കേരള സംസ്ഥാന ആസൂത്രണ ബോർഡിൽ ഇന്റേൺഷിപ്പിന് അവസരം. അംഗീകൃത സർവ്വകലാശാലകളിൽ നിന്നും ബിരുദാനന്തര ബിരുദമുള്ളവർ എംഫിൽ അല്ലെങ്കിൽ പിഎച്ച്ഡി കഴിഞ്ഞ വർഷം പൂർത്തീകരിച്ചവർ അല്ലെങ്കിൽ നിലവിൽ രജിസ്റ്റർ ചെയ്തിട്ടുള്ളവർ എന്നിവരിൽ നിന്നും 2020-21 വർഷത്തേയ്ക്ക് ഇന്റേൺഷിപ്പിന് അപേക്ഷ ക്ഷണിച്ചു. അപേക്ഷകർ കേരളത്തിൽ സ്ഥിരതാമസം ഉള്ള ആളായിരിക്കണം. വിശദവിവരങ്ങളും അപേക്ഷ ഫോറവും http://spb.kerala.gov.in/ ൽ ലഭിക്കും.
പി.എൻ.എക്സ്. 2163/2020

കോ-ഓപ്പറേറ്റീവ് അക്കാഡമി ഓഫ് പ്രൊഫഷണൽ എഡ്യൂക്കേഷൻ(കേപ്പ്)ന്റെ ആഭിമുഖ്യത്തിൽ 2020 ലെ കീം മൽസര പരീക്ഷയ്ക്ക് തയ്യാറെടുക്കുന്ന കുട്ടികൾക്കായി ഓൺലൈൻ ക്രാഷ് കോഴ്‌സുകൾ സംഘടിപ്പിക്കുന്നു. ഇതിന്റെ സംസ്ഥാനതല ഉദ്ഘാടനം പത്തനംതിട്ട ജില്ലാ കളക്ടർ പി.ബി.നൂഹ് ഗൂഗിൾ മീറ്റ് വഴി നിർവ്വഹിച്ചു.
കേപ്പിന്റെ ഒൻപത് എൻജിനിയറിങ് കോളേജുകൾ ക്രാഷ് കോഴ്‌സുകൾ നടത്തുന്നുണ്ട്. കേപ്പിന്റെ ഔദ്യോഗിക വെബ്‌സൈറ്റായ www.capekerala.org ൽ രജിസ്റ്റർ ചെയ്യാനുള്ള ലിങ്ക് ലഭിക്കും.
പി.എൻ.എക്സ്. 2162/2020
'

സംസ്ഥാനത്തെ പ്രാദേശിക മാധ്യമപ്രവർത്തകർക്കായി ക്ഷേമനിധി വേണമെന്ന ആവശ്യവുമായി നിരവധി അപേക്ഷകളും പരാതികളും ലഭിക്കുന്നുണ്ട്.

എറണാകുളം: മഴക്കാല മുന്നൊരുക്കങ്ങൾ വിലയിരുത്തുന്നതിനായി ജില്ലാ ദുരന്ത നിവാരണ അതോറിറ്റിയുടെ നേതൃത്വത്തിൽ മോക്ഡ്രിൽ നടത്തി. ജില്ലാ അടിയന്തിര ഘട്ട കാര്യ നിർവഹണ കേന്ദ്രത്തിൽ കളക്ടർ എസ്.സുഹാസ് പ്രവർത്തനങ്ങൾക്ക് നേതൃത്വം നൽകി. കേരള തീരത്ത് 2.7 മുതൽ 3.2 മീറ്റർ ഉയരത്തിൽ വരെ തിരമാല ഉയരാൻ സാധ്യതയുണ്ടെന്ന സംസ്ഥാന ദുരന്ത നിവാരണ അതോറിറ്റിയുടെ സന്ദേശത്തിൻ്റെ അടിസ്ഥാനത്തിലാണ് ദുരിതാശ്വാസ പ്രവർത്തനങ്ങളുടെ മാതൃക നടത്തിയത്. ഉച്ചകഴിഞ്ഞ് 4.15 ന് എത്തിയ സന്ദേശം അഞ്ച് മിനിറ്റകം തന്നെ തഹസിൽദാർ, പോലീസ്, ഫയർഫോഴ്സ്, ഡി.എം.ഒ എന്നിവർക്ക് കൈമാറി. വാട്സ് ആപ്പ് ഗ്രൂപ്പുകൾ വഴിയും സന്ദേശങ്ങൾ നൽകി.

