ബ്രേക്ക് ദ് ചെയിന്‍ കാമ്പയനില്‍ സര്‍ക്കാര്‍ സ്ഥാപനങ്ങളില്‍ ഉപയോഗിക്കുന്നതിന്  കോട്ടയം ജനറല്‍ ആശുപത്രിയില്‍ തയ്യാറാക്കിയ ഹാന്‍ഡ് സാനിറ്റൈസറിന്റെ  വിതരണോദ്ഘാടനം ഇന്ന് (മാര്‍ച്ച് 19) ജില്ലാ പഞ്ചായത്ത് പ്രസിഡന്റ് അഡ്വ. സെബാസ്റ്റ്യന്‍ കുളത്തുങ്കല്‍ നിര്‍വ്വഹിക്കും.

ഉച്ചയ്ക്ക് 12.30ന് ജില്ലാ പഞ്ചായത്ത് പ്രസിഡന്റിന്റെ ചേമ്പറിലാണ് പരിപാടി.  കോവിഡ് 19 രോഗബാധ സംബന്ധിച്ച്  വയോജനങ്ങളെ ബോധവത്കരിക്കുന്നതിന്  ആര്‍ദ്രം സമഗ്ര വയോജന ആരോഗ്യ  പരിരക്ഷാ പദ്ധതിയില്‍ തയ്യാറാക്കിയ ലഘുലേഖയുടെ വിതരണോദ്ഘാടനവും ചടങ്ങില്‍ നടക്കും.

നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം.എല്‍.എ ഫോറത്തിന്റെയും സംയുക്താഭിമുഖ്യത്തില്‍ മാര്‍ച്ച് 20ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്താനിരുന്ന സെമിനാര്‍ മാറ്റിവച്ചു.

കൊറോണ നിയന്ത്രണ പ്രവര്‍ത്തനങ്ങള്‍ ഊര്‍ജ്ജിതമാക്കുന്നതിന് താലൂക്ക് തലത്തില്‍ കണ്‍ട്രോള്‍ റൂമുകള്‍ തുറന്നു. ഡെപ്യൂട്ടി തഹസില്‍ദാര്‍മാരുടെയും ഹെഡ് ക്ലര്‍ക്കുമാരുടെയും നേതൃത്വത്തില്‍ 24 മണിക്കൂറും കണ്‍ട്രോള്‍ റൂം പ്രവര്‍ത്തിക്കും.   

ആരോഗ്യം, പോലീസ്, തദ്ദേശ സ്വയംഭരണം തുടങ്ങിയ വകുപ്പുകളിലെ ഉദ്യോഗസ്ഥര്‍ ഉള്‍പ്പെട്ട താലൂക്ക് തല ഏകോപന സമിതിയും പ്രവര്‍ത്തിക്കുന്നുണ്ട്.  

കൊറോണ വൈറസ് ബോധവത്കരണ പ്രവര്‍ത്തനങ്ങളുടെ ഭാഗമായി പൂഞ്ഞാര്‍ ജി.വി രാജ പ്രാഥമികാരോഗ്യ കേന്ദ്രം ജീവനക്കാര്‍ മാസ്‌കുകള്‍ നിര്‍മിച്ച് വിതരണം ചെയ്തു. ഇവ പഞ്ചായത്ത് ജീവനക്കാര്‍, അങ്കണവാടി - ആശാ വര്‍ക്കര്‍മാര്‍, ആരോഗ്യ പ്രവര്‍ത്തകര്‍ തുടങ്ങിയവര്‍ക്ക് വിതരണം ചെയ്തു. 

രണ്ടാം ഘട്ടത്തില്‍ ആവശ്യമനുസരിച്ച് കൂടുതല്‍ മാസ്‌കുകള്‍ നിര്‍മിക്കും.  പ്രാഥമികാരോഗ്യ കേന്ദ്രത്തിന്റെ നേതൃത്വത്തില്‍ 10 ലിറ്റര്‍ സാനിറ്റൈസറും നിര്‍മ്മിച്ച് വിവിധ കേന്ദ്രങ്ങളില്‍  വിതരണം ചെയ്തു.

സ്ഥിരമായി മരുന്നു കഴിക്കേണ്ട ആരോഗ്യ പ്രശ്‌നമുള്ള പതിനഞ്ചുകാരിക്ക് പനി കൂടിയത് പെട്ടെന്നാണ്. വിദേശത്തുനിന്നെത്തി ഹോം ക്വാറന്റയിനിലായ അമ്മയ്‌ക്കൊപ്പമാണ് പെണ്‍കുട്ടിയും സഹോദരനും  കഴിയുന്നത്.  നേരിട്ട് ആശുപത്രിയില്‍ പോകുന്നത് ആരോഗ്യ വകുപ്പിന്റെ നിര്‍ദേശങ്ങള്‍ക്കെതിരാകുമെന്ന് അറിയാവുന്നതുകൊണ്ട് ടെലി കണ്‍സള്‍ട്ടേഷന്‍ വിഭാഗത്തില്‍ ബന്ധപ്പെട്ടു.

