ആലപ്പുഴ: സംസ്ഥാന ബാലാവകാശ സംരക്ഷണ കമ്മീഷന്റെ ജില്ലാതല സിറ്റിങ് ജൂൺ 25ന് രാവിലെ 10ന് ആലപ്പുഴ കളക്ടറേറ്റ് കോൺഫറൻസ് ഹാളിൽചേരും. കമ്മീഷൻ സിറ്റിങിൽ നേരിട്ട് ബോധിപ്പിക്കേണ്ട പരാതികൾ ബോധിപ്പിക്കുന്നതിനുള്ള അവസരമുണ്ടാകും. 
 

ഒറ്റമശ്ശേരിയിൽ കടലാക്രമണമുണ്ടായ ഭാഗത്ത് മണൽ ഭിത്തിയൊരുക്കുന്നതിനും മണൽച്ചാക്ക് നിക്ഷേപിക്കുന്നതിനും ആലപ്പി ഡിസാസ്റ്റർ റെസ്‌പോൺസ് ഫോഴ്‌സും രംഗത്തുണ്ടായി. അടിയന്തിര സാഹചര്യങ്ങളിൽ പരിശീലനം ലഭിച്ച സന്നദ്ധ പ്രവർത്തകരെ ദുരന്ത നിവാരണ പ്രവർത്തനത്തിന് നിയോഗിക്കുന്നതിന് രൂപം നൽകിയതാണ്  ആലപ്പി ഡിസാസ്റ്റർ റെസ്‌പോൺസ് ഫോഴ്‌സ്. ഇവരുടെ 40 പേരടങ്ങുന്ന സംഘം ഇന്നലെ രാത്രി തന്നെ ഒറ്റമശ്ശേരിയിൽ കടലാക്രമണം നേരിടുന്ന പ്രദേശങ്ങളിൽ എത്തി മണൽച്ചാക്ക് നിരത്തുന്ന ജോലികളിൽ ഏർപ്പെട്ടു. ദുരന്ത നിവാരണ പ്രവർത്തനങ്ങളിൽ പല ഘട്ടങ്ങളായി പരിശീലനം ലഭിച്ചിട്ടുള്ളവരാണ് ഇവർ. സമീപ വാസികളും ഇവരോടൊപ്പം കൂടി.

(ചിത്രമുണ്ട്)

ആലപ്പുഴ: കടലാക്രമണം രൂക്ഷമായ ചേർത്തല ഒറ്റമശ്ശേരി ഭാഗത്തെ നാശഭീഷണി നേരിടുന്ന വീടുകൾക്ക് സംരക്ഷണം നൽകാനുള്ള കല്ലിടൽ  മൂന്നുദിവസത്തികം ആരംഭിക്കുമെന്ന് ജില്ല കളക്ടർ എസ്. സുഹാസ് പറഞ്ഞു. ഒറ്റമശ്ശേരിയിൽ  കടലാക്രമണം നേരിട്ട പ്രദേശങ്ങൾ സന്ദർശിക്കുകയായിരുന്നു അദ്ദേഹം. എത്രയും പെട്ടെന്ന് വീടുകളുടെ  കടൽതീരത്തോടു ചേർന്നുള്ള ഭാഗത്ത് കല്ലിട്ട് സംരക്ഷണം നൽകും. ഇതിനായി കാലതാമസം വരുന്ന നടപടിക്രമങ്ങൾ ഒഴിവാക്കി അടിയന്തിരമായി ചെയ്യുന്നതിനുള്ള നിർദ്ദേശം നൽകിയിട്ടുണ്ടെന്ന് ജില്ല കളക്ടർ പറഞ്ഞു.

സ്വാതന്ത്ര്യ സമര സേനാനിയും കവിയുമായ ടി എസ് തിരുമുമ്പിന്റെ ജന്മദിനമായ നാളെ(ജൂണ്‍ 12) പിലിക്കോട് ഗ്രാമ പഞ്ചായത്ത് പൈതൃകം വിത്തുത്സവം സംഘടിപ്പിക്കുന്നു. പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തിലെ സംരക്ഷിത ഭവനത്തില്‍ നടക്കുന്ന പരിപാടി കാസര്‍കോട് ജില്ലാ കലക്ടര്‍ ഡോ. ഡി സജിത്ത് ബാബു ഉദ്ഘാടനം ചെയ്യും. നാടിന്റെ പൈതൃക വിത്തുകളുടെ പ്രദര്‍ശനം, പിലിക്കോട് പ്രാദേശിക കാര്‍ഷിക ഗവേഷണ കേന്ദ്രം സംരക്ഷിച്ചുവരുന്ന നെല്ല് ജനിതക ശേഖരം കര്‍ഷകര്‍ക്ക് കൈമാറല്‍, ഫാം ഷോ തുടങ്ങിയവയും പരിപാടിയുടെ ഭാഗമായി നടക്കും.
 

