മലപ്പുറത്ത് അരീക്കോട്, വാണിയമ്പലം സ്വദേശിനികള്‍ക്ക് കോവിഡ് 19 സ്ഥിരീകരിച്ച സാഹചര്യത്തില്‍ മാര്‍ച്ച് ഒന്‍പതിന് എയര്‍ ഇന്ത്യയുടെ 960  വിമാനത്തില്‍ കരിപ്പൂര്‍ വിമാനത്താവളത്തിലെത്തിയവരും മാര്‍ച്ച് 12ന് എയര്‍ ഇന്ത്യയുടെ  964  വിമാനത്തില്‍ നെടുമ്പാശ്ശേരി വിമാനത്താവളത്തിലെത്തിയവരും രോഗികളുമായി നേരിട്ട് സമ്പര്‍ക്ക പുലര്‍ത്തിയവരും ഒരു കാരണവശാലും നേരിട്ട് ആശുപത്രിയില്‍ പോകരുതെന്ന് ജില്ലാകലക്ടര്‍ കര്‍ശനമായി നിര്‍ദേശിച്ചു. അവര്‍ കണ്‍ട്രോള്‍ സെല്‍ നമ്പറുകളായ  0483-2737858, 0483-2737857, 0483-2733251, 0483-2733252, 0483- 2733253 എന്നിവയുമായി ഉടന്‍ ബന്ധപ്പെടണമെന്നും കലക്ടര്‍ അറിയിച്ചു.
 

സമഗ്ര ശിക്ഷാ കേരളം മാനന്തവാടി ബി.ആര്‍.സിയുടെയും ആരോഗ്യ വകുപ്പിന്റെയും നേതൃത്വത്തില്‍  സ്‌പെഷലിസ്റ്റ് ടീച്ചര്‍മാരുടെ സഹകരണത്തോടെ മാസ്‌ക് നിര്‍മ്മാണം തുടങ്ങി. മാസ്‌ക് ക്ഷാമം  പരിഹരിക്കാനാണ് സമഗ്ര ശിക്ഷ കേരളയുടെ കീഴിലുള്ള പ്രവൃത്തിപരിചയ അധ്യാപകരെ ഉപയോഗപ്പെടുത്തി മാസ്‌ക് നിര്‍മ്മാണം തുടങ്ങിയത്. മാസ്‌ക് നിര്‍മ്മിക്കുന്നതിന് ആവശ്യമായ തുണികള്‍ ആരോഗ്യവകുപ്പും  മറ്റുസാമഗ്രികള്‍ നഗരസഭയുമാണ് നല്‍കുന്നത്. നഗരസഭ ചെയര്‍മാന്‍ വി.ആര്‍ പ്രവീജ്   ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷന്‍ പി.ടി ബിജു,  വാര്‍ഡ് കൗണ്‍സിലര്‍ പ്രദീപ ശശി, ആരോഗ്യ കേരളം ജില്ലാ മിഷന്‍ കോര്‍ഡിനേറ്റര്‍ ഡോ.

കോവിഡ് 19 രോഗ ബാധയുടെ പശ്ചാത്തലത്തില്‍ മുഖാവരണങ്ങള്‍ക്കും അണുനാശിനികള്‍ക്കും അമിത വില ഈടാക്കുന്നത് തടയാന്‍ ലീഗല്‍ മെട്രോളജി വകുപ്പ് ജില്ലയില്‍ വ്യാപക പരിശോധന നടത്തി.  ക്രമക്കേടുകള്‍ കണ്ടെത്തിയ നാല് വ്യാപാര സ്ഥാപനങ്ങള്‍ക്കെതിരെ കേസെടുത്തു.  വരും ദിവസങ്ങളിലും പരിശോധന തുടരുമെന്ന് ലീഗല്‍ മെട്രോളജി അസിസ്റ്റന്റ് കണ്‍ട്രോളര്‍ രാജേഷ് സാം അറിയിച്ചു. ക്രമക്കേടുകള്‍ കണ്ടാല്‍ പൊതുജനങ്ങള്‍ക്ക് വകുപ്പുമായി ബന്ധപ്പെടാം. ഫോണ്‍ 04936 203370

