ജില്ലയില്‍ ആരോഗ്യ വകുപ്പില്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് 2 (കാറ്റഗറി നം. 665/2012) തസ്തികയ്ക്കായി 2017 ഫെബ്രുവരി 23 ന് നിലവില്‍ വന്ന റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2020 ഫെബ്രുവരി 23 മുതല്‍ പ്രാബല്യത്തിലില്ലാതായതായി പി.എസ്.സി. ജില്ലാ ഓഫീസര്‍ അറിയിച്ചു.

കോഴിക്കോട് - പാലക്കാട് ദേശീയപാത 966 ല്‍ കി.മി 95/000 മുതല്‍ 96/000 വരെ ഉള്‍പ്പെട്ട പലജാതി മരങ്ങളുടെ ലേലം മാര്‍ച്ച് 24 ന് രാവിലെ 10.30 നും കി.മീ 87/000 മുതല്‍ 96/000 വരെ ഉള്‍പ്പെട്ട  മരങ്ങളുടെ ലേലം 11 നും പാലക്കാട് പൊതുമരാമത്ത് വകുപ്പ് ദേശീയപാത ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയറുടെ കാര്യാലയത്തില്‍ നടക്കും. ജി.എസ്.ടി. രജിസ്ട്രേഷനുളളവര്‍ക്ക് ലേലത്തില്‍ പങ്കെടുക്കാം. ക്വട്ടേഷനുകള്‍ മാര്‍ച്ച് 23 ന് വൈകിട്ട് മൂന്ന് വരെ സ്വീകരിക്കും.

സര്‍ക്കാര്‍ ഫിഷറീസ് വകുപ്പ്, മംഗലംഡാം ഫിഷ് സീഡ് ഫാമില്‍ ജി.ഐ.എഫ്. തിലാപ്പിയ മത്സ്യക്കുഞ്ഞുങ്ങള്‍ വിതരണത്തിന് തയ്യാറായിട്ടുണ്ട്. ഏകഎഠ മത്സ്യകൃഷി നടത്തുന്നതിന് ലൈസന്‍സ് ഉളള മത്സ്യകര്‍ഷകര്‍ 9446333374 നമ്പറിലോ ഫിഷറീസ് സബ് ഇന്‍സ്‌പെക്ടര്‍ മംഗലം ഡാം ഓഫീസിലോ പ്രവൃത്തി സമയങ്ങളില്‍ ബന്ധപ്പെടണമെന്ന് സബ് ഇന്‍സ്‌പെക്ടര്‍ ഓഫ് ഫിഷറീസ് അറിയിച്ചു.

പട്ടാമ്പി പ്രാദേശിക കാര്‍ഷിക ഗവേഷണ കേന്ദ്രത്തില്‍ ആറ് മാസത്തേക്ക് ഫാം ഓഫീസറായി എംപ്ലോയ്‌മെന്റ് എക്‌സ്‌ചേഞ്ച് മുഖാന്തിരം നിയമനം നടത്തുന്നതിന് മാര്‍ച്ച് 24 ന് നടത്താന്‍ തീരുമാനിച്ച കൂടിക്കാഴ്ച മാറ്റി വെച്ചു. കൊവിഡ് - 19 രോഗബാധയുടെ പശ്ചാത്തലത്തിലാണ് കൂടിക്കാഴ്ച നീട്ടിവെച്ചത്. പുതിയ തീയതി പിന്നീട് അറിയിക്കുമെന്ന് അസോസിയേറ്റ് ഡയറക്ടര്‍ അറിയിച്ചു. ഫോണ്‍ : 0466-2212228.

കൊവിഡിന്റെ പശ്ചാത്തലത്തില്‍ നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം.എല്‍.എ ഫോറത്തിന്റെയും സംയുക്താഭിമുഖ്യത്തില്‍ മാര്‍ച്ച് 20 ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്തുവാനിരുന്ന സെമിനാര്‍ മാറ്റിവെച്ചു.

ബ്രേക്ക് ദി ചെയിന്‍ന്റെ ഭാഗമായി ജില്ലാ പഞ്ചായത്ത് ഓഫീസിനു മുന്‍വശത് ആരംഭിച്ച ഹെല്‍പ്പ് ഡെസ്‌ക് കോര്‍ണര്‍ ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി ഉല്‍ഘടനം ചെയ്തു.  സെക്രട്ടറി കെ.സി സുബ്രഹ്മണ്യന്‍,  പി.ഡബ്ല്യൂ.ഡി ചെയര്‍മാന്‍ പി.കെ. സുധാകരന്‍, ജില്ലാ പഞ്ചായത്ത് അംഗം യു രാജഗോപാല്‍,  ഫിനാന്‍സ് ഓഫീസര്‍,  ജൂനിയര്‍ സൂപ്രണ്ടുമാര്‍,  ജീവനക്കാര്‍ എന്നിവര്‍ പങ്കെടുത്തു

കൊറോണ വൈറസ് ബാധ (കൊവിഡ് - 19) ലോക വ്യാപകമായി പടരുന്ന സാഹചര്യത്തില്‍   കൊവിഡ് - 19 നെ അംഗീകൃത ദുരന്തങ്ങളുടെ പട്ടികയില്‍ ഉള്‍പ്പെടുത്തി പ്രതിരോധ പ്രതികരണ നടപടികള്‍ സ്വീകരിച്ചു വരുകയാണ്. ഇതിന്റെ ഭാഗമായി പാലക്കാട് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ കലക്ടറുമായി ഡി. ബാലമുരളി ദുരന്തനിവാരണ നിയമം 2005 സെക്ഷന്‍ 26(2) , 30(1), 30(2), iv, v, xi, 33, 34(c) (m) പ്രകാരം നിക്ഷിപ്തമായ അധികാരങ്ങള്‍ ഉപയോഗിച്ച് താഴെ പറയുന്ന ഉത്തരവുകള്‍ പുറപ്പെടുവിച്ചു.

രണ്ടാം വിള നെല്ലു സംഭരണത്തിനോടനുബന്ധിച്ച് ഇതുവരെ രജിസ്റ്റര്‍ ചെയ്യാത്ത കര്‍ഷകര്‍ക്ക് ഇന്ന് (മാര്‍ച്ച് 18) രാവിലെ 11 മുതല്‍ മാര്‍ച്ച് 19 വൈകിട്ട് ആറ് വരെ രജിസ്റ്റര്‍ ചെയ്യാമെന്ന് ആലത്തൂര്‍ പാഡി മാര്‍ക്കറ്റിങ്  ഓഫീസര്‍ അറിയിച്ചു.