കോഴിക്കോട് ഗവ. ആര്‍ട്സ് ആന്റ് സയന്‍സ് കോളേജില്‍ അറബിക് വിഭാഗത്തില്‍ അതിഥി അധ്യാപകന്റെ ഒരൊഴിവുണ്ട്. ഉദ്യോഗാര്‍ത്ഥികള്‍ 55 ശതമാനം മാര്‍ക്കോടെ ബിരുദാനന്തര ബിരുദം നേടിയവരും നാഷണല്‍ എലിജിബിലിറ്റി ടെസ്റ്റ് (നെറ്റ്) പാസ്സായവരും കോഴിക്കോട് കോളേജ് വിദ്യാഭ്യാസ വകുപ്പ് ഉപ ഡയക്ടറേറ്റില്‍ തയ്യാറാക്കിയ അതിഥി അദ്ധ്യാപകരുടെ പാനലില്‍ ഉള്‍പ്പെട്ടവരുമായിരിക്കണം. താല്‍പര്യമുളളവര്‍, ജൂണ്‍ 18 ന്  രാവിലെ 10 മണിയ്ക്ക് യോഗ്യത തെളിയിക്കുന്ന അസ്സല്‍ രേഖകള്‍ സഹിതം കൂടിക്കാഴ്ചയ്ക്ക് ഹാജരാകണമെന്ന് പ്രിന്‍സിപ്പല്‍ അറിയിച്ചു.

വിപണിയില്‍ കോഴി ഇറച്ചിയുടെ വില കുറഞ്ഞിട്ടുണ്ട്. താലൂക്കിലെ മിക്കവാറും കടകളിലും കിലോയ്ക്ക് 180 രൂപയാണ് വില. ആയതിനാല്‍ താലൂക്കിലെ മുഴുവന്‍ വ്യാപാരികളും കോഴി ഇറച്ചി (ബ്രോയിലര്‍) നിര്‍ബന്ധമായും കിലോയ്ക്ക് 180 രൂപയ്ക്ക് മാത്രമേ വില്‍പന നടത്താവൂയെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു. കോഴി ഇറച്ചി സ്റ്റാളിലെ ജീവനക്കാര്‍ നിര്‍ബന്ധമായും ഹെല്‍ത്ത് കാര്‍ഡ് ഉള്ളവരായിരിക്കണം. കൂടാതെ ജീവനക്കാര്‍ നിര്‍ബന്ധമായും മാസ്‌ക് ധരിക്കണം.  

കോഴിക്കോട് ജില്ലയിലെ റെഡ് ക്രോസ് റോഡില്‍ മൂന്നാം ലിങ്കില്‍ ജംഗ്ഷന് സമീപം കള്‍വര്‍ട്ട്, ഡ്രെയിനേജ് പ്രവൃത്തി നടക്കുന്നതിനാല്‍ ഇന്ന് (ജൂണ്‍ 16)  മുതല്‍ പ്രവൃത്തി തീരുന്നത് വരെ ഗതാഗതം നിരോധിച്ചതായി പൊതുമരാമത്ത് വകുപ്പ് എക്‌സിക്യൂട്ടീവ് എഞ്ചിനീയര്‍ അറിയിച്ചു. കോഴിക്കോട് ഭാഗത്ത് നിന്നും റെഡ് ക്രോസ് റോഡ് വഴി ബീച്ചിലേക്ക് പോകേണ്ട വാഹനങ്ങള്‍ ചെറൂട്ടി റോഡ് ജംഗ്ഷനില്‍ നിന്നു വലത്തോട്ട് തിരിഞ്ഞ് പി.ടി ഉഷ റോഡ് വഴിയും തിരിച്ചും പോകണം.

കൊയിലാണ്ടി നഗരസഭയുടെ നേതൃത്വത്തില്‍ ഒരുക്കിയ കെ.എസ്.ഇ.ബി ഓഫീസ് നോര്‍ത്ത് പുതിയ കെട്ടിടം കെ. ദാസന്‍ എം.എല്‍.എ ഉദ്ഘാടനം ചെയ്തു. നഗരസഭ ചെയര്‍മാന്‍ അഡ്വ കെ സത്യന്‍ അധ്യക്ഷത വഹിച്ചു. 

കൊയിലാണ്ടി കനറാ ബാങ്കിന് പിന്‍വശം ജുമാമസ്ജിദ് റോഡിലെ ദോഹ ബില്‍ഡിങ്ങിലാണ് 2300 സ്‌ക്വയര്‍ ഫീറ്റില്‍ പുതിയ കെട്ടിടം നിര്‍മ്മിച്ചത്. കെട്ടിടത്തിന്റെ ഭൗതിക സാഹചര്യം ഒരുക്കുന്നതിന് നഗരസഭ നേതൃത്വം കൊടുക്കുകയും ജനകീയമായി വ്യാപാരികളുടെയും വിവിധ സംഘടനളുടെയും സ്ഥാപനങ്ങളുടെയും വ്യക്തികളുടെയും  സഹായത്തോടുകൂടി പണി പൂര്‍ത്തിയാക്കുകയുമായിരുന്നു. 

ആവിപ്പാലം അപ്രോച്ച് റോഡ് നിര്‍മ്മാണ പ്രവൃത്തി കെ ദാസന്‍ എം.എല്‍.എ ഉദ്ഘാടനം ചെയ്തു. തിക്കോടി ഗ്രാമപഞ്ചായത്ത് പ്രസിഡന്റ് രമ ചെറുകുറ്റി അധ്യക്ഷത വഹിച്ചു. സംസ്ഥാന സര്‍ക്കാര്‍ തീരദേശ പുനരുദ്ധാരണ പദ്ധതിയില്‍ 80 ലക്ഷം രൂപ ചെലവഴിച്ചാണ് റോഡ് നിര്‍മ്മാണം. 

