കൊറോണ രോഗബാധ തടയുന്നതിന്റെ ഭാഗമായി കൊല്ലം താലൂക്ക് ഓഫീസില്‍ മാര്‍ച്ച് 21 ന് നടത്താനിരുന്ന ജില്ലാ കലക്ടറുടെ പരാതി പരിഹാര അദാലത്ത് മാറ്റിവച്ചു.

മയ്യനാട് സി കേശവന്‍ മെമ്മോറിയല്‍ സാമൂറ്റികാരോഗ്യ കേന്ദ്രത്തില്‍ താത്കാലികാടിസ്ഥാനത്തില്‍ മെഡിക്കല്‍ ഓഫീസറെ നിയമിക്കുന്നതിന് അപേക്ഷ ക്ഷണിച്ചു. ഗവണ്‍മെന്റ് അംഗീകൃത കോഴ്‌സ് ജയിച്ച ഉദ്യോഗാര്‍ഥികള്‍ സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം അപേക്ഷ മാര്‍ച്ച് 23 ന് വൈകിട്ട് അഞ്ചിനകം ആശുപത്രി ഓഫീസില്‍ നല്‍കണം.

കോവിഡിന്റെ പശ്ചാത്തലത്തില്‍ നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം എല്‍ എ ഫോറത്തിന്റെയും സംയുക്താഭിമുഖ്യത്തില്‍ മാര്‍ച്ച് 20 ന് നിയമസഭാ സമുച്ചയത്തില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്തുവാനിരുന്ന സെമിനാര്‍ മാറ്റിവച്ചു.

കലക്‌ട്രേറ്റ് കോണ്‍ഫറന്‍സ് ഹാളില്‍ മാര്‍ച്ച് 23 ന് നടത്താനിരുന്ന ജില്ലാതല പോലീസ് കംപ്ലയിന്റ് അതോറിറ്റി സിറ്റിങ് മാറ്റിവച്ചു.

ജില്ലയില്‍ ഹയര്‍ സെക്കണ്ടറി വിദ്യാഭ്യാസ വകുപ്പില്‍ ലാബ് അസിസ്റ്റന്റ് (കാറ്റഗറി നമ്പര്‍ 419/2017) തസ്തികയുടെ സാധ്യതാ പട്ടിക പി എസ് സി പ്രസിദ്ധീകരിച്ചു.

വെട്ടിക്കവല ബ്ലോക്ക് പഞ്ചായത്തിലെ 14 ബ്ലോക്ക് ഡിവിഷനുകളുടെ കീഴില്‍ പ്രവര്‍ത്തിക്കുന്ന വയോജന ക്ലബ്ബുകള്‍ക്ക് ആവശ്യമായ പ്ലാസ്റ്റിക് കസേരകള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. മാര്‍ച്ച് 24 ന് ഉച്ചയ്ക്ക് രണ്ടുവരെ സമര്‍പ്പിക്കാം. വിശദ വിവരങ്ങള്‍ 0474-2404299 നമ്പരില്‍ ലഭിക്കും.

ആർ.സി.സിയിൽ രോഗികളോടൊപ്പം വരുന്നവർ കഴിഞ്ഞ ഒരു മാസത്തിനുള്ളിൽ വിദേശ യാത്ര നടത്തുകയോ, വിദേശത്തു നിന്ന് വന്നവരുമായി സമ്പർക്കം പുലർത്തുകയോ ചെയ്തിട്ടില്ലെന്ന് ഉറപ്പു വരുത്തണമെന്ന് ആർ.സി.സി ഡയറക്ടർ അറിയിച്ചു. ഇത്തരത്തിൽ ചിലർ രോഗികളെ അനുഗമിക്കുന്നതായി ശ്രദ്ധയിൽപ്പെട്ടതിനെ തുടർന്നാണ് നിർദേശം. ഇത്തരക്കാർ കാൻസർ രോഗികളുമായി സമ്പർക്കം പുലർത്തുന്നത് രോഗികൾക്ക് അപകടകരമായിരിക്കുമെന്നും ഡയറക്ടർ അറിയിച്ചു.
പി.എൻ.എക്സ്.1117/2020

കരാറുകൾക്ക് തുക നൽകാൻ സർക്കാർ ഏർപ്പെടുത്തിയ ബിൽ ഡിസ്‌കൗണ്ടിംഗ് സംവിധാനത്തിൽ കൂടുതൽ ബാങ്കുകൾ ചേർന്നു. കേരള ബാങ്ക്, ആക്‌സിസ് ബാങ്ക്, സൗത്ത് ഇന്ത്യൻ ബാങ്ക്, യൂക്കോ ബാങ്ക്, ബാങ്ക് ഓഫ് മഹാരാഷ്ട്ര, സിറ്റി യൂണിയൻ ബാങ്ക് തുടങ്ങിയവയാണ് പുതുതായി ചേർന്നത്. ഈ ബാങ്കുകൾ വഴി കരാറുകൾക്കും വിതരണക്കാർക്കും അംഗീകൃത ഏജൻസികൾക്കും ബിൽ ഡിസ്‌കൗണ്ടിംഗ് നടത്താം.
പി.എൻ.എക്സ്.1116/2020