ഒന്നാം കേരള നിയമസഭയിൽ അംഗമായിരുന്ന കെ.ആർ.ഗൗരിയമ്മയുടെ ആലപ്പുഴയിൽ സംഘടിപ്പിച്ചിരിക്കുന്ന 101-ാം പിറന്നാളാഘോഷത്തിൽ മുഖ്യമന്ത്രി, സ്പീക്കർ, മന്ത്രിമാർ, പ്രതിപക്ഷനേതാവ് ഉൾപ്പെടെയുളള സാമാജികർക്ക് പങ്കെടുക്കേണ്ടതിനാൽ ഇന്ന് (ജൂൺ 21) സഭ ചേരുന്നതല്ലെന്ന് നിയമസഭാ സെക്രട്ടറി-ഇൻ-ചാർജ് അറിയിച്ചു.
പി.എൻ.എക്സ്.1917/19

കേരള ആരോഗ്യശാസ്ത്ര സർവകലാശായിൽ സെക്ഷൻ ഓഫീസർ തസ്തികകളിൽ അന്യത്രസേവന വ്യവസ്ഥയിൽ നിയമിക്കുന്നതിന് സർവകലാശാല/ സെക്രട്ടേറിയറ്റ്/ പി.എസ്.സി/ കെ.എസ്.എ.ഡി/ മെഡിക്കൽ - ആയുഷ്- ഹോമിയോ വിദ്യാഭ്യാസ വകുപ്പ്/ അഡ്വക്കേറ്റ് ജനറൽ ഓഫീസ്/ വിജിലൻസ് ട്രൈബ്യുണൽ വകുപ്പുകളിൽ സമാന തസ്തികയിൽ സേവനമനുഷ്ഠിക്കുന്ന ഉദ്യോഗസ്ഥരിൽ നിന്ന് അപേക്ഷ ക്ഷണിച്ചു. അപേക്ഷകൾ ഉചിത മാർഗേണ മാതൃവകുപ്പിൽ നിന്നുളള നിരാക്ഷേപസാക്ഷ്യപത്രവും, കെ.എസ്.ആർ റൂൾ 144 പ്രകാരമുളള പ്രഫോമയും ബയോഡാറ്റയും സഹിതം രജിസ്ട്രാർ, കേരള ആരോഗ്യ ശാസ്ത്ര സർവകലാശാല, മെഡിക്കൽ കോളേജ് പി.ഒ, തൃശൂർ - 80596 എന്ന വിലാസത്തിൽ ജൂലൈ അഞ്ചിനകം ലഭിക്കണം.

തിരുവനന്തപുരം യൂണിവേഴ്‌സിറ്റി കോളേജിൽ അറബിക് വിഭാഗത്തിൽ നിലവിലുള്ള മൂന്ന് ഒഴിവിലേക്ക് അതിഥി അധ്യാപക നിയമനത്തിനുള്ള അഭിമുഖം 25ന് രാവിലെ 11ന് കോളേജ് ഓഫീസിൽ നടത്തും.  കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ അതിഥി അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ളവർ അസ്സൽ സർട്ടിഫിക്കറ്റുകൾ സഹിതം ഇന്റർവ്യൂവിനെത്തണമെന്ന് പ്രിൻസിപ്പൽ അറിയിച്ചു.
പി.എൻ.എക്സ്.1912/19

തിരുവനന്തപുരം യൂണിവേഴ്‌സിറ്റി കോളേജിൽ സുവോളജി വിഭാഗത്തിൽ നിലവിലുള്ള ഒരു ഒഴിവിലേക്ക് അധ്യാപക നിയമനത്തിനുള്ള അഭിമുഖം 24ന് രാവിലെ 11ന് കോളേജ് ഓഫീസിൽ നടത്തും.  കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ അതിഥി അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ളവർ അസ്സൽ സർട്ടിഫിക്കറ്റുകൾ സഹിതം ഇന്റർവ്യൂവിനെത്തണമെന്ന് പ്രിൻസിപ്പൽ അറിയിച്ചു.
പി.എൻ.എക്സ്.1911/19