കൊറോണ വൈറസ് വ്യാപനം തടയുന്നതിനായി  മതപരമായ ചടങ്ങുകളില്‍ ജനപങ്കാളിത്തം പരിമിതപ്പെടുത്താന്‍ ജില്ലയിലെ മതനേതാക്കള്‍ സന്നദ്ധത അറിയിച്ചു.  ചടങ്ങുകള്‍ കൂടുതല്‍ ആളുകളെ പങ്കെടുപ്പിക്കാതെ നടത്തുമെന്ന് ജില്ലാ കളക്ടര്‍ പി.കെ. സുധീര്‍ ബാബുവിന്‍റെ അധ്യക്ഷതയില്‍ ചേര്‍ന്ന യോഗത്തില്‍ വിവിധ മതവിഭാഗങ്ങളുടെ പ്രതിനിധികള്‍ ഉറപ്പ് നല്‍കി.

കൊറോണ പ്രതിരോധ നടപടികളുടെ ഭാഗമായി മത ചടങ്ങുകളില്‍ ജനങ്ങള്‍  കൂടുതലായി  ഒത്തുചേരുന്ന സാഹചര്യം ഒഴിവാക്കണമെന്ന് മുഖ്യമന്ത്രി പിണറായി വിജയന്‍ നിര്‍ദേശിച്ചു. ജില്ലാ കളക്ടര്‍മാരുമായും മത നേതാക്കളുമായും വീഡിയോ കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം.

മഹാവിപത്തിനെ നേരിടുന്നതിന് നാടൊന്നാകെ ഒരേ മനസോടെ പ്രവര്‍ത്തിക്കേണ്ടതുണ്ട്.  സാഹചര്യത്തിന്‍റെ ഗൗരവം കണക്കിലെടുത്ത് പ്രതികരിക്കണം.  വിവിധ മതചടങ്ങുകളോടനുബന്ധിച്ച് ജനങ്ങള്‍ കൂടാന്‍ സാധ്യതയുണ്ട്. ഇത് ഒഴിവാക്കാന്‍ ബന്ധപ്പെട്ടവര്‍ തയ്യാറാകണം-മുഖ്യമന്ത്രി നിര്‍ദേശിച്ചു.

വിവിധ ആവശ്യങ്ങള്‍ക്ക് തൊഴിലന്വേഷകര്‍ എംപ്ലോയ്‌മെന്റ് എക്‌സ്‌ചേഞ്ചില്‍ എത്തുന്നത് പരിമിതപ്പെടുത്തി ഓണ്‍ലൈന്‍ സേവനം പ്രയോജനപ്പെടുത്തി കൊറോണ രോഗവ്യാപന പ്രതിരോധത്തില്‍ പങ്കാളികളാകണമെന്ന് എംപ്ലോയ്‌മെന്റ് ഡയറക്ടര്‍ അറിയിച്ചു. എംപ്ലോയ്‌മെന്റ് എക്‌സ്‌ചേഞ്ചുകളില്‍ നിന്നും നല്‍കുന്ന രജിസ്‌ട്രേഷന്‍, പുതുക്കല്‍, സര്‍ട്ടിഫിക്കറ്റ് അഡീഷന്‍ തുടങ്ങിയ എല്ലാ സേവനങ്ങളും www.eemployment.kerala.gov.in എന്ന വെബ്‌സൈറ്റ് വഴി നടത്താം.

റാന്നി ട്രൈബല്‍ ഡെവലപ്‌മെന്റ് ഓഫീസിലും റാന്നി ട്രൈബല്‍ എക്സ്റ്റന്‍ഷന്‍ ഓഫീസിലുമുള്ള സഹായ കേന്ദ്രങ്ങളിലേക്ക്  ഡാറ്റാ എന്‍ട്രി  ഓപ്പറേറ്റര്‍ തസ്തികയിലേക്ക് പട്ടികവര്‍ഗക്കാരായ യുവതീയുവാക്കളെ തെരഞ്ഞെടുക്കുന്നു. പ്രതിമാസം 10000 രൂപ ഹോണറേറിയം  ലഭിക്കും.  രണ്ട് ഒഴിവുകളുണ്ട്.  ഡി.സി.എ/തത്തുല്യ യോഗ്യതയും മലയാളം, ഇംഗ്ലീഷ് ടൈപ്പ്‌റൈറ്റിങ്ങ് പരിജ്ഞാനവും ഉണ്ടായിരിക്കണം. താത്പര്യമുള്ളവര്‍ ഈ മാസം 26ന് രാവിലെ 11ന് റാന്നി ട്രൈബല്‍ ഡെവലപ്‌മെന്റ് ഓഫീസില്‍ ബന്ധപ്പെട്ട  സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവിന് ഹാജരാകണം. ഫോണ്‍: 9496070336,    04735-227703.                                              

ജില്ലാ പഞ്ചായത്ത് ജില്ലാ മണ്ണ് സംരക്ഷണ ഓഫീസ് മുഖേന നടപ്പാക്കുന്ന കാരിമല എസ്.സി കോളനി, കലതിവിള കാവരിക്കുന്ന് എസ്.സി കോളനി പദ്ധതികള്‍ക്ക് ക്വട്ടേഷന്‍ ക്ഷണിച്ചു. ഈ മാസം 24ന് ഉച്ചയ്ക്ക് ശേഷം രണ്ട് വരെ ജില്ലാ മണ്ണ് സംരക്ഷണ ഓഫീസില്‍ ക്വട്ടേഷന്‍ സ്വീകരിക്കും. ഫോണ്‍: 0468 2224070.        
കള്‍ മെയ് 30 വരെ ഇതിന് അവസരം ലഭിക്കും.