പ്രതിസന്ധി ഘട്ടങ്ങള്‍ തരണം ചെയ്യാന്‍ പൊതുജനങ്ങളെ പ്രാപ്തരാക്കുകയെന്ന ലക്ഷ്യത്തോടെ ആരോഗ്യകേരളം വയനാട് ഹെല്‍ത്ത് ഇന്‍ഫര്‍മേഷന്‍ സെന്റര്‍ തുടങ്ങി. കല്‍പ്പറ്റ കൈനാട്ടിയിലെ ആരോഗ്യകേരളം ഓഫിസിലാണ് സെന്ററിന്റെ പ്രവര്‍ത്തനം. ഡോ. ജി.ആര്‍. സന്തോഷാണ് നോഡല്‍ ഓഫിസര്‍. ആരോഗ്യമേഖലയുമായി ബന്ധപ്പെട്ട കാര്യങ്ങള്‍ അതാതു സമയങ്ങളില്‍ പൊതുജനങ്ങളില്‍ എത്തിക്കുകയെന്നതാണ് സെന്ററിന്റെ ലക്ഷ്യം. നിലവില്‍ വെല്ലുവിളി നിറഞ്ഞ സാഹചര്യങ്ങളിലൂടെയാണ് ആരോഗ്യമേഖല കടന്നുപോകുന്നത്.

കൊറോണ വൈറസ് പ്രതിരോധ പ്രവര്‍ത്തനങ്ങള്‍ ഊര്‍ജ്ജിത പ്പെടുത്തുന്നതിന്റെ ഭാഗമായി നീലേശ്വരം നഗരസഭാ പ്രദേശത്തെ പൊതു സ്ഥലങ്ങള്‍, ഓഡിറ്റോറിയങ്ങള്‍, കല്യാണ മണ്ഡപങ്ങള്‍, കണ്‍വന്‍ഷന്‍ സെന്ററുകള്‍, ഷോപ്പിംഗ് മാളുകള്‍, കമ്മ്യൂണിറ്റി ഹാളുകള്‍, ക്ലബ്ബുകള്‍ തുടങ്ങിയ ഇടങ്ങളില്‍ 50 ല്‍കൂടുതല്‍ ആളുകള്‍ ഒരുമിച്ച് കൂടരുതെന്ന് നഗരസഭാ സെക്രട്ടറി അറിയിച്ചു.  നിര്‍ദ്ദേശം ലംഘിക്കുന്ന സ്ഥാപനങ്ങളുടെ ലൈസന്‍സ് റദ്ദ് ചെയ്ത് ഉടമയ്‌ക്കെതിരെ കര്‍ശന നടപടി സ്വീകരിക്കും.

 കാസര്‍കോട് ജില്ലയിലെ ആരോഗ്യവകുപ്പിലെ  ഫാര്‍മസിസ്റ്റ് ഗ്രേഡ് രണ്ട്  (എന്‍.സി.എ- എസ്.ഐ.യു.സി-എന്‍, കാറ്റഗറി നമ്പര്‍ 058/2018 ) തസ്തികയുടെ സാധ്യതാ ലിസ്റ്റ് പി.എസ്.സി പ്രസിദ്ധീകരിച്ചു. ലിസ്റ്റ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭ്യമാണ്.

കേന്ദ്ര ടെക്‌സ്റ്റൈല്‍ മന്ത്രലയത്തിന്റെ കീഴിലുളള അപ്പാരല്‍ ട്രെയിനിങ്  ആന്റ് ഡിസൈന്‍ സെന്ററും രാജീവ് ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് ഡവലപ്പ്‌മെന്റും സംയുക്തമായി നടത്തുന്ന മൂന്ന്  വര്‍ഷം ദൈര്‍ഘ്യമുളള ഡിഗ്രി ഇന്‍ ഫാഷന്‍ ഡിസൈന്‍ ആന്‍ഡ് റീട്ടെയില്‍ കോഴ്‌സിലേക്ക് അപേക്ഷിക്കാം. ഫോണ്‍ 9746394616, 9744917200.