    എറണാകുളം: കുട്ടികളുടെ ഗതാഗത നിയമലംഘനങ്ങള്‍ ഒഴിവാക്കുന്നതിനായി ജില്ലയില്‍ മോട്ടോര്‍ വാഹനവകുപ്പ് നടപടി കര്‍ശനമാക്കും. എ.ഡി.എം സാബു കെ. ഐസക്കിന്റെ അദ്ധ്യക്ഷതയില്‍ ചേര്‍ന്ന റോഡ് സുരക്ഷാ കൗണ്‍സിലില്‍ കുട്ടികളുടെ വാഹന ദുരുപയോഗം തടയാന്‍ പെരുമ്പാവൂരില്‍ മോട്ടോര്‍ വാഹനവകുപ്പിന്റെ നേതൃത്വത്തില്‍ നടപ്പിലാക്കിയ ഹാപ്പി ട്രാഫിക് പദ്ധതിയുടെ മാതൃകയില്‍ വിപുലമായ പ്രവര്‍ത്തനങ്ങള്‍ നടപ്പിലാക്കാന്‍ തീരുമാനിച്ചു. ഇതിനായി വിദ്യാര്‍ത്ഥികളെ കേന്ദ്രീകരിച്ച് ബോധവത്കരണ പ്രവര്‍ത്തനങ്ങള്‍ നടത്തും. 

കോവിഡ് 19 ലോക്ക് ഡൗണ്‍ മൂലം തൊഴില്‍ നഷ്ട്പ്പെട്ട ആഭരണ തൊഴിലാളി ക്ഷേമനിധി ബോര്‍ഡിലെ അംഗങ്ങള്‍ക്ക് സര്‍ക്കാര്‍ പ്രഖ്യാപിച്ച 1000 രൂപ ധനസഹായം ഇതുവരെ ലഭിക്കാത്ത തൊഴിലാളികള്‍ക്ക്  www.boardswelfareassistance.lc.kerala.gov.in എന്ന വെബ്സൈറ്റ് മുഖേന നേരിട്ടോ്് അക്ഷയകേന്ദ്രം വഴിയോ അപേക്ഷ സമര്‍പ്പിക്കാം. അപേക്ഷയോടൊപ്പം ആധാര്‍, ക്ഷേമനിധി പാസ്്ബുക്ക്/ഐഡി കാര്‍ഡ്, ബാങ്ക് പാസ്ബുക്ക് എന്നിവ സ്‌കാന്‍ ചെയ്ത് അപ്ലോഡ് ചെയ്യേണ്ടതാണെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

കൊച്ചി:  ജില്ലാ പഞ്ചായത്തിലെ കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് രണ്ട് തസ്തികയിലെ നിലവിലുളള ഒഴിവിലേക്ക് അന്യത്ര സേവന വ്യവസ്ഥയില്‍ നിയമിക്കപ്പെടുവാന്‍ അര്‍ഹതയുളളവരില്‍ നിന്നും അപേക്ഷ ക്ഷണിച്ചു. അപേക്ഷകര്‍ വിവിധ സര്‍ക്കാര്‍ വകുപ്പുകളില്‍ കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് രണ്ട് തസ്തികയില്‍ നിലവില്‍ ജോലി ചെയ്യുന്നവരായിരിക്കണം. വിശദമായ ബയോഡാറ്റയും വകുപ്പില്‍ നിന്നുളള നിരാക്ഷേപ പത്രവും കെ.എസ്.ആര്‍ പാര്‍ട്ട് ഒന്ന് റൂള്‍ 144 പ്രകാരമുളള ഫോമും സഹിതം ജൂണ്‍ 30-ന് വൈകിട്ട് അഞ്ചിനം ജില്ലാ പഞ്ചായതത് സെക്രട്ടറിക്ക് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍ 8848915115