വൈക്കം താലൂക്ക് ആശുപത്രിയില്‍ അഴുക്ക് തുണികള്‍ അലക്കി ഉണക്കി വൃത്തിയാക്കി നല്‍കുന്നതിന് ടെണ്ടര്‍ ക്ഷണിച്ചു. മാര്‍ച്ച് 27 രാവിലെ 11നകം ആശുപത്രി സൂപ്രണ്ടിന് നല്‍കണം.

    സപ്ലൈകോയുടെ പുതിയ ചെയര്‍മാന്‍ ആന്‍ഡ് മാനേജിങ് ഡയറക്ടറായി പി.എം. അലി അസ്ഗാര്‍ പാഷ ചുമതലയേറ്റു. പാലക്കാട് ജില്ലാ കളക്ടര്‍, കെ. റ്റി. ഡി. സി മാനേജിങ് ഡയറക്റ്റര്‍, പട്ടികജാതി പട്ടികവര്‍ഗ്ഗ വികസനവകുപ്പ് സെക്രട്ടറി എന്നീ നിലകളില്‍ സേവനം അനുഷ്ഠിച്ചിട്ടുണ്ട്. 2010 - 12 കാലയളവില്‍ സപ്ലൈകോ ജനറല്‍ മാനേജറായിരുന്നു. കൊടുങ്ങല്ലൂര്‍ സ്വദേശിയാണ്. തിരുവനന്തപുരം ഗുഡ് ഷേപ്പേര്‍ഡ് സ്‌കൂള്‍ അധ്യാപികയായ സാജിതയാണ് ഭാര്യ. മകള്‍ താനിയ, മകന്‍ കാലിഫ്

കോവിഡ്-19 വ്യാപിക്കുന്ന സാഹചര്യത്തില്‍ ജില്ലയുടെ അതിര്‍ത്തി മേഖലയായ മറയൂരില്‍ വാഹന പരിശോധന ശക്തമാക്കി.  മറയൂര്‍ പഞ്ചായത്ത്, പൊലീസ്, റവന്യു, ആരോഹ്യവകുപ്പ് എന്നിവയുടെ നേതൃത്വത്തിലാണ് കരിമുട്ടി ചെക്പോസ്റ്റില്‍ പരിശോധന ആരംഭിച്ചിരിക്കുന്നത്.  വിനോദ സഞ്ചാര മേഖലയായതുകൊണ്ട്  അതിര്‍ത്തി കടന്നെത്തുന്ന യാത്രക്കാരെ പരിശോധിക്കുകയും  മുന്‍കരുതല്‍ നിര്‍ദ്ദേശങ്ങള്‍ നല്‍കിയുമാണ് കടത്തിവിടുന്നത്. മാസ്‌ക്ക് ധരിപ്പിച്ചും കൈകള്‍ വൃത്തിയാക്കിയതിനു ശേഷവുമാണ് പ്രവേശനാനുമതി നല്‍കുന്നത്.

സ്വാമി വിവേകാനന്ദന്‍ യുവ പ്രതിഭാ പുരസ്‌കാരത്തിന് സംസ്ഥാന യുവജനക്ഷേമ ബോര്‍ഡ് അപേക്ഷ ക്ഷണിച്ചു. സാമൂഹ്യ പ്രവര്‍ത്തനം, മാധ്യമ പ്രവര്‍ത്തനം(അച്ചടി, ദൃശ്യം), കല, സാഹിത്യം, ഫൈന്‍ ആര്‍ട്‌സ്, കായികം ( വനിത, പുരുഷന്‍), ശാസ്ത്രം, സംരംഭകത്വം, കൃഷി എന്നീ മേഖലകളിലെ പ്രവര്‍ത്തനത്തിനാണ് അവാര്‍ഡ്. 18 നും 40 ഇടയില്‍ പ്രായമുള്ളവര്‍ക്ക് അപേക്ഷിക്കാം. തിരഞ്ഞെടുക്കപ്പെടുന്നവര്‍ക്ക് 50,000 രൂപയും പ്രശസ്തി പത്രവും പുരസ്‌കാരവും ലഭിക്കും.

