കൊച്ചി:  മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ്-19 സൗജന്യ ധനസഹായം സുഗമമായി ലഭ്യമാക്കുന്നതിലേക്കായി ബോര്‍ഡ് ഓണ്‍ലൈന്‍ പോര്‍ട്ടല്‍ സംവിധാനം ആരംഭിച്ചിട്ടുണ്ട്. നാളിതുവരെ അപേക്ഷ നല്‍കാത്ത തൊഴിലാളികള്‍ക്ക് www.kmtwwfb.org   വെബ് സൈറ്റിലൂടെയോ motorworker.kmtwwfb.kerala.gov.in  പോര്‍ട്ടലിലൂടെയോ അപേക്ഷ നല്‍കാം. അപേക്ഷ സമര്‍പ്പിക്കുന്നതിനുളള അവസാന തീയതി ജൂണ്‍ 30. ഈ അവസരം പരമാവധി പ്രയോജനപ്പെടുത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ്-19 സൗജന്യ ധനസഹായം സൂഗമമായി ലഭ്യമാക്കുന്നതിന് ഓണ്‍ലൈന്‍ പോര്‍ട്ടല്‍ സംവിധാനം ആരംഭിച്ചു.  അംഗത്വത്തിന് ഇതുവരെ അപേക്ഷിക്കാത്ത തൊഴിലാളികള്‍ക്ക്  www.kmtwwfb.org എന്ന വെബ് സൈറ്റിലൂടെയോ  motorworker.kmtwwfb.kerala.gov.in എന്ന പോര്‍ട്ടലിലൂടെയോ അപേക്ഷ നല്‍കാമെന്ന്് ബോര്‍ഡ് ചെയര്‍മാന്‍ അറിയിച്ചു.  അവസാന തീയതി ജൂണ്‍ 30.  

സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്:- 

ഗുരുതരാവസ്ഥയിൽ ഐ സി യു വിൽ കഴിയുന്ന രോഗികൾ

1.എറണാകുളം സർക്കാർ മെഡിക്കൽ കോളേജിൽ കോവിഡ് ചികിത്സയിൽ കഴിയുന്ന  തൃശൂർ  സ്വദേശിനിയായ  80 വയസ്സുകാരി ഗുരുതരാവസ്ഥയിൽ തന്നെ തുടരുന്നു.ശ്വാസകോശ അണുബാധയുള്ള രോഗി ദീർഘ കാലമായുള്ള വൃക്ക രോഗത്തിനും ചികിത്സയിലാണ്

2.കുവൈറ്റിൽ നിന്നും 12  ആം തീയതി  കൊച്ചിയിൽ എത്തിയ കൊല്ലം സ്വദേശിയായ 53 വയസ്സുകാരനെ   കോവിഡ് ന്യൂമോണിയ മൂലം ഐസിയു  വിൽ  പ്രവേശിപ്പിച്ചിട്ടുണ്ട്. ദീർഘകാലമായി പ്രമേഹ രോഗിയായ ഇദ്ദേഹം കൃത്രിമശ്വസനസഹായിയുടെ സഹായത്തിലാണ്.

എറണാകുളം: ജില്ലാ പഞ്ചായത്തിലെ കോൺഫിഡൻഷ്യൽ അസിസ്റ്റൻ്റ് ഗ്രേഡ് രണ്ട് തസ്തികയിലേക്ക് ഡപ്യൂട്ടേഷനിൽ നിയമനം നടത്തുന്നതിനായി അപേക്ഷ ക്ഷണിച്ചു. വിവിധ സർക്കാർ വകുപ്പുകളിൽ സമാന തസ്തികയിൽ ജോലി ചെയ്യുന്നവർക്ക് അപേക്ഷിക്കാം. ജൂൺ 30 വൈകീട്ട് അഞ്ചിനകം അപേക്ഷ സമർപ്പിക്കണം. കൂടുതൽ വിവരങ്ങൾക്ക് ഫോൺ: 8848915115

എറണാകുളം : വിമാന താവളത്തിലെ യാത്ര ക്രമീകരണങ്ങൾ പരിഷ്കരിക്കുന്നതുമായി ബന്ധപ്പെട്ട് ജില്ല കളക്ടർ എസ്. സുഹാസിന്റെ അധ്യക്ഷതയിൽ ചർച്ച നടത്തി. ആരോഗ്യ വകുപ്പ്, ഗതാഗത വകുപ്പ്, അഗ്നി ശമന സേന, കെ. എസ്. ആർ. ടി. സി പ്രതിനിധികൾ തുടങ്ങിയവർ ചർച്ചയിൽ പങ്കെടുത്തു. അന്താരാഷ്ട്ര വിമാനങ്ങളുടെ എണ്ണം വർധിപ്പിച്ച സാഹചര്യത്തിൽ വിമാന ത്താവളത്തിലെ  യാത്ര ക്രമീകരണങ്ങളിൽ വേണ്ട പരിഷ്‌കാരങ്ങൾ ചർച്ച ചെയ്തു. ജില്ല മെഡിക്കൽ ഓഫീസർ ഡോ. എൻ. കെ കുട്ടപ്പൻ, ദേശീയ ആരോഗ്യ ദൗത്യം ജില്ല പ്രോജക്ട് ഓഫീസർ ഡോ. മാത്യൂസ് നുമ്പേലി, ആർ. ടി. ഒ. ജി അനന്തകൃഷ്ണൻ തുടങ്ങിയവർ പങ്കെടുത്തു.

