അനര്‍ഹമായി എ. എ. വൈ (മഞ്ഞ), പി.എച്ച്.എച്ച് (പിങ്ക്) റേഷന്‍കാര്‍ഡുകള്‍ കൈവശം വെച്ചിരിക്കുന്ന കാര്‍ഡുടമകള്‍ക്ക് ഈ കാര്‍ഡുകള്‍ മുന്‍ഗണനേതര വിഭാഗത്തിലേക്ക് മാറ്റുന്നതിന് അവസരങ്ങള്‍ നല്‍കിയിരുന്നുവെങ്കിലും ഇപ്പോഴും നിരവധി ആളുകള്‍ മുന്‍ഗണനാ വിഭാഗം കാര്‍ഡുകള്‍ ഉപയോഗിച്ച് അനര്‍ഹമായി റേഷന്‍ ഉള്‍പ്പെടെയുള്ള ആനുകൂല്യങ്ങള്‍ കൈപ്പറ്റുന്നതായി ശ്രദ്ധയില്‍പെട്ടതായും ഇത്തരം കാര്‍ഡുടമകളെ കണ്ടെത്തുന്നതിനും ഇങ്ങനെ ഉണ്ടാകുന്ന ഒഴിവുകളിലേക്ക് അര്‍ഹരായകാര്‍ഡുടമകളെ ഉള്‍പ്പെടുത്തുന്നതിനും നടപടികള്‍ ആരംഭിച്ചതായി ജില്ലാ സപ്ലൈ ഓഫീസര്‍ അറിയിച്ചു.

കോഴിക്കോട് സിവില്‍ സ്റ്റേഷന്‍ പിഡബ്ല്യുഡി ബ്രിഡ്ജസ് ഡിവിഷനിലെ എക്‌സിക്യൂട്ടീവ് എഞ്ചിനീയറുടെ ഓഫീസ് ആവശ്യത്തിന് ഉപയോഗിക്കുന്നതിനായി  കരാര്‍ അടിസ്ഥാനത്തില്‍ എ / സി  5 സീറ്റര്‍ കാര്‍ വാടകയ്ക്ക് നല്‍കുന്നതിനായി  ക്വട്ടേഷന്‍  ക്ഷണിച്ചു.  അവസാന തീയതി ജൂണ്‍ 25 ന് നാല് മണി വരെ.

കോഴിക്കോട് ജില്ലയില്‍ ഇന്ന് (16.06.20) പുതുതായി വന്ന 878 പേര്‍ ഉള്‍പ്പെടെ 11463 പേര്‍ നിരീക്ഷണത്തില്‍. 38,777 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 34 പേര്‍ ഉള്‍പ്പെടെ 195 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 113 പേര്‍ മെഡിക്കല്‍ കോളേജിലും 82 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്. 30 പേര്‍ ഡിസ്ചാര്‍ജ്ജ് ആയി. 

ചികിത്സയിലുള്ള രോഗികള്‍ 102 ആയി

കോഴിക്കോട് ജില്ലയില്‍ ഇന്ന് (16.06.20) നാല് പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. ഇവരില്‍ ഒരാള്‍ ഒമാനില്‍ നിന്നും രണ്ട് പേര്‍ മുംബൈയില്‍ നിന്നും ഒരാള്‍ ഒഡീഷയില്‍ നിന്നും വന്നവരാണ്. 

പോസിറ്റീവായവര്‍: 

മലപ്പുറം ജില്ലാ പബ്ലിക് ഹെല്‍ത്ത് ലാബില്‍ വിവിധ തസ്തികകളില്‍ താത്ക്കാലിക നിയമനം നടത്തുന്നു. ജൂനിയര്‍ കണ്‍സള്‍ട്ടന്റ് (ഒഴിവ് -രണ്‍്), സയന്റിസ്റ്റ് (ഒന്ന്), സയന്റിഫിക് അസിസ്റ്റന്റ്(ഒന്ന്), ടെക്‌നീഷ്യന്‍(നാല്), ലാബ് ടെക്‌നീഷ്യന്‍ (എട്ട്), ജൂനിയര്‍ ലാബ് അസിസ്റ്റന്റ് (നാല്), ഹോസ്പിറ്റല്‍ അറ്റെന്‍ഡന്റ് ഗ്രേഡ് രണ്‍് (നാല്), ഡാറ്റ എന്‍ട്രി ഓപ്പറേറ്റര്‍(നാല്) തുടങ്ങിയ തസ്തികകളിലാണ് നിയമനം.

പെരുമ്പടപ്പ് ബ്ലോക്ക് പഞ്ചായത്ത്, വിദ്യാര്‍ത്ഥികള്‍ക്കായി നിര്‍മിച്ച പഠനമുറികളുടെ ഉദ്ഘാടനം ഇന്ന് (ജൂണ്‍ 17) ഉച്ചയ്ക്ക് 12 ന് ബ്ലോക്ക് പ്രസിഡന്റ് പി.എം ആറ്റുണ്ണി തങ്ങള്‍  നിര്‍വഹിക്കും. ബ്ലോക്ക് പരിധിയിലെ  പട്ടികജാതി വിഭാഗത്തിലെ 13 വിദ്യാര്‍ത്ഥികള്‍ക്കാണ്  പഠനമുറി നല്‍കുന്നത്. 26 ലക്ഷം രൂപ ചെലവഴിച്ചാണ് പദ്ധതി നടപ്പാക്കുന്നത്. നന്നംമുക്ക് ഗ്രാമപഞ്ചായത്തിലെ   കാട്ടുപറമ്പില്‍ നടക്കുന്ന പഠനമുറി ഉദ്ഘാട ചടങ്ങില്‍ ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
(എം.പി.എം 2243/2020)
 

മഴക്കാലത്ത് എലിപ്പനി വ്യാപകമാകാന്‍ സാധ്യതയുള്ളതിനാല്‍ ജാഗ്രത നിര്‍ദേശവുമായി ആരോഗ്യ വകുപ്പ്.  ഏതു പനിയും എലിപ്പനി ആകാമെന്നതിനാല്‍  പനി വന്നാല്‍ സ്വയം ചികിത്സ പാടില്ല. ആരംഭത്തില്‍ തന്നെ കണ്‍െത്തി ചികിത്സ ലഭ്യമാക്കിയില്ലെങ്കില്‍ മരണം വരെ സംഭവിക്കാന്‍ സാധ്യതയുണ്‍െന്നും എല്ലാ സര്‍ക്കാര്‍ ആശുപത്രികളിലും എലിപ്പനിക്കെതിരായ സൗജന്യ ചികിത്സ ലഭ്യമാണെന്നും ആരോഗ്യ വകുപ്പ് അറിയിച്ചു.