.

 മാസ്ക് ധരിക്കാത്ത 464 പേർക്കെതിരെ കേസ് 

ക്ലീന്‍ കോട്ടയം ഗ്രീന്‍ കോട്ടയം പദ്ധതി

ജില്ലാ പഞ്ചായത്തിന്റെ ക്ലീന്‍ കോട്ടയം ഗ്രീന്‍ കോട്ടയം പദ്ധതിയുടെ ഭാഗമായി മാലിന്യ നിര്‍മ്മാര്‍ജ്ജന സംവിധാനങ്ങള്‍ക്ക് 90 ശതമാനം സബ്‌സിഡി നല്‍കുന്നു. എല്ലാ വീടുകളിലും ഏതെങ്കിലും തരത്തിലുളള ഉറവിട മാലിന്യ സംസ്‌ക്കരണ സംവിധാനങ്ങള്‍ ഉറപ്പാക്കുന്നതിന് ലക്ഷ്യമിട്ടാണ് പദ്ധതി നടപ്പാക്കുന്നത്. 

 ഷാർജ,  കുവൈറ്റ്,  റിയാദ്,  ഉക്രേൻ,  മസ്കറ്റ്,  ദമാം,  ദോഹ,  ദുബായ്,  ജിദ്ദ, സലാല, ഒമാൻ,  റാസൽഖൈമ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ,  കണ്ണൂർ,  തിരുവനന്തപുരം അന്താരാഷ്ട്ര വിമാനത്താവളങ്ങളിലായി  ഇന്നലെ (ജൂണ്‍ 19) ജില്ലയിലെത്തിയത് 190 പാലക്കാട് സ്വദേശികള്‍.  ഇവരിൽ 36 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  154 പേർ വീടുകളിൽ നിരീക്ഷണത്തിലാണ്.

 ഷാർജയിൽ നിന്നും കൊച്ചി അന്താരാഷ്ട്ര വിമാനത്താവളത്തിലെത്തിയ 44 പേരിൽ  ആറു പേർ 
ഇൻസ്റ്റിറ്റ്യൂഷനൽ  ക്വാറന്റൈനിൽ പ്രവേശിച്ചു. 38  പേർ  വീടുകളിൽ നിരീക്ഷണത്തിലാണ്.

ജില്ലയിൽ ഇന്ന്(ജൂൺ 20) 10 പേർ രോഗമുക്തി നേടിയതായി ആരോഗ്യവകുപ്പ് അധികൃതർ അറിയിച്ചു. പൊൽപ്പുള്ളി സ്വദേശി (37 പുരുഷൻ), കൊപ്പം സ്വദേശി (24 പുരുഷൻ), കുന്നത്തൂർമേട് സ്വദേശി (33 പുരുഷൻ), പനമണ്ണ സ്വദേശികളായ മൂന്നുപേർ (30,23,27 പുരുഷന്മാർ), കടമ്പഴിപ്പുറം സ്വദേശി (62 പുരുഷൻ), പെരിങ്ങോട് സ്വദേശി (30 സ്ത്രീ), മണ്ണാർക്കാട് സ്വദേശി (45 പുരുഷൻ), തിരുമിറ്റക്കോട് സ്വദേശി (54 പുരുഷൻ) എന്നിവരാണ് ഇന്ന് രോഗ മുക്തരായത്. നിലവിൽ ജില്ലയിൽ 135 കോവിഡ് 19 രോഗ ബാധിതരാണ്  ചികിത്സയിലുള്ളത്.
 

കോട്ടയം വിദ്യാഭ്യാസ ജില്ലയില്‍ 2019 നവംബറിലും മുന്‍ വര്‍ഷങ്ങളിലും പരീക്ഷ എഴുതി വിജയിച്ച് സര്‍ട്ടിഫിക്കറ്റ് പരിശോധന പൂര്‍ത്തിയായവരുടെ  കെ. ടെറ്റ് സര്‍ട്ടിഫിക്കറ്റുകള്‍ ജില്ലാ വിദ്യാഭ്യാസ ഓഫീസില്‍ വിതരണം ചെയ്യും. പരീക്ഷാര്‍ത്ഥികള്‍ ഹാള്‍ ടിക്കറ്റുമായി വന്ന് സാമൂഹിക അകലം പാലിച്ച് സര്‍ട്ടിഫിക്കറ്റുകള്‍ വാങ്ങണം.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 135 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 24 പേര്‍ നിരീക്ഷണത്തിലുമുണ്ട്. ഇന്ന് (ജൂണ്‍ 20) ജില്ലയില്‍ 23 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 18 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 15438 സാമ്പിളുകള്‍ പരിശോധനയ്ക്കായി അയച്ചതില്‍ 14490 പരിശോധനാ ഫലങ്ങളാണ് ലഭ്യമായത്. 337 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 200 പേർ രോഗമുക്തി നേടി. ഇന്ന് 342 പരിശോധനാ ഫലങ്ങളാണ് ലഭിച്ചത്. പുതുതായി 229 സാമ്പിളുകളും അയച്ചു. ഇനി 948 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂൺ 20) 23 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിനു പുറമെ ജില്ലയിൽ 10 പേർ രോഗമുക്തരയായിട്ടുണ്ടെന്നും  അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഡൽഹി-2
കോട്ടായി സ്വദേശി (44 പുരുഷൻ), 
ഷൊർണൂർ സ്വദേശി (36 പുരുഷൻ)

സുഭിക്ഷ കേരളം പദ്ധതിയുടെ ഭാഗമായി കാര്‍ഷിക വികസന കർഷക ക്ഷേമ വകുപ്പിന്റെ നേതൃത്വത്തില്‍  സംഘടിപ്പിക്കുന്ന ഞാറ്റുവേല ചന്തയ്ക്കും കര്‍ഷക സഭകള്‍ക്കും  ജില്ലയില്‍ ഇന്ന് (ജൂണ്‍ 22) തുടക്കമാകും. കല്ലറ ഗ്രാമ പഞ്ചായത്ത് കമ്യൂണിറ്റി ഹാളില്‍ രാവിലെ 10 ന്  തോമസ് ചാഴികാടന്‍ എം.പി ജില്ലാതല ഉദ്ഘാടനം നിര്‍വ്വഹിക്കും. സി.കെ. ആശ എം.എല്‍.എ. അധ്യക്ഷത വഹിക്കും.