ജില്ലയിലെ ഉള്‍നാടന്‍ മത്സ്യസമ്പത്ത് സംരക്ഷിക്കുന്നതിനും നിയമ ലംഘനങ്ങള്‍ തടയുന്നതിനുമായി ഫിഷറീസ് വകുപ്പിന്റെ പ്രത്യേക സ്‌ക്വാഡ് ജലാശയങ്ങളില്‍ പട്രോളിങ് ശക്തമാക്കി. നിയമ ലംഘനം നടത്തുന്നവര്‍ക്കെതിരെ കടുത്ത നടപടികള്‍ സ്വീകരിക്കുമെന്നും 25,000 രൂപ വരെ പിഴ ഈടാക്കുമെന്നും ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. ജലമലിനീകരണം, അമിത മത്സ്യബന്ധനം, ചെറുമത്സ്യങ്ങളെ പിടിച്ചെടുക്കല്‍, നിരോധിത മത്സ്യബന്ധന രീതികള്‍ എന്നിവ മൂലം ഉള്‍നാടന്‍ മത്സ്യ സമ്പത്ത് കുറഞ്ഞുവരുന്ന സാഹചര്യത്തിലാണ് ഫിഷറീസ് വകുപ്പ് പട്രോളിങ് ശക്തമാക്കിയത്. 

സംസ്ഥാനത്തെ പത്ര-ദൃശ്യ-ഡിജിറ്റല്‍ മാധ്യമരംഗത്ത് പ്രവര്‍ത്തിക്കുന്നവര്‍ക്കും പത്ര ഏജന്റുമാര്‍ക്കും വിതരണക്കാര്‍ക്കും  സംസ്ഥാന അസംഘടിത തൊഴിലാളി സാമൂഹ്യസുരക്ഷാ പദ്ധതിയില്‍ അംഗങ്ങളാകാം. അംഗങ്ങളാകുന്നവര്‍ക്ക് കേരള അസംഘടിത തൊഴിലാളി സാമൂഹ്യസുരക്ഷാ ബോര്‍ഡ് മുഖേനയുള്ള ഇനി പറയുന്ന ആനുകൂല്യങ്ങള്‍ ലഭ്യമാകും.

കോവിഡ് 19  സ്ഥിരീകരിച്ചതുമായി ബന്ധപ്പെട്ട് കോട്ടയം ജില്ലയില്‍ ഇനി ശേഷിക്കുന്നത് ഒരു കണ്ടെയ്ന്‍മെന്‍റ് സോണ്‍ മാത്രം. കോരുത്തോട് പഞ്ചായത്തിലെ നാലാം വാര്‍ഡാണിത്. ജില്ലാ കളക്ടര്‍ നല്‍കിയ റിപ്പോര്‍ട്ടിന്‍റെ അടിസ്ഥാനത്തിലാണ് മറ്റു മേഖലകളെ നിയന്ത്രണങ്ങളുടെ പരിധിയില്‍നിന്ന് ഒഴിവാക്കിയത്.

സംസ്ഥാന ഭാഗ്യക്കുറി ക്ഷേമനിധി ബോര്‍ഡ്, ക്ഷേമനിധി അംഗങ്ങള്‍ക്ക് നല്‍കുന്ന   ഭാഗ്യകൂപ്പണ്‍, മാസ്‌ക്, സാനിറ്റൈസര്‍ എന്നിവ ജൂലൈ 20 വരെ ജില്ലാ ഭാഗ്യക്കുറി ക്ഷേമനിധി ഓഫീസില്‍ വിതരണം ചെയ്യും. ഇവ കൈപ്പറ്റാത്ത ക്ഷേമനിധി അംഗങ്ങള്‍, പെന്‍ഷന് അര്‍ഹരായ മസ്റ്റര്‍ ചെയ്യാത്ത അംഗങ്ങള്‍, റദ്ദായ അംഗത്വം പുതുക്കിയ അംഗങ്ങള്‍    എന്നിവര്‍ അംഗത്വ പാസ്ബുക്കുമായി എത്തി ഇവ കൈപ്പറ്റണം. 

ക്ഷേമനിധിയില്‍ പുതുതായി അംഗമാകുന്നതിനുള്ള അപേക്ഷ ജൂലൈ അഞ്ചിനകം ഓഫീസില്‍ സമര്‍പ്പിക്കണം. റദ്ദായ അംഗത്വം പുനസ്ഥാപിക്കുന്നതിന് ജൂലൈ 10 വരെ അവസരമുണ്ടായിരിക്കുമെന്നും ക്ഷേമനിധി ഓഫീസര്‍ അറിയിച്ചു. ഫോണ്‍: 0468 2222709. 

