കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി സെപ്തംബര്‍ 15ന് സംഘടിപ്പിക്കുന്ന സംസ്ഥാനതല കരോക്കെ വെള്ളപ്പൊക്കമാല ആലാപന മത്സരത്തിന്റെ ഭാഗമായി കലാസമിതികളുടെയും വായനശാലകളുടെയും സഹകരണത്തോടെ പ്രാദേശിക മാപ്പിളപ്പാട്ട് ആലാപന മത്സരം സംഘടിപ്പിക്കുന്നു.
ജൂലായ്, ആഗസ്റ്റ് മാസങ്ങളില്‍ പ്രാദേശികാടിസ്ഥാനത്തില്‍  മത്സരം സംഘടിപ്പിക്കാന്‍ താത്പര്യമുള്ളവര്‍ സെക്രട്ടറി, മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി, കൊണ്ടോട്ടി പി.ഒ 673638 ഫോണ്‍: 0483 271 1432 എന്ന വിലാസത്തില്‍ ബന്ധപ്പെടണം.

     മഞ്ചേരി നഴ്‌സിങ് കോളജില്‍ 2019-2022 വര്‍ഷത്തേക്കുള്ള ജനറല്‍ നഴ്‌സിങ് കോഴ്‌സിനുള്ള അപേക്ഷ ക്ഷണിച്ചു. പ്ലസ്ടു സയന്‍സ്(ബയോളജി-കെമിസ്ട്രി-ഫിസിക്‌സ്)വിഷയത്തില്‍ 40 ശതമാനം മാര്‍ക്കോടെ പാസ്സായവര്‍ക്ക് അപേക്ഷിക്കാം. എസ്.സി/എസ്.ടി വിഭാഗത്തിലുള്ളവര്‍ക്ക് പാസ്മാര്‍ക്ക് മതി. സയന്‍സ് വിഷയത്തില്‍ പഠിച്ചവരുടെ അഭാവത്തില്‍ ഇതര ഗ്രൂപ്പുകാരേയും പരിഗണിക്കും. അപേക്ഷഫോറവും പ്രോസ്‌പെക്ടസും ആരോഗ്യവകുപ്പ് ഡയറക്ടറുടെ വെബ്‌സൈറ്റില്‍(ംംം.റവ.െസലൃമഹമ.ഴീ്.ശി)ലഭ്യമാണ്. അവസാന തിയ്യതി: ജൂലൈ 10. ഫോണ്‍-04832760007.

ജില്ലാ ആരോഗ്യ കുടുംബക്ഷേമ സൊസൈറ്റിയുടെ  23-ാംമത് എക്‌സിക്യൂട്ടീവ് യോഗം ജൂണ്‍ 28 ഉച്ചയ്ക്ക് 3.30ന് ജില്ലാ കലക്ടറുടെ ചേംബറില്‍ ചേരും.

ആയുര്‍വേദ വകുപ്പിന്റെയും ദേശീയ ആയുര്‍ മിഷന്റെയും നേതൃത്വത്തില്‍ നടത്തുന്ന അന്താരാഷ്ട്ര യോഗദിനാചരണത്തിന്റെ ജില്ലതല ഉദ്ഘാടനം രാവിലെ 9.30ന് കേന്ദ്രീയ വിദ്യാലയത്തില്‍ ജില്ലാ കലക്ടര്‍ ജാഫര്‍ മാലിക് നിര്‍വഹിക്കും. പരിപാടിയുടെ മുന്നോടിയായി മലപ്പുറം നഗരത്തില്‍ വിളംബര ജാഥ നടത്തി. യോഗയുടെ ഗുണങ്ങളും പ്രത്യേകതകളും സമൂഹത്തില്‍ എത്തിക്കുന്ന വിധത്തിലായിരുന്നു വിളംബരാഥ സംഘടിപ്പിച്ചത്. ജാഥ ഡി.വൈ.എസ്.പി ജലീല്‍ തോട്ടത്തില്‍ ഫ്ളാഗ് ഓഫ് ചെയ്തു.