ആറു സ്പെഷല്‍ ട്രെയിനുകളിലായി ഇതര സംസ്ഥാനങ്ങളില്‍നിന്ന് പത്തനംതിട്ട ജില്ലക്കാരായ 77 പേര്‍ കൂടി വെള്ളി (ജൂണ്‍ 12), ശനി (ജൂണ്‍ 13 ), ഞായര്‍ (ജൂണ്‍ 14) ദിവസങ്ങളിലായി എത്തി. ഇവരില്‍ ഏഴു പേരെ വിവിധ കോവിഡ് കെയര്‍ സെന്ററുകളിലും 70 പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.                 (പിഎന്‍പി 2583/20)

 പരാതി പരിഹാരത്തിന് നവീന മാതൃക. ജില്ലാ കളക്ടറുടെ  മഞ്ചേശ്വരം താലൂക്ക്തല ഓണ്‍ലൈന്‍ അദാലത്ത് ശ്രദ്ധേയമായി. ലോക് ഡൗണിനെ തുടര്‍ന്ന് സര്‍ക്കാര്‍ ഓഫീസുകളില്‍ പൊതുജനങ്ങള്‍ക്ക് എത്തിച്ചേരാന്‍ ബുദ്ധിമുട്ട് അനുഭവപ്പെടുന്ന സാഹചര്യത്തില്‍ ജില്ലാകളക്ടര്‍ ഡോ. ഡി.സജിത് ബാബുവിന്റെ നേതൃത്വത്തില്‍ ഓണ്‍ലൈനായി സംഘടിപ്പിച്ച പരാതി പരിഹാര അദാലത്ത്  അപേക്ഷകര്‍ക്ക് ആശ്വാസമായി. മഞ്ചേശ്വരത്ത് ലഭിച്ച ആറ് ഓണ്‍ ലൈന്‍ പരാതികളില്‍ അഞ്ചിനും കളക്ടര്‍ തത് സമയം പരിഹാര നിര്‍ദ്ദേശം നല്‍കി.

തിരുവനന്തപുരം, കരിപ്പൂര്‍, കൊച്ചി അന്താരാഷ്ട്ര വിമാനതാവളങ്ങളിലായി വെള്ളി (ജൂണ്‍ 12) ,ശനി (ജൂണ്‍ 13 ) ദിവസങ്ങളിലായി 20 വിമാനങ്ങളില്‍ പത്തനംതിട്ട ജില്ലക്കാരായ 221 പ്രവാസികള്‍കൂടി എത്തി. ഇവരില്‍ 43 പേര്‍ കോവിഡ് കെയര്‍ സെന്ററുകളിലും 178  പേര്‍ വീടുകളിലും നിരീക്ഷണത്തില്‍ പ്രവേശിച്ചു.                          (പിഎന്‍പി 2587/20)

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 146 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 42 പേര്‍ നിരീക്ഷണത്തിലുമുണ്ട്. ഇന്ന് (ജൂണ്‍ 15) ജില്ലയില്‍ 7 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 14 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 13706 സാമ്പിളുകള്‍ പരിശോധനയ്ക്കായി അയച്ചതില്‍ 12940 പരിശോധനാ ഫലങ്ങളാണ് ലഭ്യമായത്. 284 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 477 പരിശോധനാ ഫലങ്ങളാണ് ലഭിച്ചത്. പുതുതായി 85 സാമ്പിളുകളും അയച്ചു. ഇനി 766 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 15)  വൈകിട്ട് 6 വരെ ജില്ലയിൽ പോലീസ് നടത്തിയ പരിശോധനയിൽ 10 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 24 പേരെ അറസ്റ്റ് ചെയ്തു.   ടൗൺ സൗത്ത്  പോലീസ് സ്റ്റേഷൻ പരിധിയിൽ സർക്കാർ നിർദ്ദേശങ്ങൾ പാലിക്കാതെ സമരം ചെയ്തതിന് 45 പേർക്കെതിരെ പോലീസ് കേസെടുത്തിട്ടുണ്ട്. കൂടാതെ കണ്ടേയ്‌ൻമെന്റ്  സോണുകളിൽ സമയ പരിധി കഴിഞ്ഞ് കടകൾ പ്രവർത്തിച്ചതിനും നിരീക്ഷണ കാലാവധി പൂർത്തിയാകും മുൻപ് പുറത്ത് ഇറങ്ങിയതിനുമാണ് മറ്റ്‌ കേസുകൾ രജിസ്റ്റർ ചെയ്തത്.

പാലക്കാട് ജില്ലയിൽ ഇന്ന്(ജൂൺ 15) ഏഴ് പേർക്ക്  കോവിഡ് 19  സ്ഥിരീകരിച്ചു. ഇതിൽ ഒരാൾ തിരുവനന്തപുരം മെഡിക്കൽ കോളേജിൽ ചികിത്സയിലാണ്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ചെന്നൈ-1
മെയ് 31ന് വന്ന കണ്ണാടി തണ്ണീർപന്തൽ സ്വദേശി(57 പുരുഷൻ)

സൗദി അറേബ്യ-2
ജൂൺ 13ന് എത്തിയവരായ മേലാർകോട് തെക്കുംപുറം  സ്വദേശിയായ ഒരു വയസ്സുള്ള പെൺകുഞ്ഞ് അലനല്ലൂർ സ്വദേശി(34 പുരുഷൻ).ഇതിൽ അലനല്ലൂർ സ്വദേശി തിരുവനന്തപുരം മെഡിക്കൽ കോളേജിൽ ചികിത്സയിലാണ്.

ഡൽഹി-1
പൊൽപ്പുള്ളി സ്വദേശി(40 സ്ത്രീ)