നൊച്ചാട് ഗ്രാമപഞ്ചായത്ത് കാര്യാലയത്തിന്റെ പുതിയ കെട്ടിടോദ്ഘാടനം തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിച്ചു. നൊച്ചാട് പഞ്ചായത്ത് പ്രസിഡന്റ് പി.എം കുഞ്ഞിക്കണ്ണന്‍ അധ്യക്ഷത വഹിച്ചു. പേരാമ്പ്ര എം.എല്‍.എയുടെ ആസ്തി വികസന ഫണ്ടില്‍നിന്ന് രണ്ടുകോടി രൂപയും പഞ്ചായത്ത് വിഹിതവുമടക്കം രണ്ടരക്കോടി ചെലവില്‍ മുളിയങ്ങലില്‍ ജലസേചന വകുപ്പ് അനുവദിച്ച 18 സെന്റ് സ്ഥലത്താണ് പുതിയ കെട്ടിടം നിര്‍മ്മിച്ചത്. മൂന്നു നിലകളിയായി 11,625 ചതുരശ്ര അടി വിസ്തീര്‍ണത്തിലാണ് കാര്യാലയത്തിന്റെ നിര്‍മ്മാണം. 

•     ജില്ലയിൽ ഇന്ന് 7 പേർക്ക് കൂടി കോവിഡ് സ്ഥിരീകരിച്ചു. 

•    മെയ് 31 ന് ദുബായ് കൊച്ചി വിമാനത്തിലെത്തിയ 26 വയസ്സുള്ള ആലുവ സ്വദേശിക്കും, ജൂൺ 1ന്‌ അബുദാബി കൊച്ചി വിമാനത്തിലെത്തിയ 57 വയസ്സുള്ള പുത്തൻവേലിക്കര സ്വദേശിക്കും, ജൂൺ 11 ന് ചെന്നൈ കൊച്ചി വിമാനത്തിലെത്തിയ  39 വയസ്സുള്ള ചെന്നൈ സ്വദേശിക്കും, മെയ് 31 ന് നൈജീരിയ കൊച്ചി വിമാനത്തി ലെത്തിയ 40 വയസ്സുള്ള അഹമ്മദാബാദ് സrദശിക്കും, അതേ വിമാനത്തിലെത്തിയ 23 വയസ്സുള്ള മഹാരാഷ്ട്ര സ്വദേശിക്കും, 51 വയസ്സുള്ള തമിഴ്നാട് സ്വദേശിക്കും രോഗം സ്ഥിരീകരിച്ചു.

•     ജില്ലയിൽ ഇന്ന് 7 പേർക്ക് കൂടി കോവിഡ് സ്ഥിരീകരിച്ചു. 

എറണാകുളം: കെ.എസ്.ഇ.ബി ഓഫീസേഴ്സ് അസോസിയേഷൻ എറണാകുളം ജില്ലാ കമ്മിറ്റി വിദ്യാർത്ഥികൾക്കായി 25 ടെലിവിഷനുകൾ കൈമാറി. കളക്ടറേറ്റ് ചേംബറിൽ നടന്ന ചടങ്ങിൽ ജില്ലാ കളക്ടർ എസ്.സു ഹാസ്  ജോൺ ഫെർണാണ്ടസ് എം എൽ എ യിൽ നിന്നും ടെലിവിഷനുകൾ ഏറ്റുവാങ്ങി. അസോസിയേഷൻ സംസ്ഥാന സെക്രട്ടറി സുനിൽ സി.എസ്., ഓർഗനൈസിംഗ് സെക്രട്ടറി ബി.ഹരികുമാർ , സോണൽ സെക്രട്ടറി മുഹമ്മദ് കാസിം, ജില്ലാ സെക്രട്ടറി മനോജ് കുട്ടപ്പൻ, സംസ്ഥാന വൈസ്.പ്രസിഡൻ്റ് മുഹമ്മദ് അലി , ജില്ലാ പ്രസിഡൻ്റ് ഷീബ. പി എന്നിവർ പങ്കെടുത്തു.

എറണാകുളം: പിഴല-മൂലമ്പിള്ളി പാലത്തിന്‍റെ ഉദ്ഘാടനം കോവിഡ് മാനദണ്ഡങ്ങള്‍ പാലിച്ചു ജൂണ്‍ 22ന് വൈകീട്ട് നാല് മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ വെച്ച് നടത്താന്‍ കളക്ടര്‍ എസ് സുഹാസിന്‍റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ പാലത്തിന്‍റെ ഉദ്ഘാടനം നിര്‍വ്വഹിക്കും. ലളിതമായ ചടങ്ങിലായിരിക്കും ഉദ്ഘാടനം നടക്കുന്നത്. തദ്ദേശ സ്വയം ഭരണ വകുപ്പ് മന്ത്രി എ.സി മൊയ്തീന്‍, പൊതുമരാമത്ത് വകുപ്പ് മന്ത്രി ജി സുധാകരന്‍, ഹൈബി ഈഡന്‍ എം.പി , എസ് ശര്‍മ എം.എല്‍.എ, കെ.ജെ മാക്സി എം.എല്‍.എ, കളക്ടര്‍ തുടങ്ങിയവര്‍ ഉദ്ഘാടന ചടങ്ങില്‍ പങ്കെടുക്കും.