കുടുംബശ്രീ ബ്ലോക്ക് കോര്‍ഡിനേറ്റര്‍ (എം.ഐ.എസ്) തസ്തികകളിലേക്ക് നടത്തിയ എഴുത്തു പരീക്ഷയില്‍ യോഗ്യത നേടിയവരുടെ ഷോര്‍ട്ട് ലിസ്റ്റ് പ്രസിദ്ധീകരിച്ചു. ംംം.സൗറൗായമവെൃലല.ീൃഴ/രമൃലലൃെ  വെബ് സൈറ്റില്‍ ലഭ്യമാണ്. ലിസ്റ്റിലുള്‍പ്പെട്ടവരുടെ യോഗം ഡിസംബര്‍ 28 ന് ഉച്ചയ്ക്ക് രണ്ടിന് പാലക്കാട് ഹോട്ടല്‍ ഗസാലയില്‍ നടക്കും. 

മഹാത്മ ഗാന്ധിയുടെ രക്തസാക്ഷിത്വ വാര്‍ഷികത്തോടനുബന്ധിച്ച്  സര്‍ക്കാര്‍ നടത്തുന്ന 'രക്തസാക്ഷ്യം' സമാപനവും  സര്‍വ്വോദയ മേളയും 2019 ഫെബ്രുവരി എട്ട് മുതല്‍ 12 വരെ നടത്താന്‍ തീരുമാനിച്ചു.  തവനൂര്‍ കാര്‍ഷിക എഞ്ചിനീയറിംഗ് കോളേജില്‍ ഉന്നത വിദ്യഭ്യാസ വകുപ്പ് മന്ത്രി ഡോ.കെ .ടി ജലീലിന്റെ അധ്യക്ഷതയില്‍ നടന്ന സംഘാടക സമിതി യോഗത്തിലാണ് തീരുമാനം. ഗാന്ധിയന്‍ ആശയങ്ങള്‍ പ്രചരിപ്പിക്കുക എന്ന ലക്ഷ്യത്തോടെ സാംസ്‌കാരിക വകുപ്പ്, സര്‍വ്വോദയ മണ്ഡലം, കുടുംബശ്രീ എന്നിവര്‍ സംയുക്തമായാണ്  രക്ത സാക്ഷ്യം പരിപാടിയുടെ സമാപനവും  സര്‍വ്വോദയ മേളയും തവനൂര്‍ കേളപ്പജി നഗറില്‍ സംഘടിപ്പിക്കുന്നത്.

    ജനുവരി അഞ്ചിന് നടക്കുന്ന ജില്ലാതല പട്ടയമേളയുടെ സ്വാഗതസംഘം യോഗം ഇന്ന്(ഡിസംബര്‍ 27) വൈകിട്ട് മൂന്നിന് ജില്ലാ കലക്ടര്‍ ഡി.ബാലമുരളിയുടെ  അധ്യക്ഷതയില്‍ കലക്ടറുടെ ചേംബറില്‍ നടക്കും.

 പാലക്കാട് താലൂക്കിലെ വടക്കന്തറ തിരുവെങ്കിടപ്പന്‍, വലിയങ്ങാടി കര്‍ണ്ണകിയമ്മന്‍ ക്ഷേത്രം, ചിറ്റൂര്‍ താലൂക്കിലെ കൊല്ലങ്കോട് പുതുഗ്രാമം വിശ്വനാഥസ്വാമി ക്ഷേത്രം എന്നിവിടങ്ങളില്‍  ട്രസ്റ്റി നിയമനത്തിന് അപേക്ഷ ക്ഷണിച്ചു.  താല്‍പര്യമുള്ളവര്‍ ജനുവരി ഒമ്പതിന് വൈകീട്ട് അഞ്ചിന്  മുമ്പ്  മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്‍റ് കമ്മിഷണര്‍ക്ക്  അപേക്ഷ നല്‍കണം.    അപേക്ഷ ഫോറം അസിസ്റ്റന്‍റ് കമ്മിഷണറുടെ ഓഫീസിലും  ംംം.ാമഹമയമൃറല്മംീാെ.സലൃമഹമ.ഴീ്.ശി ലും    ലഭിക്കും.