ഓണ്‍ലൈന്‍ വായനാവാരാചരണം എം.ടി. ഉദ്ഘാടനം ചെയ്യും

അന്താരാഷ്ട്ര യോഗാദിനമായ ജൂണ്‍ 21ന് എല്ലാവരും വീടുകളില്‍ ദിനാചരണം നടത്തണമെന്ന് ജില്ലാ കലക്ടര്‍ അറിയിച്ചു.  രാവിലെ ഏഴു മണി മുതല്‍ 45 മിനിറ്റ് നീണ്ടു നില്‍ക്കുന്ന യോഗാഭ്യാസം പ്രധാന പരിപാടിയായി സര്‍ക്കാര്‍ നിശ്ചയിച്ചിട്ടുണ്ട്.  എല്ലാവരും വീടുകളില്‍ത്തന്നെ കുടുംബാംഗങ്ങളോടൊപ്പം യോഗാഭ്യാസം നടത്തണം.  

പൊതുജനങ്ങള്‍ക്കും വിവരം നല്‍കാം

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ 13 കേസുകള്‍ കൂടി ഇന്നലെ (ജൂണ്‍ 18) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി 14 പേരെ ഇന്നലെ അറസ്റ്റു ചെയ്തു. ഒരു വാഹനവും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,613 ആയി. 5,678 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,614 വാഹനങ്ങളും പിടിച്ചെടുത്തിട്ടുണ്‍്. 

ജില്ലയില്‍ ആകെ നിരീക്ഷണത്തിലുള്ളത് 14,429 പേര്‍

കോവിഡ് 19 സ്ഥിരീകരിച്ച് മഞ്ചേരി ഗവ. മെഡിക്കല്‍ കോളജ് ആശുപത്രിയിലെ ഐസൊലേഷന്‍ കേന്ദ്രത്തില്‍ ചികിത്സയിലായിരുന്ന രണ്‍് പേര്‍ കൂടി ഇന്നലെ (ജൂണ്‍ 18) രോഗമുക്തരായി. മെയ് 29 ന് രോഗബാധയെ തുടര്‍ന്ന് ചികിത്സയിലായ എയര്‍ ഇന്ത്യ ജീവനക്കാരിയായ മഹാരാഷ്ട്ര പൂനെ സ്വദേശിനി 24 വയസുകാരി, ജൂണ്‍ ഒന്നിന് രോഗബാധ സ്ഥിരീകരിച്ച് ചികിത്സയിലായ ചേലേമ്പ്ര വൈദ്യരങ്ങാടി സ്വദേശി 33 വയസുകാരന്‍ എന്നിവര്‍ക്കാണ് രോഗം ഭേദമായതെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇവരെ തുടര്‍ നിരീക്ഷണങ്ങള്‍ക്കായി സ്റ്റെപ് ഡൗണ്‍ ഐ.സി.യുവിലേക്ക് മാറ്റിയിരിക്കുകയാണ്.

(എം.പി.എം 2278/2020)
 

ഏറനാട് താലൂക്കില്‍ ജില്ലാകലക്ടറുടെ പൊതുജനപരിഹാര അദാലത്ത് വീഡിയോ കോണ്‍ഫറന്‍സ് വഴി നടത്തി. താലൂക്കിന് കീഴിലുള്ള അക്ഷയകേന്ദ്രങ്ങളിലൂടെ 20 പേര്‍ അദാലത്തില്‍ ഓണ്‍ലൈനായി പങ്കെടുത്തു. അദാലത്തിലേക്ക് നേരത്തെ ഓണ്‍ലൈനായി ലഭിച്ച 32 അപേക്ഷകളില്‍ 21 പരാതികളാണ് വീഡിയോ കോണ്‍ഫറന്‍സിലൂടെ പരിഹരിച്ചത്. ബാക്കിയുള്ള പരാതികള്‍ ഒരാഴ്ചക്കകം തീര്‍പ്പാക്കാന്‍ എല്ലാ ജില്ലാതല ഓഫീസര്‍മാര്‍ക്കും ജില്ലാകലക്ടര്‍ നിര്‍ദേശം നല്‍കി. ജില്ലാതല ഓഫീസര്‍മാര്‍ സൂം ആപ്പ് മുഖേനയാണ് അദാലത്തില്‍ പങ്കെടുത്തത്.
(എം.പി.എം 2275/2020)
 

മഞ്ചേരി-നിലമ്പൂര്‍ 66 കെ.വി ലൈനില്‍ നവീകരണ പ്രവൃത്തികള്‍ നടക്കുന്നതിനാല്‍ നിലമ്പൂര്‍, എടക്കര സബ്‌സ്റ്റേഷനുകളുടെ കീഴില്‍ വരുന്ന പ്രദേശങ്ങളില്‍ ജൂണ്‍ 20, 21 ദിവസങ്ങളില്‍ രാവിലെ ഒന്‍പത് മുതല്‍ വൈകീട്ട് അഞ്ച് വരെ വൈദ്യുതി വിതരണം തടസ്സപ്പെടുമെന്ന് മലപ്പുറം ട്രാന്‍സ്മിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു.
(എം.പി.എം 2274/2020)