സംസ്ഥാന സര്‍ക്കാര്‍ ആവിഷ്‌കരിച്ച സുഭിക്ഷ കേരളം പദ്ധതി പന്തളം മേഖലയില്‍ ജൂണ്‍ 25 ന് അകം ആരംഭിക്കാന്‍ ചിറ്റയം ഗോപകുമാര്‍ എംഎല്‍എ വിളിച്ചു ചേര്‍ത്ത യോഗത്തില്‍ തീരുമാനം. പന്തളം നഗരസഭയില്‍ 200 പേര്‍ക്ക് ഗ്രോബാഗ് കൃഷി, തുമ്പമണ്‍ പഞ്ചായത്തില്‍ കിഴങ്ങുവര്‍ഗ കൃഷി, പന്തളം തെക്കേക്കര പഞ്ചായത്തില്‍ നെല്‍കൃഷി എന്നിവ ജൂണ്‍ 25 ന് ആരംഭിക്കും.

യുവജനക്ഷേമ ബോര്‍ഡ് ജില്ലാ യുവജന കേന്ദ്രം മുഖേന ഒറ്റപ്പാലം മുണ്ടക്കോട്ടുക്കുറിശ്ശി പ്രണവം ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് 25000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി. ബിരിയാണി ഫെസ്റ്റിലൂടെ സ്വരൂപിച്ച തുക ക്ലബ് ഭാരവാഹികളില്‍ നിന്നും ജില്ലാ യൂത്ത് പ്രോഗ്രാം ഓഫീസര്‍ എം.എസ് ശങ്കര്‍ ഏറ്റുവാങ്ങി.

കുവൈറ്റ്, ദോഹ, മസ്‌കറ്റ്, കൊളംബോ, ക്വാലാലമ്പൂര്‍,  ബഹറിന്‍ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍ അന്താരാഷ്ട്ര വിമാനത്താവളങ്ങളില്‍  ഇന്നലെ (ജൂണ്‍ 15) ജില്ലയിലെത്തിയത് 70 പാലക്കാട് സ്വദേശികള്‍.  ഇവരില്‍ 12 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 58 പേര്‍ വീടുകളില്‍ നിരീക്ഷണത്തിലാണ്.

കുവൈറ്റില്‍ നിന്നും കൊച്ചി അന്താരാഷ്ട്ര വിമാനത്താവളത്തില്‍ എത്തിയ 26 പേരില്‍ 2 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 24 പേര്‍ വീടുകളില്‍ നിരീക്ഷണത്തിലാണ്.

പൊലീസ് വോളന്റിയര്‍ ലിസ്റ്റ് നെഹ്‌റു യുവ കേന്ദ്ര ജില്ലാ യൂത്ത് കോ-ഓര്‍ഡിനേറ്റര്‍ ആര്‍.എസ് ഹരി ജില്ലാ പോലീസ് മേധാവി ആര്‍. ഇളങ്കോയ്ക്ക് കൈമാറി. വോളന്റിയര്‍ കോഓര്‍ഡിനേറ്റര്‍ ജി.എസ് പ്രസൂണ്‍, നാഷണല്‍ യൂത്ത് വോളന്റിയര്‍മാരായ സൂരജ് റാം, കെ.എ അഭിജിത്ത് എന്നിവര്‍ പരിപാടിയില്‍ സംബന്ധിച്ചു.

    ഇരവിപേരൂര്‍ ഗ്രാമപഞ്ചായത്തിന്റെ അധീനതയില്‍ കോഴിമലയിലുള്ള സ്റ്റേഡിയം നവീകരിക്കുന്നതിന് ടെന്‍ഡര്‍ ആയി. ആസ്തി വികസന ഫണ്ടില്‍നിന്ന് വീണാ ജോര്‍ജ് എം എല്‍ എ അനുവദിച്ച 17 ലക്ഷം രൂപയും ഗ്രാമപഞ്ചായത്തിന്റെ വിഹിതമായി അഞ്ചു ലക്ഷം രൂപയും ചേര്‍ത്ത് 22 ലക്ഷം രൂപ വിനിയോഗിച്ചാണ് സ്റ്റേഡിയം നവീകരിക്കുന്നത്.   നിലവിലുള്ള റോഡിന് 15 ലക്ഷം രൂപയും വകയിരുത്തിയിട്ടുണ്ട്.

കുമരപുരം ഗവ. ഹയര്‍ സെക്കന്‍ഡറി സ്‌കൂളില്‍ എച്ച്.എസ്.എസ്. വിഭാഗത്തില്‍ 2017-2019 ബാച്ചില്‍ പഠിച്ചിരുന്നവരും ടി.സി. വാങ്ങിപോയതുമായ വിദ്യാര്‍ഥികളില്‍ ഇനിയും കോഷന്‍ ഡെപ്പോസിറ്റ് വാങ്ങാത്തവര്‍ ജൂണ്‍ 19 നകം തുക കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു. ഫോണ്‍ : 0491-2576311.