എറണാകുളം: മൂത്തകുന്നം - ഇടപ്പള്ളി ഹൈവേ നിർമ്മാണത്തിനായുള്ള കല്ലിടൽ പ്രവർത്തികൾ ജൂൺ 30 ന് ആരംഭിക്കാൻ കളക്ടർ എസ്.സുഹാസിൻ്റെ അധ്യക്ഷതയിൽ ചേർന്ന ഉദ്യോഗസ്ഥരുടെ യോഗത്തിൽ തീരുമാനം. 

 എറണാകുളം: ചെറിയ കുട്ടികള്‍ക്കും കൗമാരക്കാര്‍ക്കും ഗര്‍ഭിണികള്‍ക്കും അറിവും ആരോഗ്യകരമായ ശീലങ്ങളും പകര്‍ന്നു നല്‍കുന്ന അങ്കണവാടികള്‍ കോവിഡ് കാലത്തും തങ്ങളുടെ പ്രവര്‍ത്തനങ്ങളുമായി മുന്നോട്ട് പോവുകയാണ്. ഓണ്‍ലൈനിലൂടെ ഓരോ ഗുണഭോക്താവിലേക്കുമെത്തുന്ന "കൂടെയുണ്ട് അങ്കണവാടികള്‍" പദ്ധതി ഇതിൻറെ ഭാഗമായി കൂടുതല്‍ മേഖലകളിലേക്ക് കടന്നു കഴി‍ഞ്ഞു.  പദ്ധതിയുടെ ഭാഗമായി ജില്ലയിലെ 2858 അങ്കണവാടികളിലെ ഗുണഭോക്താക്കളായ മുലയൂട്ടുന്ന അമ്മമാര്‍ക്ക്  വേണ്ടി  ഓണ്‍ലൈന്‍ ബോധവത്കരണ ക്ലാസ് സംഘടിപ്പിച്ചു.

    ജലഅതോറിറ്റിയുടെ കാഞ്ഞിരംകുളം സെക്ഷന്‍ പരിധിയിലെ കുമിളി 12 എം.എല്‍.ഡി ജലശുദ്ധീകരണശാലയില്‍ ശുചീകരണ പ്രവര്‍ത്തനങ്ങളും അറ്റകുറ്റപണികളും നടക്കുന്നതിനാല്‍ ജൂണ്‍ 18, 19 തീയതികളില്‍ കാഞ്ഞിരംകുളം, കരുംകുളം, തിരുപുറം പഞ്ചായത്തുകളിലെ പ്രദേശങ്ങളില്‍ കുടിവെള്ളം തടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

    ദേശീയ മത്സ്യവിത്തുല്‍പ്പാദന കേന്ദ്രത്തിലേക്ക് കരാറടിസ്ഥാനത്തില്‍ രണ്ട് പ്രൊജക്റ്റ് അസ്സിസ്റ്റന്റുമാരെ തെരഞ്ഞെടുക്കുന്നു. ഫിഷറീസ് സയന്‍സിലോ സുവോളജിയിലോ ബിരുദാനന്തര ബിരുദമുള്ള തിരുവനന്തപുരം ജില്ലക്കാര്‍ക്ക് അപേക്ഷിക്കാം. ഹാച്ചറിയിലുള്ള പ്രവര്‍ത്തിപരിചയവും കമ്പ്യൂട്ടര്‍ പരിജ്ഞാനവും അഭികാമ്യം. പ്രായപരിധി 22 നും 36 നും മദ്ധ്യേ. താത്പര്യമുള്ളവര്‍ യോഗ്യത സര്‍ട്ടിഫിക്കറ്റിന്റെ അസ്സലും പകര്‍പ്പുമായി ജൂണ്‍ 24ന് രാവിലെ 11 മണിയ്ക്ക് കമലേശ്വരത്തുള്ള ഫിഷെറീസ് ഡെപ്യൂട്ടി ഡയറക്റ്ററുടെ ഓഫീസില്‍ നടക്കുന്ന വാക്ക്-ഇന്‍- ഇന്റര്‍വ്യൂവില്‍ പങ്കെടുക്കണം. കൂടുതല്‍ വിവരങ്ങള്‍ക്ക്  0471-2450773.