ജില്ലയില്‍ സപ്ലൈക്കോയുടെ വിവിധ ഡിപ്പോകളില്‍ ഭക്ഷ്യക്കിറ്റ് പായ്ക്ക് ചെയുന്നതിലും ഇതിനാവശ്യമായ തുണിസഞ്ചികള്‍ നിര്‍മിച്ചുനല്‍കുന്നതിലും പൊതുവിതരണ വകുപ്പിന്റെ പ്രവര്‍ത്തനങ്ങളില്‍ കുടുംബശ്രീയുടെ പങ്കാളിത്തം ശ്രദ്ധേയമാകുകയാണ്. 250 കുടുംബശ്രീ പ്രവര്‍ത്തകരാണു പത്തനംതിട്ട ജില്ലയില്‍ സപ്ലൈക്കോയുടെ വിവിധ ഡിപ്പോകളിലായി ഭക്ഷ്യക്കിറ്റ് തയ്യാറാക്കുന്നതില്‍ സജീവമായിട്ടുള്ളത്. 

എല്ലു പൊടിയുന്ന അസുഖത്തെ തുടര്‍ന്ന് രണ്ടു മാസമായി തളര്‍ന്നു കിടപ്പിലായ വീട്ടമ്മയെ ആശുപത്രിയില്‍ എത്തിക്കാന്‍ സഹായവുമായി ചിറ്റയം ഗോപകുമാര്‍ എം.എല്‍.എ. അടൂര്‍ കടമ്പനാട് പാണ്ടിമലപ്പുറം വിളയില്‍ വീട്ടില്‍ സുജാ തങ്കരാജിനെയാണ് എം.എല്‍.എയുടെ സഹായത്തോടെ വിദഗ്ധ ചികിത്സക്കായി തിരുവനന്തപുരം റീജിയണല്‍ കാന്‍സര്‍ സെന്ററില്‍ എത്തിച്ചത്. 

കേരള ശാസ്ത്രസാഹിത്യ പരിഷത്ത് പത്തനംതിട്ട ജില്ലാ കമ്മിറ്റി 61,000 രൂപ കോവിഡ് 19 പ്രതിരോധ നടപടികള്‍ക്കായി മുഖ്യമന്ത്രിയുടെ ദുരിതാശ്വാസനിധിയിലേക്കു സംഭാവന നല്‍കി. പ്രസിഡന്റ് ഡോ.കെ.പി കൃഷ്ണന്‍കുട്ടി ജില്ലാ കളക്ടര്‍ പി.ബി നൂഹിന് ചെക്ക് കൈമാറി. സെക്രട്ടറി യു.ചിത്രജാതന്‍, ട്രഷറര്‍ പി.ബാലചന്ദ്രന്‍, സംസ്ഥാന കമ്മറ്റി അംഗം ജി.സ്റ്റാലിന്‍, ജില്ലാ കമ്മറ്റി അംഗം എം.ജി ഗോപിനാഥന്‍ തുടങ്ങിയവര്‍ പങ്കെടുത്തു. 

       ജില്ലയില്‍ കോവിഡ് 19 രോഗപ്രതിരോധത്തില്‍ രാവും പകലും ജാഗ്രതയോടെ പോലീസ് സേന. ജില്ലാ പോലീസ് മേധാവി ആര്‍. ഇളങ്കോയുടെ നേതൃത്വത്തില്‍ ഒരു എ.എസ്.പി, എട്ട് ഡി.വൈ.എസ്.പി, 18 ഇന്‍സ്‌പെക്ടര്‍മാര്‍ എന്നിവരടങ്ങിയ  1172 സേനാംഗങ്ങളാണ് ജില്ലയ്ക്ക് കാവലുറപ്പിക്കുന്നത്. 69 ഹോം ഗാര്‍ഡുകളും പോലീസിനെ സഹായിക്കാനായി രംഗത്തുണ്ട്. ലോക്ഡൗണിന്റെ ഭാഗമായി ഏര്‍പ്പെടുത്തിയ നിയന്ത്രണങ്ങള്‍ ഫലപ്രദമായി നടപ്പാക്കുന്നതില്‍ ജില്ലാഭരണകൂടത്തിന് കരുത്താവുന്നത് പോലീസിന്റെ ഇടപെടലുകളാണ്.

 
  ഒ.ആര്‍ കേളു എം.എല്‍.എയുടെ ആസ്തി വികസന ഫണ്ടില്‍ നിന്നും തിരുനെല്ലി ഗ്രാമപഞ്ചായത്തിലെ മുളളന്‍ക്കൊല്ലി നെച്ചുകണ്ടി റോഡ് നിര്‍മ്മാണത്തിന് 50 ലക്ഷം രൂപ ചെലവിടുന്നതിന് ഭരണാനുമതി ലഭിച്ചു.

