വട്ടിയൂർക്കാവ് സെൻട്രൽ പോളിടെക്‌നിക്ക് കോളേജിൽ 2020 ഏപ്രിൽ (റിവിഷൻ-2015 സ്‌കീം) ഡിപ്ലോമ പരീക്ഷകളുമായി ബന്ധപ്പെട്ടുള്ള പ്രാക്ടിക്കൽ പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദാംശങ്ങൾക്ക് അതത് വകുപ്പുകളുമായി ബന്ധപ്പെടുക.

തിരുവനന്തപുരം മെഡിക്കൽ കോളേജിൽ കാർഡിയാക്ക് അനസ്തീഷ്യ, പീഡിയാട്രിക് കാർഡിയാക്ക് സർജറി എന്നീ വിഭാഗങ്ങളിൽ അസിസ്റ്റന്റ് പ്രൊഫസർ തസ്തികകളിലേക്ക് കരാർ നിയമനം നടത്തുന്നു. ഓരോ ഒഴിവുകൾ വീതമാണുളളത്.
അസിസ്റ്റന്റ് പ്രൊഫസർ കാർഡിയാക്ക് അനസ്തീഷ്യ തസ്തികയിലേക്ക് ഡി.എം.കാർഡിയാക് അനസ്‌തേഷ്യ അല്ലെങ്കിൽ എം.ഡി/ ഡി.എൻ.ബി അസ്‌തേഷ്യ അല്ലെങ്കിൽ ഡി.എ ആണ് യോഗ്യത.

പ്രധാനമന്ത്രി ഗരീബ് കല്യാൺ അന്ന യോജന (പി.എം.ജി.കെ.എ.വൈ) സ്‌കീമിലെ ജൂൺ ക്വാട്ടയിലെ അരി വിഹിതത്തിന്റെ വിതരണം ഇന്ന് (19ന്) ആരംഭിക്കും. സംസ്ഥാനത്തെ എ.എ.വൈ.(മഞ്ഞ നിറത്തിലുളള റേഷൻ കാർഡ്), പ്രയോറിറ്റി (പിങ്ക് നിറത്തിലുളള റേഷൻ കാർഡ്) എന്നീ വിഭാഗത്തിൽപ്പെട്ട ഓരോരുത്തർക്കും സൗജന്യമായി അഞ്ച് കിലോഗ്രാം അരി റേഷൻ കടകളിൽ നിന്ന് കൈപ്പറ്റാം.
പി.എൻ.എക്സ്. 2190/2020

തിരുവനന്തപുരം റീജിയണൽ കാൻസർ സെന്റർ പാത്തോളജിയിലെ ക്വാളിറ്റി എക്‌സലൻസ് പ്രോഗ്രാമിലേക്കും മെഡിക്കൽ ഡോക്യൂമെന്റേഷൻ ട്രെയിനിംഗ് പ്രോഗ്രാമിലേക്കും അപേക്ഷ ക്ഷണിച്ചു. ജൂലൈ ഒന്ന് വൈകിട്ട് നാലുവരെ അപേക്ഷകൾ സ്വീകരിക്കും. വിശദ വിവരങ്ങൾക്കും അപേക്ഷാ ഫോറത്തിനും www.rcctvm.gov.in സന്ദർശിക്കുക.
പി.എൻ.എക്സ്. 2189/2020

റവന്യൂ ജീവനക്കാർക്കായി 2019 സെപ്റ്റംബർ മുതൽ 2020 ജനുവരി വരെ വിവിധ തിയതികളിലായി തിരുവനന്തപുരം, തൃശൂർ, കണ്ണൂർ കേന്ദ്രങ്ങളിൽ നടന്ന ചെയിൻ സർവെ, ഹയർ സർവെ പരീക്ഷാഫലം പ്രസിദ്ധപ്പെടുത്തി. സർവെ ഡയറക്ടറേറ്റിലും സർവെ വകുപ്പിന്റെ വെബ്‌സൈറ്റായ www.dslr.kerala.gov.in ലും പരീക്ഷാഫലം ലഭിക്കും.
പി.എൻ.എക്സ്. 2188/2020
 

സംസ്ഥാന സിവിൽ സർവീസ് അക്കാഡമിയിലും ഉപകേന്ദ്രങ്ങളിലും വിവിധ തസ്തികകളിൽ താത്ക്കാലിക നിയമനം നടത്തുന്നു. അഡ്മിനിസ്‌ട്രേറ്റീവ് അനലിസ്റ്റ് (ഒരു ഒഴിവ്, യോഗ്യത: ബി.ടെക്/ എം.ടെക്, എം.ബി.എയും യു.പി.എസ്.സിയുടെ സിവിൽ സർവീസ് പരീക്ഷയുടെ ഇന്റർവ്യൂവിൽ പങ്കെടുത്തവർക്ക് പരിഗണന, ശമ്പളം: പ്രതിമാസം 45000 രൂപ).
അക്കാഡമിക്ക് സപ്പോർട്ട് കോ-ഓർഡിനേറ്റർ (ഒരു ഒഴിവ്, യോഗ്യത: ബിരുദവും യു.പി.എസ്.സി സിവിൽ സർവീസ് ഇന്റർവ്യൂവിൽ ഒരു തവണയെങ്കിലും പങ്കെടുത്തിരിക്കണം, ബന്ധപ്പെട്ട മേഖലയിൽ പ്രവൃത്തിപരിചയം ഉളളവർക്ക് മുൻഗണന, ശമ്പളം:പ്രതിമാസം 30,000 രൂപ).

കോട്ടയം ജില്ലയില്‍ കോവിഡ് മുക്തരായ മൂന്നു പേര്‍ ആശുപത്രി വിട്ടു. ജൂണ്‍  മൂന്നിന് ഡല്‍ഹിയില്‍നിന്നെത്തിയ മുതുകുളം സ്വദേശിനി(34), മെയ് 29ന് സൗദി അറേബ്യയില്‍നിന്നെത്തിയ കൊടുങ്ങൂര്‍ സ്വദേശിനി(30), മെയ് 17ന് അബുദാബിയില്‍നിന്നെത്തിയ കുമരകം സ്വദേശിനി(40) എന്നിവരാണ് വീട്ടിലേക്ക് മടങ്ങിയത്. ഇതിനു പുറമെ പത്തനംതിട്ടയില്‍ രോഗം സ്ഥിരീകരിച്ച് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന കോന്നി സ്വദേശിയും കോവിഡ് മുക്തനായി.