എറണാകുളം: മൂത്തകുന്നം - ഇടപ്പള്ളി ഹൈവേ നിർമ്മാണത്തിനായുള്ള കല്ലിടൽ പ്രവർത്തികൾ ജൂൺ 30 ന് ആരംഭിക്കാൻ കളക്ടർ എസ്.സുഹാസിൻ്റെ അധ്യക്ഷതയിൽ ചേർന്ന ഉദ്യോഗസ്ഥരുടെ യോഗത്തിൽ തീരുമാനം. 

 എറണാകുളം: ചെറിയ കുട്ടികള്‍ക്കും കൗമാരക്കാര്‍ക്കും ഗര്‍ഭിണികള്‍ക്കും അറിവും ആരോഗ്യകരമായ ശീലങ്ങളും പകര്‍ന്നു നല്‍കുന്ന അങ്കണവാടികള്‍ കോവിഡ് കാലത്തും തങ്ങളുടെ പ്രവര്‍ത്തനങ്ങളുമായി മുന്നോട്ട് പോവുകയാണ്. ഓണ്‍ലൈനിലൂടെ ഓരോ ഗുണഭോക്താവിലേക്കുമെത്തുന്ന "കൂടെയുണ്ട് അങ്കണവാടികള്‍" പദ്ധതി ഇതിൻറെ ഭാഗമായി കൂടുതല്‍ മേഖലകളിലേക്ക് കടന്നു കഴി‍ഞ്ഞു.  പദ്ധതിയുടെ ഭാഗമായി ജില്ലയിലെ 2858 അങ്കണവാടികളിലെ ഗുണഭോക്താക്കളായ മുലയൂട്ടുന്ന അമ്മമാര്‍ക്ക്  വേണ്ടി  ഓണ്‍ലൈന്‍ ബോധവത്കരണ ക്ലാസ് സംഘടിപ്പിച്ചു.

    ജലഅതോറിറ്റിയുടെ കാഞ്ഞിരംകുളം സെക്ഷന്‍ പരിധിയിലെ കുമിളി 12 എം.എല്‍.ഡി ജലശുദ്ധീകരണശാലയില്‍ ശുചീകരണ പ്രവര്‍ത്തനങ്ങളും അറ്റകുറ്റപണികളും നടക്കുന്നതിനാല്‍ ജൂണ്‍ 18, 19 തീയതികളില്‍ കാഞ്ഞിരംകുളം, കരുംകുളം, തിരുപുറം പഞ്ചായത്തുകളിലെ പ്രദേശങ്ങളില്‍ കുടിവെള്ളം തടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

    ദേശീയ മത്സ്യവിത്തുല്‍പ്പാദന കേന്ദ്രത്തിലേക്ക് കരാറടിസ്ഥാനത്തില്‍ രണ്ട് പ്രൊജക്റ്റ് അസ്സിസ്റ്റന്റുമാരെ തെരഞ്ഞെടുക്കുന്നു. ഫിഷറീസ് സയന്‍സിലോ സുവോളജിയിലോ ബിരുദാനന്തര ബിരുദമുള്ള തിരുവനന്തപുരം ജില്ലക്കാര്‍ക്ക് അപേക്ഷിക്കാം. ഹാച്ചറിയിലുള്ള പ്രവര്‍ത്തിപരിചയവും കമ്പ്യൂട്ടര്‍ പരിജ്ഞാനവും അഭികാമ്യം. പ്രായപരിധി 22 നും 36 നും മദ്ധ്യേ. താത്പര്യമുള്ളവര്‍ യോഗ്യത സര്‍ട്ടിഫിക്കറ്റിന്റെ അസ്സലും പകര്‍പ്പുമായി ജൂണ്‍ 24ന് രാവിലെ 11 മണിയ്ക്ക് കമലേശ്വരത്തുള്ള ഫിഷെറീസ് ഡെപ്യൂട്ടി ഡയറക്റ്ററുടെ ഓഫീസില്‍ നടക്കുന്ന വാക്ക്-ഇന്‍- ഇന്റര്‍വ്യൂവില്‍ പങ്കെടുക്കണം. കൂടുതല്‍ വിവരങ്ങള്‍ക്ക്  0471-2450773.

