പരിസ്ഥിതി ദിനത്തോടനുബന്ധിച്ച് ജില്ലാ കളക്ടര്‍ ഡോ. കെ. വാസുകി കളക്ടറേറ്റ് വളപ്പില്‍ പ്ലാവിന്‍ തൈകള്‍ നട്ടു. എ. ഡി.എം. വി.ആര്‍. വിനോദ്, ഡെപ്യൂട്ടി കളക്ടര്‍ ജെ. ദേവപ്രസാദ്, കൃഷിവകുപ്പ് ടെപ്യൂട്ടി ഡയറക്ടര്‍ ഗീതാ വി. നായര്‍ തുടങ്ങിയവരും ഫലവൃക്ഷതൈകള്‍ നട്ടു. ഹരിതകേരളം ജില്ലാ മിഷനാണ്  പരിപാടി സംഘടിപ്പിച്ചത്. ഹരിതകേരളം ജില്ലാ കോ-ഓര്‍ഡിനേറ്റര്‍ ഡി.ഹുമയൂണ്‍  തുടങ്ങിയവര്‍ ചടങ്ങില്‍ പങ്കെടുത്തു. തുടര്‍ന്ന് കളക്ട്‌റേറ്റ് ജീവനക്കാര്‍ ഒത്തുചേര്‍ന്ന് പരിസ്ഥിതി ദിന പ്രതിജ്ഞയുമെടുത്തു.  
                                    
(പി.ആര്‍.പി 1616/2018)

പൊന്നാനി ഐ സി എസ് ആറില്‍ ജൂണ്‍ 10 ന് നടത്താന്‍ നിശ്ചയിച്ച സിവില്‍ സര്‍വീസ് പരിശീലന പ്രവേശന പരീക്ഷ ജൂണ്‍ 17 രാവിലെ 11 നും ടാലന്റ് ഡവലപ്പ്‌മെന്റ് ഫൗണ്ടേഷന്‍ കോഴ്‌സ് പ്രവേശന പരീക്ഷ ഉച്ചയ്ക്ക്  2 നും നടത്തും. പരീക്ഷയ്ക്ക് അരമണിക്കൂര്‍ മുമ്പ് രജിസ്റ്റര്‍ ചെയ്യണമെന്ന് കോര്‍ഡിനേറ്റര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ : 0494-2665489, 9287555500.
 

വനിതാ ശിശുവികസന വകുപ്പിന്റെ സംയോജിത പദ്ധതിയിലേക്ക് കൗണ്‍സിലര്‍മാരെ തെരഞ്ഞെടുക്കുന്നതിനുള്ള അഭിമുഖം നാളെ (ജൂണ്‍ 7) നടക്കും. ചുരുക്കപ്പട്ടികയില്‍ ഉള്‍പ്പെട്ടവര്‍ക്കാണ് അവസരം. കളക്ടറേറ്റ് കോണ്‍ഫറന്‍സ് ഹാളില്‍ രാവിലെ പത്ത് മുതല്‍ മൂന്നുവരെയാണ് അഭിമുഖം. പട്ടികയില്‍ ഉള്‍പ്പെട്ടവരുടെ വിവരം www.sjd.kerala.gov.in എന്ന വൈബ്‌സൈറ്റില്‍ ലഭിക്കും. 

                            (പി.ആര്‍.പി 1615/2018)

കാക്കശേരി സര്‍ക്കാര്‍ എല്‍ പി സ്‌ക്കൂളില്‍ പ്രഭാത ഭക്ഷണ വിതരണത്തിന് തുടക്കമായി. ജനകീയാസൂത്ര പദ്ധതിയുടെ ഭാഗമായി അമ്പതിനായിരം രൂപ ചിലവിലാണ് പ്രഭാത ഭക്ഷണത്തിന്റെ രണ്ടാഘട്ടം ആരംഭിച്ചത്. മുല്ലശ്ശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ വിദ്യാര്‍ത്ഥികള്‍ക്ക് ഭക്ഷണം വിളമ്പി ഉദ്ഘാടനം ചെയ്തു. എളവള്ളി പഞ്ചായത്ത് പ്രസിഡന്റ് യു കെ ലതിക അധ്യക്ഷത വഹിച്ചു. ആഴ്ചയില്‍ രണ്ട് ദിവസം വിദ്യാര്‍ത്ഥികള്‍ക്ക് പ്രഭാത ഭക്ഷണമായി ഏത്തപ്പഴം നല്‍കും. ബാക്കി നാലു ദിവസവും മുട്ട, പാല്‍ എന്നിവയാണ് നല്‍കുന്നത്.

·    ഇരു കരകളും മുളകളുടെ കരുത്തില്‍ ബലവത്താകും
·    നട്ടത് ഫലവൃക്ഷ തൈകള്‍ ഉള്‍പ്പടെ 5,000 വൃക്ഷതൈകള്‍

     ജില്ലയിലെ പ്രധാന ജലസ്രോതസായ കിള്ളിയാറിന്റെ പുനരുദ്ധാരണം ലക്ഷ്യമാക്കി പ്രവര്‍ത്തിക്കുന്ന കിള്ളിയാര്‍ മിഷന്‍ ലോക പരിസ്ഥിതി ദിനത്തോടനുബന്ധിച്ച് നദിയുടെ കരകളിലും സമീപത്തുമായി 5,000 വൃക്ഷതൈകള്‍ നട്ടു. കിള്ളിയാറിന്റെ ഇരു കരകളിലും മുളം തൈകളും സമീപത്ത് ഫലവൃക്ഷതൈകളുമാണ് നട്ടത്. പരിപാടിയുടെ ഉദ്ഘാടനം വഴയില മുദി ശാസ്താംകോട്ട് ജലവിഭവ മന്ത്രി മാത്യു.ടി.തോമസ് നിര്‍വഹിച്ചു.

കഴിഞ്ഞവര്‍ഷം എസ്.എസ്.എ യിലും ആര്‍.എം.എസ്.എ പ്രോജക്ടിലും പ്രവര്‍ത്തിച്ചിരുന്ന റിസോഴ്‌സ് അധ്യാപകരെ സമഗ്രശിക്ഷാ അഭിയാന്‍ പദ്ധതിയില്‍ കരാറടിസ്ഥാനത്തില്‍ നിയമിക്കുന്നു.  അധ്യാപകര്‍ വയസ്, വിദ്യാഭ്യാസ യോഗ്യത, പ്രവൃത്തിപരിചയം, ആര്‍.സി.ഐ രജിസ്‌ട്രേഷന്‍ എന്നിവ തെളിയിക്കുന്ന രേഖകളുമായി എസ്.എസ്.എ ജില്ലാ ഓഫീസുകളില്‍ എത്തണം.  ജൂണ്‍ ആറിന് സെക്കന്‍ഡറി വിഭാഗം അധ്യാപകരും ജൂണ്‍ ഏഴിന് എലിമെന്ററി വിഭാഗം അധ്യാപകരും നേരിട്ട് ഹാജരാകണമെന്ന് സ്റ്റേറ്റ് പ്രോജക്ട് ഡയറക്ടര്‍ അറിയിച്ചു. 
(പി.ആര്‍.പി 1610/2018)