ചാലിശ്ശേരി - വളയംകുളം റോഡില്‍ റോഡിനു കുറുകെ ഡ്രൈനേജ് നിര്‍മ്മാണ പ്രവര്‍ത്തി നടക്കുന്നതിനാല്‍ ഡിസംബര്‍ 26 മുതല്‍ ഇതുലൂടെ വാഹന ഗതാഗതം നിരോധിച്ചു.   വാഹനങ്ങള്‍ പി.ഡബ്ല്യു.ഡി ഗസ്റ്റ് ഹൗസിനു പിറകിലുള്ള പഞ്ചായത്ത് റോഡ് വഴി പോകണം. 

    ശ്രദ്ധ പദ്ധതിയുമായി ബന്ധപ്പെട്ട് പൊതുവിദ്യാഭ്യാസ വകുപ്പ് തയ്യാറാക്കിയ എല്‍.പി, യു.പി വിഭാഗത്തിനുള്ള മൊഡ്യൂളുകള്‍  പ്രത്യേകം പ്രത്യേകം രണ്ട് ബുക്കുകളായി പിന്റ് ചെയ്യുന്നതിന് വിവിധ ഏജന്‍സികളില്‍ നിന്നും ടെണ്ടര്‍ ക്ഷണിച്ചു.  വിവരങ്ങള്‍ www.dietmalappuram.edu.in ല്‍ ലഭിക്കും.

    സംസ്ഥാന കൈത്തറി വസ്ത്ര ഡയറക്ടറേറ്റിന്റെയും ജില്ലാ വ്യവസായ കേന്ദ്രിന്റെയും ആഭിമുഖ്യത്തില്‍ പരമ്പരാഗത കൈത്തറി മേഘലയുടെ പ്രചരണാര്‍ഥം ജില്ലയിലെ 10 ക്ലാസ് വരെയുള്ള വിദ്യാര്‍ഥികള്‍ക്ക് ചിത്രരചനാ മത്സരം നടത്തി.  മലപ്പുറം കോട്ടപ്പടി ഗവ. ഗേള്‍സ് ഹൈസ്‌കൂളില്‍ ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാനം ചെയ്തു. ജില്ലാ വ്യവസായ കേന്ദ്രം ജനറല്‍ മാനേജര്‍ അധ്യക്ഷത വഹിച്ചു.  

    ജില്ലയിലെ എ.ആര്‍ നഗര്‍ ഗ്രാമ പഞ്ചായത്തിലെ കക്കാടം ജി.യു.പി സ്‌കൂള്‍, ഒഴൂര്‍ ഗ്രാമ പഞ്ചായത്തിലെ പുന്നക്കപ്പാറ അങ്കണവാടി, കണ്ണമംഗലം ഗ്രാമ പഞ്ചായത്തിലെ കെ.ടി. പാറ അംഗന്‍വാടി, മങ്കട ഗ്രാമ പഞ്ചായത്തിലെ നെച്ചിനിക്കോട് എന്നിവിടങ്ങളില്‍ 110 എം.എം കുഴല്‍ കിണര്‍ നിര്‍മ്മിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസ് ഡിസംബര്‍ 28ന് വൈകുന്നേരം മൂന്നിനകം ജില്ലാ ഓഫീസര്‍, ജില്ലാ ഓഫീസറുടെ കാര്യാലയം, ഭൂജലവകുപ്പ്, മലപ്പുറം വിലാസത്തില്‍  നല്‍കണം.

