ജില്ലയിലെ ഭിന്നശേഷിക്കാരായവര്‍ക്ക് വേണ്ടി ജില്ലാ ഭരണകൂടം നടപ്പിലാക്കുന്ന വി ഡിസേര്‍വ് പദ്ധതിയുടെ മൂന്നാം ഘട്ടത്തിലെ ഗുണഭോക്താക്കള്‍ക്കുള്ള സഹായ ഉപകരണങ്ങളുടെ വിതരണം തുടങ്ങി.

കാസര്‍കോട്് വികസന പാക്കേജില്‍ ഉള്‍പ്പെടുത്തി കാസര്‍കോട്  ഉദയഗിരിയില്‍ നിര്‍മ്മിച്ച വര്‍ക്കിങ് വുമണ്‍സ് ഹോസ്റ്റല്‍  ജൂണ്‍ 19 ന് രാവിലെ 10.30 ന് കളക്ടറേറ്റില്‍ റവന്യു, ഭവന നിര്‍മ്മാണ വകുപ്പ്  മന്ത്രി ഇ ചന്ദ്രേശഖരന്‍ ഉദ്ഘാടനം ചെയ്യും.

ലോക് ഡൗണ്‍ പഞ്ചാത്തലത്തില്‍ സ്വദേശത്തേക്ക് മടങ്ങിയ തൊഴിലാളികള്‍ക്ക് സ്‌പോണ്‍സര്‍മാരുടെ ഉത്തരവാദിത്വത്തില്‍ തിരികെയെത്തി ജോലിയില്‍ പ്രവേശിക്കാന്‍ അവസരമൊരുങ്ങും. ഇത് സംബന്ധിച്ച് ജില്ലാ ഭരണകൂടം തയ്യാറാക്കിയ നിര്‍ദ്ദേശങ്ങള്‍ സര്‍ക്കാരിന്റെ അനുമതിക്കായി സമര്‍പ്പിക്കും. കുറഞ്ഞത് അഞ്ച് പേരെങ്കിലും അടങ്ങുന്ന സംഘങ്ങളായി വേണം സ്‌പോണ്‍സര്‍മാര്‍ ഇവരെ തിരികെ കൊണ്ടുവരാന്‍. ഇങ്ങനെ മടങ്ങിയെത്തുന്ന അതിഥി തൊഴിലാളികള്‍ ജോലി ചെയ്യുന്ന  സ്ഥലങ്ങള്‍ ക്വാറന്റെന്‍ പ്രദേശമായി കണക്കാക്കും. മടങ്ങിയെത്തിയതിന് ശേഷം ആരോഗ്യ പരിശോധന നടത്തും. 

കണ്ടെയ്ന്‍മെന്റ് സോണുകളില്‍ നിയന്ത്രണം കര്‍ശനമായി തുടരും. പൊതു ഇടങ്ങളില്‍ മാസ്‌ക് ധരിക്കാതെ വരുന്നവരുടെ എണ്ണം വര്‍ധിക്കുന്നതായി ശ്രദ്ധയില്‍ പെട്ടിട്ടുണ്ടെന്നും മാസ്‌ക് ധരിക്കാത്തവര്‍ക്കെതിരെ  കര്‍ശന നടപടി സ്വീകരിക്കുമെന്നും ജില്ലാ കളക്ടര്‍ ഡോ ഡി സജിത് ബാബു  അറിയിച്ചു. 

ആലപ്പുഴ:  മുഹമ്മ പെരുന്തുരുത്തുകരി പാടത്ത് ഇത്തവണ സ്വയം വിളവെടുത്തതിലൂടെ  ലഭിച്ച നെല്ലിൽ അഞ്ച് ക്വിന്റല്‍  നെല്ല് വിറ്റ് ലഭിച്ച  തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകി മുഹമ്മ താരേഴത്തുവീട്ടിൽ വിനീത ബൈജു. സ്വന്തം നെല്‍ കൃഷിയിടത്തില്‍ നടന്ന വിളവെടുപ്പിൽ  13500 രൂപയാണ് നെല്ലില്‍ നിന്ന് ലഭിച്ചത്.  ബുധനാഴ്ച ആലപ്പുഴ സിവിൽ സ്റ്റേഷനിൽ എത്തി വിനീതയും കുടുംബവും  ജില്ലാകലക്ടര്‍ എ.  അലക്സാണ്ടർക്ക് തുക കൈമാറുകയായിരുന്നു.

1/6ന് അബുദാബിയിൽ നിന്നും കൊച്ചിയിൽ എത്തി തുടർന്ന് വീട്ടിൽ നിരീക്ഷണത്തിൽ ആയിരുന്ന ആലപ്പുഴ സ്വദേശിനിയായ യുവതിക്കാണ് കോവിഡ് സ്ഥിരീകരിച്ചത് .

ആലപ്പുഴ: അമ്പലപ്പുഴ തെക്ക് ഗ്രാമപഞ്ചായത്തിലെ 2020-21 വാര്‍ഷിക പദ്ധതിയില്‍ ഉള്‍പ്പെട്ട വിവിധ പദ്ധതികള്‍ക്ക് ആനുകൂല്യം നല്‍കുന്നതുമായി ബന്ധപ്പെട്ട് ഗുണഭോക്താക്കളെ തിരഞ്ഞെടുക്കുന്നതിനുള്ള അപേക്ഷ ക്ഷണിച്ചു. വിശദവിവരങ്ങള്‍ ആനുകൂല്യവുമായി ബന്ധപ്പെട്ട് നിര്‍വ്വഹണം നടത്തുന്ന ഓഫീസുകളായ കൃഷി ഓഫീസ്, വെറ്റിനറി ഓഫീസ്, ഗവ. എല്‍.പി.എസ് അമ്പലപ്പുഴ എന്നിവിടങ്ങളില്‍ നിന്നും പ്രവര്‍ത്തി ദിവസങ്ങളില്‍ ലഭ്യമാണ്.