നാറാണംമൂഴി ഗ്രാമപഞ്ചായത്തിലെ കക്കുടുമണ്‍ മൃഗാശുപത്രിയില്‍ ബി.വി 380 ഇനത്തില്‍പ്പെട്ട കോഴിക്കുഞ്ഞുങ്ങളെ 160രൂപ നിരക്കില്‍ വിതരണം ചെയ്യും. ആവശ്യമുള്ളവര്‍ 15ന് രാവിലെ 10ന് മൃഗാശുപത്രിയില്‍ എത്തണമെന്ന് വെറ്ററിനറി സര്‍ജന്‍ അറിയിച്ചു. ഫോണ്‍: 9947996538.                    (പിഎന്‍പി 1370/19)

പത്തനംതിട്ട എസ്ബിഐ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ കേറ്ററിംഗില്‍ സൗജന്യ പരിശീലനത്തിന് അപേക്ഷിക്കാം. പരിശീലന കാലാവധി 10 ദിവസമാണ്. പ്രായം 18നും 45നും മധ്യേ ആയിരിക്കണം. താത്പര്യമുള്ളവര്‍ 0468 2270244, 2270243 എന്നീ നമ്പരുകളില്‍ ഉടന്‍ രജിസ്റ്റര്‍ ചെയ്യണം.          (പിഎന്‍പി 1369/19)

കെല്‍ട്രോണിന്റെ വഴുതക്കാടുള്ള നോളജ് സെന്ററില്‍ വിവിധ തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. അഡ്വാന്‍സ്ഡ് ഡിപ്ലോമ ഇന്‍ മീഡിയാ ഡിസൈനിംഗ് ആന്റ് ഡിജിറ്റല്‍ ഫിലിം മേക്കിംഗ്, ഡിപ്ലോമ ഇന്‍ ഹാര്‍ഡ്വെയര്‍  ആന്റ് നെറ്റ് വര്‍ക്ക് മെയിന്റനന്‍സ് വിത്ത് ഇഗാഡ്ജറ്റ് ടെക്‌നോളോജീസ്, വെബ് ഡിസൈന്‍ ആന്‍ഡ് ഡെവലെപ്‌മെന്റ്‌സ്, എല്‍ഒറ്റി, പൈതോണ്‍, ജാവ, ഡോറ്റ് നെറ്റ്, പിഎച്ച്പി, ലോജിസ്റ്റിക്‌സ് ആന്‍ഡ്  സപ്ലൈ ചെയിന്‍ മാനേജ്‌മെന്റ് എന്നിവയാണ് കോഴ്‌സുകള്‍.

ശ്രീ സ്വാതി തിരുനാൾ സർക്കാർ സംഗീത കോളേജിലെ വോക്കൽ വിഭാഗത്തിൽ ഒഴിവുളള മൂന്ന് തസ്തികകളിലേക്കും സംസ്‌കൃത വിഭാഗത്തിൽ ഒഴിവുളള ഒരു തസ്തികയിലേക്കും അതിഥി അദ്ധ്യാപകരെ ദിവസ വേതനാടിസ്ഥാനത്തിൽ നിയമിക്കുന്നു. കോളേജ് വിദ്യാഭ്യാസ വകുപ്പ് കൊല്ലം ഡെപ്യൂട്ടി ഡയറക്ടറുടെ ഗസ്റ്റ് ലക്ചറർ പാനലിൽ രജിസ്റ്റർ ചെയ്ത ഉദ്യോഗാർത്ഥികൾക്ക് ജൂൺ 18ന് രാവിലെ 11 മണിക്ക് കോളേജിൽ നടക്കുന്ന അഭിമുഖത്തിൽ പങ്കെടുക്കണം.

രാത്രികാല മൃഗചികിത്സ പദ്ധതിയിലേക്ക് വെറ്ററിനറി ഡോക്ടർമാരെയും ഡോക്ടറുടെ സഹായിയെയും തിരഞ്ഞെടുക്കുന്നതിനുള്ള അഭിമുഖം ജൂൺ 15 ന് തിരുവനന്തപുരം ജില്ലാ മൃഗസംരക്ഷണ ഓഫീസിൽ നടക്കും. യോഗ്യതയുള്ള ഉദ്യോഗാർത്ഥികൾ ബന്ധപ്പെട്ട ബയോഡേറ്റ, സർട്ടിഫിക്കറ്റ് സഹിതം ഹാജരാകണം.
പി.എൻ.എക്സ്.1752/19

തിരുവനന്തപുരം സർക്കാർ സംസ്‌കൃത കോളേജിൽ ഇംഗ്ലീഷ് വിഭാഗത്തിൽ ഗസ്റ്റ് ലക്ചററിന്റെ ഒഴിവുണ്ട്. ഉദ്യോഗാർത്ഥികളുടെ അഭിമുഖം ജൂൺ 14 രാവിലെ 11 ന് പ്രിൻസിപ്പാലിന്റെ ഓഫീസിൽ നടക്കും. കോളേജ് വിദ്യാഭ്യാസ വകുപ്പിന്റെ കൊല്ലം മേഖലാ ഓഫീസിൽ ഗസ്റ്റ് അധ്യാപകരുടെ പാനലിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യോഗ്യത, ജനന തീയതി, മുൻപരിചയം എന്നിവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ സഹിതം ഹാജരാകണം.
പി.എൻ.എക്സ്.1751/19

ലോക ബാലവേല വിരുദ്ധ ദിനാചരണത്തിന്റെ ഭാഗമായി തൊഴില്‍ വകുപ്പിന്റെയും മലപ്പുറം ചൈല്‍ഡ് ലൈനിന്റെയും സംയുക്താഭിമുഖ്യത്തില്‍ ''സുരക്ഷിത ബാല്യം'' എന്ന വിഷയത്തില്‍  ഇന്ന് (ജൂണ്‍ 12) രാവിലെ 10.30-ന് മലപ്പുറം കോട്ടക്കുന്ന് റോഡിലുള്ള വ്യാപാര ഭവനില്‍ ബോധവത്കരണ ക്ലാസ് സംഘടിപ്പിക്കുന്നു.  ഹോട്ടല്‍, വ്യാപാര  മേഖലയുമായി  ബന്ധപ്പെട്ടവര്‍ക്കും  പൊതു ജനങ്ങള്‍ക്കും പങ്കെടുക്കാ വുന്നതാണ്.

ബേപ്പൂര്‍, നടുവട്ടത്തുളള ക്ഷീര വികസന വകുപ്പിന്റെ  പരിശീലന കേന്ദ്രത്തില്‍ സംരംഭകര്‍ക്കും ക്ഷീരസംഘങ്ങള്‍ക്കും ക്ഷീര കര്‍ഷകര്‍ക്കും വേണ്ടി  പത്തു ദിവസത്തെ പാലുല്പന്ന നിര്‍മ്മാണ പരിശീലനം സംഘടിപ്പിക്കുന്നു. ജൂണ്‍ 17 മുതല്‍ 27 വരെയാണ് പരിശീലനം.  പങ്കെടുക്കുവാന്‍ താല്‍പര്യമുളളവര്‍ ജൂണ്‍ 17ന് രാവിലെ 10ന് മുമ്പായി, ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം ക്ഷീര പരിശീലന കേന്ദ്രത്തില്‍ എത്തണം. പരിശീലനാര്‍ത്ഥികള്‍ രജിസ്‌ട്രേഷന്‍ ഫീസായി 135 രൂപ അടയ്ക്കണം. ഫോണ്‍-0495 2414579 .