കെ.എസ്.ഇ.ബി. ഓഫീസേഴ്‌സ് അസോസിയേഷന്‍ സംസ്ഥാന വ്യാപകമായി നടത്തുന്ന ടി വി ചലഞ്ചിന്റെ ഭാഗമായി വയനാട് ജില്ലാ കമ്മിറ്റി സ്മാര്‍ട് ടിവികള്‍ ജില്ലാ കലക്ടര്‍ ഡോ.അദീല അബ്ദുള്ളക്ക് കൈമാറി. കലക്ടറുടെ ചേമ്പറില്‍ നടന്ന ചടങ്ങില്‍ സജി പൗലോസ് , ടി.എ.ഉഷ, സി പി സുധീഷ്, എം.ടി.ഹേമചന്ദ്രന്‍ എന്നിവര്‍ സംബന്ധിച്ചു.

പട്ടാമ്പി- പള്ളിപ്പുറം റെയില്‍വേ സ്റ്റേഷനുകള്‍ക്കിടില്‍ അറ്റകുറ്റപ്പണികള്‍ നടക്കുന്നതിനാല്‍ 167 എ ലെവല്‍ ക്രോസുകള്‍ ജൂണ്‍ 18 ന് രാവിലെ എട്ട് മുതല്‍ വൈകീട്ട് എട്ട് വരെ അടച്ചിടും. ഇതുവഴി പോകുന്ന വാഹനങ്ങള്‍ പട്ടാമ്പി- വെള്ളിയാംകല്ല് ബ്രിഡ്ജ്- പള്ളിപ്പുറം റോഡ് വഴി പോകണമെന്ന് സതേണ്‍ റെയില്‍വേ ഷൊര്‍ണൂര്‍ അസിസ്റ്റന്റ് ഡിവിഷന്‍ എന്‍ജിനീയര്‍ അറിയിച്ചു.

    കോവിഡ് 19 പ്രതിരോധ പ്രവര്‍ത്തനത്തിന്റെ ഭാഗമായി പനമരം ഗ്രാമ പഞ്ചായത്ത് 20 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തു. പനമരം ഗ്രാമപഞ്ചായത്ത് പ്രസിഡന്റ് ഷൈനി കൃഷ്ണന്‍ തുകയുടെ ചെക്ക് കളക്ട്രേറ്റിലെത്തി ജില്ലാ കളക്ടര്‍ ഡോ. അദീല അബ്ദുള്ളയ്ക്ക് കൈമാറി. പഞ്ചായത്ത് സെക്രട്ടറി എം.വി. ലതിക സന്നിഹിതയായിരുന്നു.

    മാനന്തവാടി നഗരസഭയിലെ ചൂട്ടക്കടവില്‍  ഹരിത കേരള മിഷനും അയ്യങ്കാളി നഗര തൊഴിലുറപ്പ് പദ്ധതിയില്‍  ഉള്‍പ്പെടുത്തി നിര്‍മിച്ച പച്ചത്തുരുത്തിന്റെ വിപുലീകരണ പ്രവൃത്തികളുടെ ഉദ്ഘാടനം വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍   പി.ടി  ബിജു നിര്‍വഹിച്ചു. ചൂട്ടക്കടവില്‍ മാനന്തവാടി പുഴയോരത്ത് ഒരേക്കറോളം സ്ഥലത്താണ് പച്ചതുരുത്ത് നിര്‍മിക്കുന്നത്. ഫലവൃക്ഷ തൈകള്‍, പൂമരങ്ങള്‍, ഔഷധ സസ്യങ്ങള്‍, മുള  എന്നിവയെല്ലാമാണ് നട്ട് പരിപാലിക്കുന്നത്. ഹരിതകേരള മിഷന്റെ ഭാഗമായാണ് പച്ചത്തുരുത്തുകള്‍ എല്ലാ തദ്ദേശസ്ഥാപനങ്ങളിലും നടപ്പാക്കുന്നത്.

ഒരു മാസത്തിനുള്ളില്‍ കോഴഞ്ചേരി ജില്ലാ ആശുപത്രിയില്‍  കോവിഡ് രോഗികള്‍ക്കായി 250 കിടക്കകളും, 90 ഐസിയു കിടക്കകളും ഒരുക്കുമെന്ന് ജില്ലാ കളക്ടര്‍ പി.ബി. നൂഹ് പറഞ്ഞു. കോഴഞ്ചേരി ജില്ലാ ആശുപത്രിയില്‍  കോവിഡ് ആശുപത്രി സൗകര്യങ്ങള്‍ വിലയിരുത്തിയതിനു ശേഷം സംസാരിക്കുകയായിരുന്നു അദ്ദേഹം.  പത്തനംതിട്ട ജനറല്‍ ആശുപത്രിയില്‍ 350 കിടക്കകള്‍ ഒരുക്കും.

    കോവിഡ് കാലത്ത് വേറിട്ട അനുഭവമായി ജില്ലാ കളക്ടറുടെ ഓണ്‍ലൈന്‍ പരാതി പരിഹാര അദാലത്ത് ശ്രദ്ധേയമായി. മാനന്തവാടി താലൂക്ക് പരിധിയിലെ പരാതികളാണ് ജില്ലയിലെ ആദ്യത്തെ ഓണ്‍ലൈന്‍ അദാലത്തില്‍ ജില്ലാ കളക്ടര്‍ ഡോ.അദീല അബ്ദുള്ള പരിഗണിച്ചത്.  ഒരോ അപേക്ഷകനും അനുവദിച്ച സമയത്ത് അക്ഷയ കേന്ദ്രങ്ങളിലെത്തി വീഡിയോ കോണ്‍ഫറന്‍സ് വഴി ജില്ലാ കളകടറോട് പരാതി ബോധിപ്പിക്കുന്ന തരത്തിലാണ് അദാലത്ത് സംഘടിപ്പിച്ചത്. ഓരോ പരാതികളിലും പരിഹാരങ്ങളും മാര്‍ഗനിര്‍ദ്ദേശങ്ങളും ജില്ലാ കളക്ടര്‍ നല്‍കി.