അഭിഭാഷകരുമായി കമ്മീഷന് മുന്നിലെത്താനുള്ള അവകാശം കേസുകളിലെ വാദിക്കും പ്രതിക്കുമുണ്ടെങ്കിലും കമ്മീഷന്‍ ഇതിനെ പ്രോത്സാഹിപ്പിക്കുന്നില്ലെന്ന് വനിതാ കമ്മീഷന്‍ അധ്യക്ഷ എം സി ജോസഫൈന്‍. കേസ് അഭിഭാഷകനെ ഏല്‍പ്പിക്കാന്‍ കമ്മീഷനില്‍ പരാതികളായെത്തുന്ന സ്ത്രീകളുടെ സാമ്പത്തിക പശ്ചാത്തലം പലപ്പോഴും അനുവദിക്കാറില്ല. കമ്മീഷന് മുന്നിലെത്തുന്ന 99 ശതമാനത്തിലധികം സ്ത്രീകളും കേസ് അഭിഭാഷകരെ ഏല്‍പ്പിക്കാറില്ല. സ്ത്രീകള്‍ നല്‍കുന്ന പരാതികളില്‍ പ്രതികളായി വരുന്ന പുരുഷന്മാര്‍ പലപ്പോഴും അഭിഭാഷകരുമായാണ് എത്തുന്നത്. ഇവിടെ പലപ്പോഴും സംസാരിക്കുന്നതും അഭിഭാഷകര്‍ തന്നെയായിരിക്കും. 

അന്താരാഷ്ട്ര മയക്കുമരുന്ന് വിരുദ്ധ ദിനാചരണത്തിന്റെ ഭാഗമായി എക്‌സൈസ് വകുപ്പിന്റെ നേതൃത്വത്തില്‍ ജില്ലയിലെ ഹൈസ്‌കൂള്‍, ഹയര്‍ സെക്കന്ററി സ്‌കൂള്‍ വിദ്യാര്‍ത്ഥികള്‍ക്കായി ജൂണ്‍ 22ന് രാവിലെ 10ന് കല്‍പ്പറ്റ എസ്.കെ.എം.ജെ. ഹൈസ്‌കൂളില്‍ ലഹരി വിരുദ്ധ ആശയങ്ങളടങ്ങിയ ചിത്രരചന മത്സരം (വാട്ടര്‍ കളര്‍) നടത്തുന്നു. പങ്കെടുക്കുന്ന വിദ്യാര്‍ത്ഥികള്‍ പേര്, വയസ്, പഠിക്കുന്ന ക്ലാസ് എന്നിവ സാക്ഷ്യപ്പെടുത്തിയ സ്ഥാപന മേധാവിയുടെ സാക്ഷ്യപത്രം സഹിതം ഹാജരാകണം.  വിജയികള്‍ക്കുള്ള സമ്മാനം അന്താരാഷ്ട്ര മയക്കുമരുന്ന് വിരുദ്ധ ദിനമായ ജൂണ്‍ 26ന്  വിതരണം ചെയ്യും.  ഫോണ്‍ 04936 248850.

സുല്‍ത്താന്‍ ബത്തേരി നഗരപരിധിയിലെ കുപ്പാടി ഗവ. സ്‌കൂളില്‍ നവീകരിച്ച പ്രീ പ്രൈമറി സ്‌കൂള്‍ ക്ലാസ് മുറി നഗരസഭാ ചെയര്‍മാന്‍ ടി.എല്‍ സാബു ഉദ്ഘാടനം ചെയ്തു. പിടിഎ പ്രസിഡന്റ് കെ.വി മത്തായി അദ്ധ്യക്ഷത വഹിച്ചു. കൗണ്‍സിലര്‍ ടി.കെ രമേശ്, കെ റഷീദ്, ഹെഡ്മാസ്റ്റര്‍ ജയരാജ്, മദര്‍ പി.ടി.എ പ്രസിഡന്റ് കവിത, സീനിയര്‍ അസിസ്റ്റന്റ് സുനിത എന്നിവര്‍ സംസാരിച്ചു. ക്ലാസ് മുറികള്‍ ഛായാചിത്രങ്ങള്‍, ചുമര്‍ ചിത്രങ്ങള്‍ എന്നിവകൊണ്ട് അലങ്കരിച്ചിട്ടുണ്ട്. കുട്ടികളെ ആകര്‍ഷിക്കുന്ന തരത്തിലുള്ള കളിക്കോപ്പുകളും ഫര്‍ണിച്ചറുകളും ഒരുക്കിയാണ് ക്ലാസ് റൂം നവീകരിച്ചിട്ടുള്ളത്.

ജൂണ്‍ 21ന് നടക്കുന്ന അന്താരാഷ്ട്ര യോഗ ദിനത്തോടനുബന്ധിച്ച് ഹൈസ്‌കൂള്‍, ഹയര്‍ സെക്കന്ററി സ്‌കൂള്‍, മറ്റ് വിവിധ സ്ഥാപനങ്ങള്‍ എന്നിവിടങ്ങളില്‍ സ്വയം സന്നദ്ധരായി പരിശീലനം നല്‍കാന്‍ തയ്യാറുള്ളവരില്‍ നിന്ന് അപേക്ഷ ക്ഷണിച്ചു.  അപേക്ഷ തപാലിലൊ നേരിട്ടോ ഭാരതീയ ചികിത്സാ വകുപ്പിന്റെ ജില്ലാ ഓഫീസില്‍ നല്‍കണം.  അവസാന തീയതി ജൂണ്‍ 14. യോഗ്യതാ വിവരങ്ങള്‍ക്കും മറ്റും 9048373701 നമ്പറില്‍ ബന്ധപ്പെടാം.