*ചികിത്സയിലുള്ളത് 1351 പേർ; മൂന്ന് പുതിയ ഹോട്ട് സ്‌പോട്ടുകൾ

കാട്ടാക്കട പൂവച്ചൽ പന്നിയോട് ശ്രീലക്ഷ്മിയിൽ ആയുർവേദത്തിൽ പരമ്പരാഗത ചികിത്സ നടത്തുന്ന സുകുമാരൻ വൈദ്യൻ കേരള സർക്കാരിന്റെ സമ്പൂർണ്ണ പാർപ്പിട പദ്ധതിയായ ലൈഫ് മിഷന് 2.75 ഏക്കർ ഭൂമി സൗജന്യമായി നൽകി. ഭൂമിയുടെ ഇഷ്ടദാനം മുഖ്യമന്ത്രി പിണറായി വിജയന് അദ്ദേഹം കൈമാറി. തദ്ദേശസ്വയംഭരണ  മന്ത്രി എ.സി. മൊയ്തീൻ, മുൻ മന്ത്രി എ. നീലലോഹിതദാസൻ നാടാർ, ലൈഫ് മിഷൻ ചീഫ് എക്‌സ്‌ക്യുട്ടീവ് ഓഫീസർ യു.വി. ജോസ്്, പൂവച്ചൽ ഗ്രാമപഞ്ചായത്ത് പ്രസിഡന്റ് കെ.രാമചന്ദ്രൻ എന്നിവർ ചടങ്ങിൽ സംബന്ധിച്ചു.

ജില്ലാ പഞ്ചായത്ത് ദാരിദ്ര്യ ലഘൂകരണ യൂണിറ്റ് ഓഫീസ് പരിധിയിലെ ജെ11535, ജെ10811, ജെ10497 എന്നീ റോഡ് റോളറുകളുടെ ലേലം ജൂണ്‍ 23 ന് വൈകിട്ട് മൂന്നിന് ജില്ലാ പഞ്ചായത്ത് ദാരിദ്ര്യ ലഘൂകരണ വിഭാഗം ഓഫീസില്‍ ലേലം ചെയ്യും. ദര്‍ഘാസുകള്‍ 23 ന് ഉച്ചയ്ക്ക് രണ്ടുവരെ സമര്‍പ്പിക്കാം. വിശദ വിവരങ്ങള്‍ ഓഫീസിലും 0474-2795675 നമ്പരില്‍ ലഭിക്കും.
(പി.ആര്‍.കെ നമ്പര്‍ 1646/2020)  

എന്‍ സി സി/സൈനിക് വെല്‍ഫെയര്‍ വകുപ്പില്‍ ലാസ്റ്റ് ഗ്രേഡ് സര്‍വന്റ്(വിമുക്ത ഭട•ാര്‍ മാത്രം, കാറ്റഗറി നമ്പര്‍ 385/2017) തസ്തികയുടെ റാങ്ക് ലിസ്റ്റ് പി എസ് സി പ്രസിദ്ധീകരിച്ചു.
(പി.ആര്‍.കെ നമ്പര്‍ 1645/2020)  

ജില്ലാതല പട്ടികജാതി/പട്ടികവര്‍ഗ സമിതി യോഗം ജൂണ്‍ 26 ന് ഉച്ചകഴിഞ്ഞ് രണ്ടിന് ജില്ലാ പഞ്ചായത്ത് പ്രസിഡന്റിന്റെ ചേമ്പറില്‍ നടക്കും.
(പി.ആര്‍.കെ നമ്പര്‍ 1644/2020)  

ഗാര്‍ഹികാവശ്യങ്ങള്‍ക്കായുള്ള തേക്കുതടിയുടെ ചില്ലറ വില്‍പന തിരുവനന്തപുരം തടിവില്‍പന ഡിവിഷന്റെ കീഴിലുള്ള കുളത്തുപ്പുഴ(0475-2319241) തടി ഡിപ്പോയില്‍ ജൂണ്‍ 22 മുതല്‍ ആരംഭിക്കും. വീട് നിര്‍മിക്കുന്നതിനുവേണ്ട അംഗീകരിച്ച പ്ലാന്‍, അനുമതി, സ്‌കെച്ച് എന്നിവയുടെ പകര്‍പ്പും തിരിച്ചറിയല്‍ കാര്‍ഡുമായി ഡിപ്പോയില്‍ സമീപിച്ചാല്‍ അഞ്ച് ക്യുബിക് മീറ്റര്‍വരെ തേക്കുതടി നേരിട്ടുവാങ്ങാം.
(പി.ആര്‍.കെ നമ്പര്‍ 1643/2020)  

