കോവിഡ് 19 മുന്‍കരുതല്‍ പ്രവര്‍ത്തനങ്ങള്‍ ഏകോപിപ്പിക്കുന്നതിന്റെ ഭാഗമായി  മത സംഘടനകളുടേയും ഉത്സവ കമ്മറ്റികളുടേയും ആരാധനാലയ പ്രതിനിധികളുടേയും യോഗം തിങ്കളാഴ്ച രാവിലെ 10ന് നടക്കും. കൂടുതല്‍ പേരുടെ സമ്പര്‍ക്കം ഒഴിവാക്കാന്‍ ജില്ലാ കലക്ടര്‍ ജാഫര്‍ മലികിന്റെ നേതൃത്വത്തില്‍ വീഡിയോ കോണ്‍ഫറന്‍സാണ് നടക്കുക. 

കോവിഡ് 19 മുന്‍കരുതലിന്റെ ഭാഗമായി നാടുകാണി ചുരത്തിലെ ജില്ലാ അതിര്‍ത്തിയില്‍ വിവിധ സംസ്ഥാനങ്ങളില്‍ നിന്നെത്തുന്ന യാത്രക്കാരെ ഇന്ന് (മാര്‍ച്ച് 15) മുതല്‍ പരിശോധനക്കു വിധേയരാക്കും. ആരോഗ്യ വകുപ്പും പോലീസും സംയുക്തമായാണ് പരിശോധനക്കുള്ള സൗകര്യമൊരുക്കുകയെന്ന് ജില്ലാ കലക്ടര്‍ ജാഫര്‍ മലിക് അറിയിച്ചു. ബസുകള്‍, ചരക്കു വാഹനങ്ങള്‍, മറ്റു യാത്രാ വാഹനങ്ങള്‍ എന്നിവയില്‍ ജില്ലയിലേക്കെത്തുന്നവരുടെ ആരോഗ്യ സ്ഥിതി പരിശോധിച്ച് ഉറപ്പു വരുത്തും. 

ജില്ലയില്‍ വിദഗ്ധ പരിശോധനാ ഫലം ലഭിച്ച 130 പേര്‍ക്ക് വൈറസ് ബാധയില്ലെന്ന് സ്ഥിരീകരിച്ചതായി ജില്ലാ കലക്ടര്‍ ജാഫര്‍ മലിക് അറിയിച്ചു. 196 സാമ്പിളുകളാണ് പരിശോധനക്ക് അയച്ചിരിക്കുന്നത്. ആശങ്കപ്പെടേണ്‍ സാഹചര്യം നിലവിലില്ലെന്ന് കോവിഡ് 19 പ്രതിരോധ മുഖ്യ സമിതിയുടെ അവലോകന യോഗത്തില്‍ ജില്ലാ കലക്ടര്‍ പറഞ്ഞു.

ലീഗല്‍ മെട്രോളജി വകുപ്പ് ജില്ലയുടെ വിവിധ സ്ഥലങ്ങളില്‍ നടത്തുന്ന വ്യാപാരികളുടെ അളവ് തൂക്ക ഉപകരണങ്ങള്‍ മുദ്ര ചെയ്യുന്ന പുന:പരിശോധന ക്യാമ്പും ഓട്ടോ മീറ്റര്‍ പുന:പരിശോധന ക്യാമ്പും മാര്‍ച്ച് 31 വരെ ഉണ്ടാകില്ലെന്ന് മലപ്പുറം അസിസ്റ്റന്റ് കണ്‍ട്രോളര്‍ അറിയിച്ചു.
 

                നോര്‍ക്ക റൂട്ട്സിന്റെ  കോഴിക്കോട്  മേഖലാ ഓഫീസില്‍ താത്ക്കാലികമായി നിര്‍ത്തിവച്ചിരിക്കുന്ന സര്‍ട്ടിഫിക്കറ്റ് അറ്റസ്റ്റേഷനും മറ്റ് സേവനങ്ങളും നാളെ (മാര്‍ച്ച് 16) മുതല്‍ പുനരാരംഭിക്കുമെന്ന് ചീഫ് എക്സിക്യൂട്ടീവ് ഓഫീസര്‍ അറിയിച്ചു.
 

*പനി, ചുമ, ശ്വാസതടസ്സം എന്നീ രോഗലക്ഷണങ്ങളുള്ള യാത്രക്കാര്‍ ഉണ്ടാകുന്ന പക്ഷം യാത്രക്ക് ശേഷം വാഹനത്തിന്റെ ഉള്‍വശം ബ്ലീച്ച് സൊല്യൂഷന്‍ ഫിനോള്‍ ഉപയോഗിച്ച് മുക്കി തുടയ്ക്കുക. ജനാലകള്‍ തുറന്നിട്ട് ഉണങ്ങിക്കഴിഞ്ഞ ശേഷം വാഹനം ഉപയോഗിക്കാം.
* ആവശ്യമെങ്കില്‍ മാസ്‌ക്കുകള്‍ ധരിക്കുക. ഉപയോഗ ശേഷം മാസ്‌ക്കുകള്‍ ശാസ്ത്രീയമായി  സംസ്‌കരിക്കുക.
*യാത്രവേളയില്‍ എ.സി ഒഴിവാക്കി ജനാലകള്‍ തുറന്നിട്ട് വായു സഞ്ചാരം ഉറപ്പുവരുത്തുക.
*വിനോദ സഞ്ചാരികള്‍, യാത്രക്കാര്‍ എന്നിവര്‍ എവിടെ നിന്നാണ് വരുന്നതെന്ന വിവരണശേഖരണം നടത്തുക.

കോവിഡ് 19 നെക്കുറിച്ചുള്ള തെറ്റായ വിവരങ്ങളിലും സന്ദേശങ്ങളിലും ഇനി പരിഭ്രാന്തരാവേണ്ട. കൊറോണ വൈറസ് ബോധവ്തകരണത്തിന് ഇന്‍ഫര്‍മേഷന്‍ ആന്‍ഡ് പബ്ളിക് റിലേഷന്‍സ് വകുപ്പ് തയ്യാറാക്കിയ ജിഒകെ ഡയറക്ട് (ഏീഗ ഉശൃലര)േ മൊബൈല്‍ ആപ്പ്  ആധികാരിക വിവരങ്ങള്‍ക്കും സന്ദേശങ്ങള്‍ക്കും ഇനി നിങ്ങളെ സഹായിക്കും. ആധുനിക സാങ്കേതിക വിദ്യയുടെ സഹായത്തോടെ കോവിഡ് 19നെ നേരിടുന്നതിന്റെ ഭാഗമായാണ് ആപ്പ് പി. ആര്‍. ഡി തയ്യാറാക്കിയത്.