    വെള്ളപ്പൊക്കം നേരിടാനുള്ള പ്രതിരോധ പ്രവര്‍ത്തനങ്ങളുടെ അനുകരണ അഭ്യാസം (മോക് ഡ്രില്‍ ) ഇന്നലെ (ജൂണ്‍ 16) ഉച്ചയ്ക്ക് 12 മണിക്ക് ചിറയിന്‍കീഴ് താലൂക്കിലെ വാമനപുരം നദീതീരത്തെ കൊട്ടിയോട് നടന്നു. ജില്ലാ ദുരന്തനിവാരണ അതോറിറ്റിയുടെ  ആഭിമുഖ്യത്തിലാണ് മോക്ഡ്രില്‍ സംഘടിപ്പിച്ചത്. ബി. സത്യന്‍ എം.എല്‍.എ, മറ്റ് ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ സംബന്ധിച്ചു.

സംസ്ഥാനത്തെ എല്ലാ ജില്ലാ വനിത ശിശുവികസന വകുപ്പ് ഓഫീസുകളും ഹൈടെക് സംവിധാനത്തിലേക്ക്.

മഴക്കാലത്ത് എലിപ്പനി വ്യാപകമാകാൻ സാധ്യതയുള്ളതിനാൽ പൊതുജനങ്ങൾ മുൻകരുതൽ സ്വീകരിക്കണമെന്ന് ആരോഗ്യ മന്ത്രി കെ.കെ. ശൈലജ ടീച്ചർ. ആരംഭത്തിൽ തന്നെ എലിപ്പനിയാണെന്ന് കണ്ടെത്തി ചികിത്സ ലഭ്യമാക്കിയില്ലെങ്കിൽ മരണം വരെ സംഭവിക്കാൻ സാധ്യതയുണ്ട്. എല്ലാ സർക്കാർ ആശുപത്രികളിലും എലിപ്പനിക്കെതിരായ സൗജന്യ ചികിത്സ ലഭ്യമാണെന്നും മന്ത്രി വ്യക്തമാക്കി.

കേരള സംസ്ഥാന പട്ടികജാതി പട്ടികവർഗ വികസന കോർപ്പറേഷൻ തിരുവനന്തപുരം ജില്ലാ ഓഫീസിൽ നിന്നും വായ്പ എടുത്ത ഗുണഭോക്താക്കൾക്ക് നിലവിലെ യാത്രാ അസൗകര്യം പരിഗണിച്ച് വായ്പയുടെ തിരിച്ചടവ്/ കുടിശ്ശിക തുക കോർപറേഷന്റെ  The District Manager, KSDC for SC/ST, A/c No. 67066616142, Branch: SBI, Vellayambalam, IFSC: SBIN0070308 എന്ന അക്കൗണ്ടിലേക്ക് അടയ്ക്കാം. പണം അടയ്ക്കുന്ന ഗുണഭോക്താക്കൾ 0471-2723155 എന്ന നമ്പറിൽ വിളിച്ച് പണം അടച്ച വിവരം യഥാസമയം അറിയിക്കുകയും വേണം.
പി.എൻ.എക്സ്. 2158/2020

സംസ്ഥാനത്ത് കോവിഡ് 19 സമൂഹ വ്യാപനം നടന്നിട്ടുണ്ടോയെന്ന് പരിശോധിക്കുന്നതിന്റെ ഭാഗമായി ജില്ലയില്‍ 950 പേരില്‍ ആന്റിബോഡി ടെസ്റ്റ് നടത്തിയതായി ആരോഗ്യവകുപ്പ് അധികൃതര്‍ അറിയിച്ചു. ജില്ലാ സര്‍വെയ്ലന്‍സ് ഓഫീസറും ഡെപ്യൂട്ടി ഡി.എം.ഒ.യുമായ ഡോ. കെ എ നാസറാണ് പരിശോധനയ്ക്ക് നേതൃത്വം നല്‍കിയത്. സമ്പര്‍ക്ക സാധ്യതയുടെ അടിസ്ഥാനത്തില്‍ അഞ്ച് ഗ്രൂപ്പുകളായി തിരിച്ച് 950 പേരുടെ രക്തസാമ്പിള്‍ ശേഖരിച്ചാണ് ആന്റിബോഡി ടെസ്റ്റ് നടത്തിയത്. ജൂണ്‍ 13 ന് ആരംഭിച്ച് മൂന്നു ദിവസങ്ങളിലായാണ് പരിശോധന നടന്നത്.