മുള്ളൂർക്കര ഗ്രാമ പഞ്ചായത്തിലെ പ്രാഥമിക ആരോഗ്യ കേന്ദ്രത്തിലേക്ക് ഫാർമസിസ്റ്റിനെ ദിവസ വേതനാടിസ്ഥാനത്തിൽ നിയമിക്കുന്നു. താൽപര്യമുള്ളവർ വിശദമായ ബയോഡേറ്റയും സർട്ടിഫിക്കറ്റുകളും സഹിതം ജൂൺ 18 ഉച്ചക്ക് 2 മണിക്ക് മുള്ളൂർക്കര ഗ്രാമപഞ്ചായത്തിൽ അഭിമുഖത്തിന് എത്തണം. ഫോൺ: 04884 271918.

സാംസ്‌കാരിക വകുപ്പിന്റെ സോഷ്യൽ മീഡിയ പ്ലാറ്റ്‌ഫോം 'സർഗ്ഗ സാകല്യം' സംഘടിപ്പിക്കുന്ന ഓൺലൈൻ ക്വിസ് മത്സരത്തിൽ പങ്കെടുക്കാം. ജൂൺ 15 മുതൽ 25 വരെ എല്ലാ ദിവസവും രാവിലെ 10 മണി മുതൽ ഉച്ചയ്ക്ക് 2 മണി വരെയാണ് ക്വിസ് മത്സരം. ഇന്ത്യയുടെ കലാ സാംസ്‌കാരിക പൈതൃകം എന്നതാണ് വിഷയം. സർഗ്ഗസാകല്യം എന്ന ഫേസ്ബുക്ക് പേജിൽ എല്ലാ ദിവസവും രാവിലെ 10 മണിക്ക് മത്സരത്തിൽ പങ്കെടുക്കാനുള്ള ഓൺലൈൻ ലിങ്ക് നൽകും. ജൂനിയർ, സീനിയർ വിഭാഗങ്ങളിലായാണ് മത്സരം നടക്കുന്നത്.

'

2019-ലെ പ്രളയത്തിൽ വീടുകൾക്ക് പൂർണമായി നാശനഷ്ടം സംഭവിച്ചതിൽ ഒന്നാം ഗഡു ധനസഹായം കൈപ്പറ്റിയവർ ഒന്നാംഘട്ട നിർമ്മാണം പൂർത്തിയാക്കിയതിന്റെ സ്റ്റേജ് സർട്ടിഫിക്കറ്റ് നൽകണം.  തഹസിൽദാർ ഓഫീസുമായി ബന്ധപ്പെട്ട് റീബിൽഡ് കേരള വെബ്‌സൈറ്റിലാണ് സർട്ടിഫിക്കറ്റ് അപ്‌ലോഡ് ചെയ്യേണ്ടത്.  ഇത് പൂർത്തിയാക്കുന്നവർക്ക് രണ്ടും മൂന്നും ഗഡുക്കൾ ഒറ്റത്തവണ ധനസഹായമായി ലഭിക്കും.
പി.എൻ.എക്സ്. 2167/2020

*60 പേർ രോഗമുക്തി നേടി; ചികിത്സയിലുള്ളത് 1366 പേർ
കേരളത്തിൽ 79 പേർക്ക് കൂടി കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. മലപ്പുറത്തെ 15 പേർക്കും, എറണാകുളത്തെ 13 പേർക്കും, ആലപ്പുഴ, തൃശൂർ, കണ്ണൂർ ജില്ലകളിൽ നിന്നുള്ള 7 പേർക്ക് വീതവും, പത്തനംതിട്ട, പാലക്കാട് ജില്ലകളിൽ നിന്നുള്ള 6 പേർക്ക് വീതവും, തിരുവനന്തപുരം, കൊല്ലം, കോട്ടയം, കോഴിക്കോട് ജില്ലകളിൽ നിന്നുള്ള 4 പേർക്ക് വീതവും, കാസർഗോഡ് ജില്ലയിൽ നിന്നുള്ള 2 പേർക്കുമാണ് രോഗം സ്ഥിരീകരിച്ചത്.