    ജില്ലാ ഹോമിയോ മെഡിക്കല്‍ ഓഫീസിനു കീഴിലുള്ള സര്‍ക്കാര്‍ ഹോമിയോ ആശുപത്രിയില്‍ നാഷ്ണല്‍ ആയുഷ് മിഷന്‍ മുഖാന്തിരം ജി.എന്‍.എം നഴ്‌സിനെ ദിവസ വേതനാടിസ്ഥാനത്തില്‍ നിയമിക്കുന്നു.  യോഗ്യതയുള്ളവര്‍ അസ്സല്‍ രേഖകള്‍ സഹിതം കൂടിക്കാഴ്ചക്കായി ഡിസംബര്‍ 31ന് രാവിലെ 10.30ന് മലപ്പുറം സിവില്‍ സ്റ്റേഷനിലെ ജില്ലാ ഹോമിയോ മെഡിക്കല്‍ ഓഫീസില്‍ എത്തണം.  ജില്ലയിലുള്ളവര്‍ക്ക് മുന്‍ഗണ.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ പത്താം ക്ലാസ് മുതല്‍ ബിരുദാനന്തബിരുദം, പ്രഫഷണല്‍   ബിരുദം /ഡിപ്ലോമ /സര്‍ട്ടിഫിക്കറ്റ് പഠനം പൂര്‍ത്തിയാക്കിയ നാല്‍പ്പത് വയസ്സില്‍ താഴെയുള്ളവര്‍ക്ക് സ്വകാര്യ മേഖലയിലേക്ക് നിയമനം ലഭിക്കുന്നതിനു വേണ്ടിയുള്ള ഒറ്റത്തവണ രജിസ്‌ട്രേഷന്‍ കുറ്റിപ്പുറം എംപ്‌ളോയ്‌മെന്റ്എക്‌സ്‌ചേഞ്ചില്‍ ഡിസംബര്‍ 29 ന് രാവിലെ 10 ന് നടക്കും.

ജില്ലാ സ്‌പോര്‍ട്‌സ് കൗണ്‍സിലിലേക്കുള്ള തെരഞ്ഞെടുപ്പ് ജനുവരി 11 ന് നടക്കും. സഹകരണസംഘം അസിസ്റ്റന്റ് രജിസ്ട്രാര്‍ എംപി സുമേഷാണ് വരണാധികാരി. നാമനിര്‍ദേശ പത്രിക ജില്ലാ സഹകരണ സംഘം ജോയിന്റ് രജിസ്ട്രാര്‍ ഓഫീസില്‍ ജനുവരി 29 വരെ ഡിസംബര്‍ 26 മുതല്‍ 29 വരെ രാവിലെ 11 മുതല്‍ മൂന്ന് വരെയുള്ള സമയത്ത് ലഭിക്കും. പൂരിപ്പിച്ച പത്രികകള്‍ ഡിസംബര്‍ 29 വരെ ജില്ലാ സ്‌പോര്‍ട്‌സ് കൗണ്‍സിലിലോ വരണാധികാരിയുടെ ഓഫീസിലോ നല്‍കാം.

കോഴിക്കോട് ഗവ. വൃദ്ധമന്ദിരത്തിലേക്ക് കേരളാ സോഷ്യല്‍ സെക്യൂരിറ്റി മിഷന്‍ മുഖേന ഹോണറേറിയം അടിസ്ഥാനത്തില്‍ (89 ദിവസത്തേക്ക്) മള്‍ട്ടി ടാസ്‌ക് കെയര്‍ പ്രൊവൈഡര്‍, സ്റ്റാഫ് നഴ്‌സ് തസ്തികകളില്‍ നിയമനത്തിന് അപേക്ഷ ക്ഷണിച്ചു. മള്‍ട്ടി ടാസ്‌ക് കെയര്‍ പ്രൊവൈഡര്‍ (7 ഒഴിവ്) പ്രതിമാസ ഹോണറേറിയം 13,500 രൂപ.  യോഗ്യത എട്ടാം തരം പാസായിരിക്കണം. (വികലാംഗര്‍ ആപേക്ഷിക്കേണ്ടതില്ല.) ഗവ. അംഗീകൃത ജെറിയാട്രിക് ട്രയിനിംഗ് കഴിഞ്ഞവരൊ, ആറു മാസത്തില്‍ കൂടുതല്‍ ഗവ. അംഗീകൃത വൃദ്ധസദനങ്ങളില്‍ കെയര്‍ ഗീവേഴ്‌സ് ആയി ജോലി ചെയ്തവരോ ആയിരിക്കണം.പ്രായം  18 നും 50 നും മദ്ധ്യേ.