കേരള സർക്കാരിന്റെ നിയന്ത്രണത്തിൽ പ്രവർത്തിക്കുന്ന എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം പാളയത്തെ കേന്ദ്ര ഓഫീസിലേക്ക് പി.എച്ച്.പി ഡെവലപ്പർ/ വെബ് ആപ്ലിക്കേഷൻ ഡെവലപ്പർ ട്രെയിനിയെ ആവശ്യമുണ്ട്.  ബി.ഇ/ ബി.ടെക്, എം.സി.എ, ബി.സി.എ, ബി.എസ്‌സി (കമ്പ്യൂട്ടർ സയൻസ്), പി.ജി.ഡി.സി.എ, കമ്പ്യൂട്ടർ സയൻസിൽ മൂന്നുവർഷ ഡിപ്ലോമ ഉള്ളവർക്ക് അപേക്ഷിക്കാം.  പി.എച്ച്.പി ഡെവലപ്‌മെന്റ് മേഖലയിൽ ചുരുങ്ങിയത് ഒരു വർഷത്തെ പ്രവൃത്തിപരിചയം ഉണ്ടായിരിക്കണം.  പ്രവൃത്തിപരിചയ വിശദാംശങ്ങൾ www.lbscentre.kerala.gov.in ൽ ലഭ്യമാണ്.

സംസ്ഥാനത്തെ പോളിടെക്‌നിക് കോളേജുകളിൽ ഡിപ്ലോമ പ്രവേശനത്തിന് ഓൺലൈനായി അപേക്ഷ സമർപ്പിച്ചശേഷം യഥാസമയം പോളിടെക്‌നിക് കോളേജുകളിൽ ഫീസടച്ച് രജിസ്‌ട്രേഷൻ നടത്താൻ കഴിയാത്തവർക്ക് അപേക്ഷാ ഫീസടച്ച് ജൂൺ 21 ഉച്ചയ്ക്ക് 12 മണിവരെ രജിസ്റ്റർ ചെയ്യാം.  ഓൺലൈനായി സമർപ്പിച്ച അപേക്ഷയുടെ പ്രിന്റൗട്ടും മറ്റ് ആവശ്യമായ രേഖകളുടെ പകർപ്പും സഹിതം അപേക്ഷകർ സംസ്ഥാനത്തെ ഏതെങ്കിലും സർക്കാർ/ എയ്ഡഡ് പോളിടെക്‌നിക് കോളേജുകളിൽ രജിസ്‌ട്രേഷൻ നടത്തണം.
പി.എൻ.എക്സ്.1909/19

തിരുവനന്തപുരം സർക്കാർ വനിതാ കോളേജിൽ 2015-16, 2016-17, 2017-18 അദ്ധ്യായന വർഷത്തെ ഇഗ്രാന്റ്‌സ് തുക ഇതുവരെ കൈപ്പറ്റാത്ത ഒ.ബി.സി/എസ്.സി.ബി.സി./കെ.പി.സി.ആർ./ എഫ്.സി. വിഭാഗത്തിലെ വിദ്യാർത്ഥിനികൾ ജൂലൈ 15ന് മുൻപ് പ്രവൃത്തി ദിവസങ്ങളിൽ രാവിലെ പത്ത് മണി മുതൽ ഉച്ചയ്ക്ക് രണ്ട് മണിവരെ കോളേജ് ഓഫീസിലെത്തി വാങ്ങണം. അല്ലാത്ത പക്ഷം തുക ഇനിയൊരറിയിപ്പ് കൂടാതെ എസ്.സി. ഓഫീസിലേക്ക് തിരിച്ചടയ്ക്കുമെന്ന് പ്രിൻസിപ്പൽ അറിയിച്ചു.
പി.എൻ.എക്സ്.1908/19