പ്രധാന മന്ത്രി ഗരീബ് കല്യാണ്‍ അന്ന യോജനയില്‍ ജൂണ്‍ മാസത്തെ അരി വിഹിതത്തിന്റെ വിതരണം എ.എ.വൈ (മഞ്ഞ), മുന്‍ഗണന (പിങ്ക്)  കാര്‍ഡുകള്‍ക്ക് ഇന്ന് (ജൂണ്‍ 19)  മുതല്‍ നടത്തുമെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.

 ജില്ലയിലെ ആരോഗ്യസംരക്ഷണ സ്ഥാപനങ്ങളില്‍ ഉപയോഗിക്കുന്നതിന് മള്‍ട്ടി പാരമീറ്റര്‍ മോണിറ്റര്‍, മതിലില്‍ പതിപ്പിക്കുന്ന മോണിറ്റര്‍ സ്റ്റാന്‍ഡ്  വിതരണം ചെയ്യുന്നതിനും ഇന്‍സ്റ്റാള്‍ ചെയ്യുന്നതിനുമായി  ഇ-ടെന്‍ഡര്‍  ക്ഷണിച്ചു. അവസാന തീയതി ജൂണ്‍ 23 ന് വൈകീട്ട് അഞ്ച് മണി വരെ. ഫോണ്‍ : 0495 2374990.

കോഴിക്കോട് ഗവ. വനിത പോളിടെക്നിക് കോളേജ് ക്യാമ്പസില്‍ വീണു കിടക്കുന്ന തേക്ക് മരം ജൂലായ് ആറിന് രാവിലെ 11 മണിക്ക് കോളേജ് ഓഫീസില്‍  ലേലം ചെയ്യും. ഫോണ്‍ 0495 2370714.

പന്തലായനി ബ്ലോക്ക് പഞ്ചായത്തിന്റെ 2020-21 വാര്‍ഷിക പദ്ധതിയിലുള്‍പ്പെടുത്തിയിട്ടുള്ള പ്രവൃത്തികള്‍ ഏറ്റെടുത്ത് നടത്തുന്നതിന് അംഗീകൃത കരാറുകാരില്‍ നിന്നും  റീ/ ഇ-ടെണ്ടറുകള്‍ ക്ഷണിച്ചു. റീ/ ഇ-ടെണ്ടര്‍ വെബ്സൈറ്റില്‍ ലഭ്യമാകുന്ന തീയ്യതി  ജൂണ്‍ 25 വൈകീട്ട് അഞ്ച് മണി മുതല്‍. കൂടുതല്‍     വിവരങ്ങള്‍ക്ക് e-tenderskerala.gov.in സന്ദര്‍ശിക്കുക.

കോഴിക്കോട് താലൂക്ക് സപ്ലൈ ഓഫീസില്‍ ലോക്ഡൗണിനെ തുടര്‍ന്ന് നിര്‍ത്തി വെച്ച റേഷന്‍കാര്‍ഡ് വിതരണം ജൂണ്‍ 22ന് പുനരാരംഭിക്കുമെന്ന് താലൂക്ക് സപ്ലൈ ഓഫീസര്‍ അറിയിച്ചു.   2020 മെയ് 31 വരെ ഓണ്‍ലൈനായി അപേക്ഷിച്ചവര്‍ക്കാണ് കാര്‍ഡ് വിതരണം.  രാവിലെ 10.30 മുതല്‍ വൈകീട്ട് മൂന്ന്് വരെ പഞ്ചായത്തടിസ്ഥാനത്തിലാണ് പുതിയ റേഷന്‍കാര്‍ഡ് വിതരണം. തീയതി, പഞ്ചായത്ത്്  എന്നീ ക്രമത്തില്‍: ജൂണ്‍ 22- പെരുവയല്‍, കുന്ദമംഗലം,  23- മുക്കം, കൊടിയത്തൂര്‍, 26- രാമനാട്ടുകര, ഫറോക്ക്, 29- കുരുവട്ടൂര്‍, മടവൂര്‍, 30- കക്കോടി, തലക്കുളത്തൂര്‍.

പെരുവയല്‍ ഗ്രാമപഞ്ചായത്തിലെ ഭൂദാനം കോളനിയിലെ നവീകരണ പ്രവൃത്തികള്‍ക്ക് തുടക്കമായി.  പ്രവൃത്തികളുടെ ഉദ്ഘാടനം പി.ടി.എ റഹീം എം.എല്‍.എ നിര്‍വ്വഹിച്ചു. അന്‍പതിലധികം പട്ടികജാതി കുടുംബങ്ങള്‍ താമസിക്കുന്ന കോളനികള്‍ക്കുള്ള അംബേദ്കര്‍ ഗ്രാമം പദ്ധതിയിലുള്‍പ്പെടുത്തി ഒരു കോടി രൂപയാണ്  കോളനി നവീകരണത്തിന് അനുവദിച്ചിട്ടുള്ളത്.  ജില്ലാ നിര്‍മ്മിതി കേന്ദ്രയാണ് നിര്‍മ്മാണ പ്രവര്‍ത്തനങ്ങള്‍ ഏറ്റെടുത്ത് നടത്തുന്നത്.

കോവിഡ് 19 കാലഘട്ടത്തില്‍ വെല്ലുവിളികളെ അതിജീവിച്ച് എങ്ങനെ കേരളത്തെ മുന്നോട്ടു നയിക്കാമെന്നതിന് ഉദാഹരണമാണ് സര്‍ക്കാരിന്റെ പ്രവര്‍ത്തനങ്ങളെന്ന് ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടി അമ്മ. കോരപ്പുഴ നാരങ്ങോളി താഴെ റോഡ് ഉദ്ഘാടനം വീഡിയോ കോണ്‍ഫറന്‍സ്  മുഖേന നിര്‍വഹിക്കുകയായിരുന്നു മന്ത്രി. എല്ലാ മേഖലകളിലും പ്രതിസന്ധികളെ അതിജീവിച്ച് ജനജീവിതം സാധാരണ നിലയിലേക്ക് കൈപിടിച്ചുയര്‍ത്തുകയാണ് സര്‍ക്കാര്‍. 

കോഴിക്കോട് ജില്ലയില്‍ ഇന്ന് (17.06.20) പുതുതായി വന്ന 604 പേര്‍ ഉള്‍പ്പെടെ 11675 പേര്‍ നിരീക്ഷണത്തില്‍. 39169 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്ന 34 പേര്‍ ഉള്‍പ്പെടെ 218 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 131 പേര്‍ മെഡിക്കല്‍ കോളേജിലും 87 പേര്‍ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്. 11 പേര്‍ ഡിസ്ചാര്‍ജ്ജ് ആയി.

മൂന്ന് ഇതര ജില്ലക്കാര്‍ ഉള്‍പ്പെടെ
14 പേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്ന് (17.06.20) ആറ് പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. ഇവരില്‍ നാല് പേര്‍ കുവൈത്തില്‍ നിന്നും ഒരാള്‍ സൗദിയില്‍ നിന്നും ഒരാള്‍ ദുബായില്‍ നിന്നും വന്നവരാണ്. 11 കോഴിക്കോട് സ്വദേശികളും മലപ്പുറം, കണ്ണൂര്‍, വയനാട് സ്വദേശികളായ ഓരോരുത്തരും ഉള്‍പ്പെടെ 14 പേര്‍ ഇന്ന് രോഗമുക്തി നേടുകയും ചെയ്തിട്ടുണ്ട്.

രോഗമുക്തി നേടിയവര്‍: