ഇന്ന് ജില്ലയിൽ 7പേർക്ക് കോവിഡ് സ്ഥിരീകരിച്ചു. അഞ്ചുപേർ വിദേശത്തുനിന്നും രണ്ടുപേർ കൽക്കട്ടയിൽ നിന്നും വന്നവരാണ്.

1.കുവൈറ്റിൽ നിന്നും 12/6ന് കൊച്ചിയിൽ എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന വെണ്മണി സ്വദേശിയായ യുവാവ് 

2.ദമാമിൽ നിന്നും 10/6ന് കണ്ണൂരെത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന 52വയസുള്ള ഭരണിക്കാവ് സ്വദേശി 

3.കൽക്കട്ടയിൽ നിന്നും 29/5ന് വിമാനത്തിൽ തിരുവനന്തപുരത്തു എത്തി തുടർന്ന് വീട്ടിൽ നിരീക്ഷണത്തിൽ ആയിരുന്ന ആലപ്പുഴ സ്വദേശിയായ യുവാവ് .

ആലപ്പുഴ: തരിശ് നിലത്തില്‍ കൃഷി ചെയ്ത് പൊക്കാളി കൃഷി പുനരുദ്ധരിക്കാനൊരുങ്ങി കുടുംബശ്രീ ജില്ലാ മിഷന്‍. കോടംതുരുത്ത് ഗ്രാമപഞ്ചായത്തിലെ ഒരു ഹെക്ടറുള്ള കൊച്ചുചങ്ങരം പാടശേഖരത്താണ് പൊക്കാളി കൃഷി ചെയ്യുന്നത്. കൃഷി വകുപ്പിന്റെ സഹകരണത്തോടെ കുടുംബശ്രീയുടെ കാര്‍ഷിക കൂട്ടായ്മയായ തളിര്‍ സംഘ കൃഷി (ജെ.എല്‍.ജി) അംഗങ്ങളാണ് കൃഷി ചെയ്യുന്നത്. കൊച്ചുചങ്ങരം പാടശേഖരത്തില്‍ വിത്ത് വിതച്ച് എ.എം. ആരിഫ് എംപി കൃഷിക്ക് തുടക്കം കുറിച്ചു.

 
ആലപ്പുഴ: കോവിഡ് 19 പശ്ചാത്തലത്തിൽ ഭക്ഷ്യ സുരക്ഷ ലക്ഷ്യമാക്കി നടപ്പാക്കുന്ന സുഭിക്ഷ കേരളം പദ്ധതിക്ക് ചുനക്കരയില്‍ തുടക്കമായി. ഗ്രാമപഞ്ചായത്ത് പ്രസിസന്റ് ശാന്താ ഗോപാലകൃഷ്ണന്‍ പദ്ധതി ഉദ്ഘാടനം ചെയ്തു. ചുനക്കര ഗ്രാമപഞ്ചായത്തും കൃഷിഭവനും സംയുക്തമായാണ് പദ്ധതി നടപ്പാക്കുന്നത്.

ആലപ്പുഴ: പച്ചക്കറിയും പൂക്കളും പഴങ്ങളുമെല്ലാം ഒരു കുടക്കീഴില്‍ ഒരുക്കി കഞ്ഞിക്കുഴി ബ്ലോക്ക് പഞ്ചായത്തിലെ വനിതാ കര്‍ഷക സംഘം. സ്‌ത്രീ കര്‍ഷകര്‍ക്കായി ബ്ലോക്ക് പഞ്ചായത്ത് ഒരുക്കിയ നൂതന സംരംഭമാണ് ഈ പ്രാദേശിക കാര്‍ഷിക ഉത്പ്പന്ന സംഭരണ- വിതരണ കേന്ദ്രം. ബ്ലോക്ക് പഞ്ചായത്ത് പരിധിയിലുള്ള പൂകൃഷിക്കാര്‍, സഹകരണ സംഘം, കാര്‍ഷിക സംഘങ്ങള്‍ എന്നിവരുടെ നേതൃത്വത്തിലാണ് കേന്ദ്രത്തിന്റെ പ്രവര്‍ത്തനം. 

ആലപ്പുഴ: പി എൻ പണിക്കർ അനുസ്മരണ  വായനദിന- മാസാചരണത്തിന്റെ 25മത് വാർഷികം കോവിഡ് 19 മഹാമാരിയുടെ പശ്ചാത്തലത്തിൽ ഇക്കൊല്ലം ഓൺലൈനിലൂടെ സംഘടിപ്പിക്കുന്നു.
ജൂൺ 19 മുതൽ ജൂലൈ 18 വരെ ഒരു മാസമാണ് ആഘോഷം.   കുട്ടികളുടെ വീടുകൾ കേന്ദ്രീകരിച്ച്  ഇന്റർനെറ്റ് സംവിധാനം ഉപയോഗപ്പെടുത്തി  വായനയുടെ പ്രാധാന്യം എത്തിക്കും. പി എൻ പണിക്കർ ഫൗണ്ടേഷന്റെ നേതൃത്വത്തിൽ  ജില്ലാതല മാസാചരണ ത്തിന്റെ ഉദ്ഘാടനവും പി എൻ പണിക്കർ അനുസ്മരണവും അമ്പലപ്പുഴ പി.കെ.എം ലൈബ്രറിയിൽ ജൂൺ 19 ന് രാവിലെ 11 മണിക്ക് നടക്കും. 

ആലപ്പുഴ: ഇന്ത്യൻ കോസ്റ്റ് ഗാർഡിന് സ്റ്റാറ്റിറ്റിക്  സെൻസർ സ്ഥപിക്കുന്നതിന് അമ്പലപ്പുഴ താലൂക്കിലെ ആലപ്പുഴ പടിഞ്ഞാറ് വില്ലേജിലെ ബ്ലോക്ക് നമ്പർ 121 റീസർവ്വെ നമ്പർ 2ൽ പ്പെട്ട 17.78  ആർസ് ഭൂമിയിലെ 34 മരങ്ങൾ  ജൂൺ 29ന് രാവിലെ 11ന്  ആലപ്പുഴ പടിഞ്ഞാറ് വില്ലേജ് ഓഫീസിൽ ലേലം ചെയ്യും. ലേലം സർക്കാർ നടപടികൾക്ക് വിധേയമായിരിക്കും. ലേലം സ്ഥിരീകരിക്കുന്നതിനും സ്ഥിരീകരിക്കാതിരിക്കുന്നതിനുമുള്ള അവകാശം അമ്പലപ്പുഴ തഹസിൽദാരിൽ നിക്ഷിപതമായിരിക്കും.

ആലപ്പുഴ:  ജനറൽ ആശുപത്രിയിൽ മൃതദേഹങ്ങൾ സൂക്ഷിക്കുവാനുള്ള ഫ്രീസർ യൂണിറ്റിന്റെ ഉദ്ഘാടനം  ജൂൺ 18ന്  രാവിലെ 10 ന് ആശുപത്രി വികസന സമിതി അധ്യക്ഷനും മുനിസിപ്പൽ ചെയർമാനുമായ ഇല്ലിക്കൽ കുഞ്ഞുമോൻ നിർവ്വഹിക്കും. പഴയ ആലപ്പുഴ മെഡിക്കൽ കോളേജിന്റെ ഭാഗമായിരുന്ന മോർച്ചറി കെട്ടിടം ദീർഘകാലമായി ഉപയോഗയോഗ്യമല്ലാതെ കിടക്കുകയായിരുന്നു. ഈ കെട്ടിടം പുനരുദ്ധരിച്ച് ഒരേ സമയം നാല് മൃതദേഹങ്ങൾ സൂക്ഷിക്കുവാനുള്ള ഫ്രീസറുകൾ സജ്ജമാക്കിയിട്ടുണ്ട്. മൃതദേഹം ഫ്രീസറിൽ സൂക്ഷിക്കുന്നതിന്  പ്രതിദിനം 750 രൂപ വീതമാണ് വാടക.

ആലപ്പുഴ:  മൃഗസംരക്ഷണ വകുപ്പ് നടപ്പിലാക്കുന്ന,   കോവിഡ് - 19 ലോക്ക്ഡൗണിനെ തുടർന്ന്   നിര്‍ത്തിവച്ച ഒന്നാം ഘട്ട ദേശീയ കുളമ്പുരോഗ പ്രതിരോധ കുത്തിവയ്പ് പരിപാടി കേന്ദ്രസർക്കാർ മൃഗസംരക്ഷണ വകുപ്പ് നിർദ്ദേശപ്രകാരം  ജൂൺ 15 ന് പുനരാരംഭിച്ചു. മൃഗസംരക്ഷണ വകുപ്പിലെ ഉദ്യോഗസ്ഥർ ഓരോ വീടുകളും സന്ദർശിച്ചാണ് വാക്‌സിനേഷൻ നടത്തുന്നത്.  കോവിഡ്-19 പശ്ചാത്തലത്തിൽ ഹോട്ട്‌സ്‌പോട്ടുകൾ / കണ്ടെയ്ൻമെന്റ് സോണുകൾ എന്നിവ പൂർണമായും ഒഴിവാക്കിയാണ് വാക്‌സിനേഷൻ ആരംഭിക്കുന്നത്.