എഴുകോണ്‍  സര്‍ക്കാര്‍  പോളിടെക്‌നിക് കോളേജില്‍  തുടര്‍ വിദ്യാഭാസ കേന്ദ്രത്തിന്റെ  ആഭിമുഖ്യത്തില്‍  ആരംഭിക്കുന്ന ഹൃസ്വകാല തൊഴിലധിഷ്ഠിത വെക്കേഷന്‍ കോഴ്‌സുകളിലേക്ക്  അപേക്ഷ ക്ഷണിച്ചു. ഓട്ടോകാഡ്, അലൂമിനിയം ഫാബ്രിക്കേഷന്‍, മൊബൈല്‍ ഫോണ്‍ ടെക്‌നോളജി, ബ്യൂട്ടിഷന്‍  കോഴ്‌സ്, എം എസ് ഓഫീസ് എന്നിവയാണ് കോഴ്‌സുകള്‍. അപേക്ഷ ഫോം  തുടര്‍വിദ്യാഭാസ  കേന്ദ്രം  ഓഫീസില്‍ ലഭിക്കും. അപേക്ഷ സമര്‍പ്പിക്കേണ്ട അവസാന തീയതി മാര്‍ച്ച്  31.

ഇന്ന് (മാര്‍ച്ച് 17) നടത്താനിരുന്ന ആസൂത്രണ സമിതി യോഗം മാര്‍ച്ച് 21 ഉച്ച കഴിഞ്ഞ് രണ്ടിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.

ജില്ലാ പഞ്ചായത്ത് കോമ്പൗണ്ടില്‍ പ്രവര്‍ത്തിക്കുന്ന ദാരിദ്ര്യ ലഘൂകരണ യൂണിറ്റിലേക്ക് നാഷണല്‍ റര്‍ബന്‍ മിഷന്‍ സ്‌കീം പ്രോജക്ട് എഞ്ചിനീയറെ തിരഞ്ഞെടുക്കുന്നതിനായി മാര്‍ച്ച് 21 ന് നടത്താന്‍ നിശ്ചയിച്ചിരുന്ന വാക്ക് ഇന്‍ ഇന്റര്‍വ്യൂ മാറ്റിവച്ചു.

*സംവിധാനം ഒരുക്കിയത് പി. ആർ. ഡിയുടെ  GoK Direct  ആപ്പിലൂടെ

കോവിഡ് 19 പശ്ചാത്തലത്തിൽ സംസ്ഥാനത്തെ ഏഴാം ക്ലാസ് വരെ അവധി പ്രഖ്യാപിച്ച സാഹചര്യത്തിൽ സ്‌കൂളുകളിൽ ഉച്ചഭക്ഷണ പദ്ധതിക്കായി നീക്കിയിരിപ്പുള്ള അരി അതത് സ്‌കൂളുകളിലെ പദ്ധതിയിലുൾപ്പെട്ട കുട്ടികൾക്ക് അനുവദിക്കണമെന്ന് പൊതുവിദ്യാഭ്യാസ ഡയറക്ടർ അറിയിച്ചു.
പി.എൻ.എക്സ്.1070/2020

നെടുമങ്ങാട് ജില്ലാ ആശുപത്രിയിൽ ഒരു ന്യൂറോ ടെക്‌നീഷ്യനെ താൽക്കാലികമായി നിയമിക്കുന്നതിന് ഏപ്രിൽ ഒന്നിന് ഇന്റർവ്യൂ നടത്തും. ഉദ്യോഗാർഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം അന്നേ ദിവസം രാവിലെ 10ന് നേരിട്ട് ഹാജരായി പേര് രജിസ്റ്റർ ചെയ്ത് ഇന്റർവ്യൂവിൽ പങ്കെടുക്കാം. പ്‌ളസ്ടു/തത്തുല്യ യോഗ്യതയും അംഗീകൃത മെഡിക്കൽ കോളേജിൽ നിന്ന് ന്യൂറോ ടെക്‌നോളജിയിൽ നേടിയ ഡിപ്ലോമ(രണ്ടു വർഷം) ന്യൂറോ ടെക്‌നീഷ്യനായി രണ്ടുവർഷത്തിൽ കുറയാത്ത പ്രവൃത്തി പരിചയം എന്നിവ ഉള്ളവർക്ക് ഇന്റർവ്യൂവിൽ പങ്കെടുക്കാം.
പി.എൻ.എക്സ്.1069/2020

കോട്ടയം, പാലക്കാട്, കോഴിക്കോട്, കാസർകോട് ജില്ലാ പഞ്ചായത്തുകളിൽ നിലവിൽ ഒഴിവുള്ള ജില്ലാ പഞ്ചായത്ത് സെക്രട്ടറി തസ്തികയിൽ ഡെപ്യൂട്ടേഷൻ വ്യവസ്ഥയിൽ നിയമനത്തിന് ഗവൺമെന്റ് സെക്രട്ടേറിയറ്റിലെ (പൊതുഭരണം, നിയമം, ധനകാര്യം) വകുപ്പുകളിലെ അണ്ടർ സെക്രട്ടറി (ഹയർ ഗ്രേഡ്) തസ്തികയിലും അതിനു മുകളിലും ഉള്ളവരിൽ നിന്നും മറ്റു വികസന വകുപ്പുകളിലും 68700-110400 (റിവൈസ്ഡ്) എന്ന ശമ്പള സ്‌കെയിലിലും അതിനു മുകളിലും ഉള്ള ബിരുദധാരികളായ ഉദ്യോഗസ്ഥരിൽ നിന്നും അപേക്ഷ ക്ഷണിച്ചു.

സംസ്ഥാന കർഷക കടാശ്വാസ കമ്മീഷൻ ഇടുക്കി ജില്ലയിൽ 25നും 26നും മൂന്നാറിലെ സർക്കാർ അതിഥി മന്ദിരത്തിൽ നടത്താനിരുന്ന സിറ്റിംഗ് കൊറോണ ജാഗ്രത സംബന്ധിച്ച സർക്കാർ നിയന്ത്രണങ്ങൾ ഏർപ്പെടുത്തിയതിനാൽ മാറ്റിവച്ചു. പുതിയ തിയതി പിന്നീട് അറിയിക്കും.
പി.എൻ.എക്സ്.1067/2020

കേരള സഹകരണ ട്രൈബ്യൂണൽ 18ന് കണ്ണൂർ ജില്ലാ സഹകരണ ബാങ്ക് ഹാളിലും 19ന് കോഴിക്കോട് ജില്ലാ സഹകരണ ബാങ്ക് ഹാളിലും നടത്താനിരുന്ന സിറ്റിംഗ് റദ്ദാക്കി.
പി.എൻ.എക്സ്.1065/2020