കേരള കര്‍ഷക തൊഴിലാളി ക്ഷേമനിധിയില്‍ അംശാദായം അടക്കുന്നതില്‍ 24 മാസത്തിലധികം കുടിശ്ശിക വരുത്തി അംഗത്വം നഷ്ടപ്പെട്ട കര്‍ഷകതൊഴിലാളികളില്‍ നിന്നും പിഴ സഹിതം കുടിശ്ശിക  2021 ഫെബ്രുവരി 28  സ്വീകരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കുടിശ്ശിക വരുത്തിയ ഓരോ വര്‍ഷത്തിനും 10 രൂപ നിരക്കില്‍ പിഴ ഈടാക്കും. 2020 ജനുവരി മുതല്‍ 20 രൂപ നിരക്കിലാണ് അംശാദായം അടക്കേണ്ടതെന്നും എക്‌സിക്യൂട്ടീവ് ഓഫീസര്‍ അറിയിച്ചു.
 

കേരള ലോകായുക്ത മാര്‍ച്ച് 23 മുതല്‍ 27 വരെ കോഴിക്കോട് നടത്താനിരുന്ന ക്യാമ്പ് സിറ്റിങ് മാറ്റിവച്ചതായി രജിസ്ട്രാര്‍ അറിയിച്ചു.
 

കൊറോണ പ്രതിരോധപ്രവര്‍ത്തനങ്ങള്‍ക്ക് സംസ്ഥാന സര്‍ക്കാരിന് പൂര്‍ണ്ണപിന്തുണയുമായി മലങ്കര മാര്‍ത്തോമ സുറിയാനി സഭ പരമാധ്യക്ഷന്‍ ഡോ.ജോസഫ് മാര്‍ത്തോമ്മ മെത്രാപ്പൊലീത്ത. കോവിഡ് 19 നിയന്ത്രണവുമായി ബന്ധപ്പെട്ട് മുഖ്യമന്ത്രി പിണറായി വിജയന്‍ തിരുവനന്തപുരത്തുനടത്തിയ വീഡിയോ കോണ്‍ഫറന്‍സില്‍ പങ്കെടുത്തശേഷം പത്തനംതിട്ട കളക്ടറേറ്റിലാണു സഭയുടെ നിലപാട് മെത്രാപ്പൊലീത്ത വ്യക്തമാക്കിയത്. 

മലപ്പുറം വിദ്യാഭ്യാസ ഉപഡയറക്ടറേറ്റില്‍ മാര്‍ച്ച് 23, 24, 25 തീയതികളില്‍ നടത്താനിരുന്ന പി.റ്റി.സി.എം തസ്തികയിലേക്കുള്ള കൂടിക്കാഴ്ച മാറ്റിവച്ചതായി അഡ്മിനിസ്‌ട്രേറ്റീവ് അസിസ്റ്റന്റ് അറിയിച്ചു. പുതുക്കിയ തീയതി പിന്നീട് അറിയിക്കും. ഫോണ്‍: 0483: 2734888.
 

കോവിഡ് 19 വ്യാപനം തടയുന്നതിനായി പൊതുഇടങ്ങളില്‍ ശാസ്ത്രീയ പരിശോധന സംവിധാനം സജ്ജീകരിക്കുമെന്ന് മുഖ്യമന്ത്രി പിണറായി വിജയന്‍. കോവിഡ് 19 തടയുന്നതിനായുള്ള മുന്‍കരുതല്‍ നടപടികളുടെ ഭാഗമായി  വീഡിയോ കോണ്‍ഫറന്‍സിങിലൂടെ സാമുദായിക നേതാക്കളുമായി സംസാരിക്കുകയായിരുന്നു മുഖ്യമന്ത്രി. ജനറല്‍ ആശുപത്രികള്‍, വിദ്യാഭ്യാസ സ്ഥാപനങ്ങള്‍, തദ്ദേശ സ്വയംഭരണ സ്ഥാപനങ്ങള്‍, മറ്റ് പൊതുഇടങ്ങള്‍ എന്നിവിടങ്ങളിലെല്ലാം ശാസ്ത്രീയ പരിശോധന സംവിധാനം എത്രയും വേഗം ഒരുക്കാനാണ് സര്‍ക്കാര്‍ ഉദ്ദേശിക്കുന്നതെന്നും മുഖ്യമന്ത്രി വ്യക്തമാക്കി. 

കൊറോണ വൈറസ് പ്രതിരോധ നടപടികളുടെ ഭാഗമായി കോട്ടയം മെഡിക്കല്‍ കോളേജ് ആശുപത്രിയില്‍ നിരീക്ഷണത്തില്‍ കഴിഞ്ഞിരുന്ന ഒരാളെക്കൂടി ഡിസ്ചാര്‍ജ്ജ് ചെയ്തു. ഉംറ കഴിഞ്ഞ് മടങ്ങിയെത്തിയ ഈരാറ്റുപേട്ട സ്വദേശിയാണ് സാമ്പിള്‍ പരിശോധനാ ഫലം നെഗറ്റീവായതിനെത്തുടര്‍ന്ന് ഇന്നലെ (മാര്‍ച്ച് 18)ആശുപത്രിവിട്ടത്. ഇയാള്‍ ഹോം ക്വാറന്‍റയിനില്‍ തുടരും.

ഇന്നലെ പുതിയതായി ആരെയും ആശുപത്രി നിരീക്ഷണത്തില്‍ പ്രവേശിപ്പിച്ചിട്ടില്ല.  കോട്ടയം മെഡിക്കല്‍ കോളേജില്‍ ആറു പേരും സ്വകാര്യ ആശുപത്രിയില്‍ ഒരാളുമാണ് ഇപ്പോല്‍ ഐസോലേഷനിലുള്ളത്.  

-
1.ജില്ലയില്‍ ഇന്നലെ ആശുപത്രി നിരീക്ഷണത്തില്‍ പ്രവേശിപ്പിക്കപ്പെട്ടവര്‍ - 0

2.ആശുപത്രി നിരീക്ഷണത്തില്‍നിന്ന് ഇന്നലെ ഒഴിവാക്കപ്പെട്ടവര്‍
(ഉംറ കഴിഞ്ഞു വന്ന ഈരാറ്റുപേട്ട സ്വദേശി) -1

3.ആശുപത്രി നിരീക്ഷണത്തില്‍ കഴിയുന്നവര്‍ ആകെ - 7
(ആറുപേര്‍ മെഡിക്കല്‍ കോളേജ് ആശുപത്രിയിലും ഒരാള്‍ സ്വകാര്യ ആശുപത്രിയിലും)

4.ഇന്നലെ ഹോം ക്വാറന്‍റയിന്‍ നിര്‍ദേശിക്കപ്പെട്ടവര്‍ -37

5. ഹോം ക്വാറന്‍റയിനില്‍ കഴിയുന്നവര്‍ ആകെ -1415

6.ജില്ലയില്‍ ഇതുവരെ പരിശോധിച്ച സാമ്പിളുകള്‍ -106

7. പോസിറ്റീവ് - 2

8.നെഗറ്റീവ് - 83

9.ഫലം വരാനുള്ളവ - 18