_

കോട്ടയം ജില്ലയില്‍ നാലു പേര്‍ക്കു കൂടി കോവിഡ് -19 സ്ഥിരീകരിച്ചു. ഇതില്‍ രണ്ടു പേര്‍ വിദേശത്തുനിന്നും രണ്ടു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. ജില്ലയില്‍ ഇന്ന്(ജൂണ്‍ 17) ലഭിച്ച 100 പരിശോധനാഫലങ്ങളില്‍ 96 എണ്ണം നെഗറ്റീവാണ്.

രോഗം സ്ഥിരീകരിച്ചവര്‍

----

1. കുവൈറ്റില്‍നിന്നും മെയ് 27ന് എത്തി കോട്ടയം കളത്തിപ്പടിയിലെ ക്വാറന്‍റയിന്‍ കേന്ദ്രത്തില്‍ കഴിഞ്ഞിരുന്ന പരിപ്പ് സ്വദേശിനി(34). 

2. കസാക്കിസ്ഥാനില്‍നിന്ന് ജൂണ്‍ ഏഴിന് എത്തി കുമരകത്തെ ക്വാറന്‍റയിന്‍ കേന്ദ്രത്തില്‍ കഴിഞ്ഞിരുന്ന കുമരകം സ്വദേശി(33). 

ജില്ലാതലത്തില്‍ മികച്ച മത്സ്യ കര്‍ഷകരെ തിരഞ്ഞെടുക്കുന്നതിന് ഫിഷറീസ് വകുപ്പ് അപേക്ഷ ക്ഷണിച്ചു.   ഓരുജല കര്‍ഷകന്‍,    ശുദ്ധജല കര്‍ഷകന്‍,   ചെമ്മീന്‍ കര്‍ഷകന്‍,   അക്വാകള്‍ച്ചര്‍ പ്രൊമോട്ടര്‍,  കൃഷിയില്‍ മികവു പുലര്‍ത്തുന്ന തദ്ദേശസ്വയംഭരണ സ്ഥാപനം,  നൂതന മത്സ്യകൃഷി എന്നീ വിഭാഗങ്ങളിലെ അവാര്‍ഡിന് ജൂണ്‍ 22നകം അപേക്ഷ നല്‍കണം. അപേക്ഷ ഫോറം ഫിഷറീസ് വകുപ്പ് ജില്ലാ ഓഫീസില്‍ ലഭിക്കും. ഫോണ്‍: 0481-2566823

കേരളാ മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ് -19 ധനസഹായം ലഭ്യമാക്കുന്നതിന് ഓണ്‍ലൈന്‍ പോര്‍ട്ടല്‍              ആരംഭിച്ചു. ഇതുവരെ അപേക്ഷ നല്‍കാത്തവര്‍ motorworker.kmtwwfb.kerala.gov.in  എന്ന പോര്‍ട്ടല്‍ അല്ലെങ്കില്‍ www.kmtwwfb.org  എന്ന വെബ് സൈറ്റ് മുഖേന  നല്‍കണം. അവസാന തീയതി ജൂണ്‍ 30.

   ഭിന്നശേഷി വിഭാഗക്കാര്‍ക്കായി സാമൂഹ്യനീതി വകുപ്പ് നടപ്പാക്കുന്ന വിദ്യാകിരണം, വിദ്യാജ്യോതി, സ്വാശ്രയ, പരിരക്ഷ പദ്ധതികളിലേക്ക് അപേക്ഷ ക്ഷണിച്ചു. അപേക്ഷ ഫോറം sjd.kerala.gov.in  എന്ന വെബ്സൈറ്റിലും കോട്ടയം മിനി സിവില്‍സ്റ്റേഷനിലെ ജില്ലാ സാമൂഹ്യനീതി ഓഫീസിലും ലഭിക്കും. അപേക്ഷ സമര്‍പ്പിക്കേണ്ട അവസാന തീയതി ജൂണ്‍ 30. ഫോണ്‍: 0481 2563980

ജില്ലാ പഞ്ചായത്തിന്‍റെ പദ്ധതിയില്‍ ഉള്‍പ്പെടുത്തി മുതിര്‍ന്ന പൗരന്‍മാര്‍ക്ക് ശ്രവണ സഹായി വിതരണം ചെയ്യുന്നതിന്‍റെ ജില്ലാതല ഉദ്ഘാടനം നാളെ(ജൂണ്‍ 19ന്) രാവിലെ 11ന് ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍ നിര്‍വഹിക്കും. ജില്ലാ പഞ്ചായത്ത് ഹാളിലാണ് പരിപാടി.