ഏപ്രില്‍ ഒന്നുമുതല്‍ ബി.എസ് നാലാം തലമുറ വാഹനങ്ങളുടെ രജിസ്‌ട്രേഷന്‍ നിരോധിച്ച് സുപ്രീംകോടതി നിര്‍ദ്ദേശം പുറപ്പെടുവിച്ചിരിക്കുന്നതിനാല്‍ പ്രസ്തുത വിഭാഗത്തിലുള്ള വാഹനങ്ങള്‍ ഏപ്രില്‍ ഒന്ന് മുതല്‍ യാതൊരു കാരണവശാലും രജിസ്റ്റര്‍ ചെയ്യുവാന്‍ സാധിക്കില്ലെന്ന് ഇടുക്കി റീജിയണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു. മാര്‍ച്ച് 31ന് ശേഷവും താല്‍ക്കാലിക രജ്‌സ്‌ട്രേഷന്‍ കാലാവധിയുള്ള വാഹനങ്ങളാണെങ്കിലും 31നകം രജിസ്‌ട്രേഷന്‍ നടപടികള്‍ പൂര്‍ത്തിയാക്കണം. യാതൊരു കാരണവശാലും താല്‍ക്കാലിക രജിസ്‌ട്രേഷന്‍ പുതുക്കി നല്‍കുന്നതല്ല.

സാമൂഹ്യ പ്രശ്‌നങ്ങള്‍ നേരിടുന്ന മിശ്രവിവാഹ ദമ്പതികള്‍ക്ക് സുരക്ഷിതമായി  താമസിക്കുന്നതിന് സാമൂഹ്യനീതി വകുപ്പ് എല്ലാ ജില്ലകളിലും സെയ്ഫ് ഹോമുകള്‍ ആരംഭിക്കുന്നു. ഒരു ഹോമില്‍ പരമവാധി 10 ദമ്പതികള്‍ക്ക് ഒരേ സമയം താമസ സൗകര്യം ഒരുക്കാന്‍ കഴിയുന്ന സന്നദ്ധ സംഘടനകളില്‍ നിന്നും വിശദമായ പ്രൊപ്പോസല്‍ ക്ഷണിച്ചു. താമസ കാലയളവില്‍ ദമ്പതികള്‍ക്ക് ഭക്ഷണം ഉള്‍പ്പെടെയുള്ള അടിസ്ഥാനസൗകര്യങ്ങള്‍ ലഭ്യമാക്കണം. താല്‍പ്പര്യമുള്ളവര്‍ ജില്ലാ സാമൂഹ്യനീതി ഓഫീസുകളില്‍ മാര്‍ച്ച് 20ന് മുമ്പായി വിശദമായ പ്രൊപ്പോസലുകള്‍ സമര്‍പ്പിക്കണം. എന്‍.ജി.ഒകള്‍  പ്രൊപ്പോസല്‍ നല്‍കിയിട്ടുണ്ടെങ്കില്‍ വീണ്ടും നല്‍കേണ്ടതില്ല.

സപ്ലൈകോയുടെ പുതിയ ചെയര്‍മാന്‍ ആന്‍ഡ് മാനേജിങ് ഡയറക്ടറായി പി.എം അലി അസ്ഗാര്‍ പാഷ ചുമതലയേറ്റു. പാലക്കാട് ജില്ലാ കളക്റ്ററായും കെ റ്റി ഡി സി മാനേജിങ് ഡയറക്റ്ററായും പട്ടികജാതി-പട്ടികവര്‍ഗ്ഗ വകുപ്പ് സെക്രട്ടറിയായും പ്രവര്‍ത്തിച്ചിട്ടുണ്ട്.  2010 - 12 കാലയളവില്‍ സപ്ലൈകോ ജനറല്‍ മാനേജറായിരുന്നു. കൊടുങ്ങല്ലൂര്‍ സ്വദേശീയായ പാഷയ്ക്ക് 2004 ലാണ് ഐ.എ.എസ് ലഭിച്ചത്. തിരുവനന്തപുരം ഗുഡ് ഷേപ്പേര്‍ഡ് സ്‌കൂള്‍ അധ്യാപികയായ സാജിതയാണ് ഭാര്യ. മകള്‍ താനിയ (യൂണൈറ്റഡ് അറബ് ബാങ്ക് ഓഫീസര്‍), മകന്‍ കാലിഫ് (ബംഗളൂര്‍ എച്ച് ഡി എഫ് സി ബാങ്ക് ഓഫീസര്‍).