ജില്ലയില്‍ ലീഗല്‍ മെട്രോളജി ഓഫീസില്‍ ഓട്ടോമീറ്റര്‍ പുനപരിശോധന ആരംഭിക്കും. 2020 മാര്‍ച്ച് 'എ' ക്വാര്‍ട്ടറില്‍ മുദ്ര ചെയ്യേണ്ടവര്‍ 8590529011 ഫോണ്‍ നമ്പരില്‍ പ്രവൃത്തി ദിവസങ്ങളില്‍ രാവിലെ 10 മുതല്‍ വൈകിട്ട് നാലുവരെ ബന്ധപ്പെട്ട് പുനപരിശോധന തീയതിയും സമയവും ടോക്കണ്‍ നമ്പരും വാങ്ങണം. ബുക്ക് ചെയ്തവര്‍ അനുവദിച്ച സമയത്ത് മാത്രം പുനപരിശോധനയ്ക്ക് ഹാജരാകണം.

പെരിനാട് ഗ്രാമപഞ്ചായത്ത് പെരിനാടന്‍ ബ്രാന്‍ഡില്‍ അരി വിപണിയിലിറക്കി. കലക്‌ട്രേറ്റില്‍ ഗ്രാമപഞ്ചായത്ത് പ്രസിഡന്റ് എല്‍ അനിലില്‍ നിന്നും അരി ഏറ്റുവാങ്ങി ജില്ലാ കലക്ടര്‍ ബി അബ്ദുല്‍ നാസര്‍ ഉദ്ഘാടനം ചെയ്തു. കൃഷി ഭവന്റെ നേതൃത്വത്തില്‍ കുഴിയം, ഇടവട്ടം പാടശേഖരങ്ങളില്‍ വിളവിറക്കി തയ്യാറാക്കിയ 20 ടണ്‍ നെല്ല് കുത്തി അരിയാക്കിയാണ് വിപണിയിലെത്തിച്ചത്. 30 ശതമാനം തവിട് ചേര്‍ന്ന അരിയാണ് പെരിനാടന്‍ ബ്രാന്‍ഡിന്റെ പ്രത്യേകത. നെല്ല് ശേഖരിച്ച ദിവസം തന്നെ കര്‍ഷകര്‍ക്ക് സര്‍ക്കാര്‍ നിശ്ചയിച്ച വില നല്‍കി എന്നതും പദ്ധതിയുടെ വിജയമാണ്. കിലോക്ക് 50 രൂപ നിരക്കിലാണ് വിപണി വില നിശ്ചയിച്ചിരിക്കുന്നത്.

പ്രാദേശിക മാധ്യമപ്രവര്‍ത്തകര്‍ക്ക് ക്ഷേമനിധിയില്‍ അംഗങ്ങളാകാം. സംസ്ഥാനത്തെ പത്ര-ദൃശ്യ-ഡിജിറ്റല്‍ മാധ്യമരംഗത്ത് പ്രവര്‍ത്തിക്കുന്നവര്‍ക്കും പത്ര ഏജന്റുമാര്‍ക്കും വിതരണക്കാര്‍ക്കും മറ്റ് ക്ഷേമനിധിയില്‍ അംഗങ്ങളല്ലാത്ത തൊഴിലാളികള്‍ക്കും കേരള സംസ്ഥാന അസംഘടിത തൊഴിലാളി സാമൂഹ്യസുരക്ഷാ പദ്ധതിയില്‍ അംഗങ്ങളാകാം. പ്രസ്തുത അംഗങ്ങള്‍ക്ക് കേരള അസംഘടിത തൊഴിലാളി സാമൂഹ്യസുരക്ഷാ ബോര്‍ഡ് മുഖാന്തരമുള്ള താഴെ പറയുന്ന ആനുകൂല്യങ്ങള്‍ ലഭിക്കും.

തിരുവനന്തപുരം നെടുമങ്ങാട് സ്വദേശിയായ സമീര്‍ വൃക്കയിലെ കല്ല് നീക്കം ചെയ്യുന്നതിനുള്ള ശസ്ത്രക്രിയക്കിടെ കിംസ് ആശുപത്രിയില്‍ മരിച്ച സംഭവത്തില്‍ കേരള വനിതാ കമ്മീഷന്‍ പോലീസ് മേധാവിയോട് റിപ്പോര്‍ട്ട് ആവശ്യപ്പെട്ടു.  സമീറിന്റെ ഭാര്യ വനിതാ കമ്മീഷനില്‍ നല്‍കിയ പരാതിയുടെ അടിസ്ഥാനത്തില്‍ കമ്മീഷന്‍ അംഗം ഡോ ഷാഹിദ കമാല്‍ ആണ് റിപ്പോര്‍ട്ട് ആവശ്യപ്പെട്ടത്.