ജില്ലയില്‍ പല സ്ഥലങ്ങളിലും എലിപ്പനി രോഗം റിപ്പോര്‍ട്ട് ചെയ്ത  സാഹചര്യത്തില്‍ ഇതിനെതിരേ ജാഗ്രത പാലിക്കണമെന്ന്  ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എ.എല്‍ ഷീജ അറിയിച്ചു. കൃഷി, കന്നുകാലി പരിചരണം എന്നിവയ്ക്കായി പാടത്തും പറമ്പിലും ഇറങ്ങുന്നവര്‍ക്കാണ് ഈ രോഗം ഉണ്ടാകുന്നത്. മരണസാധ്യത ഏറെയുള്ള എലിപ്പനിക്കെതിരേ അതീവ ശ്രദ്ധയും കരുതലും വേണം. 

         കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി കല്‍പ്പറ്റ ജനറല്‍ ആശുപത്രി, വൈത്തിരി താലൂക്ക് ആശുപത്രി എന്നിവിടങ്ങളില്‍ വെന്റിലേറ്റര്‍ സ്ഥാപിക്കുന്നതിന് സി.കെ ശശീന്ദ്രന്‍ എം.എല്‍.എയുടെ ആസ്തി വികസന ഫണ്ടില്‍ നിന്നും 50 ലക്ഷം രൂപ ചെലവിടുന്നതിന് ഭരണാനുമതി ലഭിച്ചു.
        സുല്‍ത്താന്‍ ബത്തേരി താലൂക്ക് ആശുപത്രിയ്ക്ക് എ.എല്‍.എസ് വെന്റിലേറ്റര്‍, ഐ.സി.യു ആംബുലന്‍സ്, ആശുപത്രി ഉപകരണങ്ങള്‍ എന്നിവ വാങ്ങുന്നതിന് ഐ.സി ബാലകൃഷ്ണന്‍ എം.എല്‍.എയുടെ ആസ്തി വികസന ഫണ്ടില്‍ നിന്നും 50 ലക്ഷം രൂപ ചെലവിടുന്നതിന് ഭരണാനുമതി ലഭിച്ചു.
     

       കോവിഡ് പ്രതിരോധ പ്രവര്‍ത്തനത്തിന്റെ ഭാഗമായി ജില്ലയില്‍ നിന്നും അന്തര്‍ സംസ്ഥാന/ജില്ല യാത്രയ്ക്കുളള അനുമതി അപേക്ഷ ഇമെയില്‍ വഴി സമര്‍പ്പിക്കണം. അടുത്ത ബന്ധുവിന്റെ മരണം,അടിയന്തര ചികില്‍സ ആവശ്യമുളളവര്‍,മറ്റ് സംസ്ഥാനങ്ങളില്‍ നിന്ന് വരുന്ന ഗര്‍ഭിണികള്‍ എന്നിവര്‍ക്കാണ് യാത്രാനുമതി ലഭിക്കുക. അപേക്ഷയോടൊപ്പം ബന്ധപ്പെട്ട രേഖകളുടെ പകര്‍പ്പും ഉളളടക്കം ചെയ്യണം.  

മാസ്‌ക്കുകള്‍ അലക്ഷ്യമായി വലിച്ചെറിയുന്നതുമൂലം സമൂഹത്തില്‍ രോഗബാധയുണ്ടാകാന്‍ സാധ്യതയുണ്ടെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എ.എല്‍ ഷീജ അറിയിച്ചു. ജില്ലയുടെ പലഭാഗത്തും മാസ്‌ക്കുകള്‍ അലക്ഷ്യമായി ഉപേക്ഷിക്കുന്നതു ശ്രദ്ധയില്‍പ്പെട്ടിട്ടുണ്ട്. ഇത് അപകടകരമായ പ്രവൃത്തിയും ശിക്ഷാര്‍ഹവുമാണ്. ശരിയായി കൈകഴുകുന്ന രീതിയും സാമൂഹിക അകലം പാലിക്കലും പരിശീലിച്ച നമ്മള്‍ ശരിയായ മാസ്‌ക്ക് ഉപയോഗിക്കുന്ന രീതിയും സ്വഭാവത്തിന്റെ ഭാഗമാക്കണം. 

മാസ്‌ക്കുകള്‍ എങ്ങനെ ഉപയോഗിക്കാം?

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഭാരതീയ ചികിത്സാ വകുപ്പിന്റെ നേതൃത്വത്തില്‍ ജില്ലയില്‍ ആയുര്‍ രക്ഷാ ക്ലിനിക്കുകള്‍ പ്രവര്‍ത്തനം ആരംഭിച്ചു. പത്തനംതിട്ട, മൈലപ്ര, പ്രമാടം എന്നീ ഡിസ്പെന്‍സറികളിലാണു പ്രവര്‍ത്തനം തുടങ്ങിയത്. ഇവിടെ പരിശോധനയ്ക്ക് എത്തിയവര്‍ക്കു പ്രതിരോധ മരുന്ന് വിതരണവും നടന്നു.ജില്ലയിലെ നിലവിലെ പ്രവര്‍ത്തനങ്ങളുടെ പുരോഗതി വിലയിരുത്താന്‍ താലൂക്ക് നോഡല്‍ ഓഫീസര്‍മാരുടെ നേതൃത്വത്തില്‍ സൂം വീഡിയോ കോണ്‍ഫറന്‍സും നടന്നു.